“Shiun e sollën anglezët”, dëgjohet të thotë njëri prej gazetarëve, ndërsa Rama e pohon fjalën e tij duke thënë: ‘Po po me shi me vete’.

Edhe dje, kryeministri Rama në konferencën e përbashkët me Keir Starmer, nuk i kurseu batutat me gazetarët britanikë.

The post Samiti në Tiranë/ Rama batuta me gazetarët: Shiun në kryeqytet e sollën anglezët appeared first on Albeu.com.

Liderët e vendeve evropiane dhe ata të Ballkanit Perëndimor u mblodhën në Tiranë në një samit historik, i pari që u zhvillua në një vend jo anëtar të Bashkimit Evropian.

Kryeministri Rama se Shqipëria arriti t’i sillte buzëqeshje në fytyrë liderëve të BE-së.

Rama: Kur më pyeti dikush pak kohë më parë “çfarë Shqipëria do t’i sjellë Evropës”, i thashë “mund t’i sjellim pak buzëqeshje.” Dje sollëm buzëqeshje në fytyrat e tyre. Ishin më mirë se sa kur mblidhen në Brukselin e mërzitshëm. Mendoj që është shumë më e thellë se sa ajo që duket. Ne jemi shumë besnikë dhe kurrë nuk jemi të mërzitshëm. Këto dy gjëra janë shumë të nevojshme në BE.

Sipas kreut të qeverisë, popullariteti i BE në Shqipëri vijon të mbetet shumë i lartë. Ai shtoi se Shqipëria është vendi më proevropian në kontinent.

Rama: Ne kemi ardhur nga ferri. Kemi ardhur nga ferri i vërtetë, tërësisht të izoluar. Për ne Jugosllavia  ishte një lloj planeti i lirisë. Përveç vëllezërve dhe motrave tona kosovare, por ne natyrshëm u bëmë kaq të përkushtuar ndaj BE-së saqë askush nuk mund të na ndryshojë. Samiti i djeshëm ishte një ngjarje e jashtëzakonshme historike. Në Kanunin tonë. ligjin zakonor ka një pjesë shumë të rëndësishme ku thuhet se shtëpia e shqiptarit i përket Zotit dhe mikut. Kjo nënkupton që çdo mik është vullneti i Zotit dhe duhet ta mirëpresësh. Dje Perënditë e BE-së erdhën në Shqipëri. Ishte një sinjal i qartë se BE-ja ka nevojë për Ballkanin Perëndimor po aq sa nevojë Ballkani Perëndimor për ne.

The post “Shqipëria i ofron BE-së buzëqeshje”, Rama: Liderët sikur kishin dalë nga një shpellë appeared first on Albeu.com.

I pranishëm ishte edhe kryeministri në detyrë i Malit të Zi. ky i fundit nuk ishte i pranishëm në Samitin e djeshëm në Tiranë.

Dritan Abazoviç tha se kryeministri Rama është mjeshtri i evenimentit. Sipas tij, ka të bëjë më shumë me thelbin dhe ishte mirë që shumë udhëheqës evropianë shkuan në Tiranë për t’i dhënë mbështetje Ballkanit Perëndimor.

“BE-së i duhet të kuptojë një gjë të thjeshtë, që duhet të mbetet tërheqëse për ato vende që duan të anëtarësohen në BE. Nëse BE nuk e kupton që duhet të mbajë derën hapur për vendet e Ballkanit Perëndimor mendoj që të gjithë do të humbasin”, tha Abazoviç.

Takimi i djeshëm ishte mjaft i suksesshëm dhe marrëveshjet e firmosura ishin shumë të rëndësishme.

“Mesazhi im është, le të përpiqemi të gjithë së bashku. Nuk është e vështirë të shohim se cilat janë çështjet ku mund të kemi një zë dhe një kërkesë. Përgëzoj Shqipërinë dhe MV për zhbllokimin e procesit të BE-së. Mendoj që kanë pritur shumë kohë dhe vendimmarrja nga ana e BE-së duhet të jetë më efektiv”, tha Abazoviç./

The post Samiti në Tiranë, Abazovic: BE duhet të mbetet tërheqëse për vendet që duan të anëtarësohen appeared first on Albeu.com.

