Trajneri i Milanit, Ruben Amorim, ka bërë të qarta synimet e klubit për sezonin, duke vënë theksin te forcimi i fazës mbrojtëse dhe aspiratat për të luftuar për titullin e kampionatit.

Tekniku portugez kërkon që skuadra të rikthejë një nivel të lartë organizimi në prapavijë, të ngjashëm me atë të formacioneve të suksesshme të mëparshme të Milanit.

“Dua një Milan që mbrohet mirë, si Milani i Allegrit vitin e kaluar”, u shpreh Amorim në konferencën për shtyp.

Ai shtoi se objektivi kryesor është triumfi në kampionat, pavarësisht kohës që mund të nevojitet për ta arritur atë: “Qëllimi ynë është të fitojmë kampionatin. Nuk e di sa kohë do të na duhet, por mentaliteti ynë duhet të jetë ky”.

Amorim pranoi gjithashtu se Milani ka ende një diferencë për të rikuperuar në raport me rivalin kryesor, Interin. “Ekziston një hendek midis nesh dhe Interit: duhet të jemi të sinqertë”, deklaroi ai.

Rossonerët do ta hapin sezonin 2026/27 të Serie A nesër, të dielën, në transfertën ndaj Torinos. Ndeshja do të nisë në orën 20:45.

The post Amorim synon titullin e Serie A: “Qëllimi ynë është të fitojmë kampionatin appeared first on Albeu.com.

Juventusi ende nuk e ka mbyllur fushatën e transferimeve dhe drejtuesit e klubit synojnë të realizojnë deri në tri afrime të tjera përpara përfundimit të merkatos së verës.

Skuadra e drejtuar nga Luciano Spalletti ka siguruar deri tani gjashtë lojtarë, ndërsa në ditët e fundit të afatit kalimtar duhet të zgjidhë edhe çështjen e largimeve të mundshme.

Guglielmo Vicario, John Lucumi, Zeki Celik, Jeff Ekhator, Kerim Alajbegovic dhe Randal Kolo Muani janë bërë pjesë e ekipit, ndërkohë që Douglas Luiz është rikthyer pas përfundimit të huazimit te Aston Villa.

Sipas Tuttosport, klubi torinez dhe trajneri Spalletti po shqyrtojnë mundësinë e tre përforcimeve të tjera, me Fikayo Tomorin, Franck Kessien dhe Joshua Zirkzee në krye të listës.

Interesimi për sulmuesin 25-vjeçar të Manchester United, Zirzkee, lidhet drejtpërdrejt me situatën e Jonathan David.

Gazeta italiane raporton se largimi i kanadezit nga Torino do ta shtynte Juventusin të tentonte transferimin e holandezit. Në këtë skenar, Zirkzee mund të largohet nga Old Trafford përmes një huazimi para mbylljes së merkatos.

Franck Kessie mbetet objektivi kryesor për repartin e mesfushës. Futbollisti nga Bregu i Fildishtë është aktualisht i lirë, pasi aventura e tij në futbollin e Arabisë Saudite ka përfunduar, dhe po pret të shohë lëvizjet e Juventusit përpara se të vendosë klubin e ardhshëm.

Për Kessien ka interes edhe nga Al-Ittihad, ndërsa Juventusi e konsideron Youssouf Fofanan, mesfushorin e Milanit, si alternativë. Megjithatë, përpara se të shtojë një tjetër lojtar në atë repart, drejtuesit duhet të krijojnë hapësirë në skuadër.

Në mbrojtje, Fikayo Tomori është rikthyer në listën e mundësive të Juventusit. Qendërmbrojtësi anglez i Milanit kishte qenë më herët në vëmendjen e klubit dhe situata e tij po analizohet sërish në këto ditë të fundit të afatit kalimtar.

Për krahun e majtë po ndiqet gjithashtu David Raum. Mbrojtësi gjerman është pjesë e RB Leipzig dhe shihet si një tjetër alternativë për forcimin e repartit defensiv, i cili këtë verë është përforcuar me Lucumin dhe Celikun.

