“Në 17 gusht 2021, një nga punonjësit e Policisë Bashkiake raportoi se kishte parë një person, i cili ishte futur nga dera e pasme dhe kishte hedhur një shishe me benzinë, duke thyer xhamin e godinës. Dy minuta nga raportimi, zjarrfikësja e Tiranës shuajti zjarrin e asaj që mund të kishte patur fatin e shkollës ‘Kosova’. Më vjen mirë që nga incidenti, që fatmirësisht u shua nga zjarrfikësit në dy minuta, qyteti përftoi një pronë publike, që sa të jetë jeta do të jetë pronë e bashkisë, e qytetit dhe e qytetarëve të Tiranës”, kujtoi Veliaj.

Ai u shpreh i lumtur se një ndërtesë e tillë po transformohet për të përfaqësuar identitetin e Tiranës.

“Çfarë është identiteti? Se ka shumë njerëz që thonë duam identitetin e Tiranës. Përgjigja e saktë është: Varet kë pyet! Se për disa identiteti i Tiranës është shtëpia me puse e caracë dhe më vjen mirë që këtu do të riaktivizohet edhe pusi, edhe caraci. Por, prapë varet kë pyet, se disa të tjerë nuk e lidhin identitetin e Tiranës me pusin, caracin, por e lidhin si ‘Ali Demsa’, ‘Xhamlliksa’, ‘Lapraksa’. Për disa gjëra ne kemi opinione të ndryshme, por nuk mund të kemi fakte të ndryshme. Kur vjen puna për faktet janë të gjitha kokëfortë: Një ndërtesë e tillë përfaqëson identitetin e Tiranës, meritonte të shpronësohej dhe të kalonte në pronësi të Tiranës”, deklaroi Veliaj.

Ai zbuloi se projekti MET (Muzeu Etnografik i Tiranës) do të zhvillohet nga e njëjta studio që realizoi Muzeun Marubi dhe Muzeun e Gjirokastrës.

“MET mund të jetë një emër shumë urban, por MET-i është një shqiptim me ‘slang’ tirons i asaj që mund të jetë kjo ndërtesë në përditshmëri. Unë jam i sigurt se qyteti, ashtu siç i jep një nofkë dikujt – dikë e quan Lali, dikë ndryshe, por i jep një nofkë edhe ndërtesave dhe jam i sigurt se ndërtesa do të njihet me një emër. Sot jam i lumtur që merr udhë më në fund ky projekt, pas një studimi shumë të detajuar dhe një debati shumë të madh për ruajtjen e Tiranës së vjetër,” deklaroi më tej ai.

The post Veliaj prezanton projektin për rijetësimin e Sarajeve: E ruajtëm me fanatizëm nga ata që donin ta shkatërronin appeared first on Albeu.com.

“Me vendim të qeverisë shqiptare, nga sot, ndërtesa e ‘Sarajeve’ është pronë e Bashkisë së Tiranës si muze i qytetit që do evokojë traditën, si edhe historinë diplomatike.

Bashkia Tiranë i paguan 2.5 mln USD pronarëve për ndërtesën monument kulture – një precedent historik”, shkruan Veliaj./albeu.com

The post Veliaj: Nga sot, godina e Sarajeve të Toptanëve është pronë e Bashkisë appeared first on Albeu.com.

Më tej, Margariti tha se hapësira e re që do të ngrihet do të jetë në funskion të artit dhe kulturës.

“Ka përfunduar saga e banesës së toptanajve. Qeveria ka aprovuar shpronësimin e të gjithë pronësisë private të Toptanajve e cila do kalojë në projektin e restaurimit dhe rijetëzimin e kësaj hapësire në Tiranë. Kjo nisëm sot i vë fundin një episodi të gjatë që në mesin e gushtit të këtij viti kaloi dhe në një ngjarje tragjike.

Sot qeveria mori vendimin që kjo sagë të përfundojë me shpronësim. Hapësira që do ngremë është në fuksion të artit dhe kulturës. Godin aka histori që lidhet me banesën karakteristike tiranase. Ka vlera për historinë e saj si një nga hapësirat e para të librit. Sot kemi marrë vendimin që në të ardhmen të në do të përfshijmë një hapësirë tjetër për librin, American library për këtë kemi filluar dhe jemi në tratativa dialogu dhe me qeverinë Amerikane”, tha Margariti./albeu.com

The post Margariti: Shpronësohen “Sarajet e Toptanëve”, hapësira që do ngremë do të jetë në funksion të artit dhe kulturës appeared first on Albeu.com.