Kreu i qeverisë i fton liderët e Bashkimit Europian dhe të Ballkanit që të qëndrojnë si në shtëpitë e tyre, duke u kujtuar zakonin e shqiptarit, që “shtëpia është e Zotit dhe e mikut”.

Në fjalën e tij hapëse të samitit, Kryeministri Rama kërkon që BE-ja të ketë një plan rilindjeje të Europës, e këtu nuk lë pa përfshirë as Ballkanin Perëndimor.

“Afërmendsh Ballkani Perëndimor – dikur i quajtur fuçia e barutit e Europës – duhet të jetë në krye të përparësive të një plani europian ripërtëritjeje. Le të mos harrojmë se armiku ynë më i madh i përbashkët, i cili vazhdon të rritet përpara syve tanë nuk quhet Vladimir Putin, por Ndryshimi i Klimës.

Kështu që, teksa i mbajmë sytë nga Ukraina, është me rëndësi të kuptojmë se një rindërtim i qëndrueshëm i Ukrainës, presupozon edhe krijimin e një mjedisi të qëndrueshëm paqeje e prosperiteti për një rajon shumë më të gjerë, ku ende gëlojnë shumë varësi të padëshiruara. Në njëfarë mënyre, Ukraina sot është vetëm plaga më e madhe dhe e dukshme, e një organizmi të tërë të prekur nga një sëmundje e rrezikshme. Është në interesin e botës dhe, veçanërisht, në interesin strategjik të Bashkimit Europian, që t’i lidhë të gjitha vendet e këtij rajoni të gjerë me rrjetën e sigurtë të sistemeve të Bashkimit Europian dhe ta bëjë këtë sa më shpejt të jetë e mundur.

Nuk ka dyshim se një sërë elementesh të një plani kësisoj janë tanimë në lëvizje”, deklaroi Rama ndër të tjera para liderëve të Bashkimit Europian.

FJALA E PLOTË E KRYEMINISTRIT EDI RAMA:

Një nga normat më të rëndësishme të Kanunit shqiptar – Kodi ynë i parë i shkruar – thotë “Shtëpia e shqiptarit është e Zotit dhe e mikut”. Zoti u dëbua nga Shqipëria prej një regjimi komunist, i cili e ktheu këtë vend në Korenë e Veriut të Europës dhe në të parin e të vetmin shtet në botë, që e sanksionoi ateizmin në kushtetutë.

Përkushtimi ndaj mikpritjes mbeti megjithatë i shenjtë edhe gjatë atyre kohëve të vështira, paçka se ishim aq të izoluar, sa nuk na trokiste ndonjë mik i huaj në derë. Ka qenë një rrugë e gjatë dhe e mundimshme ajo që na e hapi më në fund derën, për të mirëpritur sërish në shtëpinë tonë Zotin dhe miqtë nga jashtë. Por kjo e sotmja është tejet, tejet e veçantë, nuk krahasohet dot me asgjë, sepse ju jeni miqtë që shqiptarët i shohin edhe si perëndi: perënditë e BE-së.

Për herë të parë në histori një samit i BE-së me Ballkanin Perëndimor organizohet jashtë kufijve të Bashkimit Europian. Ky është një sinjal i fortë e i qartë, jo vetëm për rëndësinë thelbësore gjeopolitike që ka ky rajon për stabilitetin dhe sigurinë e Europës, por edhe për nivelin e lartë të ndërgjegjësimit mbi faktin se BE-ja ka nevojë për Ballkanin Perëndimor, po aq sa Ballkani Perëndimor ka nevojë për BE-në.

E meqë jemi te çështja e mikut, Zotit dhe besimit, nuk mund të kishte zgjedhje më të mirë se sa Shqipëria për t’u mbledhur, në këtë moment të veçantë të historisë së Europës. Për shqiptarët Europa është si një lloj feje. Sipas orakullit të Brukselit, barometrit të BE-së, ky ku keni ardhur sot është vendi më proeuropian i kontinentit tonë. Ja pse bëhet edhe aq dëshpëruese për ne, kur shohim që BE-së i mungon besimi te vetja. Besonani ju lutem kur ju themi se duhet t’i besoni vetes suaj, po aq sa ne ju besojmë juve.