Vështirësia për të finalizuar afrimet e reja lidhet me nevojën për të sistemuar largimet. Pas Dusan Vlahovic, Lois Openda, Vasilije Adzic, Filip Kostic, Emil Holm dhe Joao Mario, disa futbollistë të tjerë vazhdojnë të jenë pranë largimit nga klubi.

Juan Cabal, Federico Gatti, Daniele Rugani, Arthur Melo, Nico Gonzalez dhe Jonathan David janë ndër emrat, e ardhmja e të cilëve mbetet e paqartë. Pas ardhjes së Vicarios, lëvizje të mundshme janë raportuar edhe rreth Michele Di Gregorio dhe Mattia Perin.

The post Juventusi synon edhe tri përforcime për të hyrë në garën për Scudetto appeared first on Albeu.com.

Kush do ta fitojë sërish titullin e Serie A? Cilat skuadra do të sigurojnë një vend në Ligën e Kampionëve dhe cilat prej ekipeve të sapongjitura rrezikojnë rikthimin në kategorinë e dytë? Përgjigjet vijnë nga superkompjuteri i Opta-s, i cili ka analizuar skenarët e mundshëm për sezonin 2026/27.

Sezoni i ri i kampionatit italian nis më 22 gusht. Interi, kampioni në fuqi, do ta hapë fushatën në San Siro përballë Monzës, e cila sapo është ngjitur në Serie A. Ndërkohë, Como e drejtuar nga Cesc Fabregas do të luajë në transfertë ndaj Udineses.

Parashikimet janë ndërtuar mbi 10,000 simulime të bazuara në të dhëna, të përpunuara nga superkompjuteri i Opta-s, për të vlerësuar ecurinë e mundshme të Serie A 2026/27.

Sipas analizës, Interi shihet përsëri si skuadra kryesore për të triumfuar në kampionat. Zikaltrit kanë 35.1 për qind probabilitet për të fituar Scudetton.

Surpriza më e madhe është Como, që renditet si pretendenti i dytë me 13.6 për qind shanse për titullin. Pas saj vijnë Roma me 12.7 për qind dhe Juventusi me 11.4 për qind.

Në pozicionin e pestë të projeksioneve ndodhet Napoli, me 7.5 për qind mundësi për të dalë kampion. Atalanta renditet e gjashta me 6.8 për qind, ndërsa Milani është vetëm i shtati, me 5.4 për qind shanse për të fituar Serie A.

Sa i përket luftës për mbijetesë, Monza është skuadra që parashikohet të jetë më e rrezikuara, me 42.9 për qind mundësi për rënie nga kategoria. Në të njëjtën situatë pritet të jenë edhe Frosinone me 40.7 për qind dhe Lecce me 34.3 për qind.

Tabela e plotë e parashikimeve të Opta-s

The post Superkompjuteri i Opta-s zbulon favoritët e Serie A për sezonin e ri, surpriza renditet e dyta appeared first on Albeu.com.

Ruben Amorim ka shpalosur synime të mëdha për edicionin e tij të parë në stolin e Milanit, duke kërkuar që Rossonerët të luftojnë si për Scudetton, ashtu edhe për trofeun e Ligës së Evropës.

Trajneri portugez, sipas calciomercato.com, nuk pranoi t’i ulte pritshmëritë, ndonëse ka marrë drejtimin e një skuadre që po kalon nëpër një proces të gjerë rindërtimi.

“Nuk mund të vij këtu dhe të them se nuk mundemi ose se nuk duam ta fitojmë titullin. Duhet bërë shumë punë, pasi kemi një trajner të ri dhe ndryshime në skuadër, por kur përfaqëson një klub të përmasave të Milanit, objektivi duhet të jetë titulli. Prandaj, do të provojmë”, deklaroi fillimisht Amorim.

Ambicia e tij shtrihet edhe në arenën evropiane: “Në Ligën e Evropës duhet të kemi besim dhe ta dëshirojmë fitimin e këtij kompeticioni”.

