Vuçiç deklaroi për TV Informer se “unë kurrë nuk kam mbajtur pushkë në dorë” dhe njoftoi se do të ngrejë padi kundër mediave që e kanë publikuar këtë, duke shtuar se do t’i angazhojë “avokatët më të mirë në botë”.

Gazetari hulumtues kroat, Domagoj Margetiq, deklaroi të martën se ia ka dorëzuar Prokurorisë në Milano – e cila po udhëheq hetimin për “snajperët e fundjavës” – të dhënat që, sipas tij, tregojnë se Vuçiçi ka marrë pjesë ose ka ndihmuar në “turizmin e snajperëve”, ku thuhet se të huaj të pasur paguanin forcat serbe rreth Sarajevës së rrethuar për të shtënë ndaj civilëve të qytetit.

Vuçiç, në intervistën për TV Informer, tha se “nuk kishte dëgjuar kurrë për një fundjavë” të tillë.

“Por, kjo s’ka rëndësi. Unë nuk kam pasur pushkë; madje kur kam ardhur dhe kam pyetur nëse mund të jem me ju, më thanë ‘djalosh, kthehu, na duhet gazetar dikush që di anglisht’. Historia është aq absurde dhe këtë e dinë të gjithë; kam incizime, dëshmitarë, dhe aty ku thonë se ishte pushka, në fakt ishin këmbët mbajtëse të kamerës që po ia mbaja kameramanit”, tha Vuçiç.

Ai shtoi se do t’i angazhojë “avokatët më të mirë në botë” për t’i paditur mediat si The Guardian, Daily Mail dhe të tjera që kanë raportuar për këtë.

Vuçiç tha se beson se mund të fitojë miliona euro në këto padi.

“Vetëm duhet të shoh si e kanë formuluar, çfarë kanë formuluar, dhe çfarë do të më thonë avokatët”, deklaroi presidenti i Serbisë.

Guardian, në raportin e tij, shkroi se “presidenti i Serbisë po përballet me një kallëzim ligjor në rastin e ‘fundjavës së snajperëve’ në Sarajevë”, duke përcjellë deklaratat se Margetiq ka paraqitur kallëzimin pranë prokurorëve në Milano.

Tabloidi britanik Daily Mail shkroi se “presidenti i Serbisë akuzohet për pjesëmarrje në ‘safari njerëzor’”, gjithashtu duke cituar pretendimet e Margetiqit.

Edhe të enjten, gjatë konferencës rajonale të biznesit mes Mbretërisë së Bashkuar dhe Ballkanit Perëndimor, Vuçiç, duke iu përgjigjur pyetjeve të gazetarëve, hodhi poshtë akuzat për lidhje me “snajperët e fundjavës”.

Mediat italiane raportuan në fillim të tetorit se prokurorët në Milano kanë hapur një hetim ndaj shtetasve italianë që thuhet se u kanë paguar shuma të mëdha parash forcave serbe, në mënyrë që gjatë rrethimit të Sarajevës të mund të ishin “snajperë të fundjavës” dhe të vrisnin qytetarë për argëtim.

Rasti është hapur nga prokurori Alessandro Gobbis, nën akuzat për vrasje me paramendim, të rënduar nga mizoria dhe motive të ulëta.

Akuzat aktualisht janë ngritur kundër personave të panjohur dhe burojnë nga një kallëzim i paraqitur nga gazetari dhe shkrimtari Ezio Gavazzeni, me ndihmën e dy avokatëve dhe ish-gjykatësit Guido Salvini.

Sipas dëshmive të mbledhura në gjithë Italinë veriore, këta “snajperë të fundjavës”, kryesisht ithtarë të ekstremit të djathtë dhe adhurues të armëve, mblidheshin në Trieste dhe pastaj dërgoheshin në kodrat përreth Sarajevës, nga ku mund të shtinin mbi banorët e qytetit të rrethuar pasi i paguanin forcat e serbëve të Bosnjës.

