Inter Miami po shqyrton mundësinë për të transferuar Neymarin në janar të vitit 2027, një lëvizje që do të mundësonte rikthimin e tij pranë Lionel Messit dhe Luis Suarezit, ish-bashkëlojtarët e tij te Barcelona.

Interesimi i klubit amerikan për yllin brazilian u bë publik fillimisht nga ish-futbollisti Felipe Melo, i cili foli për këtë mundësi përmes kanalit të tij.

Nëse transferimi do të konkretizohej, Neymari do të largohej nga Brazili pas përfundimit të periudhës së tij te Santosi. Pikërisht me këtë klub ai e nisi karrierën dhe riktheu në përdorim fanellën legjendare me numrin 10.

Një kalim te Inter Miami do ta ribashkonte brazilianin me Messin dhe Suarezin, me të cilët formoi në Barcelonë treshen e famshme sulmuese “MSN”. Të tre lojtarët fituan trofe të rëndësishëm dhe lanë gjurmë në një nga periudhat më të suksesshme të historisë së klubit katalanas.

Klubi nga Florida ka ndjekur prej kohësh një politikë të bazuar në afrimin e futbollistëve me famë botërore. Për këtë arsye, transferimi i Neymarit do të përputhej me planin ambicioz të Inter Miamit për ta shndërruar MLS-në në një destinacion të rëndësishëm për legjendat e futbollit.

Megjithatë, deri tani nuk ka një marrëveshje zyrtare. Bëhet fjalë vetëm për një mundësi të raportuar, ndërsa transferimi i Neymarit te Inter Miami mbetet ende i pakonfirmuar.

The post Neymari mund t’i bashkohet Inter Miamit në vitin 2027, ribashkim i mundshëm me Messin dhe Suarezin appeared first on Albeu.com.

Pas daljes së hershme të Brazilit nga Kampionati Botëror i vitit 2026, vëmendja është zhvendosur menjëherë te dilema mbi karrierën e Neymar. Sulmuesi sugjeroi se aventura e tij me përfaqësuesen ka përfunduar, menjëherë pas disfatës kundër Norvegjisë në raundin e 1/8 të finaleve.

Pavarësisht besimit që solli emërimi i trajnerit Carlo Ancelotti, ekipi brazilian dështoi edhe një herë në synimin për të fituar trofeun e gjashtë kampion bote, të cilin e pret prej më shumë se dy dekadash, që nga viti 2002.

E përditshmja spanjolle Marca, duke cituar portalin brazilian Bitbol, shkruan se ylli i futbollit po jeton një nga periudhat më të errëta të rrugëtimit të tij profesional. Pas eliminimit, Neymar u pa i dërrmuar dhe në lot, ndërsa fjalët e tij pas ndeshjes u lexuan gjerësisht si një lamtumirë ndaj fanellës së ekipit kombëtar. “U përpoqa. Gjithçka nisi këtu dhe këtu përfundon. Ka marrë fund,” tha ai, sipas raportimeve të Globo Esporte dhe UOL.

Nëse këto fjalë konfirmohen si vendim përfundimtar, Neymar do të mbyllë rrugëtimin e tij me “Seleção”-n si shënuesi më i mirë në historinë e saj, duke regjistruar 80 gola dhe duke lënë pas vetë legjendën Pelé.

Pasiguria nuk është e pranishme vetëm te kombëtarja. Edhe e ardhmja e tij në nivel klubi është mbuluar nga mjegulla. Kontrata që e lidh Neymarin me Santos skadon në 31 dhjetor të vitit 2026, dhe gazetat braziliane flasin për një lojtar “të rraskapitur nga futbolli”, që po e konsideron seriozisht idenë e pensionimit të hershëm.

Burime pranë lojtarit sugjerojnë se në tavolinë ndodhen tri rrugë të mundshme: e para, të vijojë me Santos deri në fund të marrëveshjes aktuale; e dyta, të shkëpusë kontratën dhe të kërkojë një kampionat me ritëm më pak sfidues; dhe e treta, t’i japë fund përgjithmonë karrierës si futbollist profesionist.

Vitet e fundit, zinxhiri i dëmtimeve e ka penguar seriozisht rikthimin e tij në nivelet më të larta të lojës. Përveç këtyre problemeve fizike, Neymar është vënë në shënjestër të vazhdueshme të kritikëve pas çdo dështimi të Brazilit. Kjo situatë, sipas mediave vendase, ka lënë pasoja të thella në mirëqenien e tij mendore.

