Nedim Bajrami pritet të jetë mes emrave më të diskutuar gjatë merkatos së verës, pasi mesfushori i Kombëtares duket se do t’i japë fund aventurës së tij te Rangers.

Sipas raportimit të medias britanike “The Sun”, 27-vjeçari është vënë në shënjestër të klubit arab Al Taawoun. Ky i fundit mësohet se është i gatshëm t’i ofrojë klubit skocez 2.9 milionë euro, ndërsa operacioni parashikohet të realizohet nëpërmjet formulës së huazimit.

Në këto kushte, mundësia e rikthimit të Bajramit te Sassuolo përjashtohet automatikisht. Futbollisti mund të veshë një fanellë tjetër në sezonin e ri, pasi trajneri i Rangers nuk e përfshin më në planet e tij dhe një transferim do të ishte zgjidhje e favorshme për të gjitha palët.

The post Përjashtohet rikthimi i bujshëm, Nedim Bajrami negociohet nga klubi arab appeared first on Albeu.com.

Gjatë merkatos së verës, mesfushori shqiptar Kristjan Asllani mund t’i japë fund aventurës me Interin, teksa një tjetër formacion i elitës së futbollit italian ka hyrë në skenë për kartonin e tij.

Bazuar në informacionet që vijnë nga Italia, Sassuolo ka ndërmarrë hapat e parë duke kontaktuar hierarkinë zikaltër për t’u njohur me termat e një kalimi të mundshëm të lojtarit 24-vjeçar, megjithëse një propozim konkret ende nuk është depozituar.

Me ardhjen e trajnerit Cristian Chivu në krye të pankinës “Nerazzurre”, Asllani nuk bën pjesë në vizionin e teknikut për sezonin e ardhshëm, çka e kthen largimin e tij në një skenar mjaft të besueshëm për muajt në vijim.

Përveç klubit emilian, në garë për shërbimet e tij janë futur edhe Cagliari dhe Besiktas, ndërkohë që drejtuesit e Interit do të shqyrtojnë çdo ofertë që bind kërkesat e tyre ekonomike.

Edicionin e fundit futbollistik, Asllani e zhvilloi i ndarë në dy eksperienca huazimi: pjesën e parë e kaloi te Torino, ndërsa në janar zgjodhi Besiktasin në kërkim të minutazhit më të bollshëm.

Një rikthim në Serie A me fanellën e Sassuolos do t’i garantonte atij jo vetëm vazhdimësinë në kampionatin italian, por edhe një peshë më të madhe brenda formacionit.

Nëse akordi finalizohet, Asllani do të ndante dhomat e zhveshjes me gardianin e përfaqësueses së Kosovës, Arijanet Muric, i cili aktualisht mbron portën e Sassuolos.

The post Lëvizjet e Sassuolos për Asllanin, mesfushori shqiptar pranë ribashkimit me Muric në Serie A appeared first on Albeu.com.

E ardhmja e Kristjan Asllanit mund të vijojë të jetë në Serie A, por fanella e Interit duket se nuk është më pjesë e planeve. Sassuolo e ka futur mesfushorin e Kombëtares shqiptare në listën e objektivave dhe tashmë ka nisur kontaktet e para për të, para se të paraqesë një ofertë zyrtare drejt kampioneve të Italisë.

Në kuadër të rrethanave që e bëjnë të vështirë qëndrimin e Asllanit në Milan për shkak të minutazhit të kufizuar, skuadra nga Emilia-Romagna po përballet me dy zhvillime të rëndësishme. Së fundmi, Ismael Kone ka pësuar një lëndim serioz që do ta largojë nga fushat për një periudhë të gjatë, ndërkohë që Kristian Thorstvedt pritet të ndërrojë ambient.

Për 24-vjeçarin elbasanas, interesim kanë shfaqur edhe Cagliari, ndërsa oferta konkrete mund të vijnë edhe nga tregjet si Arabia Saudite dhe Turqia. Në rast se marrëveshja me Sassuolon finalizohet, Asllani do të bëhej bashkëlojtar me një nga figurat kryesore të Përfaqësueses së Kosovës, portierin Arijanet Muric.

The post Kristjan Asllani në “radarët” e Sassuolos? Mesfushori shqiptar mund të ndajë dhomën e zhveshjes me portierin e Kosovës appeared first on Albeu.com.