Gjatë pothuajse katër vjetëve të rrethimit të Sarajevës, sipas të dhënave të shoqatave të viktimave dhe vendimeve të gjykatave ndërkombëtare, çdo fëmijë i dhjetë i vrarë në qytet është qëlluar nga snajperët.

Mbi 14.000 fëmijë janë plagosur.

Megjithatë, asnjë snajper nuk është mbajtur përgjegjës penalisht – as para gjykatave në Bosnje, e as para gjykatave ndërkombëtare.

Tribunali i Hagës, në vendimet kundër zyrtarëve më të lartë të Republikës Sërpska, erdhi në përfundim se fushata e snajperëve kishte një qëllim: “terrorizimin e civilëve të Sarajevës”.

Ish-zyrtarja për shtyp e Prokurorisë së Hagës, Florence Hartmann, i tha Radios Evropa e Lirë se Tribunali i Hagës ishte i vetëdijshëm për ekzistencën e “ekspeditave turistike të vdekjes”.

“Ne e dinim për këtë, nuk di as si ta quaj. Nuk dinim si ishte organizuar. Jashtëzakonisht e rëndësishme është që është hapur një hetim gjyqësor dhe duhet të hetohet kush ishin organizatorët”, tha Hartmann./REL

The post Vuçiç i mohon akuzat se kishte lidhje me “safari snajper” në Sarajevë appeared first on Albeu.com.

The post Amer Kapetanoviç, kapiteni i ri i Bashkëpunimit Rajonal appeared first on Albeu.com.

Ky çmim prestigjioz, i paraqitur gjatë ceremonisë së mbylljes thekson jo vetëm triumfin e një regjisori në rritje, por edhe angazhimin e vazhdueshëm të festivalit për të zbuluar dhe nxitur talente të reja në rajon.

“Ne i shprehim urimet tona të përzemërta Nadja-s. Të dëshmosh suksesin e talenteve të rinj nga rajoni ynë, teksa ata fillojnë karrierën premtuese në festivalin më të madh në Evropën Juglindore dhe një nga më të vlerësuarit në Evropë, është sa përmbushëse dhe frymëzuese. Ne presim me padurim arritjet e ardhshme të kësaj regjisoreje, të bindur se shumë çmime të tjera e presin”.

“RCC ka përkrahur vazhdimisht industrinë kreative dhe shkëmbimin kulturor, plotësisht e vetëdijshme se këto sfera rezonojnë thellë me njerëzit e rajonit. Nëpërmjet artit dhe kulturës, ne krijojmë lidhje që kapërcejnë kufijtë, duke nxitur marrëdhënie që shkojnë përtej kujtimeve të thjeshta të një mbrëmjeje, një jave ose një çmimi të vetëm. Këto përpjekje jo vetëm që pasurojnë peizazhin tonë kulturor, por gjithashtu hapin dyert për mundësi të reja pune, duke kontribuar në rritjen e përgjithshme ekonomike”.

Që nga krijimi i tij në 2017, RCC ka sponsorizuar me krenari “Heart of Sarajevo” për filmin më të mirë studentor. Fituesit e mëparshëm të këtij çmimi, janë Anna Gyimesi nga Hungaria për “Falling” (2023); Klara Sovagovic dhe Josip Lukic nga Kroacia për “It’s Not Cold for Mosquitoes” (2022); Alexandru Mironescu nga Rumania për “Summer Planning” (2021); Zeynep Dilan Süren nga Turqia për “The Great Istanbul Depression”(2020); Nikolla Stojanoviq nga Serbia për “Sherbet” (2019); Hajni Kis nga Hungaria për “Last call” (2018); dhe Neven Samardzic nga Bosnja dhe Hercegovina për “Clean” (2017).

Mbështetja e kineastëve të rinj, është vetëm një nga përpjekjet dhe iniciativat e vazhdueshme të RCC për fuqizimin e të rinjve në Ballkanin Perëndimor.