Nga shpronësimi, pronarët do të dëmshpërblehen me 178 694 456 lekë.

Shumë politikanë dhe aktivistë shprehen se zjarri i rënë në “Saraje” ka qenë i qëllishëm dhe me urdhër të kryebashkiakut Erion Veliaj, për t’i hapur rrugë ndërtimit të një kulle tjetër

Kërkesa e botuar në Fletoren Zyrtare:

Agjencia Shtetërore për Shpronësimin shpall kërkesën për shpronësim, për interes publik, të pasurive të paluajtshme, pronë private, që prekennga projekti “Restaurimi dhe rijetësimi i ‘Banesa e Toptanasve’, Muzeu Etnografik i Tiranës”.

Subjekti kërkues i këtij projekti është Bashkia Tiranë. Me anë të këtij publikimi kërkojmë të vëmë në dijeni personat e prekur nga ky shpronësim, për pasuritë e paluajtshme, pronë private, të cilët do të kompensohen, sipas vlerësimitparaprak të llogaritur, bazuar në VKM-nënr. 89, datë 3.2.2016, “Për miratimin e hartës së vlerës së tokës në Republikëne Shqipërisë”, për pasuritë e llojit “truall”, si dhe bazuar në VKM-në nr. 138, datë 23.2.2000, “Për kriteret teknike të vlerësimit dhe të përllogaritjes së masës së shpërblimit të pasurive pronëprivate,që shpronësohen, të pasurive që zhvlerësohen dhe të tëdrejtave të personave të tretë, për interes publik”, për pasuritë e llojit “ndërtesë banimi”, konfirmuar me çmim mesatar shitblerjesh nga ASHK-ja, Drejtoria Vendore, Tirana Veri,me shkresën nr. 2482/5 prot.., datë 17.8.2021, sipas tabelës paraprake bashkëlidhur.

Vleratotale paraprake e shpronësimit është 178 694 456 (njëqind e shtatëdhjetë e tetë milionë e gjashtëqind e nëntëdhjetë e katër mijë e katërqind e pesëdhjetë e gjashtë) lekë./albeu.com

The post Po bëhet gati kulla, shpronësohen “Sarajet”, sa lekë marrin pronarët appeared first on Albeu.com.

Me anë të një postimi në rrjetet sociale, ajo ka reaguar për situatën e zjarrëvënies së qëllimshme të mbrëmjes së djeshmë.

Ajo thotë se ndërtesa është shpallur monument kulture në vitin 1973, ndërsa ka treguar me detaje, se për çfarë ka funksionuar ndër vite. Margariti nënvizon se Ministria e Kulturës dënon këtë akt kriminal dhe inkurajon organet kompetente të zbardhin të gjithë të vërtetën.

Gjithashtu ajo shkruan se mbështet nismën e Bashkisë së Tiranës në nismën për ta shndërruar këtë godinë në një objekt kulturor, publik, duke ruajtur vlerat e saj unikale.

Postimi i Elva Margaritit

Dje në mbrëmje u gjend mes flakësh godina e shek. XIX, e njohur si “Sarajet”, në rrugën “Alqi Kondi”.

Për vlerat e saj arkitektonike dhe historike, kjo ndërtesë u shpall në vitin 1973, monument kulture e kat. I

Që në orët e para të ditës së sotme nga ana e Drejtorisë Rajonale të Trashëgimisë Kulturore, Tiranë është bërë kallëzimi pranë Komisariatit të Policisë nr. 1, Tiranë, me dyshimin se bëhet fjalë për një zjarrëvënie të qëllimshme, për të zhvlerësuar godinën dhe tjetërsimin e funksionit të saj.

Kjo godinë, e cila ka kryer funksionin e Bibliotekës së parë Kombëtare ka qenë pronë e shtetit deri në vitin 2000, kur iu kthye ish-pronarëve të saj.

Së fundmi Bashkia Tiranë kishte nisur procedurat e shpronësimit, për ta shndërruar në një institucion kulturor publik.

Parë situatën e krijuar, godina do të shpronësohet me procedurë të përshpejtuar.

Ministria e Kulturës jo vetëm dënon këtë akt kriminal ndaj trashëgimisë kulturore, por inkurajon organet e kompetente të zbardhin ngjarjen dhe të vërë përgjegjësit para përgjegjësisë.

Po ashtu, mbështet Bashkinë e Tiranës në nismën për ta shndërruar këtë godinë në një objekt kulturor, publik, duke ruajtur vlerat e saj unikale.

