Gjermania ka ngrirë 5.25 miliardë euro asete që u takojnë oligarkëve rusë që janë sanksionuar që kur Rusia nisi pushtimin e Ukrainës një vit më parë, thuhet në të dhënat e Ministrisë gjermane të Financave, raporton Reuters.

Kjo shifër është 4.28 miliardë euro gjashtë muaj më parë. Ministria ndau këto informacione në përgjigje të një kërkese nga anëtari i Parlamentit gjerman, Christian Goerke.

“Që nga dhjetori [i vitit 2022] vetëm 200 milionë euro asete të oligarkëve janë ngrirë, dhe brenda gjysmë viti vetëm një miliard. Asnjë oligark nuk ka raportuar asetet e tij që nga dhjetori”, kritikoi Goerke.

Sipas ligjit gjerman të sanksioneve, personat e shënjestruar nga sanksionet e Bashkimit Evropian duhet të deklarojnë menjëherë asetet e tyre. Nëse nuk e bëjnë këtë, ata mund të përballen me gjobë apo deri në një vit burgim.

Deri më tani, tetë oligarkë kanë raportuar 31 asete në Bundesbank, thuhet në të dhënat e Qeverisë gjermane. Vlera e këtyre aseteve është e barasvlershme me 577 milionë euro. Në këto asete bëjnë pjesë llogari bankare, kompani dhe letra me vlerë.

Që kur Rusia nisi pushtimin e paprovokuar të Ukrainës më 24 shkurt 2022, Bashkimi Evropian, Shtetet e Bashkuara dhe shtete të tjera kanë vendosur sanksione të ashpra ndaj Rusisë dhe oligarkëve dhe kompanive ruse./REL

The post Analiza e REL: Gjermania me përparim të ngadaltë në zbatimin e sanksioneve kundër oligarkëve appeared first on Albeu.com.

Vendet iu afruan një marrëveshjeje në negociatat e së mërkurës, por Polonia dhe disa vende të tjera kanë ende kundërshtime, tha një diplomat i BE për Reuters, duke shtuar se një draft i ri pritej të qarkullonte të enjten në mbrëmje.

Sanksionet e reja ndaj Moskës janë penguar nga mosmarrëveshja nëse BE-ja duhet ta lehtësojë kalimin e eksporteve ruse të plehrave nëpër portet evropiane, edhe në rastin kur kompanitë e plehrave janë në pronësi të oligarkëve të listës së zezë, shkruan The Guardian.

Disa thonë se kufizimet e BE-së përbëjnë një kërcënim për sigurinë ushqimore për vendet në zhvillim, ndërsa të tjerë argumentojnë se lehtësimi i tyre do të lejonte oligarkët rusë që zotërojnë biznese plehrash të shmangin sanksionet e BE-së kundër tyre, transmeton abcnews.al.

Një diplomat i BE-së tha se Polonia dhe shtetet baltike po u thonë vendeve të tjera se po mashtrojnë veten nëse mendojnë se lehtësimi i kufizimeve për plehrat ruse nuk do të abuzohet si një shteg për oligarkët.

Disa shtete anëtare duan që Programi Botëror i Ushqimit të përfshihet në autorizimin për eksportet e plehrave në vendet që kanë nevojë për të.

The post BE nuk arrin marrëveshje, nuk ka paketë të nëntë të sanksioneve për Rusinë appeared first on Albeu.com.

Deputetët e saj kanë miratuar rezolutën për propozimin që Serbisë t’i vendosen vizat.

Holandezët kanë edhe opzione të tjera të “ndëshkimit” të Serbisë, bën të ditur Gazeta Express.

Më 8 dhjetor, Dhoma e Përfaqësuesve të Holandës ka miratuar rezolutën, përmes së cilës i bën thirrje Qeverisë së saj të avokojë në Bruksel për vendosjen e përkohshme të vizave ndaj Serbisë, nëse nuk bashkërendohet me politikën e Bashkimit Evropian.

Propozimi ka marrë përkrahjen e deputetëve të pozitës dhe të opozitës në Holandë.

Deputeti i Partisë Popullore, Jeoren van Ëijngaarden ka shkruar në TËitter se propozimi i tij ka marrë përkrahjen e Dhomës së Përfaqësuesve të Parlamentit holandez.

