Vendimi përbën një zhvillim pozitiv për juristen italiane, e cila ishte futur në listën e zezë të Departamentit amerikan të Thesarit pas kritikave të forta ndaj Izraelit.

Megjithatë, lajmi erdhi menjëherë pas një tjetër vendimi jo në favor të saj. Këshilli i Parisit rrëzoi propozimin për t’i dhënë Albanese vlerësimin “qytetare e nderit” të kryeqytetit francez.

Propozimi, u hodh poshtë me 76 vota kundër dhe 48 pro.

Heqja e sanksioneve nga SHBA erdhi pas një urdhri gjyqësor. Një njoftim i publikuar në faqen zyrtare të Departamentit të Thesarit konfirmoi largimin e Albanese nga lista e zezë, ku përfshiheshin masa që bllokonin përdorimin e kartave kryesore të kreditit dhe kryerjen e transaksioneve bankare në nivel global.

The post Ishte futur në ‘listën e zezë’, SHBA heq sanksionet ndaj Francesca Albanese appeared first on Albeu.com.

Sipas mediave iraniane, zëdhënësi ushtarak Mohammad Akramian deklaroi se anijet që vijnë nga vende që zbatojnë sanksionet e SHBA-së kundër Teheranit nuk do të lejohen të kalojnë Ngushticën, e cila është një nga korridoret më strategjike detare në botë, përmes së cilës kalon një pjesë e madhe e furnizimit global me naftë dhe gaz, ndaj çdo përshkallëzim në këtë zonë shihet me shqetësim nga tregjet ndërkombëtare dhe fuqitë e mëdha.

Ky paralajmërim vjen në një moment kur Shtetet e Bashkuara po presin përgjigjen e Teheranit ndaj nismës së tyre diplomatike për uljen e tensioneve dhe ndaljen e luftimeve në rajon.

The post Ultimatumi i ri i Iranit për Hormuzin: Anijet nga vendet që zbatojnë sanksionet e SHBA-së nuk do të kalojnë appeared first on Albeu.com.

Për NBC News, Trump u shpreh se arsyeja kryesore e këtij vendimi është stabilizimi i tregut energjetik.

“Dua që të ketë naftë për botën. Dua që të ketë naftë”, tha ai.

Sanksionet ndaj Rusisë, u vendosën në vitin 2022 pas pushtimit të Ukraine nga Moska. Trump theksoi se këto masa do të rikthehen sapo kriza aktuale të përfundojë.

Duke komentuar kritikat e disa liderëve të huaj ndaj këtij vendimi, presidenti amerikan nuk iu përgjigj drejtpërdrejt reagimeve, por kritikoi presidentin ukrainas Volodymyr Zelensky.

“Jam i surprizuar që Zelensky nuk dëshiron të arrijë një marrëveshje. Thuajini Zelenskyt të gjejë një marrëveshje, sepse Vladimir Putin është i gatshëm ta bëjë një të tillë”, u shpreh Trump.

The post Donald Trump: Sanksionet ndaj naftës ruse do të rivendosen sapo të mbarojë kriza appeared first on Albeu.com.

Sipas njoftimit, masa e re do të lejojë shitjen e naftës bruto dhe produkteve të naftës nga Rusia që janë tashmë të ngarkuara në anije, deri më 11 prill.

Sekretari i Thesarit amerikan, Scott Bessent, deklaroi se vendimi synon “të promovojë stabilitetin në tregjet globale të energjisë” dhe të mbajë çmimet sa më të ulëta në një kohë kur, sipas tij, po trajtohet “kërcënimi dhe paqëndrueshmëria e shkaktuar nga regjimi iranian”, raporton Sky News.

Vendimi vjen pasi sulmet e Iranit ndaj infrastrukturës energjetike dhe ndërprerjet në Ngushticën e Hormuzit, një nga rrugët më të rëndësishme të transportit të naftës në botë, kanë shtyrë përkohësisht çmimin e naftës mbi 100 dollarë për fuçi për herë të dytë gjatë kësaj jave.

The post SHBA heq përkohësisht sanksionet ndaj naftës ruse, shkak rritja e çmimeve globale appeared first on Albeu.com.

