Penn ka deklaruar në llogarinë e tij personale në Twitter se “një miliarder mund t’i japë fund kësaj lufte në Ukrainë”, pasi ky miliarder mund të investojë në blerjen e avionëve luftarakë dhe sistemeve të mbrojtjes ajrore për t’ia dhënë Ukrainës.

Konkretisht, ajo që propozon Sean Penn është blerja e “dy skuadroneve F-15 ose 16 (që do të thotë 12 avionë me teknologji më të mirë se MiG rusë) për aviatorët ukrainas”.

Sipas yllit të Hollivudit, një miliarderi ky investim do t’i kushtonte “afërsisht 300 milionë dollarë”.

Penn thekson gjithashtu se me “200 milionë dollarë të tjerë në mbrojtjen raketore” dhe me “disa shpenzime të shtuara për armë dhe mirëmbajtje, lufta mund të përfundojë”.

Vetëm një orë para këtij mesazhi të aktorit, Forcat Ajrore të Ukrainës përdorën gjithashtu llogarinë e saj zyrtare në Twitter për të njoftuar se atyre u duheshin avionë amerikanë F-15 ose F-16 për të “arritur fitoren”.

The post Propozimi i veçantë i Sean Penn për t’i dhënë fund luftës në Ukrainë appeared first on Albeu.com.

Aktori si shumë ukrainas, u detyrua të largohet nga vendi.

Lidhur me largimin e tij, aktori i ka njoftuar miqtë dhe fansat përmes Twitterit.

Ai e ka publikuar edhe një fotografi, në të cilën shihet kolona e automjeteve.

“Unë dhe dy kolegë kemi ecur me kilometra deri në kufirin polak pasi e braktisëm veturën tonë në një anë të rrugës. Pothuajse të gjitha automjetet në këtë fotografi bartin vetëm gra dhe fëmijë, shumica pa asnjë shenjë bagazhi, ndërsa automjeti është e vetmja pronë e tyre me vlerë.”, ka shkruar aktori hollivudian.

Miqtë e fituesit të çmimit Oscar e kanë përgëzuar për largimin e tij, si dhe e kanë mbështetur për ditët që i ka kaluar duke xhiruar një dokumentar për sulmet ruse në Ukrainë.

“Është një gabim brutal i jetëve të marra dhe i zemrave të thyera, ndërsa nëse nuk tërhiqet, besoj se (Vladimir) Putini do të bëjë gabimin më të tmerrshëm për mbarë njerëzimin”, kishte thënë Penn më herët.

The post “Kemi ecur me kilometra”, aktori hollivudian tregon si është larguar në këmbë nga Ukraina appeared first on Albeu.com.