Këtu, në këtë rajon, kurrë nuk e kemi ndjerë Bashkimin Europian më pranë, më të bashkuar rreth flamurit të tij frymëzues, se sa këto dy vitet e fundit dhe, veçanërisht, qysh prej agresionit mbi Ukrainën. Nuk ka pasur kurrë më parë, asnjë President të Këshillit Europian dhe as të Komisionit Europian, që të ketë shfaqur ndaj rajonit tonë interesin e mirëfilltë, durimin e palëkundur dhe gatishmërinë e admirueshme për të luftuar për ne, sa Charles Michel dhe Ursula von der Leyen. “Shumë faleminderit” [në shqipe] që do të thotë faleminderit shumë për të dy! Një falënderim i madh edhe për Komisionerin tonë – nuk mund ta thërras në asnjë mënyrë tjetër – Oliver Varhelyi! Ai ka dhënë prova bindëse se është përkthyesi më i mirë i mundshëm, mes grupit rokendrroll të Ballkanit Perëndimor dhe orkestrës sinfonike të Komisionit Europian.

Edhe kur kemi qenë të zhgënjyer nga BE-ja dhe, madje, edhe kur kemi prekur qoshen e vetmisë sonë mu këtu, në mes të Europës, ne nuk kemi rreshtur së besuari. Kemi vuajtur, jemi zemëruar e jemi brengosur, por nuk e kemi humbur besimin. Asnjëherë. Jo sepse ne shqiptarët jemi naivë. Por sepse ne vijmë nga një ferr prej vërteti – jo si ai i francezëve, i cili është një parajsë që ata e quajnë ferr. Sepse ne e njohim çmimin e izolimit. Sepse ne e dimë çfarë ndodh kur vendet humbasin besimin në projektet e përbashkëta, kur e shohin bashkëpunimin midis kombeve si kërcënim e jo si mundësi, kur frika nga të tjerët e mund arsyen e bashkimit me të tjerët. E shkuara e Shqipërisë është një paralajmërim i hershëm për të ardhmen e përbashkët të Europës.

U desh një luftë në oborrin e pasëm të Europës, për të parë një rigjallërim mbresëlënës të Bashkimit Europian. Shpresoj që kjo BE-ja e sotme, jo vetëm të jetë rigjallëruar për të mos u rikthyer më në hijen e tkurrur të vetvetes, por edhe që të ketë mësuar prej dështimeve të shkuara, për t’u bërë më e fortë, më e guximshme dhe më largpamëse.

Ne jo vetëm duhet të mos e harrojmë asnjëherë, por duhet të gjejmë bashkarisht mënyrën më efikase, për t’ua shpjeguar të gjithë bashkëqytetarëve tanë, se lufta e Vladimir Putinit nuk ka për qëllim thjesht e vetëm pushtimin e Ukrainës, por gjunjëzimin e të gjithë bashkësisë sonë perëndimore.

Ndërsa jemi dëshmitarë çdo ditë të pasojave tmerruese të agresionit rus, nuk është aspak herët për të projektuar një rilindje gjithëpërfshirëse të të kontinentit tonë. Kjo jo vetëm është koha për ta përshpejtuar procesin e zgjerimit të BE-së dhe ndërtimin e Komunitetit të ri Politik Europian, por edhe për të menduar për një Plan Rilindjeje për Europën. Kjo është koha për të kujtuar atë çka na mësuan etërit themelues të Europës së Bashkuar, pasi i mbijetuan katastrofës së Luftës së Dytë Botërore: kushti për të ndërtuar një paqe afatgjatë dhe të begatë është të përgatitesh për të që në luftë.