Znj. Rodriguez, deri vonë nënkryetare e Nicolas Maduros, mori pushtetin në fillim të shkurtit dhe që atëherë ka tentuar një afrim spektakolar me Shtetet e Bashkuara, pas ndërprerjes së marrëdhënieve diplomatike në vitin 2019.

Në këtë kontekst, ajo priti kreun e misionit diplomatik amerikan në Venezuelë, drejtorin e CIA-s, kreun e Shtabit të Përbashkët të SHBA-së për Amerikën Latine dhe Sekretarin e Energjisë të SHBA-së.

“Le të marrin fund bllokada dhe sanksionet kundër Venezuelës”, tha ajo në një fjalim të transmetuar drejtpërdrejt në televizionin publik.

SHBA-të kishin vendosur një embargo ndaj naftës venezueliane në vitin 2019. Megjithatë, në javët e fundit, Departamenti i Thesarit i SHBA-së ka dhënë licenca që u lejojnë disa kompanive shumëkombëshe të operojnë në vendin me rezervat më të mëdha të naftës në botë, në kushte të caktuara.

Që nga rrëzimi i Nicolas Maduros, Uashingtoni e ka bërë të qartë se synon të luajë një rol vendimtar në vendimet e Venezuelës.

Gjatë fjalimit të tij “Gjendja e Kombit” të martën, Donald Trump vlerësoi marrëdhënien me presidentin në detyrë, duke vënë në dukje se SHBA-të kishin marrë më shumë se 80 milionë fuçi naftë nga Venezuela, të cilën ai e përshkroi si “mikun dhe partnerin tonë të ri”.

“President Trump, si miq, si partnerë, ne po përurojmë një program të ri bashkëpunimi me Shtetet e Bashkuara”, theksoi znj. Rodriguez.

Nën presionin e SHBA-së, qeveria e re ka shtyrë përpara reformat në sektorin e naftës, duke e hapur atë për sektorin privat, dhe një ligj amnistie që synon lirimin e të burgosurve që opozita dhe organizatat joqeveritare i përshkruajnë si politikë.

Megjithatë, opozita, organizatat e të drejtave të njeriut dhe të afërmit e të burgosurve ankohen se lirimi po ndodh me një ritëm shumë të ngadaltë.

Sipas organizatës Foro Penal, më shumë se 560 të burgosur politikë janë ende në burg.

The post Rodriguez i bën thirrje Trumpit të heqë bllokadën dhe sanksionet ndaj Venezuelës appeared first on Albeu.com.

Por, këto masa të padrejta ndaj Kosovës, tash me krijimin e draft-asociacionit, po kërkohet që të hiqen nga disa vende të BE-së, dhe nga deputetja më e zëshme e parlamentit britanik, Alicia Kearns.

Madje, ajo ka kërkuar t’u jepet fund masave negative ndaj Kosovës.

“Janë kryesuesit e komisioneve për punë të jashtme në tërë Evropën që kërkojnë t’u jepet fund masave negative që BE në mënyrë të njëanshme ia vendosi Kosovës para disa muajve dhe në thelb ne kërkojmë edhe një herë që të rikthehet drejtësia në proces dhe që BE t’i heqë këto masa negative”, tha deputetja Kearns.

12 shtetet nënshkruese të letrës janë: Belgjika, Bullgaria, Republika Çeke, Kroacia, Danimarka, Estonia, Gjermania, Letonia, Lituania, Irlanda, Italia dhe Britania e Madhe.

“Është jetike që komuniteti ndërkombëtar të refuzojë irredentizmin dhe agresionin dhe të riafirmojë mbështetjen për pavarësinë dhe sovranitetin e Kosovës”, shkruajnë nënshkruesit, duke kërkuar rifillimin e “bashkëpunimit të plotë” me qeverinë e Kosovës.

The post Thirrja e fortë e deputetes britanike për largimin e sanksioneve ndaj Kosovës, analistët kritikë ndaj BE-së – kërkohet ndëshkimi i Serbisë appeared first on Albeu.com.

Tre policë nga Kosova, secili me një kallash, një dylbi dhe një radio, tentuan sot në mesditë të pushtonin Serbinë.

Forcat speciale serbe ndaluan agresorët. Tensionet mbeten të larta.

