E ftuar në emisionin “Të Paekspozuarit” në MCN TV, Mila tha se “e gjithë arena ndërkombëtare është sot pro Shqipërisë”.

“PS dhe Rama nuk e japin dorëheqjen. Shqiptarët na votuan dhe na dhanë 83 mandate për të çuar Shqpërinë në BE. Në kuadër të këtij premtimi, gjithçka po shkon mbarë. Negociatat janë vetëm ditën e nesërme dhe pasnesërme, ku do të mbyllen tre grupkapituj. Shqipëria e mbyll në 2027, pjesën e negociatave.

NATO del dhe thotë takimin dhe samitin tjetër do t’i shtrëngojmë duart ne Tiranë. Gjithë arena ndërkombëtare është sot pro Shqipërisë, që ka problemet e veta, nuk ka patur pak për të arritur deri këtu, por vazhdon me qëllim që është më i pastër se drita e diellit, anëtarësimi në BE, akti më patriotik dhe shqiptar. Të ulet Shqipëria si e barabartë në Bruksel. Të gjtihë tentative e tjera janë dashakeqe”, tha Mila

The post Sara Mila: PS dhe Rama nuk e japin dorëheqjen, gjithçka po shkon mbarë, jemi drejt BE-së appeared first on Albeu.com.

E pyetur nga Ylli Rakipi se përse duhet të paguajë shteti 4.2 mln euro për një koncert privat, Mila tha se duhej ndërhyrja e qeverisë, por paratë nuk janë marrë nga një fond emergjence.

Ylli Rakipi: Koncerti i Kanye West, si e ndihmon Shqipërinë ky koncert?

Sara Mila: Është ngjarje e madhe sa herë Shqipëria dhe Tirana mirëpret një këngëtar të madh. Nuk ka qenë e thjeshtë më parë. Sa i përket Kanye West, nuk dua të merrem personalisht, nuk jam ndonjë fanse e tij personalisht por kur flasim për një artist të këtij kalibri që e kthen Tiranën në një metropol europian dhe hera e parë që ky këngëtar zgjedh një vend të rajonit, është lajm i madh. Shqipëria ka mikpritur 30 mijë turistë të huaj për këtë koncert. Promovimi shkon shumëfish dhe përtej koncertit. Fakti që shkoi shumë mirë dhe pamjet e Tiranës europiane ishin në të gjithë mediat… Për Shqipërinë nuk është vetëm koncerti, por gjithcka që vjen pas koncertit. Koncerti shkoi shumë mirë është ngjarje e madhe për Shqipërinë.

Ylli Rakipi: Kanye West është një personazh kontrovers, koncertet e tij janë anulluar në shumë vende, ka bërë deklarata anti semite dhe pro Hitlerit. Një person i tillë mund të përmirësojë imazhin e vendit tonë?

Sara Mila: Pikërisht për këto që rendite dhe se Shqipëria nuk lëviz qëndrimin e saj as ndaj Izraelit, nuk e ndryshon mendimet dhe qëndrimet personale të një artisti, lejimin apo jo të koncertit, në një vend që duhet të jetë kaq demokratik. Duhet ta mikpresim për artin e tij. Shqiptarët dhe turistët u kënaqën, ai nuk bëri politikë.

Ylli Rakipi: Pse duhet të paguajnë qytetarët shqiptarë 4.2 mln euro, kur kanë dështuar të shiten biletat për një festival privat?

Sara Mila: Duhet të bënte shteti një ndërhyrje. Kam dëgjuar spekulime se janë marrë para nga fondi i emergjencave. Rezervë dhe emergjencë janë dy gjëra të ndryshme. Të qartësojmë shikuesit dhe opinionbërësit. Nuk është prekur asnjë fond emergjence. Ka një fond rezervë që del në tepri nga çfarë u shpërndahet ministrive dhe quhet fond rezervë.

*Ndërhyn aktivistja Vatnikaj

Sara Mila: Me një person që nuk më përshëndet nuk bisedoj fare.

Sidorela Vatnikaj: Një parlament i delegjitimuar, nuk na përfaqëson, nuk e meritoni t’ju përshëndesim.

Sara Mila: Këta të bëjnë matematikë, të shohin sa i ka sjellë mbrapsht Kanye West buxhetit. Kjo histori është dështim i rradhës i PD, pasi qelbi protestën, merren me Kanye West. Shkojnë aty nuk votojnë Shqipërinë në BE.

The post “Pse duhet të paguajnë shqiptarët 4.2 mln euro për koncert privat?”/ Mila: Koncerti i Kanye West, ngjarje e madhe për Shqipërinë appeared first on Albeu.com.