Megjithatë, portugezi nënvizoi se zhvillimi i projektit nuk mund të jetë i menjëhershëm, ndërsa rikthimin në Ligën e Kampionëve e cilësoi si një çështje themelore për klubin.

“Të gjithë i duan të gjitha dhe i duan menjëherë, por puna e bërë siç duhet kërkon kohë. Unë kam zgjedhur t’i bëj gjërat e duhura në kohën e duhur”, përfundoi trajneri i Milanit.

The post Amorim vendos si objektiva për Milanin Scudetton dhe triumfin në Ligën e Evropës appeared first on Albeu.com.

Në një bisedë të hapur me të përditshmen italiane Gazzetta dello Sport, talenti shqiptar i Milanit, Ardon Jashari, ka ndarë ambiciet për sezonin e ri, bashkëjetesën me legjendën Luka Modric dhe prapaskenat e merkatos së verës.

Jashari synon të kthehet në një element të pazëvendësueshëm te kuqezinjtë, duke luajtur krah fituesit të Topit të Artë, dhe ëndërron të shkëlqejë për klubin që e ka mbështetur prej fëmijërisë. Pas një viti debutues nën pritshmëritë personale, i ndikuar edhe nga konkurenca me kroatun, mesfushori me origjinë zvicerane është i bindur se ardhja e trajnerit Ruben Amorim do të sjellë një kthesë për të.

Për të, objektivi është i qartë: një Milan që dominon si në Serie A, ashtu edhe në Ligën e Evropës, dhe çdo stërvitje është një hap drejt këtij misioni. Largimi nga Milani nuk i ka kaluar asnjëherë nëpër mendje, pikërisht sepse këtu dëshiron të lërë gjurmë. Tani e ka në dorë ta kthejë pasionin e fëmijërisë në realitet.

“Pas angazhimit në Kupën e Botës dhe pushimeve, jam i rimbushur me energji. Kam vetëm pak kohë që jam rikthyer, por besoj se e kam kapur menjëherë idenë e lojës që kërkon Amorimi. Më tërheq futbolli i shpejtë dhe agresiv dhe besoj se e kemi cilësinë për ta zbatuar. Milani duhet të interpretojë këtë filozofi dhe të synojë fitoren,” pohoi Jashari.

Kur u pyet për synimet konkrete, ai nuk la hapësirë për dyshime: “Të fitojmë ndeshje pas ndeshjeje, çdo herë që hyjmë në fushë. Ky është mentaliteti që duhet të na karakterizojë. Nëse ia dalim, do të gjendemi automatikisht në krye të klasifikimit. Por ende nuk ka ardhur momenti për të folur për titullin kampion: duhet të ndërtojmë fillimisht një mendësi fitimtare dhe të kënaqemi duke luajtur. Jam i sigurt që duke i bashkuar këto dy aspekte, do të arrijmë gjithçka që na nevojitet.”

Sa i përket mungesës në Ligën e Kampionëve, 21-vjeçari tregoi qasje pragmatike: “Natyrisht që do të dëshironim të luanim në Champions, ishte qëllimi ynë kryesor, por tani duhet të përqendrohemi totalisht te Evropa Ligë. Të kesh një kalendar të dendur është pozitive për të gjithë dhe ne duhet të jemi të përgatitur fizikisht. Ashtu si në kampionat, edhe në Evropë duam të dalim fitues. Ka një tjetër trofe në lojë dhe do të provojmë. Jemi në dijeni të nivelit të lartë të kundërshtarëve, por fokusi duhet të mbetet vetëm te vetja jonë.”

Duke reflektuar mbi vitin e parë në Itali, ai pranoi se gjërat nuk shkuan sipas planeve: “Ishte sezoni im debutues me Milanin dhe në futbollin italian. Për më tepër, pësova një dëmtim në fibulë dhe minutat ishin të pakta. Kjo nuk ishte ajo që prisja kur firmosa… Tani dua të shfaq potencialin tim të vërtetë, por për ta bërë këtë kam nevojë për hapësira dhe vazhdimësi. Kur të jem në formën time optimale, e di se do t’i bëj tifozët krenarë dhe do të kontribuoj me cilësitë e mia. Shpresoj të gjithë të kënaqemi së bashku.”

