Në skenën e fundit të dokumentarit të ri të HBO, Money Electric: The Bitcoin Mystery, krijuesi Cullen Hoback përballet me Todd me teorinë se ai është Satoshi. Gjatë punimeve të tij të kaluara, Hoback zbuloi figurën pas QAnon. Me dokumentarin e fundit ai përpiqet të përsërisë të njëjtën gjë.

“E pranoj, jeni shumë kreativë që krijoni teori të tilla të çmendura,” Todd i thotë Hoback përpara se të refuzonte idenë si qesharake.

“Ju paralajmëroj se kur ky dokumentar të publikohet, do të bëhet qesharak.”

Filmi mbaron në momentin që pretendon se ka demaskuar krijuesin e Bitcoin edhe pse provat e qarta mungojnë. “Nuk jam Satoshi,” thoshte Todd përmes një e-mail-i. “Është një pyetje kote, sepse Satoshi do ta mohonte gjithësesi.”

Gjuetia për krijuesin e Bitcoin ka krijuar hapësirë për një mori Satoshi e në mesin e tyre janë Hal Ginney, njeriu i parë që pranoi një transaksion në bitcoin; Adam Back, dizajner i një teknologjie paraardhëse cituar në hulumtimin e Bitcoin; kriptografi Nick Szabo etj. Gishti gjithnjë drejtohet tek njëri, disa të tjerë pretendojnë vetë se janë Satoshi.

Edhe pse Satoshi ka pasur shumë fytyra, një konsensus nuk është formuar rreth asnjërit.

“Njerëzit kanë dyshuar se kushdo mund të jetë Satoshi,” thoshte Todd në fillim të dokumentarit. “Problemi me këto gjëra është se njerëzit bëjnë lojëra nga më të ndryshmet.”

Në Dhjetor të 2015-ës WIRED dhe Gizmodo drejtuan gishtin nga shkencëtari kompjuterik Craig Wright si Satoshi i mundshëm. Në Mars një gjykatë e lartë Britanike rrëzoi në mënyrë kategorike pretendimet e Craig Wright se është Satoshi.

Shumë ndjekës të Bitcoin e pëlqejnë idenë e identitetit të fshehur të Bitcoin. I lirë nga influenca e themeluesit të tij, Bitcoin ka evoluar nën një sistem anarkik ku opinioni i gjithsecilit ka vlerë. Të gjithë janë Satoshi, askush nuk është Satoshi.

“Dhurata më e madhe e Satoshi ndaj botës është Bitcoin,” shprehej një prej adoptuesve më të hershëm të kriptomonedhës, Jamescon Lopp. “Dhurata e dytë është zhdukja e tij.”

Prova më e fortë e dokumentarit se Todd është krijuesit gjendet tek një forum në Dhjetor të 2010-ës ku Todd përfundon “fjalitë e Satoshit.” Tema e atij diskutimi – dhënia prioritet transaksioneve sipas tarifës së paguar – do të ishte diçka që Todd do të integronte në Bitcoin si një zhvillues kontributor.

Hoback gjithashtu vë në dukje ngjashmëritë në gramatikën dhe sintaksën e përdorur nga Todd dhe Satoshi si dhe koha kur komentet ishin lënë, kryesisht gjarë Verës kur Todd kishte pushime nga shkolla.

Todd është mjaft i njohur në qarqet e Bitcoin për kontributin e tij në kodin bazë si dhe është një zëri i fortë në mbështetje të teknologjisë si formë alternative pagesash.

Në hulumtimin e vitit 2008, të lëshuar nën hijen e kolapsi financiar globale, Satoshi skicoi një vizion për një sistem të ri elektronik të parave të gatshme dhe pagesave peer-to-peer, që do të përjashtonte ndërmjetësuesit financiarë që grumbullonin para.

Në janar 2009, ata dërguan transaksionin e parë të bitcoin. Pak më shumë se dy vjet më vonë, ata u zhdukën nga publiku, duke lënë pas sasi bitcoin – tani me vlerë miliarda – që ka qëndruar e patrazuar që atëherë.

