Sa kafe mund të pimë në ditë?

Kafeina është një nga stimuluesit më të vjetër të njerëzimit. Për shkak të efektit që ka në zemër dhe në qarkullimin e gjakut, kur flitet për numrin e kafeve në ditë, fokusi është kryesisht tek efektet e kafeinës në presionin e gjakut dhe ritmin e zemrës.

Nëse gëzoni shëndet të mirë, 4-5 kafe në ditë të shpërndara në orare të ndryshme janë normale. Njerëzit me probleme të tensionit të lartë apo me presionin e gjakut, mund të pinë gjithashtu kafe, por jo në të njëjtën sasi. Mjeku Christian Enlgebert me bazë në Berlin thotë se te njerëzit e shëndetshëm, kafeja ka efekt pozitiv edhe në shëndetin e zemrës: tre studime kanë treguar se ka një përfitim në funksionin e zemrës kur pini kafe për një periudhë të gjatë kohe.

Çfarë ndodh nëse pimë shumë kafe?

Toleranca ndaj kafesë ndryshon në varësi të personave. Nëse jemi intolerantë ndaj kafesë, mund të keni këto efekte anësore:

Aritmi kardiake

Djersitje

Dhimbje koke

Dhimbje gastrike

Megjithatë, nëse pini shumë kafe gjatë ditës, mund të përballeni me këto pasoja:

Aritmi kardiake

Takikardi

Sa kafeinë ka në një filxhan kafe?

Përmbajtja mesatare e kafeinës në pijet me bazë kafeje ndryshon në varësi të përgatitjes, pjekjes dhe cilësisë së kafesë së përdorur.

Kafeja ekspres (një filxhan): 50/80 miligramë

Kafe e përgatitur me moka (një filxhan): 100/120 miligramë

Kafe amerikane (një filxhan i madh): 100/120 miligramë

Kapuçino (një filxhan mesatar): 70/80 miligramë

“Deri në 200 miligramë kafeinë në një dozë nuk krijon probleme shëndetësore”, thotë mjeku Engelbert. Në përgjithësi, nëse jeni me shëndet të mirë, doza ditore e toleruar e kafeinës është 300-400 miligramë.

Përfitimet nga kafeja:

Lehtëson tretjen

Stimulon metabolizmin

Rrit përqendrimin

Stimulon prodhimin e serotoninës dhe dopaminës

Rrit performancën sportive dhe atë në palestër

Falë antioksidantëve, mund të ndihmojë shëndetin e zemrës dhe të parandalojë disa sëmundje kronike

The post Ja si ta kuptoni që po e teproni me kafenë appeared first on Albeu.com.

Sipas psikiatres të Harvardit, Uma Maidoo, është më mirë të pini tre filxhanë kafe në ditë. Sipas një studimi që përfshiu 676 burra të moshuar për rreth 10 vjet, u zbulua se konsumimi i tre kafeve në ditë kishte përfitime të konsiderueshme në aftësitë e tyre njohëse dhe veçanërisht në kujtesë.

Një tjetër studim i madh i Harvardit me 208.501 pjesëmarrës zbuloi se njerëzit që pinin kafe tre herë në ditë jetonin më gjatë, ndërsa ata që nuk pinin fare kafe kishin më shumë gjasa të jetonin më pak.

Kjo ndodh sepse ata që pinë më shumë kafe, të rregullt ose pa kafeinë, kanë shkallë më të ulët të vdekshmërisë, e cila mund të lidhet me nivelet e larta të antioksidantëve dhe përbërësve anti-inflamator që ka kafeja.

Studime të tjera kanë treguar se kafeja mund të mbrojë kundër problemeve kronike shëndetësore, të parandalojë goditjet në tru dhe të mbrojë mëlçinë. 3 filxhanë kafe në ditë përgjithësisht janë shoqëruar me një rrezik të reduktuar të sëmundjeve kardiovaskulare dhe përfundimisht rezulton të jetë një “ilaç” për trurin.

The post As më shumë e as më pak, kjo është sasia ideale e kafesë që duhet të pimë çdo ditë appeared first on Albeu.com.

Kafja mund të jetë rrezik për disa kategori njerëzish siç janë nënat shtatzënë apo fëmijët, të cilët e kanë të ndaluar përdorimin e kafeinës në doza të larta. Një raport i fundit nga IARC vitin e kaluar zbuloi se pijet shumë të nxehta – kafe apo çaj, janë një shkak i mundshëm i kancerit të ezofagut (tubi që shkon nga fyti në stomak).