Bashkëjetesa me Modricin, larg të qenit pengesë, shihet si një pasuri: “Për mua, Lukita nuk përbën aspak problem. Përkundrazi, rinovimi i tij është një lajm fantastik. Të gjithë duhet të ndihemi krenarë që kemi një kampion të tillë në skuadër. Jashtë fushës kemi një marrëdhënie vërtet të shkëlqyer: shpresoj të kemi më shumë minuta bashkë këtë vit dhe të krijojmë një mirëkuptim perfekt. Sinjalet në pjesën e dytë të ndeshjes së fundit ishin shumë inkurajuese.”

Gjatë Kupës së Botës, zërat e merkatos e lidhën me klube si Juventusi dhe Atalanta, por Jashari e kishte të qartë të ardhmen e tij: “Erdha te Milani një vit më parë duke realizuar një ëndërr, pasi zemra më ka rrahur gjithmonë për kuqezinjtë. Dëshiroja me çdo kusht ta mbaja këtë fanellë dhe të tregoja aftësitë e mia në San Siro. Megjithatë, në futboll lumturia e vërtetë vjen kur luan… Këtë sezon shpresoj të jem në pozitë për të ndihmuar ekipin dhe për të dhënë maksimumin. Jam thellësisht i bindur se klubi ka të njëjtin mendim,” deklaroi ylli i kombëtares shqiptare.

The post Rrëfimi i Jasharit: Planet me Milanin, Modric si frymëzim dhe refuzimi i ofertave të mëdha nga Juventus e Atalanta appeared first on Albeu.com.

Trajneri 47-vjeçar italian ka impresionuar te Nerazzurrët që nga ardhja e tij në qershor 2021, duke i udhëhequr ata drejt dy Kupave të Italisë, tre Superkupave të Italisë, dhe në finalen e Ligës së Kampionëve.

Këtë sezon, klubi më në fund duket në rrugën e duhur për të fituar një Scudetto të 20-të historike, duke fituar yllin e tyre të dytë.

Inzaghi ka arritur ta transformojë Interin në një nga skuadrat më të rrezikshme në futbollin evropian, dhe e ardhmja e tij në klub nuk duket në dyshim, pavarësisht se ka vetëm 18 muaj të mbetur nga kontrata e tij aktuale.

Sipas Gazzetta dello Sport, kontrata e Inzaghit me Interin do të zgjatet automatikisht me një vit nëse klubi fiton Scudetton këtë sezon, por ai gjithashtu mund të shpërblehet me një rritje page për të pasqyruar suksesin e tij.

Trajneri italian ka mbikëqyrur ekipin në 141 ndeshje në krye deri më tani, duke marrë 93 fitore, 24 barazime dhe 24 humbje në të gjitha garat. /Telegrafi/

The post Interi do të shpërblejë Inzaghin në rast se fiton Scudetton këtë sezon appeared first on Albeu.com.

Por te Juve të gjithë e dinë gjithashtu se nga janari do të fillojë një sezon tjetër, të gjithë mendojnë se diçka ka ndryshuar në ditët e fundit dhe fitorja me Interin e konfirmon.

Askush, madje as Juventusi i Max Allegrit, i cili në sezonin 2015/2016, ai që do të përdorej si referencë e vazhdueshme kur mendohej për rikthime të pamundura, nuk ishte 9 pikë larg kreut që mbrohej në atë kohë nga Interi. Duke parë marshimin e Napolit atëherë, ka shumë pak vend për iluzione. Por në janar fillon një histori e re.

Siç ka thënë gjithmonë Max Allegri, mbrojtja më e mirë fiton kampionatet, dhe Juventus aktualisht ka mbrojtjen më të mirë me vetëm 7 gola të pësuar.