Pjesë nga biseda:

Sara Mila: Kur kam qenë në studion tuaj, ekzaktësisht kam thënë që sipas meje protesta po e humb busullën. Shumë komente nga protestues, apo mbështetës vërshuan drejt meje duke thënë se po ia fusja kot. Por më duhet ta rithem sërish, kjo protestë faktike, e ka humbur busullën. Nisi një lëvizje për një projekt, ku zonat e mbrojtura ishte kryefjalë. Minimalisht do të duhet që në pikat e renditura, nga një përfaqësues që nuk e di si e zgjodhën, duhet të ishte pika e parë, pasi aty nisi gjithçka. Pra sebepi ishte kjo, tani edhe aktivisti aty tha prekje politike.

Edison Lika: Këto janë kërkesa thellësisht politike.

Sara Mila: Pra kemi artikulim se në fakt na qenkërka lëvizje politike dhe ka kaluar nga kërkesa e parë në një organizim politik. Atëherë ejani dhe bëjmë politikë. Ne mund të garojmë në zgjedhje.

Edison Lika: Ku dallon një lëvizje politike nga një lëvizje jo politike?

Sara Mila: Artikuluat disa kërkesa. Mënyra si e bën pyetjen ka të bëjë shumë, sepse nuk është emisioni jot ky. Ki durim dhe të kthej përgjigje.
Është lëvizje politike kur nga 5 kërkesa që ka publikuar kjo iniciativë, kërkesa e parë është jep dorëheqjen, një tjetër për Kodin Zgjedhor, një tjetër për qeverinë teknike. Kjo tashmë është lëvizje politike. Në fjalët e tua e vërtetova. Nëse është lëvizje politike, ejani të bëjmë politikë, por mos i gënjeni shqiptarët për të thënë po mbrojmë zonat e mbrojtura. Kjo është përdorur.

Ylli Rakipi: Rama po merret me disa individë brenda protestës. Njërin prej tyre e akuzon si përfaqësues të interesave të Iranit. Çfarë është kjo strategji për të ndaluar te individët?

***

Edison Lika: Gënjen mi goc, pash zotin, Goxhaj nuk është zëdhënës. Ti përfaqëson një parti që është gjysma në burg.

Sara Mila: Protesta ka humbur busullën dhe jeni mërzitur. Kryeministri nuk merret me protestuesit por me pseudo protesuesit.

Ylli Rakipi: Këtë nuk e caktoni ju.

Sara Mila: E caktojnë vetë ata.

Ylli Rakipi: Pse ka rëndësi kush janë protestuesit? Aty ka mijëra njerëz.

Sara Mila: Nuk mund ta marrë peng një axhendë anti kombëtare.

Ylli Rakipi: Ju duhet të lexoni çfarë kërkohet dhe jo kush e kërkon. Ju po zbërtheni për të thënë kush po i kërkon.

Sara Mila: Elementët anti kombëtarë.

Edison Lika: Duan të gjëjnë gjilpërën në kashtë. Rama e ka humbur busullën. Nuk ju vjen turp të bëni copy paste statuset e Ramës. Ju nuk dini të shkruani.

Sara Mila: 9 muaj më parë kemi marrë 820 mijë vota nga shqiptarët. Nuk ka çfarë busulle të humbasë Edi Rama.

Edison: E patë votimin e europarlamentarëve? Si u votua?

The post “Mos gënje mi goc”, Përplasje e fortë mes aktivistit dhe Sara Milas për protestën appeared first on Albeu.com.

Pas foltoreve të zhvilluara secili në mënyrën e tij, Sali Berisha dhe Ervin Salianji u takuan përballë njëri-tjetrit gjatë mbledhjes.

Burime nga mbledhja bëjnë me dije se ka pasur debate të ashpra mes demokratëve.

Deputetët Blend Himçi dhe Elda Hoti ja thonë në sy Salianjit: “Firmosëm për Endri Shabanin se na e kërkove ti. Na more në telefon dhe na kërkove si nderë që ti japim firmën. Pastaj dole ne TV dhe the dhënia e firmavr ishte gabim”.

Madje deputetët kane informuar Kryesinë se ish-deputeti Salianji përmes Suel Çelës dhe Sara Miles po tenton të organizojë takim në Elbasan, duke e shitur si takim me demokratë./ OraNews

The post Përplasja në PD, Hoti e Himçi i kthehen Salianjit: Firmosëm emrin e Shabanit se na e kërkove ti … Po bën lojë me Sara Milen appeared first on Albeu.com.

Mila në një intervistë për “Shqipëria live” u shpreh se ka zgjedhur që t’i kundërpërgjigjet në Shtatpr kur të hyjë në Kuvend ndërsa tha se antireklama që i bëri PD e shtoi edhe më shumë mbështetjen ndaj saj.