Projekti i Youth Lab i Ballkanit Perëndimor, i udhëhequr nga një ekip profesionistësh të rinj, promovon dhe lehtëson dialogun midis të rinjve dhe politikëbërësve, duke rritur rolin e tyre në vendimmarrje.

Për më tepër, RCC mbështet inovacionin dhe sipërmarrjen përmes konkursit Balkathon, i cili nxit zgjidhjet dixhitale, dhe Çmimin e Inovacionit “Butterfly” i cili manifeston projektet e udhëhequra nga të rinjtë.

Këto aktivizime e përpjekje të RCC, për të përfshirë të rinjtë në shumicën e aktiviteteve të saj rajonale, synojnë të krijojnë mundësi më të mira socio-ekonomike, të reduktojnë ikjen e trurit dhe të ndërtojnë një shoqëri më gjithëpërfshirëse në të gjithë rajonin.

The post “Heart of Sarajevo” për filmin më të mirë studentor shkon për Nadja Petrovic appeared first on Albeu.com.

“Është historia më emocionuese dhe në të vërtetë flet për atë se si drita fiton ndaj errësirës”, tha aktori, shkruan Klix.

Dokumentari i ri rrëfen për skenën muzikore që ka mbijetuar dhe ka lulëzuar në Sarajevën e shkatërruar nga lufta, që kulmon me koncertin legjendar të grupit U2 në kryeqytetin boshnjak.

Gazetarja legjendare dhe qytetare nderi e Sarajevës, Christiane Amanpour, ka bërë të ditur në profilin e saj në Twitter një pjesë nga programi i CNN-së ku e ka ftuar Matt Damonin, që është edhe producent i këtij dokumentari së bashku me Ben Affleck.

If you’re in the U.S., you can catch Kiss the Future in theaters from next week. It’s a wonderful reminder of the power of music and art in even the darkest of circumstances. https://t.co/Ptqfe4WpUM

— Christiane Amanpour (@amanpour) February 13, 2024

Me këtë rast, ajo ka dashur të njoftojë për shfaqjen e parë të dokumentarit në SHBA, filmin e cili është i drejtuar nga Nenad Čičin-Šain. Përndryshe, shfaqja e filmit “Kiss the Future” do të fillojë më 23 shkurt në kinematë në të gjithë ShBA-në.

“Nëse jeni në ShBA, mund ta shikoni ‘Kiss the Future’ në kinematë nga java e ardhshme. Është një kujtesë e mrekullueshme e fuqisë së muzikës dhe artit edhe në rrethanat më të errëta”, ka shkruar në përshkrimin e saj Christiane Amanpour.

Në fillim të bisedës, Damon ka shpjeguar se si i erdhi ideja për të prodhuar filmin mbi Sarajevën. “Historia më u rrëfye dhe e mendova që ishte e mahnitshme. Gjithçka erdhi së bashku me njohjen e regjisorit të filmit Nenad, i cili ka folur për të me pasion”.

“Ai është nga ajo zonë dhe kishte një lidhje personale me tërë historinë. Kuptuam që kemi narratorin e duhur dhe njerëzit e duhur rreth projektit, kështu që iu drejtuam grupit dhe ata na dhanë incizimet nga ajo kohë, të cilat na i dhanë. Ata ishin të shqetësuar sepse nuk donin që të bënim film për ta, por për njerëzit e Sarajevës. Kjo është historia më emocionuese dhe në të vërtetë flet për atë se si drita fiton ndaj errësirës”, ka thënë Matt Damon.

Christiane Amanpour ka përmendur se u takua me Bonon në Sarajevë pas luftës. Ajo, pas një pjesë të shkurtër nga filmi, ka pyetur Damonin për atë që mendon mbi fuqinë e artit në kohët më të këqija. “Kjo është pjesa më e bukur e filmit”.