Falenderojmë për ndërhyrjen e menjëhershme punonjësit e Policisë së Mbrojtjes nga Zjarri dhe për Shpëtim, që luftuan me flakët e zjarrit, punonjësit e Policisë së Shtetit dhe Policisë Bashkiake, Bashkisë së Tiranës, punonjësit e Drejtorisë Rajonale të Trashëgimisë Kulturore, por edhe çdo qytetar të thjeshtë që ka kontriubuar në shuarjen e zjarrit e do të ndihmojnë në zbardhjen e kësaj ngjarjeje të paprecedentë./albeu.com/

The post Margariti: “Sarajet” u dogjën qëllimisht, Bashkia Tiranë do ta shpronësojë godinën me procedurë të përshpejtuar appeared first on Albeu.com.

Kujtojmë se “Sarajet e Toptanit” në qendër të Tiranës u përfshi nga zjarri mesnatën e mbrëmshme. Sipas policisë zjarri ishte i qëllimtë, ndërsa kamerat e sigurisë në zonë kanë kapur autorin, i cili vrapon pasi ka hedhur benzinë.

Shkreli shtoi se prej 15 vitesh ajo ndodhet në konflikt me trashëgimtaret e tjerë për çështjen e pronës së Toptanëve.

“Burri im është trashëgimtar i Zija Toptanit. Kemi 15 vjet që jemi në gjykatë. Ne i disponojmë të gjitha lejet e ndërtimit. E kanë vënë qëllimisht zjarrin trashëgimtarët e Zija Toptanit. Kini kujdes sepse do digjet edhe muzeu etnografik. I vunë zjarr për të ndërtuar pallate. Ne jemi në një konflikt me njëri-tjetrin me Rajmond Toptanin, që babai i tij ka lindur këtu dhe cuditërisht nuk do ta marrim. Kam dyshime, e kanë bërë trashëgimtarët e Zija Toptani me atë të Kosovave, nuk është dorë e shtetit,” thotë ajo.

Ndërkohë, aktivisti Ervin Goci tha gjithashtu për ABC neës se godina është pa kujdes dhe e pa mirëmbajtur. Sipas tij rënia e zjarrit është skenë me projekte nga pas.

“Godina nuk ka një roje. Është pa kujdes e pa mirëmbajtur. I vetmi që kujdeset është një nga pronarët. E kanë ruajtur pronarët. Të arrijë dhe të dalë kryetari i bashkisë dhe flet për këtë. Ç’punë ka, nuk e menaxhon ai këtë. Ky është një projekt që i përket ministrisë së Kulturës. Për mua janë për burg ata që e kanë braktisur. Unë e shoh si një skenë me projekte nga pas. Fakti është që këtu ka projekte për kulla,” u shpreh ai./albeu.com/

The post Zjarri te “Sarajet”, bashkëpronarja: E kanë vënë trashëgimtarët e tjerë për të ndërtuar pallate appeared first on Albeu.com.

Zjarri në ndërtesën e vjetër arkitekturore dyshohet të jetë i qëllimshëm, ndërsa shumë persona kanë shpërthyer në rrjet duke thënë se është me urdhër të kryebashkiakut të  Tiranës Erion Veliaj, për të ndërtuar kulla.

Më poshtë shihni pamjet sesi “Sarajet” përpihen nga flakët menjëherë./albeu.com

The post Për një kullë? Momenti kur “Sarajet” në Tiranë përpihen nga flakët ( VIDEO) appeared first on Albeu.com.

Zjarri në ndërtesën e vjetër me vlera të larta arktitekturore, mendohet të ketë qenë i qëllimshëm, ndërsa tashmë është shuar.

Në lidhje me këtë ngjarje, policia tha se është djegur një lokal në rrugën “Abdi Toptani”.

“Më datë 16.08.2021, rreth orës 23:40, në rrugën “Abdi Toptani”, ka rënë zjarr në një lokal, ku ka vetëm dëme materiale. Grupi hetimor punon për përcaktimin e shkakut të zjarrit,” thuhet në njoftimin e policisë.

Ndërkohë arktekti Titi Seranaj në një postim në rrjete sociale shkruan: “Në orën 24.00 i vihet flaka “SARAJEVE”

Monument Kulture kat I. në qendër të Tiranës së shkretuar tashmë nga talebanët në pushtet..

Nuk kam fjalë…”./albeu.com

The post Gati kulla, i vihet zjarri “Sarajeve” (VIDEO) appeared first on Albeu.com.