“Dhoma e Përfaqësyesve përkrahi propozimin tonë për një qasje më të rreptë ndaj Serbisë, nëse Presidenti Vuçiq nuk i përkrahë sanksionet ndaj Rusisë, Ndërprerja e procesit të pranimit të Serbisë në BE mund të jetë një oposion. Ne nuk do të hezitojmë ta përdorim atë”, ka shkruar deputeti holandez.

The post Nuk po vendos sanksione ndaj Rusisë, Holanda miraton rezolutën për vendosjen e vizave ndaj Serbisë appeared first on Albeu.com.

“Duhet të bëhet prioritet përshtatja e vendeve nga procesi i zgjerimit me politikën e përbashkët të jashtme dhe të sigurisë së BE-së. Dhe të avancojnë negociatat e anëtarësimit me Serbinë vetëm nëse ky vend i bashkohet sanksioneve të BE-së ndaj Rusisë dhe të bëjë përparim domethënës në reformat e nevojshme për integrim në BE”, thuhet në raportin e PE-së.

Raporti për strategjinë e re të zgjerimit kërkon që procesi i zgjerimit të reformohet, në mënyrë që të shpërblehen ato vendeve që avancojnë në përmbushjen e kritereve, por edhe të sanksionohen ato shtete që shënojnë kthim prapa në këtë proces.

Raporti u përgatit nga eurodeputeti kroat, Tonino Picula, dhe ai u miratua me 49 vota për, pesë kundër dhe tetë abstenime.

PE-ja, përmes raportit për strategjinë e zgjerimit, po ashtu ka propozuar që të ndryshohet mënyra e miratimit të vendimeve, duke hequr dorë nga unanimiteti për të kaluar në votim me shumicë të kualifikuar në Këshill.

Marrja e vendimeve përmes votimit unanim shpesh ka mundësuar që në të kaluarën, shtete të caktuara anëtare të bllokojnë hapjen apo mbylljen e kapitujve negociues.

Në këtë raport, disa herë përmendet se besueshmëria e procesit të zgjerimit, por edhe i BE-së në tërësi, është dëmtuar për shkak se disa shtete anëtare, për shkak të interesave nacionale kanë bllokuar këtë proces. Kjo, sipas raportit, ka “krijuar hapësirë për ndikimin e Rusisë, Kinës dhe faktorëve të tjerë të dëmshëm në rajon”.

Në raport, PE-ja ka folur edhe për dialogun midis Kosovës dhe Serbisë që ndërmjetësohet nga BE-ja. Aty u kërkua një angazhim më i madh i palëve për arritjen e një marrëveshjeje gjithëpërfshirëse, ligjërisht obliguese mes Kosovës dhe Serbisë, përmes njohjes së ndërsjellët.

PE-ja po ashtu nënvizon se nuk duhet të ketë alternativë procesit të zgjerimit. Madje, në raport propozohet që negociatat e anëtarësimit me vendet e përfshira në procesin e zgjerimit, të përmbyllen deri në fund të kësaj dekade.

BE-ja, sipas raportit, duhet të punojë që ndihma e saj të jetë më e dukshme, në mënyrë që të rrisë ndikimin në rajon dhe më gjerë./REL

The post PE kërkon që Serbia të penalizohet për mosvënie të sanksioneve ndaj Rusisë appeared first on Albeu.com.

“Themelimi i Kuvendit dhe Qeverisë së re të Serbisë duhet të shoqërohet me vendosjen e sanksioneve ndaj Rusisë, në përputhje me politikën e jashtme të Bashkimit Evropian. Ky vendim është në interes të paqes, demokratizimit, zhvillimit e stabilitetit të vendit dhe rajonit”, ka shkruar Kamberi në Facebook.

Kamberi i cili u zgjodh deputet pas një procesi jo edhe aq të lehtë, bëri të ditur se Koalicioni i Shqiptarëve të Luginës është në komunikim me Partinë e Aksionit Demokratik për ta vazhduar bashkëpunimin.

“Si Koalicion i Shqiptarëve të Luginës jemi në komunikim me ish-partnerin tonë të legjislacionit të kaluar, Partinë e Aksionit Demokratik (SDA) nga Sanxhaku, për ta vazhduar bashkëpunimin dhe për ta zgjeruar me partnerë të tjerë të mundshëm drejt themelimit të një Grupi Parlamentar”, ka thënë ai.

Kamberi ka bërë të ditur se nuk do të bëhet pjesë e koalicionit qeveritar të Serbisë, por sipas tij, parakusht për ta votuar Qeverinë do të jenë disa kërkesa që do të bëhen publike ditëve në vijim, raportojnë mediat kosovare.