Vetë futbollisti e kishte paralajmëruar se çdo vendim për hapat e ardhshëm do të shtyhej pas përfundimit të Botërorit, një deklaratë kjo e bërë muaj më parë në një intervistë për Cazé TV.

Presioni nuk vjen vetëm nga fusha e lojës. Sipas shkrimit të Marca, brenda klubit të Santos ekziston një perceptim i fortë se Neymar po priret drejt tërheqjes, por njëkohësisht ai po ndeshet me rezistencën e të atit, i cili dëshiron që i biri të vijojë aktivitetin për shkak të detyrimeve të shumta kontraktuale me sponsorët. Gjithashtu, zëra nga brenda klubit lënë të kuptohet se lidhjet e tij me bashkëlojtarët dhe hierarkinë drejtuese nuk kanë qenë pa probleme, duke hedhur hije mbi rolin e tij si udhëheqës në dhomat e zhveshjes.

Deri tani, drejtuesit e Santos po mbajnë një qëndrim pritës, duke shmangur çdo veprim derisa lojtari të shpallë publikisht vendimin e tij përfundimtar. Nga ana tjetër, tifozët shpresojnë që një prej figurave më emblematike të futbollit brazilian të paktën të nderojë kontratën, duke e asistuar klubin në sfidat e kampionatit vendas dhe atij kontinental. Pavarësisht se çfarë rruge do të zgjedhë, vendimi që do të marrë Neymar pritet të vulosë mbylljen e një kapitulli të tërë në historinë e futbollit në Brazil dhe më gjerë.

The post E ardhmja e Neymarit në pikëpyetje pas dështimit në Botërorin 2026 appeared first on Albeu.com.

Dalja e parakohshme e Brazilit nga Botërori 2026 e ka vënë sërish në qendër të diskutimeve fatin e Neymarit. Pas disfatës përballë Norvegjisë në raundin e 1/8-ave, ylli brazilian sugjeroi se aventura me përfaqësuesen ka përfunduar.

Megjithë shpresat e ngjallura nga ardhja e trajnerit Carlo Ancelotti, “Seleção” dështoi të thyejë mallkimin dhe të fitojë trofeun e gjashtë, i cili i mungon që prej vitit 2002.

Deklaratat e tij pas takimit u perceptuan menjëherë si një përshëndetje drejt fanellës verdheblu. “U përpoqa. Çdo gjë nisi këtu dhe këtu mbyllet. Ka marrë fund”, tha ai, sipas raportimeve të Globo Esporte dhe UOL. Nëse këto fjalë nuk tërhiqen, Neymar do ta lërë kombëtaren si shënuesi më i mirë në histori, me 80 gola, duke tejkaluar mitin Pelé.

Një raport i gazetës spanjolle Marca, i mbështetur në burime të portalit brazilian Bitbol, nënvizon se Neymar po përjeton një periudhë jashtëzakonisht të rëndë dhe se u shfaq i përlotur në përfundim të sfidës.

Edhe përtej lamtumirës me kombëtaren, dilema të thella shoqërojnë edhe të ardhmen në rang klubesh. Ai është i lidhur me Santos deri më 31 dhjetor 2026, por mediat vendase raportojnë se lojtari është “i rraskapitur nga futbolli” dhe po e konsideron tërheqjen si një alternativë reale.

Aktualisht, braziliani shqyrton tre rrugë: të qëndrojë te Santos derisa kontrata të përfundojë; ta ndërpresë marrëveshjen për t’iu bashkuar një kampionati me nivel më të ulët presioni; ose t’i japë fund përfundimisht aktivitetit si futbollist.

Vitet e fundit, dëmtimet e përsëritura e kanë frenuar të gjejë formën më të lartë, ndërsa kritikat pas dështimeve të Brazilit kanë ndikuar edhe në anën e tij psikologjike. Në një intervistë për Cazé TV disa muaj më parë, Neymar kishte pranuar se e ardhmja do të vendosej vetëm pas Botërorit.

Presionet nuk vijnë vetëm nga fusha e lojës. Sipas Marcës, brenda klubit të Santos ekziston mendimi se Neymar është i prirur drejt pensionimit, por babai i tij ushtron trysni që ai të mos ndalet, për të respektuar kontratat me sponsorët. Disa burime afër ekipit lënë të kuptohet se raportet me shokët dhe zyrtarët nuk kanë qenë gjithnjë harmonike, teksa janë ngritur dyshime për aftësitë e tij drejtuese në dhomat e zhveshjes.