Vërtet është për njerëzimin dhe në kohët më të errëta ka diçka në atë se si ne shprehemi dhe veprojmë së bashku. Njerëzit mbrëmjeve shkonin në këto koncerte muzikore për të dëgjuar ose për të luajtur. Në film ka një fotografi që tregon një baterist i zhanrit punk rock me dorën e shkatërruar në linjën e frontit, dhe ka një imazh ku ai ka shtyllën ngjitur me dorën e tij.

“Muzika është një akt kundërshtie. Ju mund të na vendosni në rrethana të tmerrshme, por nuk mund të na merrni ‘festën e njerëzimit’, ne jemi të gatshëm të vdesim për këtë. Vërtet është një mesazh i bukur që I dërgohet botës sot dhe prandaj e dëshiruam ta tregonim”, ka shpjeguar ai.

The post Matt Damon flet për dokumentarin i cili do të trajtojë periudhën e luftës në Sarajevë appeared first on Albeu.com.

Kristo gjatë fjalës së saj u shpreh se marrëdhëniet mes dy vendeve janë të mira dhe se pret që të vijojnë të jenë të tilla, ndërsa theksoi se me Ramën ka diskutuar për 14 çështje të rëndësishme për t’ia paraqitur Komisionit Europian.

“Përshëndetje të gjithëve.  Në këtë takim kemi biseduar për marrëdhëniet tona të mira dhe për palnet për të ardhmen sesi duhet të mbajmë marrëdhëniet e mira mes dy shteteve. Ky bashkëpunim duhet të oppërbajë dhe dialogun e përbashkët. Shpresoj dhe në ë ardhmen të kemi bashkëpunim të mirë. Në këtë takim, e iformova Ramën për situatën politike aktuale te ne dhe sesi funksiojnë çështjet e tjera lidhur me politikën te ne. Bashkëpunimi mes dy shteteve duhet të jetë me konsesus dhe dialog dhe shpresoj në të ardhmen të jetë po njësoj. Kemi theksuar 14 cështjet më të rëndësishme për tia paraqitur komisionit europian. Kemi parashikuar 5 cështje që duhet të paraqiten te Këshilli i Ministrave”, tha ajo./albeu.com

The post Kryetarja e Këshillit të Ministrave të Bosnje dhe Hercegovinës: Me Ramën diskutuam çështjet që do t’ia paraqesim Komisionit Europian appeared first on Albeu.com.

Ai është pritur nga kryetarja e Këshillit të Ministrave të Republikës së Bosnje dhe Hercegovinës, Borjana Krišto, ku dhe po zhvillojnë një takim kokë më kokë. Më pas ata do të kenë dhe një takim bilateral me delegacionet dhe pastaj konferencë të përbashkët.

Pas vizitës në Bosnje dhe Hercegovinë, kryeministri Rama do të vijojë turin në Mal të Zi e më pas në Serbi.

Kujtojmë se ditën e djeshme Rama ishte në Maqedoninë e Veriut gjatë paradites ku u takua me homologun Dimitar Kovaçevski.

Më pas udhëtoi drejt Kosovës. Në Prishtinë u prit nga presidentja Vjosa Osmani. Takim Rama zhvilloi dhe me Glauk Konjufcën.

Ndërkohë kryeministri Albin Kurti ia refuzoi ftesën Ramës, duke mos pranuar takim kokë më kokë me të pa u zhvilluar mbledhja mes dy qeverive./albeu.com

The post Rama në Sarajevë, pritet nga kryetarja e Këshillit të Ministrave appeared first on Albeu.com.

Për shkak se nuk e ka specifikuar në cilën gjykatë e ka vendosur bombën, policia po kryen inspektime në të gjitha gjykatat, duke vijuar me Gjykatën Kushtetuese, Supreme, Komunale dhe Kantonale.

The post Alarm për bombë në gjykatat e Sarajevës, evakuuohen punonjësit appeared first on Albeu.com.