Paqja nuk ndodh me urdhër dhe as nuk zgjat, nëse nuk krijohen rrugë e institucione të përshtatshme për ruajtjen e saj. Historia ka shumë shembuj për këtë. Më lejoni të sjell këtu më të njohurin: gjatë Luftës së Parë Botërore, nuk u bë asnjë përpjekje për të përgatitur një Europë të re dhe të ekuilibruar. Për pasojë, çdo gjë përfundoi vetëm në një çështje ndëshkimi e hakmarrjeje, kundër Gjermanisë dhe aleatëve të saj; edhe negociatorët më mendjekthjellët të Traktatit të Versajës, nuk mundën të parandalonin që ai traktat dhe përpjekje të tjera në vitet ‘20 të shekullit të shkuar, të shkaktonin atë që ca më tutje shpërtheu si Luftë e Dytë Botërore.

Ndoshta, për shkak të mësimit të hidhur të mosparandalimit të një tjetër lufte, bash si pasojë e mospërgatitjes në periudhën e asaj të mëparshmes, mu në mes të Luftës së Dytë nisën bisedime të hatashme midis aleatëve, rreth asaj që duhej bërë për një paqe të qëndrueshme. Në mars të vitit 1941, u hap një “program huamarrjeje dhe huadhënieje”, me anë të të cilit ShBA-ja i siguronte armë Mbretërisë së Bashkuar dhe, menjëherë më pas, nisën edhe bisedime të tjera lidhur me arkitekturën e botës së pasluftës, të cilat krijuan kuadrin për bashkëpunimin dhe rindërtimin ekonomik ndërkombëtar me të mbaruar lufta. Thuhet se bisedimet ishin shumë të vështira dhe, kur negociatorët britanikë, të udhëhequr nga John Maynard Keynes, ishin shumë kërkues, negociatorët amerikanë ngadalësonin anijet që sillnin armët në Mbretërinë e Bashkuar!

Në korrik të vitit 1944 – një vit përpara përfundimit të Luftës së Dytë Botërore – delegatët nga 44 vende u takuan për “Konferencën Monetare dhe Financiare të Kombeve të Bashkuara” dhe të gjithë e dini vazhdimin e kësaj historie. Sigurisht, institucionet dhe mekanizmat ndërkombëtare që lindën nga ai proces, nuk e shëruan dhimbjen dhe pikëllimin për miliona jetët e humbura gjatë asaj lufte, por ato ndihmuan aq shumë për krijimin e një mjedisi të qëndrueshëm paqeje për afro 50 vjet, për shumë vende (jo për vendin tim, as ata nën sundimin sovjetik) – më pas edhe për rreth 30 vjet të tjera për të gjithë ne bashkë këtu, ku shumëkush deri para ca muajsh kujtonte se paqja ishte e përjetshme.

A nuk është vallë koha që Bashkimi Europian, të marrë lidershipin për të përgatitur bashkë me aleatët e vet natyrisht, jo vetëm një plan për rindërtimin e Ukrainës, por një program të prekshëm Ripërtëritjeje Europiane për krejt kontinentin tonë(?); një plan që do t’i bënte qytetarët e Europës të kishin sërish ëndrra dhe shpresa të mëdha, në vend se gjithnjë e më shumë të kërkojnë strehë ku zë struken në të shkuarën, për t’u mbrojtur nga makthet e së ardhmes?

Natyrisht, ky plan duhet të jetë i dukshëm për qytetarët e të gjitha kombeve të Europës, përfshi edhe ata të Rusisë. Rusët duhet ta dinë, se vendi i tyre ka po ashtu të drejtën t’i bashkohet rrugës së ripërtëritjes europiane, sapo shteti rus ta pranojë nevojën për një paqe të qëndrueshme me fqinjët, ku secili të jetojë i patrazuar në kufijtë e vet të njohur ndërkombëtarisht.

Shumë njerëz besojnë, se i vetmi rindërtim i nevojshëm pas kësaj lufte është ai i Ukrainës. Por kontinenti ynë ka më shumë sesa një Ukrainë, që fle si minë në truallin e vet. I ka pasur përherë këto mina nën vete dhe e vetmja gjë, që do të parandalonte me siguri katastrofa të tjera, është ripërtëritja e besimit të njerëzve tek Europa e tek fuqia e saj për ta projektuar veten në të ardhmen, si një hapësirë ëndrrash e shpresash të mundura për të gjithë.