Beogradi tha se i kishte paralajmëruar partnerët perëndimorë për provokimet që mund të vinin nga Prishtina.

“Nuk është hera e parë që Kosova provokon Serbinë. Në kohën që pritej ulja e tensionit akti i sotëm tregon që Kosova nuk heq dorë nga politika e saj hegjemoniste në rajon dhe edhe njëherë tjetër po e dëshmon veten si “burim destabiliteti”.- tha një burim në ministrinë e jashtme të Serbisë

Zëdhënësi i BE-së tha se “po monitoron me shqetësim situatën e krijuar”. Emisari special i BE-së për bisedimet mes Serbisë dhe Kosovës, Lajçak tha se ishte i keqardhur nga ky akt i beftë i Prishtinës dhe shpreson që akte të tilla të mos përsëriten më.

“Duhet të fokusohemi te dialogu dhe të shohim përpara”. – tha Lajçak.

Një tjetër diplomat perëndimor tha se Kosova duhet të heqë dorë nga provokimet dhe të përqëndrohet te e ardhmja e saj.

“është koha që Prishtina të ndajë mendjen dhe të vendosë se ku e sheh të ardhmen: në BE apo në stepat e Rusisë?”.

Ka ardhur koha që Prishtina të heqë dorë nga hezitimi strategjik, shtoi një diplomat amerikan, dhe të rreshtohet në krah të Perëndimit, të dënojë agresionin rus në Ukrainë dhe ta lerë pas të shkuarën e saj agresive.

BE dhe SHBA kanë paralajmëruar sanksione të ashpra ndaj Prishtinës nëse nuk heq dorë nga aktet provokative ndaj Serbisë.

Një plan me pesë pika në emër të Quintiti do t’i paraqitet zyrtarisht autoriteve në Prishtinë.

Nga Prishtina kërkohet që 1. të mos dërgojë më banditë në jug të Serbisë, 2. Të mos mobilizojë ushtrinë në kufi me Serbinë  3. Të  ndikojë pozitivisht që shqiptarët në Luginën e Preshevës të kthehen në zgjedhje dhe të mos bojkotojnë institucionet. 4. Të arrestojë organizatorët e sulmeve ndaj KFOR-it dhe 5. Të ndërmarrë menjëherë hapa për të ulur tensionin.

Ndaj kryeminsitrit Kurti ka edhe një kërkesë informale: “të mos dalë para ushtrisë i veshur me bluzë ngjyrë kaki si Zelenski.

“Serbia është një demokraci e re, i vetmi vend në rajon që ka një kryeministër të pakorruptuar, dhe historikisht nga vuajtur nga hegjemonia e Kosovës. Enough is enough” tha një diplomat gjerman i frustuar nga provokacionet e përsëritura të Prishtinës.

Ndërkohë diplomatët perëndimorë presin më shumë nga Tirana që të ushtrojë presion ndaj Prishtinës që të moderojë qëndrimin dhe të heqë dorë nga politika e konfliktit dhe provokimeve.

“Tirana, po na zhgënjen, tha një diplomat në kushtet e anonimatit,  mund dhe duhet të duhet të kishte bërë më shumë, dhe është e vonuar me sanksionet ndaj Kosovës”

The post Tirana hezituese me sanksionet ndaj Kosovës! appeared first on Albeu.com.

Uashingtoni i akuzon ata për shkelje të kontrolleve të eksporteve të SHBA-së, që përkthehet në ndihmë për Rusinë.

Sanksionet janë masa më e madhe ndëshkuese e Uashingtonit kundër Turqisë që kur Rusia nisi pushtimin e saj në Ukrainë vitin e kaluar.

NEW: US targets #Russia‘s sanctions evasion with designations on 120+ entities & individuals across 20+ countries. Includes firms based in #Turkey and #UAE. https://t.co/X9ciEkxkz3

— Elizabeth Hagedorn (@ElizHagedorn) April 12, 2023

Masat, të cilat përfshijnë një kompani elektronike me bazë në Turqi dhe një investitor teknologjie që dyshohet se ka ndihmuar transportimin e artikujve “me përdorim të dyfishtë”, janë pjesë e një pakete ndërkombëtare sanksionesh të shpallura nga Departamenti i Thesarit i SHBA kundër më shumë se 120 njësive.