Kamberi është deputeti i vetëm i cili do t’i përfaqësojë shqiptarët në Parlamentin e Serbisë.

Në mbështetje, Kamberit i kishte dalë i gjithë spektri politik në Kosovë.

Ky do të jetë mandati i tretë i tij, si deputet në parlamentin e Serbisë./albeu.com

The post Deputeti shqiptar në kuvendin serb: T’i vendosim sanksione Rusisë, të tregojmë se jemi në anën e BE appeared first on Albeu.com.

Ajo tha se Suedia është e gatshme të miratojë paketa të reja sanksionesh kundër Rusisë. Duke komentuar nëse kjo mund të bëhet para pushimeve verore, ajo shtoi se në Bashkimin Europian ka mendime të ndryshme për këtë çështje. Andersson theksoi rëndësinë e zbatimit të plotë të këtyre sanksioneve, në mënyrë që të mos kishte boshllëqe për t’i kundërshtuar ato.

Ajo vuri në dukje se Suedia është e gatshme të përfshijë një embargo për blerjen e gazit natyror nga Rusia në paketën e shtatë të sanksioneve. Andersson shtoi se Suedia nuk varet nga gazi rus, ndërsa vendet e tjera kanë rrethana të ndryshme./albeu.com

The post Paketa e 7 e sanksioneve ndaj Rusisë, Kryeministrja suedeze: BE nuk ka rënë ende dakord appeared first on Albeu.com.

Lëvizjet në listën e zezë 70 entitete dhe 29 individë, gjë që ngrin çdo aset të mbajtur në SHBA dhe i ndalon ata të bëjnë biznes ose të kryejnë transaksione financiare me institucionet amerikane.

SHBA do të synojë konglomeratin shtetëror të mbrojtjes ruse Rostec dhe banka të shumta, duke përfshirë Bankën e Moskës, thotë Departamenti i Thesarit, raporton BBC.

Thesari thotë se “ombrella e menaxhimit të Rostec përfshin më shumë se 800 entitete në një gamë të gjerë sektorësh” dhe se të gjitha entitetet që zotërojnë 50% ose më shumë, drejtpërdrejt ose tërthorazi, nga Rostec janë të bllokuara.

Gjithashtu u sanksionua United Aircraft Corporation, prodhuesi i avionëve luftarakë të Rusisë MiG dhe Sukhoi, avionë që fluturojnë gjithashtu nga aleatët e SHBA, duke përfshirë disa anëtarë të NATO-s – dhe që është në pronësi të shumicës nga Rostec.

Thesari i SHBA-së thotë se kjo synon “të dobësojë aftësinë e Rusisë për të vazhduar sulmin e saj ajror ndaj Ukrainës”.

The post SHBA nuk ndalet, vendos sanksione të reja kundër Rusisë, në shënjestër dhe prodhuesi i avionëve luftarakë appeared first on Albeu.com.

Ai pranoi se shumica e njerëzve në Perëndim po paguanin çmime më të larta të energjisë si rezultat, por tha se një çmim edhe më i lartë po paguhej nga ukrainasit.

Bota do të ishte më e pasigurt nëse Putini do të fitonte, thotë Stoltenberg, kështu që është në interesin tonë të mbështesim Ukrainën, shtoi ai./albeu.com

The post Shefi NATO-s: Sanksionet ndaj Rusisë, çmim që vlen të paguhet për lirinë appeared first on Albeu.com.

Pakoja e gjashtë e sanksioneve kundër Rusisë është miratuar nga Këshilli i BE-së dhe ajo parashikon ndalimin e importit të naftës ruse që dërgohet me anije, me përjashtim të vendeve që nuk kanë dalje në det, raporton DPA.

Brukseli njofton se nafta e papërpunuar ruse do të pezullohet për një periudhë prej gjashtë muajsh, ndërkaq produktet e tjera të naftës së rafinuar, për tetë muaj.

Një përjashtim i përkohshëm është parashikuar për vendet pa dalje në det, si Hungaria, Republika Çeke dhe Sllovakia, të cilat thuhet se “vuajnë nga një varësi specifike nga furnizimet ruse dhe nuk kanë alternativa të mundshme”, raportoi AFP.

Bullgaria dhe Kroacia, gjithashtu do të kenë “përjashtim të përkohshëm’ nga lloje të caktuara të naftës.