Afërmendsh Ballkani Perëndimor – dikur i quajtur fuçia e barutit e Europës – duhet të jetë në krye të përparësive të një plani europian ripërtëritjeje. Le të mos harrojmë se armiku ynë më i madh i përbashkët, i cili vazhdon të rritet përpara syve tanë nuk quhet Vladimir Putin, por Ndryshimi i Klimës.

Kështu që, teksa i mbajmë sytë nga Ukraina, është me rëndësi të kuptojmë se një rindërtim i qëndrueshëm i Ukrainës, presupozon edhe krijimin e një mjedisi të qëndrueshëm paqeje e prosperiteti për një rajon shumë më të gjerë, ku ende gëlojnë shumë varësi të padëshiruara. Në njëfarë mënyre, Ukraina sot është vetëm plaga më e madhe dhe e dukshme, e një organizmi të tërë të prekur nga një sëmundje e rrezikshme. Është në interesin e botës dhe, veçanërisht, në interesin strategjik të Bashkimit Europian, që t’i lidhë të gjitha vendet e këtij rajoni të gjerë me rrjetën e sigurtë të sistemeve të Bashkimit Europian dhe ta bëjë këtë sa më shpejt të jetë e mundur.

Nuk ka dyshim se një sërë elementesh të një plani kësisoj janë tanimë në lëvizje. Disa institucione ekzistuese mund të luajnë një rol thelbësor për ekzekutimin e tij. Disa syresh po përgatisin pjesë të qenësishme të tij. Por po sikur të krijohej një grup i gjerë pune, i cili të mblidhte bashkë ekspertë të të gjitha institucioneve të specializuara, nën një udhëheqje të urtësh, për të prodhuar një raport konkret (cilat programe, projekte, financime, agjenda?..) qysh në pranverën që vjen dhe të cilin pastaj, t’ia paraqiste BE-së si edhe Samitit të ardhshëm të Komunitetit të ri Politik Europian, në Moldavi?

Takimi ynë në Pragë për të reflektuar mbi propozimin e një Komuniteti të ri Politik Europian ishte gjallërues dhe inkurajues. Është koha të hedhim më shumë hapa konkrete në këtë drejtim dhe, ndoshta, të marrim në konsideratë lidhjen e këtyre dy organizmave, Bashkimit Europian dhe Komunitetit të ri Politik Europian, me këtë masterplan për ripërtëritjen e Europës, ku nevojitet edhe një përfshirje e gjithanshme e sektorit privat.

Më lejoni të ndalem këtu dhe të mos rrezikoj të ngjaj më tutje, sikur po qaj për kodin përpara një bankomati. Bëra më të mirën, për të mos abuzuar me rolin tim kaq shumë të veçantë të mikpritësit sot dhe u përpoqa t’i shmangem asaj, që ne të kësaj nahijeje të botës, dimë ta bëjmë symbyllur: të fajësojmë e të ankohemi, sidomos nëse kemi rastin t’u qahemi Fuqive të Mëdha. Ama ju siguroj se po të kishte shkuar Shqipëria të takonte Fuqitë e Mëdha, në vend që Fuqitë e Mëdha të vinin të takoheshin në Shqipëri, toni im do të kishte qenë shumë ndryshe. Ju nuk se s’e dini këtë apo jo?

Por, siç e thashë në krye të herës, sipas Kodit tonë të vjetër, shtëpia e shqiptarit është e mikut dhe e Zotit. Kodi e bën shumë të qartë, se brenda kufijve të territorit të shtëpisë miku duhet trajtuar si Zot dhe duhet mbrojtur, deri edhe me jetë nëse është nevoja. Dhe ja kështu, të dashur miqtë e mi, mirë se të rrini si zotër në këtë shtëpi dhe të jeni të sigurt, se ne do ta jepnim edhe jetën për ju nëse do të duhej, megjithëse jam shpresëplotë se nuk do të jetë e nevojshme.