Një zyrtar i administratës amerikane i tha Reuters se sanksionet synojnë entitete dhe persona me bazë në Turqi në sektorët e transportit dhe tregtisë që janë në pronësi ose të lidhur me Rusinë.

Vendet perëndimore zbatuan kontrolle dhe sanksione të eksportit pasi Moska pushtoi gati një vit më pare Ukrainën. Megjithatë, kanalet e furnizimit kanë mbetur të hapura nga Hong Kongu, Turqia dhe qendra të tjera tregtare.

Duke cituar të dhënat e doganave ruse, Reuters raportoi në dhjetor se të paktën 2.6 miliardë dollarë komponentë kompjuterikë dhe pajisje të tjera elektronike u importuan në Rusi në shtatë muaj deri më 31 tetor. Nga këto, të paktën 777 milionë dollarë produkte janë prodhuar nga kompani perëndimore, mikroprocesorët e të cilave janë gjetur në sistemet e armëve ruse./Albeu.com/

The post Lufta në Ukrainë, SHBA sanksionon Turqinë për ndihmën ndaj Rusisë appeared first on Albeu.com.

Sanksionet e forta perëndimore ndaj Rusisë për shkak të pushtimit të Ukrainës kanë ndikuar shumë në ekonominë ruse e cila përtej propagandës së Putinit është në një rënie të shpejtë.

Kompani dhe marka të fuqishme ndërkombëtare janë larguar dhe janë bllokuar shumë operacione bankare, që ka sjellë edhe probleme me papunësinë dhe ekonominë ruse. Ndfikime që priten të jenë më të ndjeshme në fillim të vitit që vjen.

Gjiganti aziatik, Rusia, një nga vendet me pasuri të panumërta natyrore (me të cilat po mban “varur” dhe Bashkimin Europian) sot i ka kthyer sytë nga India dhe Kina për eksporte duke qenë se Perëndimi e ka izoluar totalisht.

Në një kohë që Rusia e ka fokusuar gjithë vëmendjen në Ukrainë, Kina po merr vendin e lënë “bosh” në Azinë Qëndrore.

Analistët shkruajnë se kinezët nuk duan të bëjnë të njëjtin gabim të europianëve duke krijuar varësi energjetike nga Rusia, ndaj lideri kinez nxiti marrëdhënie më të ngushta me me Kazakistanin e pasur me naftë, gjatë udhëtimit të tij në Azinë Qendrore. Kinezët po tregohen të matur në hapat që po hedhin.

Vetëm pas kësaj vizite zyrtare, lideri kinez u takua me presidentin rus Vladimir Putin në Samarkand të Uzbekistanit. Kina është blerëse e madhe e naftës dhe gazit rus por po tregohet e matur me aleatin aziatik.

Europa ndërkohë, ku Putini shpresonte që ta përdorte si armë energjitikën, është bashkuar në politikat e saj dhe ka ndikuar në uljen e çmimit të gazit dhe naftës në nivel ndërkombëtar.

Strategjia ekonomike e Putinit është në vështirësi.

The post E varur nga Kina? Rusia “në nevojë” prej sanksioneve perëndimore appeared first on Albeu.com.

Ajo tha se Suedia është e gatshme të miratojë paketa të reja sanksionesh kundër Rusisë. Duke komentuar nëse kjo mund të bëhet para pushimeve verore, ajo shtoi se në Bashkimin Europian ka mendime të ndryshme për këtë çështje. Andersson theksoi rëndësinë e zbatimit të plotë të këtyre sanksioneve, në mënyrë që të mos kishte boshllëqe për t’i kundërshtuar ato.

Ajo vuri në dukje se Suedia është e gatshme të përfshijë një embargo për blerjen e gazit natyror nga Rusia në paketën e shtatë të sanksioneve. Andersson shtoi se Suedia nuk varet nga gazi rus, ndërsa vendet e tjera kanë rrethana të ndryshme./albeu.com

The post Paketa e 7 e sanksioneve ndaj Rusisë, Kryeministrja suedeze: BE nuk ka rënë ende dakord appeared first on Albeu.com.