Të rinjtë që po shpërthejnë. Miretti dhe Fagioli, dhe rikuperimi përfundimtar i tre emrave të mëdhenj në janar si Di Maria, Chiesa dhe Pogba, i japin Juventusit shpresë për gjysmën e dytë të sezonit. Për momentin është 10 pikë larg, por historia na mëson se asgjë nuk është e pamundur dhe sinjalet e fundit të nisura nga Juventusi i Max Allegrit u japin shpresë tifozëve të Juventusit. /G.D albeu.com/

The post “4 arsyet pse Juventus mund të synojë Scudetton” appeared first on Albeu.com.

Zikaltërit bënë një lojë shumë të mirë në pjesën e parë, por duke shpërdoruar të gjitha shanset e arta për të kaluar të paktën dy herë në avanatazh. Calhanoglu tentoi disa herë nga distanca me disa goditje më të vërtetë të jashtëzakonshme dhe potente, por Szczesney ka qenë i vëmendshëm në të gjithë sfidën. Më pas ishte rasti i Dumfries ku me portën e boshatisur nuk mundi ta dërgonte topin në rrjetë.

Gjithsesi, Ishte Juventus që me dy asistimet e serbit Kostic erdhën golat e Rabiot dhe Fagiolit. Kjo është ndeshja e katërt e madhe e humbur dhe e pesta në total për Interin në Serie A. Në fakt është shqetësuese, duke marrë parasysh se asnjë ekip në Serie A nuk ka mundur të fitojë Scudetton me 5 humbje që në fazën e parë të Serie A./ h.ll/albeu.com

The post Në Itali askush nuk e ka fituar Scudetton me 5 humbje në fazën e parë, Inter tashmë lufton për në top katërshe appeared first on Albeu.com.

“Duhej të shënonim katër gola për të fituar, pasi pësuam tre, të cilat janë shumë. Por e rëndësishme ishte të merrnim pikë sepse tashmë kemi humbur shumë.

A kemi ende si objektiv fitimin e kampionatit? Jo, kemi humbur shumë pikë të rëndësishme, mendojmë vetëm që të qëndrojmë sa më shumë para në tabelë”, është shprehur Lautaro./ h.ll/albeu.com

The post Lautaro pesimist: Scudetto? Nuk mendoj se mund ta fitojmë, kemi humbur shumë pikë appeared first on Albeu.com.

Serie A do dhe pak kohë të startojë dhe në mënyrë direkte dihet që do të kemi një përplasje titanësh këtë sezon.

Tre klubet favorite për ta fituar këtë Scudetto janë Inter, Milan dhe Juventus. Koeficientët e basteve nga ekspertët se cili do të jetë i aftë për të fituar këtë trofe, është Inter dhe më pas Juventus, ndërsa Milan zë vendin e tretë si favorit.

Të treja klubet kanë bërë një merkato të shëndetshme deri më tani në këtë pushim veror, ku të tre kanë përforcuar ekipin e tyre.

Pse Inter?

Inter sezonin e kaluar gaboi në muajin e fundit të kampionatit duke humbur pikë të cilat ishin të lehta në letër për t’u fituar. Gjithsesi, zikaltërit kanë kryer disa përforcime të konsiderueshme këtë merkato verore. Rikthimi Lukakut ishte i bujshëm. Zikaltërit kishin nevojë për një dyshe sulmi më pjellore, edhe pse në përgjithsi në skuadër ata janë të përfshirë pothuajse të gjithë në shënimin e golave. Dyshja Lautaro-Lukaku i ka dhënë rezultatet në dy sezone, atëherë kur Conte ishte trajneri i tyre. Mesfusha është përforcuar, me Kristjan Asllanin  dhe Mkhitaryan të afruar. Lojtari i kombëtares shqiptare u afrua nga Interi me iden se do të ishte një zëvendësues i Brozovic, por në këto ndeshje përgatitore ka treguar vlerat e tij, dhe ka bërë Inzaghin të kuptojë se djaloshi shqiptar është më shumë se një rezervë, është një lider.