Klubi i Laçit ka bërë të ditur afrimin më të fundit në këtë sesion merkatoje, duke siguruar shërbimet e portierit të ri Gabriel Guri në formë huazimi nga Sassuolo. Me këtë lëvizje, ekipi kurbinas forcon dukshëm sektorin e mbrojtjes me një futbollist, rruga profesionale e të cilit premton shumë për të ardhmen.

Talenti 20-vjeçar mbërrin në elitën e futbollit shqiptar pas një eksperience të çmuar formuese në disa prej çerdheve më prestigjioze të kontinentit. Në të kaluarën, ai ka veshur fanellat e skuadrave të moshave të Le Havre U-19, Paris Saint-Germain U-19 dhe Chateauroux U-17.

Operacioni për kalimin e gardianit të ri te Laçi u finalizua falë ndërmjetësimit të agjentit Bernard Kulla. Nëpërmjet një komunikate në platformat sociale, klubi bardhezi i uroi mirëseardhjen lojtarit dhe shprehu bindjen e plotë se ai do të jetë protagonist në një sezon pozitiv nën drejtimin e tyre.

The post Nga akademitë e PSG-së e Sassuolos te Laçi, Gabriel Guri zbarkon në Superiore për një sipërmarrje të re appeared first on Albeu.com.

Suksesi i thellë 6-0 i ekipit të drejtuar nga Jesse Marsch në Vancouver u la në hije nga ngjarja e rëndë që ndodhi në pjesën e dytë, kur Kone pësoi një thyerje të frikshme në këmbë.

Mesfushori i Kanadasë u nxor jashtë fushës me barelë pas një ndërhyrjeje të fortë nga Assim Madibo. Pasi pamjet u shqyrtuan me VAR, arbitri vendosi ta përjashtojë lojtarin e Katarit me karton të kuq, ndërsa më pas ai i kërkoi falje në dhomën e zhveshjes.

Ndonëse ende nuk ka një afat zyrtar për rikthimin e Konés, sipas raportimeve ai mund të qëndrojë jashtë fushave për katër deri në pesë muaj.

Për shkak të këtij dëmtimi, FIFA do të vërë në zbatim Programin e Mbrojtjes së Klubeve (FIFA Club Protection Programme), i cili parashikon mbulimin e kostove për futbollistët që lëndohen aksidentalisht gjatë grumbullimeve me përfaqësueset e tyre.

Kjo skemë nuk mbulon sëmundjet dhe as shpenzimet mjekësore, por përfshin raste të tilla si sulmet në zemër, goditjet në tru dhe dëmtimet e ndodhura në ndeshje, stërvitje apo gjatë udhëtimeve zyrtare me kombëtaren, me kusht që mungesa të zgjasë më shumë se 28 ditë.

Rasti i Konés i përmbush të gjitha kushtet e programit, ndaj Sassuolo do të kompensohet për mungesën e njërit prej lojtarëve të vet gjatë një pjese të madhe të sezonit 2026/27.

Vlera e kompensimit përllogaritet mbi pagën fikse të futbollistit, që raportohet të jetë rreth 26,500 euro në javë. Pa llogaritur bonuset, Kone përfiton afërsisht 3,750 mijë euro në ditë.

Meqë 28 ditët e para nuk përfshihen në skemën e dëmshpërblimit dhe mungesa e tij pritet të shkojë rreth 150 ditë, Sassuolo besohet se do të marrë afërsisht 560,000 mijë euro nga FIFA.

The post FIFA pritet të dëmshpërblejë Sassuolon pas lëndimit të rëndë të Ismael Koné në ndeshjen Kanada-Katar appeared first on Albeu.com.

Situata u ndërlikua akoma më shumë për Milanin kur Tomori mori një karton të dytë të verdhë brenda pak minutash, duke e lënë skuadrën në inferioritet numerik.

Ekipi i Grosso kontrolloi pjesën e mbetur të pjesës së parë dhe dyfishoi epërsinë në fillim të pjesës së dytë: në minutën e 47-të, u luajt një trekëndësh midis Laurienté dhe Thorstvedt, me francezin që gjuajti fuqishëm duke mposhtur Maignan për herë të dytë.

Allegri dështoi të ndryshonte fatin e ndeshjes, madje as me zëvendësime, dhe vendasit siguruan lehtësisht fitoren. Sassuolo tani barazohet me Bologna me 49 pikë, ndërsa Milani mbetet i bllokuar në 67 pikë.

Juventusi tashmë mund ta arrijë ekipin e Allegrit, ndërsa Roma, me një fitore kundër Fiorentinës të hënën në mbrëmje, mund të rikthehet në garën për zonën Champions, vetëm tri pikë pas kuqezinjve.

