Në mesin e tyre është sanksionuar edhe një kompani nga Serbia, MCI Trading DOO, me seli në Beograd.

Në njoftimin e autoriteteve amerikane është thënë se kjo kompani i ka ndihmuar kompanisë ruse AK Microtech për të blerë pajisje të teknologjisë së lartë nga prodhues prej Azisë, Evropës dhe Lindjes së Mesme.

Kompania ruse, AK Microtech akuzohet se i ka ofruar Ministrisë ruse të Mbrojtjes, pajisje të teknologjisë së lartë.

Në njoftim është thënë se kjo kompani specializon në transferimin e teknologjisë së huaj te kompanitë ruse për prodhimin e mikroelektronikës.

“Një numër i atyre që i pranojnë këto pajisje janë persona dhe entitete të bllokuara nga Shtetet e Bashkuara”, është thënë në deklaratë, duke shtuar se AK Microtech punon me ndërmjetësues jorusë për t’i dërguar pajisjet te pranuesit rusë.

“Një prej këtyre ndërmjetësuesve është kompania serbe MCI Trading DOO”, është thënë në njoftim.

Aty është përmendur se kompania serbe ka kryer një mori transferesh për kompaninë ruse prej nisjes së luftës së Rusisë në Ukrainë, në shkurt të vitit 2022.

Kompania MCI Trading dhe drejtori i saj Ivan Cvetiq janë shtuar në listën e sanksioneve për, siç është thënë, ndihmë materiale dhe sponsorim apo ofrim të ndihmës financiare apo teknologjike për kompaninë AK Microtech.

Zëvendëssekretari amerikan i Thesarit, Ëally Adeyemo, ka thënë se sanksionet e reja përbëjnë një tjetër hap në përpjekjet e SHBA-së për t’i kufizuar kapacitetet ushtarake të Rusisë./REL

The post DASH sanksionon kompaninë serbe që mbështet Rusinë appeared first on Albeu.com.

Në Frankfurt të gjithë kombëtaret do të mësojnë kundërshtarët e tyre në këto eliminatore, ndërsa një prej tyre do të jetë jashtë kësaj gare.

E sanksionuar tashmë nga FIFA dhe UEFA në kuadër të Kupës së Botës 2022 dhe Ligës së Kombeve 2022-2023 pas pushtimit të Ukrainës, Rusia nuk do të luajë kualifikueset dhe rrjedhimisht turneun.

Sanksioni që prek Rusinë do të mbahet deri në njoftimin e mëtejshëm, prandaj për kohëzgjatjen e luftës, nëse UEFA nuk ndryshon qëndrimin e saj.

“Kombëtarja ruse nuk do të marrë pjesë në shortin për fazën kualifikuese të EURO 2024. Arsyeja për këtë është vendimi i shkurtit nga UEFA për të pezulluar pjesëmarrjen e ekipeve dhe klubeve ruse në kompeticionet nën kujdesin e organizatë “, thuhet në një njoftim për shtyp nga Federata Ruse./ h.ll/albeu.com

The post Sanksionet ndaj Rusisë, UEFA merr vendimin për pjesëmarrjen e kombëtares Ruse në “EURO 2024” appeared first on Albeu.com.

Operacioni thuhet se kishte në shënjestër një vilë, e njohur si “Rocky Ram” në Sardenja veriore. Është pjesë e përpjekjeve më të gjera që synojnë penalizimin e rusëve të pasur të lidhur me Vladimir Putinin pas pushtimit të Ukrainës më 24 shkurt nga Moska. “Reuters” thotë se menaxheri i PR i shoferit nuk ka komentuar ende.

Mazepin, i cili u shkarkua në mars nga ekipi F1 në pronësi të SHBA-së, Haas, është përfshirë në një listë sanksionesh të BE-së së bashku me babanë e tij, Dmitry, të cilin revista zyrtare e Bashkimit Evropian e përshkroi si një anëtar të rrethit më të ngushtë të Putinit.

Në javët e fundit, policia italiane ka sekuestruar vila dhe jahte me vlerë mbi 900 milionë euro nga rusët e pasur, të cilët u vendosën në një listë sanksionesh të Bashkimit Evropian pas konfliktit në Ukrainë.

Pasuria më e vlefshme e sekuestruar deri më tani është një superjaht në pronësi të miliarderit Andrey Igorevich Melnichenko, me vlerë rreth 530 milionë euro, i cili u sekuestrua në portin verior të Triestes./h.ll/albeu.com

The post Ish-garuesi rus i Formula 1 nuk i shpëton sanksionimit, Italia i sekuestron pasuri të konsiderueshme appeared first on Albeu.com.

Por çfarë do të thotë kjo për klubin londinez?

Këto sanksione prekin në mënyrë direkte edhe klubin e Chelsea. Si fillim, Abramovich nuk mund të shesë klubin, pasi cdo transaksion i mundshëm, si hyrës apo dalës nuk do të jetë i mundur të ndodhë.

Lojtarët të cilëve i skadon kontrata me Chelsean, nuk mund të rinovojnë për shkak të pasurisë të ngrirë të pronarit të klubit.