Ekspertët tërheqin vëmendjen

Ekspertët që nuk kanë qenë të përfshirë në studimet e fundit kërkojnë kujdes në interpretimin e rezultateve.

Studimi evropian përjashtoi njerëzit që ishin të prekur nga kanceri, sëmundjet e zemrës apo diabeti. Për shembull u mor grupmosha mbi 35 vjeç, të cilët gëzojnë shëndet të plotë.

Megjithatë, mes shumë debateve për grupmoshat apo ndikimin që ka kafja tek të sëmurët me zemër, ekspertët bien dakord deri diku në një pikë: duhet shtuar edhe një filxhan i tretë në ditë. David Spiegelhalter, profesor në Universitetin e Kembrixhit, pas studimit në disa kategori, arriti në konkluzionin se njerëzit që e kanë reduktuar kafen gjatë kohës që ishin të përfshirë në studim, kanë shfaqur probleme të ndryshme shëndetësore, por megjithatë nuk ishte në gjendje të provonte shkakun dhe efektin e kafes.

“Një filxhan kafe shtesë çdo ditë mund të zgjasë mesatarisht jetën e një burri për rreth tre muaj dhe jetën e një gruaje për rreth një muaj”,- shton Spiegelhalter pas studimit.

The post Lajme të mira nga ekspertët: Çfarë ndodh nëse pini më shumë se 2 kafe në ditë appeared first on Albeu.com.

Ka gjithmonë vend për pikëpyetje kur duhet të ndajmë se sa kafe na bën mirë të konsumojmë në një ditë. Më poshtë ju sjellim disa nga faktet më interesante rreth konsumit të kafesë sipas “Bright Side”:

Një grup shkencëtarësh nga Gjermania kanë zbuluar se kafeina bën që qelizat në enët tona të gjakut të reagojnë në një mënyrë të caktuar. Përmirëson mënyrën e funksionimit të këtyre qelizave dhe i bën ato të performojnë si ato më të reja. Studiuesit besojnë se sasia optimale e kafesë që na duhet për ta mbajtur zemrën më të re është 4 filxhanë në ditë.

Pirësit e kafesë jetojnë më gjatë?

Gjatë viteve studiuesit kanë vërejtur se pirësit e rregullt të kafesë kanë më pak të ngjarë të preken nga kushte të ndryshme shëndetësore. Lista përfshin sëmundjet e zemrës, goditjet në tru, lëndimet, sëmundjet e frymëmarrjes, infeksionet dhe diabetin. Një studim masiv i 400,000 njerëzve në SH.B.A. zbuloi se njerëzit që pinë kafe çdo ditë kishin më pak të ngjarë të humbnin jetën nga ndonjë shkak sesa njerëzit që ndërpresin kafeinën. Sidoqoftë, nëse shpesh keni gjysmë duzinë gota ose më shumë, shkalla fillon të lëvizë drejt rrezikut.

Njerëzit që pinë rregullisht shumë kafe mund të përgatiten për disa ndërlikime shëndetësore. Pirja e më shumë se 6 ekspresëve çdo ditë mund të rrisë rrezikun e sëmundjes së zemrës deri në 22%, sipas një studimi.

Çfarë e bën kafenë tuaj jo të shëndetshme?

Nëse jeni duke pirë më shumë se 6 filxhanë kafe në ditë, nuk është vetëm kafeina që mund të jetë e dëmshme për shëndetin tuaj. Shumë adhurues të kafesë ngarkojnë pijet e tyre me sheqer duke shtuar kështu kaloritë, të cilat nga ana tjetër mund të çojnë në probleme të ndryshme shëndetësorë. Ndërsa është e vërtetë që sasia e duhur e kafesë së zezë zvogëlon rrezikun e diabetit, duke shtuar ëmbëlsues, krem ​​dhe aromatizues të cilët mund të rrisin nivelet e sheqerit në gjak.

Si të masni marrjen e kafeinës?

Kafeja nuk është burimi i vetëm i kafeinës. Mund të gjendet gjithashtu në çaj dhe disa ushqime të tjera. Ju mund të përdorni llogaritës në internet të kafeinës për të kuptuar se sa konsumoni çdo ditë.

The post Sipas shkencës: Sa filxhanë kafe në ditë i bëjnë mirë shëndetit tuaj appeared first on Albeu.com.