Për momentin, drejtuesit e Santos nuk kanë hedhur asnjë lëvizje konkrete dhe presin verdiktin final të lojtarit. Tifozët ushqejnë ende shpresë se ikona e futbollit brazilian do të mbetet të paktën deri në fund të kontratës, për të kontribuar në garat vendëse dhe kontinentale. Sido që të jetë, vendimi i tij do të vulosë fundin e një epoke, si për futbollin e Brazilit ashtu edhe për atë ndërkombëtar.

The post A po i vjen fundi rrugëtimit të Neymarit në futboll? appeared first on Albeu.com.

Sulmuesi brazilian, i lindur në vitin 1992, ka ndërprerë me konsensus kontratën që e lidhte me klubin saudit deri më 30 qershor 2025 dhe tani është i lirë të gjejë një ekip të ri, i cili me sa duket do të jetë ai në të cilin është rritur, pra Santos.

Neymar nuk ka luajtur që nga 4 nëntori 2024, madje ka luajtur vetëm shtatë ndeshje për Al Hilal, duke regjistruar vetëm një gol dhe tre asistime.

Golashënuesi më i mirë i të gjitha kohërave i kombëtares braziliane, ai kishte pësuar një dëmtim shumë të rëndë në gju më 17 tetor 2023 me Seleçao dhe u kthye në fushë vetëm më 21 tetor 2024.

Pas problemit të ri fizik, Al Hilal e informoi atë se do të qëndronte ende jashtë listës për kampionatin.

The post Neymar prish kontratën me Al Hilalin, rikthimi te Santosi çështje ditësh appeared first on Albeu.com.

Sulmuesi brazilian ishte i pafat te skadra e Al Hilal, teksa u dëmtua në mes të sezonit.

Por pavarësisht kësaj, braziliani po bëhet gati për rikthimin e madh.

32-vjeçari në vitin 2025 do të rikthehet te Santos.

Një vendim ta tillë sipas mediave në Brazil ua ka komunikuar edhe shokëve të tij që luajnë aktualishte te bardhezinjtë.

Kujtojmë se Neymar e ka nisur karrierën te Santos para se të kalonte te Barcelona dhe gjithmonë e ka shprehur dëshirën për të përfunduar karrierën e tij te Santos.

The post Në Brazil janë të sigurtë: Neymar ka gati rikthimin e madh, ua ka komunikuar shokëve appeared first on Albeu.com.

Rruga e Neymar Jr drejt futbollit evropian filloi në Santos, ku ai shënoi 136 gola në 225 ndeshje, përpara se t’i bashkohej Barcelonës, në moshën 21-vjeçare, në vitin 2013.

Reprezentuesi brazilian fitoi tre tituj të ligës, plus Copa Libertadores, përpara se të vendoste të kalonte në Evropë dhe lidhja mbetet e fortë.

Megjithatë, 32-vjeçari përballet me një të ardhme jashtëzakonisht të pasigurt, pasi zgjodhi t’i bashkohet skuadrës së Superligës së Arabisë Saudite, Al Hilal, nga Paris Saint-Germain verën e kaluar.

Neymar është ende në rikuperim pas një dëmtimi të rëndë në gju në muajin tetor, i cili kishte nevojë për operacion dhe presidenti i Santos, Marcelo Teixeira, më parë ka lënë të kuptohet për një rikthim.

Që atëherë, Teixeira i ka dyfishuar ato komente, por ka treguar se situata është ende në zhvillim dhe do të duhet kohë për t’u përfunduar.

“Ai ka një marrëdhënie vlerësimi, respekti dhe mirënjohjeje ndaj Santos. Mendoj se kjo rrugë (për t’u rikthyer) është e pashmangshme”.

“Por, tani për tani unë shoh një zbrazëti në synimin e tij për t’u kthyer në Brazil, pasi shumë gjëra duhet të zhvillohen”, ka thënë Teixeira për Mundo Deportivo.

Neymar është nën kontratë me Al Hilal deri në vitin 2025, dhe ata nuk kanë gjasa ta lirojnë atë para përfundimit të marrëveshjes së tij, për shkak të shpenzimeve të mëdha financiare për ta sjellë atë në Lindjen e Mesme. /Telegrafi/

The post Presidenti i ish-klubit ka besim për rikthimin e Neymarit appeared first on Albeu.com.

Neymar mori famën kur arriti që me fanellën e Santosit të shënojë plotë 136 gola në 225 ndeshje, para se t’i bashkohej Barcelonës në vitin 2013. 32-vjeçari fitoi tre tituj të ligës e po ashtu edhe Copa Libertadores, para se të bëjë kalimin e ‘ëndrrave’ në Evropë.