Mkhitaryan është një lojtar që do të përdoret për rotacione, por ekpserienca e tij do të nevojitet në fushën e lojës. Më pas kemi Brozovic-Barella-Calhanoglu, një treshe mesfushe me komandant kroatin, të cilët dinë shumë mirë se si të menaxhojnë situatat në fushën e lojës.

Krahët e mesfushës janë dobësuar pak që pas largimit të Perisic. Gosens në të djathtë dhe Dumfries në të majtë mund të jenë titullarët e padiskutueshëm të sezonit, të ndihmuar nga Darmian-Bellanova-Dimarco. Mbrojtja është një mur i vërtetë. Duke konsideruar që nuk do të ndryshojë deri në fund të merkato, Skrinar, De Vrij dhe Bastoni kanë treguar se janë së bashku një repart i egër, teknik dhe sulmues në të njejtën kohë. Portieri titullar mendohet se do të jetë Handanovic, por performanca e Onana në këto miqësore duket se do të lërë në hije eksperiencën e Handanovic. Zikaltërit janë një ekip që di të mbrohet dhe të sulmojë shumë mirë, ka qetësinë e duhur në mbrojtje dhe kontrollin madhështor në mesfushë, dhe një sulm që prodhon më shumë se 30 gola në sezon.

Pse Juventus?

Juventus ka nevojë të ngrejë kokë. Pasi la stafetën e Scudettos, gjërat nuk kanë shkuar mirë për ta.

Këtë merkato, ka realizuar disa goditje të mëdha me emër. Bremer, Di Maria dhe Pogba janë tre afrime të jashtëzakonshme, edhe pse francezi do ta nisë me vones sezonin pas dëmtimit që pësoi. Sulmi i Juves do të jetë me të vërtetë i rrezikshëm për kundërshtarët, me Vlahovic, Di Maria dhe Chiesa, i cili u rikuperua plotësisht nga një dëmtim i rëndë. Kjo treshe besohet se do të jetë pjellore në sasinë e golave të shënuar.

Mesfusha është kompakte dhe fizike, por edhe teknike. Pogba, Zakaria dhe Locatelli pritet të jetë treshja startuese për këtë sezon. Mbrojtja ndoshta nuk është premtuese, por ka brenda agresivitet dhe teknikë. Në të majtë Alex Sandro ose Cambiasso, në qendër dyshja Bremer-Bonucci dhe në të djathtë Cuadrado. Porta dihet që do të ketë gardianin polak, Szczesny.

Pse Milan?

Milan është kthyer në një ekip që beson deri në momentin e fundit. Këtë gjë e tregoi mirë sezonin e kaluar duke sfiduar një Inter të fuqishëm, edhe pse kishte pësuar disa largime të rëndësishme nga ekipi, me Hakimi, Eriksen, Lukaku dhe Conte.

Gjithsesi, Milan ka një ekip të përgatitur për sezonin e ri, dhe me një detyrë të vështirë, të mbrojë titullin kampion. Maignan në portë është siguri totale. Mbrojtja është e bukur, me një katërshe në prapavijë që tregon besim, edhe pse nuk duket aq e fortë sa e Interit. Theo Hernandez-Tomori-Kalulu-Calabria do të jenë gardianët. Mesfusha është e talentuar dhe me një teknikë ndoshta më të mirë nga dy ekipet e tjera rivale.  Tonali, Benanncer, dhe De Ketelaere mund të jetë treshja startuese, dhe një sulm prej Leao-Giroud-Rebic.

Tre ekipet favorite për Scudetto do të përplasion brirët e tyre për të shkuar deri në fund, aq sa për të ngritur trofeun e madh të kampionatit italian. Rruga është shumë e gjatë, pengesa do të ketë pafund dhe gjendja fizike dhe psikologjike e ekipeve do të ketë më shumë rëndësi se sa vet emrat e përveçëm të përmendur./h.ll/albeu.com

The post Inter, Milan apo Juventus? Cili ekip do të jetë i aftë për të fituar Serie A këtë sezon? appeared first on Albeu.com.