Udhëheqësit e BE-së thonë se kjo masë nënkupton se rreth 90 për qind e eksporteve të naftës të Rusisë në Evropë do të bllokohen deri në fund të vitit. BE importon rreth 25 për qind të naftës së saj nga Rusia.

Banka më e madhe ruse, Sberbank, Banka Kreditore e Moskës, Banka Bujqësore Ruse dhe Banka Bjelloruse për Zhvillim dhe Rindërtim, janë gjithashtu të bllokuara në sistemin ndërkombëtar të transfereve – SËIFT.

Është pezulluar transmetimi i tri televizioneve të tjera ruse në BE, shkruan AFP. Gjithashtu, është zgjeruar edhe lista e eksporteve drejt Rusisë, me 80 lëndë kimike, të cilat mund të përdoren për prodhimin e armëve kimike.

Këshilli ka vendosur gjithashtu të sanksionojë individë të tjerë që i konsideron përgjegjës për krimet në Buça dhe Mariupol. Lista përfshin njerëz që mbështesin luftën, sipërmarrës, anëtarë të familjeve të zyrtarëve të Kremlinit, si dhe kompani në sektorin e mbrojtjes dhe organizata financiare.

Pakoja e gjashtë e sanksioneve, e cila përfshin një embargo, deri në fund të vitit, për shumicën e importeve të naftës ruse në një bllok prej 27 vendeve, u miratua nga ambasadorët të enjten, pas një marrëveshjeje politike të arritur nga udhëheqësit e BE-së në fillim të kësaj jave.

Patriarku i Kishës Ortodokse Ruse, Kiril fillimisht u përfshi në mesin e individëve, të cilët blloku donte t’i sanksiononte, por ky propozim duhet të miratohej unanimisht. Ai u hoq nga lista me këmbënguljen e Hungarisë, e cila perceptohet si aleati më i ngushtë i Moskës në bllok.

Kirill përsëriti pretendimet e pabaza të Putinit se Ukraina ishte e angazhuar në “shfarosjen” e besnikëve rusë në Donbas, rajoni lindor i Ukrainës, ku separatistët e mbështetur nga Rusia kanë luftuar kundër forcave ukrainase që nga viti 2014.

Kryeministri hungarez Viktor Orban kërcënoi më herët se do të bllokonte të gjithë pakon e sanksioneve në samitin e liderëve, nëse nuk merr garanci se vendi i tij nuk do të preket menjëherë nga embargoja e naftës. Hungaria është më e varur nga energjia ruse se shumica e vendeve të BE-së.

BE-ja, më herët ka ndaluar qasjen e disa bankave më të vogla ruse për të hyrë në sistem./REL

The post BE-ja ka miratuar zyrtarisht pakon e gjashtë të sanksioneve kundër Rusisë appeared first on Albeu.com.

Kemi vuajtur pasojat e 2 viteve pandemi, gjendemi në mesin e një lufte, dhe duhet të shmangim me çdo kusht urinë globale. Sfida ekonomike aktuale, është shndërruar në një luftë kundër “Kalorësve të Apokalipsit”. Këshilli Evropian ra dakord në fillim të kësaj jave që të hidhet një hap tjetër drejt izolimit financiar dhe politik të Rusisë.

Pas disa orë negociatash, udhëheqësit e Bashkimit Evropian, arritën të bien dakord mbi një plan për uljen e kostos së gazit. Por paketa e re e sanksioneve do t’i kushtojë shtrenjtë Perëndimit, sidomos gjatë muajve të ardhshëm. E gjithë “loja” do të luhet me grurin, një element themelor jo vetëm i nevojave bazë të njeriut, por edhe i mirëqenies ekonomike të shtresave të ulëta dhe të mesme, pra i atyre që po i vuajnë më shumë pasojat e problemeve ekonomike të shkaktuara nga konflikti në Ukrainë.

Guvernatori i Bankës së Italisë, Ignazio Visco, ishte shumë i saktë në deklaratën e tij:”Rritja e çmimeve të lëndëve të para të importuara, është një taksë e pashmangshme për vendin tonë!”. Taksa do të jetë vërtetë e pashmangshme – një koncept i pazakontë në Itali, një vend kampion i evazionit fiskal – por shuma që do të paguhet do të varet nga veprimet e Bashkimi Evropian, Shteteve të Bashkuara dhe nga reagimi i Vladimir Putinit.