Pasi iu bashkua Paris Saint-Germainit për një shifër rekord të transferimit në 2017, Neymar dështoi që të fitojë një trofe të Ligës së Kampionëve, pas suksesit që kishte pasur me Barcelonën në 2015.

Ai eventualisht pranoi gjatë verës një kalim në Lindjen e Mesme tek gjiganti arab Al-Hilal, por këtë herë aventura e tij në Arabi u ndërpre nga dy lëndime serioze.

Një lëndim i rëndë në gju në tetor të vitit të kaluar solli nevojën e operimit dhe tashmë Neymar nuk do të paraqitet më këtë sezon, teksa po vazhdon rikuperimin në Riad.

Marrëveshja e tij aktuale me Al-Hilalin skadon në vitin 2015, por Santos janë duke monitoruar me kujdes situatën e tij dhe tashmë presidenti i klubit Marcelo Teixiera, konfirmoi se bisedimet kanë nisur.

“Biseda me Neymarin ishte shumë e shpejtë, por bisedat e shpejta gjithmonë në fund përfundojnë duke pasur një efekt të mirë”, ka thënë Teixieira.

“Të rikthehet dhe të luajë këtu, ai duhet të rikuperohet mirë nga lëndimi. Ai do të vazhdojë eksperiencën e tij në Arabinë Saudite dhe më pas do të rikthehet këtu”, përfundoi Teixieira. /Telegrafi/

The post Aventura e Neymarit në Arabinë Saudite drejt fundit, braziliani afër rikthimit në Brazil appeared first on Albeu.com.

Tifozët, të zemëruar prej rrëzimit nga kategoria të ekipit të zemrës, kanë shpërthyer në revoltë, duke djegur makina dhe autobusë nëpër qytet. Ndërkohë që nuk ka munguar përplasja e dhunshme mes tyre dhe forcave policore. /Panorama

Santos FC — made famous by the late Pelé — were relegated from Brazilian Serie A today for the first time in their 111-year history. The fans have not taken it especially well pic.twitter.com/KNQDwGCYKw

— Tears at La Bombonera (@BomboneraTears) December 7, 2023

The post VIDEO / Santos bie nga kategoria, tifozët djegin qytetin appeared first on Albeu.com.

Në videon e mëposhtme që po bën xhiron e internetit, shihen fytyrat e përlotura të futbollistëve dhe të tifozëve të Santos menjëherë pas pefundimit të ndeshjes.

The moment Santos were relegated for the first time in their 111-year history ? pic.twitter.com/n6HZlzKY9y

— GOAL (@goal) December 7, 2023

Santos është një nga klubet më legjendare të Brazilit, teksa me këtë skuadër janë aktivizuar edhe emra të njohur si Pele, Neymar, Robinho apo së fundmi Rodrygo që aktualisht është pjesë e Real Madrid.

Tashmë, rekordin si skuadrat e vetme që nuk kanë rënë më parë nga kategoria e ruajnë Sao Paolo dhe Flamengo. Nga ana tjetër, Palmeiras u konfirmua ekipi kampion për të dytin sezon me radhë, teksa bëhet fjalë për titullin e 12 në histori. /albeu.com

The post VIDEO / Momenti kur Santos zyrtarisht i thotë “lamtumirë” Serisë A Braziliane appeared first on Albeu.com.

Për herë të parë në historinë e saj 111-vjeçare, klubi brazilian i Santos do të luajë sezonin e ardhshëm në Ligën e Dytë. Santos nuk mundi të fitonte në ndeshjen e fundit të kampionatit duke u mposhtur në shtëpi nga Fortaleza me rezultatin 2-1. Në këtë formë, brazilianët e mbyllën kampionatin në vendin e 17 me vetëm 43 pikë dhe nuk ia dolën të shmangnin rënien një kategori më poshtë.

Santos është një nga klubet më legjendare të Brazilit, teksa me këtë skuadër janë aktivizuar edhe emra të njohur si Pele, Neymar, Robinho apo së fundmi Rodrygo që aktualisht është pjesë e Real Madrid.

Tashmë, rekordin si skuadrat e vetme që nuk kanë rënë më parë nga kategoria e ruajnë Sao Paolo dhe Flamengo. Nga ana tjetër, Palmeiras u konfirmua ekipi kampion për të dytin sezon me radhë, teksa bëhet fjalë për titullin e 12 në histori./albeu.com

The post Për herë të parë në historinë e klubit, ish-klubi i Neymar Jr përfundon në Ligën e Dytë Braziliane appeared first on Albeu.com.