“Mezi po pres shtatorin, sepse është shumë e vështirë kjo hedhja e fjalëve nga larg që opozita bën për mua nga Parlamenti, kur unë nuk jam ende pjesë e Parlamentit, kështu që unë mezi pres shtatorin se do te jemi sy më sy dhe ballë për ballë për të gjitha ato që thonë dhe për të gjitha përgjigjet që pret elektorati im.

Nuk ka qenë e lehtë për mua, teksa hidhej baltë mbi atë që unë dhe familja ime përfaqëson. Numërimi më solli një lloj çlirimi, ndjeva një mirënjohje të thellë për atë që unë arrita.

Dua të them që një pjesë e mirë e demokratëve të Elbasanit, i besuan kandidaturës sime, duke më parë si një figure të re. Non grata-s do t’i përgjigjem në shtator, ata e kanë ndarë mendjen të merren me mua gjatë, unë aty do të jem, do të jetë më e këndshme kur replika të jetë sy më sy”, – u shpreh Mila.

The post Sara Mila i përgjigjet akuzave të Sali Berishës: Mezi pres shtatorin të jemi sy më sy në Kuvend appeared first on Albeu.com.

Berisha theskoi se Sara Mile është shembulli i kësaj, ku rezulton se më 11 maj ajo është njeriu më i preferuar në burgun e Elbasanit.

Ndërsa për vënien nën hetim të kryebashkiakut të Shkodrës Benet Beci tre javë para zgjedhjeve, por që u bë me dije vetëm ditën e djeshme ky fatik, Berisha tha se vendimi vjen pasi e përdorën atë më 11 maj për të vjedhur votat në Shkodër.

Deklarata e Berishës:

Tani tek farsa elektorale. E patë ju, ishte pajisur me dy fletë votimi. Votues me dy fletë votimi. Revolja… e patë besoj, edhe njëherë pozën e fundit. Ja!

Pra, një bandit që futet me gisht në revole. Këtu tani keni një gjë tepër të veçantë.

Është qendra e votimit të burgut të Elbasanit, në të cilën Sara Mile, famozja Sara Mile, është njeriu më i adhuruar në burgun e Elbasanit.

A mund të imagjinoni ju, nga 102 vota të vlefshme, e adhuruara pafundësisht Sara Mile, merr 92 vota.

Dokumenti i votimeve ne Burgun e Elbasanit

Sepse burgun e kontrollon totalisht ata që kontrollojnë Ulsiun dhe Ulsiun e kontrollojnë vetëm bandat.

Shikojeni, princesha e burgut, Sara Mile, çfarë t’i themi.

Po Osman, nuk ke çfarë t’i thuash, kurse Ulsiu i ngarkoi Shullazit 313-ën dhe Shullazi nën terror ka detyruar, Mili i Partisë, të burgosurit të votojnë për kandidatin e partisë.

Ja pra, këto ishin zgjedhjet, farsa. Urdhëroni, princesha e burgut! Siç e shihni, në çdo aspekt, farsa nga alfa tek omega, procesi ishte farsë, farsë dhe vetëm farsë.

Sigurisht që lajmi u mbajt i fshehtë fillimisht nga Arben Kraja, që është bashkëhajdut në këtë rast, bëri gjithçka që kjo çështje të mos mbyllej, por kjo çështje ishte shumë evidente.

Mund të them se e kam denoncuar si fakt në mënyrë të përsëritur, por ajo çka është e vërtetë për Becin, përdoret si limon i shtrydhur dhe flakët. Vodhën së bashku me të dhe e flakin tani.

Foto-Dokumenti: Venia nen hetim e Benet Becit

Kjo është e vërteta. Të kujtohen ty profesorët e Harvardit, i patën botuar mediat. Po mirë, ata marrin kaq, po ne të dy sa do marrim, ne që nuk jemi të Harvardit. Një nga ato.

Për të dalë partitë opozitare më një kandidat, këtë e mbështes plotësisht.

Por që të pretendohet të zgjidhet kryetari i bashkisë së kryeqytetit, një njeri jopolitik, një gjë të tillë nuk e kam dëgjuar ndonjëherë.

Sepse ai të paktën duhet të ketë një program, në të cilin çmonton të gjithë batërdinë bazuar në politikën e narkoshtetit në Tiranë.

Nuk di se ç’nënkuptohet me kandidat apolitik, nuk e kam të qartë, por për një kandidat të përbashkët, plotësisht e drejtë është si sugjerim.

The post Farsa elektorale/ Berisha: Sara Mile, njeriu më i adhuruar në burgun e Elbasanit, Benet Becin e përdorën dhe po e flakin (DOKUMENTI) appeared first on Albeu.com.