Le ta nisim analizën tonë me naftën. Kompromisi i orëve të vona të natës në Bruksel, është tamam si qyteti ku u arrit:i shëmtuar për t’u parë, plot defekte, por më i mirë nga sa duket në fillim. Dy aspekte të sanksioneve ndaj naftës që transportohet përmes detit, do ta dëmtojnë seriozisht Putinin.

E para është se embargoja do të përfshirë rreth 90 për qind të eksporteve ruse, dhe jo 2/3 siç po thonë pothuajse të gjithë. Kjo sepse Gjermania dhe Polonia, të cilat e marrin naftën ruse përmes një tubacioni, kanë thënë se do të heqin dorë prej saj, ndryshe nga Hungaria, Sllovakia, Republika Çeke dhe ndoshta, Kroacia dhe Bullgaria.

Efekti në arkën e Rusisë do të ishte i tërthortë, në kuptimin që Moska do të jetë në gjendje t’i dërgojë diku tjetër anijet e mbushura me naftë, por me çmime shumë më të ulëta se ato që paguan sot Europa. Në Azi, nafta ruse po shitet tashmë me rreth 35 dollarë më pak sesa vlera e tregut.

Ndërkohë sanksionet, të cilat nuk do të hiqen për të paktën 6 muaj, do ta zgjerojnë hendekun. Sipas disa analizave, humbjet për Rusinë mund të arrijnë në rreth 10 miliardë dollarë në vit. Një shumë jo shumë e madhe, po të kihet parasysh se Kremlini fiton 270 miliardë dollarë në vit nga eksportet e energjisë.

Por bashkë me sanksionet e tjera, ato nuk do të jenë pa dhimbje për Carin dhe nënshtetasit e tij. Aspekti i dytë, për të cilin është folur më pak, është ndalimi i kompanive evropiane të sigurimeve për të siguruar aktivitetin e anijeve ruse. Nëse siç pritej, Britania e Madhe i bashkohet embargos (95 për qind e anijeve që transportojnë energji, sigurohet nga kompanitë e sigurimit në Londër), Rusia do të përjetojë probleme serioze sa i përket dërgimit të cisternave tek blerësit e tjerë.

Kompanitë e sigurimit nga Kina, Turqia dhe vende të tjera, mund të ofrojnë një mbulim të ngjashëm, por rreziqet për blerësit dhe transportuesit do të rriteshin ndjeshëm. Kjo nuk do të thotë se sanksionet nuk do të jenë të kushtueshme edhe për Perëndimin.

Çmimi i natës është rikthyer në nivelin 120 dollarë për fuçi. Po ashtu edhe kostoja e benzinës është rritur, duke i përkeqësuar efektet e inflacionit tek pronarët e makinave në mbarë botën. Në SHBA, presidenti Joe Biden thirri shefin e Rezervës Federale Jay Powell për ta qortuar publikisht mbi këtë çështje.

Beteja për gazin është e ngjashme me atë të naftës, me ndryshimin që Bashkimin Evropian po diskuton për vendosjen e një çmimi tavan, siç kërkohet vazhdimisht edhe nga qeveria italiane. Nga ana tjetër gruri, është një fushëbeteje në të cilën kryqëzohen gjeopolitika dhe ekonomia.

Çmimi i tij është rritur me më shumë se 40 për qnd këtë vit, sepse prodhimi ukrainas – rreth një e pesta e totalit – ka mbetur i bllokuar në magazinat e anijeve të ankoruara në portin e Odesës. Kievi është i gatshëm të hapë një korridor, por dëshiron të sigurohet që Rusia të mos i bombardojë apo vendosë mina ndaj tyre.

Putin ka deklaruar deri tani se Rusia do ta bëjë këtë, por vetëm nëse Perëndimi heq sanksionet e tij. Rezultati është një ngërç, që kërcënon të vdesë urie qindra miliona njerëz në disa kontinente. Në një periudhë afatshkurtër, shumë qeveri mund të ndërhyjnë me subvencione dhe ndihma për shtresat më të dobëta. Por në terma afatgjatë, Bashkimi Evropian dhe SHBA-ja duhet të gjejnë një mënyrë për t’i dhënë fund bllokadës ruse të Odesës. “Kalorësit e Apokalipsit” nuk mund të fitojnë.

The post Sanksionet e reja do e dëmtojnë Rusisë, por do kërkojnë sakrifica të mëdha edhe nga Perëndimi appeared first on Albeu.com.