Duke zgjedhur Shqipërinë për këtë Samit të Parë të Bashkimit Europian jashtë Bashkimit Europian, ju na e keni nderuar shtëpinë tonë me praninë më të rëndësishme të miqve në historinë e saj. Kurrë më parë nuk na kishte dërguar Zoti në derë një të tillë numër të madh personalitetesh historike të një kohe, duke na sfiduar edhe me detyrën e të pasurit gati më shumë se 27 jetë tonat, për të mbrojtur tuajat deri në fund. Por ne ju jemi thellësisht mirënjohës si për këtë sfidë, ashtu edhe për besimin realisht prekës që na dhatë.

Nuk ju falenderoj dot mjaftueshëm të gjithëve ju, që kaq shumë e lumturuat sot shtëpinë e shqiptarit, por ama edhe ju, të dashur miq, duhet të jeni shumë të lumtur për shtëpinë e Europës së Bashkuar, pasi siç vinte në dukje europiania e parë në jetën time që më ka folur për marrëdhëniet e fqinjësisë, teksa hidhja hapat e mi të parë jashtë shtëpisë, gjyshja ime e dashur: “Fqinj të lumtur, shtëpi e lumtur”.

The post Rama publikon fjalën e plotë në Samit: Ballkani Perëndimor të jetë në krye të përparësive të planit europian të ripërtëritjes appeared first on Albeu.com.

“Ndërsa zgjerojmë bashkëpunimin tonë me partnerët, ne i nxisim ata të bëjnë përparim të shpejtë dhe të qendrueshëm drejt harmonizimit të plotë me Politikën e Jashtme dhe të Sigurisë të BE” theksohet në deklaratë.

Kancelari gjerman Scholz tha në konferencën e tij për shtyp, se “të gjitha shtetet e BP duhet të mbështesin politikën e jashtme të BE.”

Bashkëpunimi në fushën e siguisë dhe të mbrojtjes ishte një tjetër fokus i samitit.”BE dhe BP janë të vendosura të forcojnë më tej bashkëpunimin në çështje thelbësore të sigurisë dhe mbrojtjes edhe në nivel operacional. BE do të vazhdojë të punojë së bashku me rajonin për të zhvilluar më tej  aftësitë dhe kapacitetet e tij mbrojtëse edhe nëpërmjet Instrumentit Europian të Paqes. BE do të rrisë më tej angazhimin edhe në fusha të tilla si hapësira dhe lëvizshmëria ushtarake”, theksohet në deklaratë.

BE rikonfirmon angazhim të palëkundër ndaj perspektivës europiane të BP

Treguesit konkretë të këtij angazhimi u bënë të njohura nga Presidentit i Këshillit Europian Charles Michel, Presidentja e Komisionit Europian, Ursula von der Leyen, dhe Kryeministrit Edi Rama, në konferencën e përbashkët për shtyp, në përfunfdim të samitit.

“Jam i bindur në mënyrë absolute që e ardhmja e fëmijëve tanë do të jetë e sigurtë dhe më e begatë me Ballkanin Perëndimor në BE, ”, tha Presidenti i Këshillit Europian, Charles Michel në konferencën e përbashkët për shtyp.

Ai bëri të njohur “një paketë financiare për të ndihmuar BP në përballimin e pasojave të rënda lidhur me pasojat e luftës në Ukrainë në furnizmin me energji dhe sigurinë ushqimore”.

Presidentja e Komisionit Europian, Ursula von der Leyen, tha në konferencën e përbashkët për shtyp, se ” BE do ta mbeshtesë BP me një paketë prej 1 miliard eurosh. 500 milionë euro do të jenë për të mbështetur bizneset dhe familjet në nevojë, kurse 500 milionët e tjerë për investime në energjinë e rinovueshme për të pasur pavarësi nga Rusia”.

“BP po trajtohet për hërë të parë në këtë samit si një rajon gjeo-strategjik në sajë të luftës brutale të Rusisë në Ukrainë. Ka një lëvizje përpara të përbashkët nga BE dhe BP për të përballuar së bashku sfidat”, tha presidentja e Komisionit Eropian, Ursula von der Leyen.