Nëse Satoshi do të rikthehej, Hoback thotë se influenca e tij do të ishte tejet e madhe nisur edhe nga sasia e Bitcoin që ai posedon. Më besnikët e Bitcoin thonë se ka për të zëvendësuar dollarin Amerikan si një monedhë gobale.

Edhe pse refuzon pretendimet, vetë Todd luan rolin edhe të Satoshi përpara kamerës ndërsa përpiqet të bëjë ironi. Nëse është ose jo Satoshi i vërtetë, Todd ndan një këndvështrim se disa sekrete janë më të mirë të qëndrojnë të tilla dhe disa pyetje të mos marrin përgjigje kurrë.

Për të zbuluar Satoshin, ai thotë se do ta ekspozonte përballë rreziqeve personale. Imagjinoni vëmendjen që do të merrte nga pasuria e tij multi-miliardë dollarëshe.

“Satoshi nuk dëshiron që të zbulohet dhe për arsye të forta. Askush nuk duhet të vihet në ndjekje të tij,” shkruante Todd.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut. /PCWorld Albanian

The post Demaskimi i radhës i krijuesit të Bitcoin – Satoshi Nakamoto appeared first on Albeu.com.

Ai u krijua nga Cullen Hoback, një regjisor i cili u bë kryefjalë në vitet e fundit me mini-serialin Q: Into the Storm i cili hodhi dritë mbi origjinën e grupit QAnon.

Bitcoin: HBO do të zbulojë identitetin e Satoshi Nakamoto
Personi që krijoi par excellence kriptomonedhën (ose që kontribuoi në një mënyrë thelbësore për ta bërë këtë) mund të lidhej brenda pak ditësh me një emër dhe një mbiemër, duke i dhënë fund mbi 15 viteve anonimiteti, gjatë të cilave ai fshihej pas një pseudonim.

Është një nga misteret më të mëdha që kanë shënuar dekadat e fundit të fushës teknologjike. Që nga publikimi i letrës së bardhë mbi të cilën bazohet i gjithë projekti Bitcoin, i datës 31 tetor 2008, autori i tij ka fshehur identitetin e tij të vërtetë. Aktiviteti i fundit i konfirmuar i saj daton në vitin 2010.

Gjatë një dekade e gjysmë, janë formuluar hipotezat më të ndryshme. Është një grua. Është Elon Musk. Jo, është japonezi Dorian Nakamoto. Në të vërtetë, është një kolektiv. Ndoshta ka vdekur. Ka edhe nga ata që kanë bërtitur nga çatitë se janë Satoshi Nakamoto, si në rastin e Craig Steven Wright, një shkencëtar kompjuteri dhe sipërmarrës australian që e përsërit atë sikur të ishte një mantra prej vitesh tani.

Wallet e fjetura dhe zgjedhjet presidenciale në SHBA
Koha është kurioze për të thënë të paktën. Nga njëra anë, njoftimi erdhi menjëherë pas vëzhgimit të riaktivizimit të kuletave të shumta që kishin mbetur në gjendje të fjetur që nga viti 2009. Këto, brenda dy javësh, krijuan transaksione BTC me vlerë rreth 15 milionë dollarë. Pasuria e supozuar e lidhur me Satoshi Nakamoto arrin në 66 miliardë dollarë, duke supozuar se ai ka ende çelësat për të marrë në duart e tij BTC-në e akumuluar.

Nga ana tjetër, Shtetet e Bashkuara po i afrohen votimeve për zgjedhjet presidenciale dhe kandidati republikan Donald Trump është shprehur personalisht për këtë temë, duke u shprehur se është një mbështetës krenar i kriptomonedhës, duke përmbysur efektivisht disa nga deklaratat e tij të kaluara. Zbulimi i identitetit të kujtdo që e nisi projektin mund të ketë pasoja edhe në këtë front.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut. /zero1.al

The post Zbulohet identiteti i Satoshi Nakamoto, krijuesit të Bitcoin appeared first on Albeu.com.