Një detaj tjetër mund të jetë se lojtarët nuk do të marrin pagat e tyre. Chelsea do të ketë të drejtën të luaj futboll ende por nuk do të përfitojë asnjë të ardhur nga shitjet e biletave apo nga turnamentet e ndryshme.

Gjithashtu Chelsea nuk do të mund të bëjë merkato, pra as transferime dhe as shitje.

Dëmi është shumë i madh dhe ende nuk dihet se çfarë do të ndodhë më tej./h.ll/albeu.com

The post Anglia sanksionon Abramovichin, pasojat e klubit të Chelsea janë të mëdha appeared first on Albeu.com.

Oligarku rus, i cili ka qenë në Britaninë e Madhe për dy dekada, është shtuar në listën e ngrirjes së aseteve.

Ai përballet me një ndalim të transaksioneve me individë dhe biznese në Mbretërinë e Bashkuar, një ndalim udhëtimi dhe sanksione transporti. Kjo do të thotë se ai nuk do të mundet të shesë klubin anglez.

Kryeministri i Mbretërisë së Bashkuar, Boris Johnson ka thënë se nuk mund të ketë “strehime të sigurta për ata që kanë mbështetur sulmin e egër të Putinit ndaj Ukrainës”.

Abramovich, oligarku rus më i njohur i Britanisë, mori drejtimin e klubit të futbollit Chelsea në 2003 dhe tha se do ta shesë klubin dhe të ardhurat neto do t’i shkojnë familjeve të viktimave në Ukrainë./ h.ll/albeu.com

The post Mbretëria e Bashkuar i vendos “ekspuls” Abramovichit appeared first on Albeu.com.

Federata Ndërkombëtare e Mbarështuesve të Maceve ka vendosur t’i ndalojë macet ruse të marrin pjesë në garat ndërkombëtare për shkak të situatës në Ukrainë.

The post Sanksionet nuk kursejnë as kafshët, macet ruse marrin “ekspuls” appeared first on Albeu.com.

Në deklaratën zyrtare thuhet:

“EA Sports, në solidaritet me popullin ukrainas dhe si shumë të tjerë në mbarë botën, bën thirrje për paqe dhe fundin e pushtimit të Ukrainës. Në përputhje me partnerët tanë FIFA dhe UEFA, EA Sports ka filluar procesin për heqjen e kombëtares ruse dhe të gjitha klubeve ruse nga produktet e EA Sports, duke përfshirë FIFA 22, FIFA Mobile dhe FIFA Online.

Ne po vlerësojmë gjithashtu ndryshimet në fusha të tjera të lojës. Ne do ta mbajmë komunitetin të përditësuar për çdo veprim të ndërmarrë dhe falenderojmë lojtarët për durimin e tyre derisa punojmë për këto përditësime”./ h.ll/albeu.com

A statement from EA SPORTS FIFA: pic.twitter.com/v3pZvpblgS

— EA SPORTS FIFA (@EASPORTSFIFA) March 2, 2022

The post FIFA 22 heq nga loja ekipet dhe kombëtaren ruse appeared first on Albeu.com.

“Për të mbrojtur integritetin e garave sportive globale dhe për sigurinë e të gjithë pjesëmarrësve, IOC EB rekomandon që Federatat Ndërkombëtare të Sporteve dhe organizatorët e ngjarjeve sportive të mos ftojnë ose lejojnë pjesëmarrjen e atletëve dhe zyrtarëve rusë dhe bjellorusë në garat ndërkombëtare.

“EB IOC u kërkon fuqimisht Federatave Ndërkombëtare të Sporteve dhe organizatorëve të ngjarjeve sportive në mbarë botën që të bëjnë gjithçka në fuqinë e tyre për të siguruar që asnjë atlet apo zyrtar sportiv nga Rusia apo Bjellorusia të mos lejohet të marrë pjesë nën emrin e Rusisë apo Bjellorusisë”, thuhet në deklaratë.

“Shtetasit rusë apo bjellorusë, qofshin si individë apo ekipe, duhet të pranohen vetëm si atletë asnjanës apo skuadra neutrale. Asnjë simbol kombëtar, ngjyra, flamuj apo himne nuk duhet të shfaqen”, vazhdoi deklarata.

IOC njoftoi gjithashtu se kishte tërhequr Urdhrin Olimpik nga Presidenti rus Vladimir Putin.

Putinit iu dha çmimi më i lartë i Lëvizjes Olimpike në vitin 2001.

Zëvendëskryeministri Dmitry Chernyshenko dhe Dmitry Kozak, zëvendës shefi i kabinetit të zyrës ekzekutive presidenciale, janë hequr gjithashtu nga titujt e tyre.

IOC tha se vendimi ishte marrë si rezultat i “shkeljes jashtëzakonisht të rëndë të armëpushimit olimpik dhe shkeljeve të tjera të Kartës Olimpike nga qeveria ruse në të kaluarën”./ h.ll/albeu.com

The post Komiteti Olimpik Ndërkombëtar sanksionon sportistët rusë dhe bjellorusë appeared first on Albeu.com.