Kryeministrii Shqipërisë Edia Rama e vlerësoi samitin ”me përmasa historike, pasi BE del për herë të parë jashtë kufijve të tij gjë që është një tregues i jashtëzakonshëm i vetëdijes se BE ka nevojë për BP dhe BP për BE”

Kryeminisri Rama vlerësoi si një “lajm të shkëlëqyer për rininë” ngritjen në Tiranë të kampusit të kolegjit të Europës në Brugge, Belgjikë.

“Universitetet e BP do të bëhen pjesë e universiteteve në BE Studentët nga vendet e BP do të mund të ndjekin studimet edhe duke qëndruar në vendin e tyre,” bëri me dije kryeministri Rama.

Si tregues i forcimit të bashkëpunimit mes BE dhe BP në samtin e Tiranës u nënshkrua edhe marrëveshja e bashkëpunimit për tarifat roaming mes operatorëve të telekomit të BE dhe BP. Ursula von der Leyen tha  lidhur me këtë marrveshje, se operatorët e BE dhe BP “do të nisin të ulin tarifat e roaming duke filluar nga viti i ardhshëm, gjë që do të ketë ndikime pozitive për biznesin, turizmin dhe afrimin e njerëzve.

Sfida e emigrimit masiv nga BP

Shifrat në rritje të numri të emigrantëve që hyjnë në vendet e BE përmes rrugës së BP, mbetet një shqetësim i madh për BE, i shprehur edhe në samitin e Tiranës. Presidenti i Këshillit Europian, Charles Michel, e cilësoi fluksin në rritje të emigrimit nga rajoni një “çështje sfiduese që duhet përballuar së bashku.” Ai foli për „bashkëpumim konkret operativ mes BE dhe BP, hamonizim të politikave të vizave dhe vendime shtesë.”

Nevojën e ndryshimit në politikën e vizave të BE theksoi edhe kancelari gjerman Scholz në konferencën e tij për mediat. FRONTEX, agjensisa kufitare e BE, ka publikuar në tetor të këtij viti shifrën prej 22.300 tentativash hyrjeje të parregullta në BE, shifër që është tri herë me e lartë sesa një vit më parë.

Mbetet pa datë hyrja në BE e vendeve të BP

Samiti BE-BP dha disa tregues konkretë dhe të qartë të vullnetit për të përforcuar bashkëpunimin gjeo-strategjik mes tyre. Por nuk dha asnjë datë se kur rajoni do të mund të anëtarësohet në BE.

Liderët e BE nuk qartësuan nëse do të zbatojnë rekomandimin e fundit të Paramentit Europian që ‘negociatat e anëtarësimit të vendeve kandidate në BP duhet të përfundojnë deri në vitin 2030”

Kancelari gjerman Scholz tha në konferencën e tij për mediat pas përfundimit të samitit, se „Franca dhe Holanda kanë ndryshuar qëndrimin e tyre skeptik ndaj  zgjerimit të BE drejt BP , krahasuar me një vit më parë.”

Anëtarësimi i plotë në i BP në BE, me sa duket, mbetet një perspektivë e largët, pa datë edhe pse BE i dha rajonit në samitin e Tiranës  tregues konkretë që vendet e tij kanë në të ardhmen në BE. Një  premtim  në rrethana të reja kur lufta e Rusisë në Ukrainë kërcënon të riformojë ekuilibrat gjeo-strategjikë në Europën Jug-Lindore.

Sulm fizik ndaj ish-kryeministrit Brisha në protestën antiqeveritare e opozitës

Një protestë antiqeveritare e paralajmëruar e opozitës u zhvillua në Tiranë kur samiti filloi punimet e tij. Ish-kryeministri Sali Berisha, që kishte thirrur këtë protestë u sulmua dhe u godit me grusht në fytyrë nga një kalimtar kur ishte në krye të protestuesve drejt godinës së kryeministrisë.

Sipas njoftimit të policisë 31 vjecari Gert Shehu, që sulmoi Berishën, rezulton të jetë i sëmurë mendor me diagnozë “çrregullim psikotik të papërcaktuar”, vërtetimi mjekësor për të cilin u publikua nga mediat lokale rezulton të jetë marrë në tetor të këtij viti./DW

The post BE dhe BP inkurajojnë bashkëpunimin prej luftës në Ukrainë appeared first on Albeu.com.