The post VIDEO/ Sassuolo surprizon Milanin appeared first on Albeu.com.

Në sfidën e fundit përballë Interit, mbrojtësi i Kombëtares shqiptare ishte titullar dhe pati një performancë klasi, të nivelit të lartë.

Këtë e vë në dukje edhe vetë trajneri i Sassuolos, Davide Ballardini i cili shprehet se Kumbulla ka cilësi të jashtëzakonshme.

“Tek Verona ai ka luajtur me formacionin me 3 mbrojtës. Tek Roma, ai u dëmtua, pork a cilësi të rëndësishme fizike dhe e ka treguar se nëse është mirë, është një lojtar i fortë. Është e rëndësishme që të jetë mirë dhe të stërvitet, më pas cilësitë e tij janë mjaftueshëm të dukshme.

Është e rëndësishme të mbash përqendrimin dhe vëmendjen shumë të lartë. Për mendimin tim, pra për mua, cilësia e parë dhe shumë e rëndësishme për një mbrojtës, është vëmendja”, është shprehur trajneri i Sassuolos, Ballardini.

The post “Kumbulla ka cilësi të jashtëzakonshme”, trajneri i Sassuolos: Ja ç’bëri ai përballë Interit appeared first on Albeu.com.

Nga sa vihet re, Ylber Ramadani nuk është grumbulluar për këtë sfidë.

Nuk dihen ende arsyet e këtij vendimi, në një ndeshje të rëndësishme për puljezët.

Kjo është lista e lojtarëve të thirrur nga trajneri i Leces, Luka Goti, në kuadër të ndeshjes që do të luhet kundër Sasuolos:

Portierë: Falcone, Samooja, Brancolini.

Mbrojtës: Baschirotto, Dorgu, Gallo, Gendrey, Pongracic, Touba, Venuti.

Mesfushorët: Berisha, Gonzalez, Blin, Oudin, Rafia.

Sulmues: Krstoviç, Burnete, Piccoli, Pieroti, Sansone.

The post Ndeshja me Sassuolon në transfertë, trajneri i Leçes nuk grumbullon Ylber Ramadanin appeared first on Albeu.com.

Të dy skuadrat nuk kanë siguruar ende matematikisht qëndrimin në Serie A edhe pse formacioni nga Salento duket në pozita më të qeta pasi falë 32 pikëve ndodhet në vendin e 13-të.

Sa i përket Sassuolos, formacioni në fjalë është në vendin e parafundit pasi në 32 javë ka grumbulluar vetëm 26 pikë.

Për këtë ndeshje mendohej se shqiptari i Lecces nuk do të ishte në fushë pasi prej ditës së martë nuk është stërvitur pasi është goditur nga faringiti.

Ditën e sotme mjekët e Lecces kanë programuar një tjetër vizitë për të parë nëse do të udhëtojë me grupin për në Rexho Emilia.

The post Ramadani, gati për “derbin” me shqiptarët e Sassuolos appeared first on Albeu.com.

Pas vetëm katër minutash lojë, vendasit kaluan në epërsi me golin e Pinamontit.

Vetëm gjashtë minuta kaluan dhe Sassuolo shënoi edhe të dytin, tani përmes Lariente për 2-0.

Në minutën e 18-të, Milanit iu anulua një gol për pozicion jashtë loje, të cilën e shënoi Samuel Chukwueze.

Por, dy minuta më vonë, Rafael Leao ngushtoi epërsinë e nikoqirit në 2-1, kur u asistua prej Musah.

Pjesa e dytë ishte po aq dramatike, ndërsa u shënuan edhe dy gola të tjerë.

Lauriente realizoi edhe golin e dytë personal dhe të tretin për skuadrën e tij kur shënoi në minutën e 53-të.

Luka Jovic realizoi për 3-2 pas gjashtë minutave, por që Milani kishte sërish një gol të anuluar për pozicion jashtë loje dhe sërish ishte Chukwueze.

Rossonerëve një pikë ua siguroi Noa Okafor, kur realizoi në minutën e 82-të për 3-3 me një asistim të Mateo Gabbias.

Pas javës së 32-të Milani gjendet në vendin e dytë me 69 pikë, ndërsa në xhiron e 33-të zhvillon derbin lokal me Interin. /Telegrafi/

The post Një pikë dramatike për Milanin si mysafir i Sassuolos appeared first on Albeu.com.