Meta tha se mesazhet në atë samiti shin inkurajuese, dhe shtoi se është shumë e rëndësishme nisja e negociatave të anëtarësimit me Shqipërinë dhe Republikën e Maqedonisë së Veriut dhe liberalizimi sa më parë i vizave me Kosovën.

Postimi i Metës:

Mesazhet e sotme të Samitit BE-Ballkani Perëndimor janë inkurajuese.

Perspektiva europiane e rajonit jetësohet përmes reformave të besueshme, në themel të të cilave qëndrojnë parimet dhe vlerat europiane të demokracisë, të drejtave themelore dhe sundimit të ligjit.

Mirënjohës për mbështetjen politike dhe ndihmën e gjithanshme, që Bashkimi Europian vazhdon t’i japë Shqipërisë dhe gjithë rajonit tonë, si partner i parë dhe i natyrshëm ekonomik, duke qëndruar plotësisht të linjëzuar në qëllimin e përbashkët strategjik të zgjerimit.

Plani Ekonomik i Investimeve dhe Agjenda e re për Inovacionin duhen shfrytëzuar maksimalisht për të rimëkëmbur ekonominë dhe frenuar shpopullimin e mëtejshëm dramatik të vendit.

Bashkëpunimi rajonal duhet të jetë gjithëpërfshirës dhe të përqëndrohet në zbatimin e zotimeve të ndërmarra. Bishtnimi ndaj këtyre zotimeve dhe parcelizimi i rajonit kundërprodhojnë më shumë ndasi dhe konflikte artificiale të padobishme, dhe bien ndesh me rrugën europiane të vendeve tona.

Duke përshëndetur Presidencën sllovene të BE dhe të gjitha vendet e tjera anëtare për zhvillimin e këtij Samiti të posaçëm për Ballkanin Perëndimor, ripërsëris rëndësinë, që ka nisja e shpejtë e negociatave të anëtarësimit me Shqipërinë dhe Republikën e Maqedonisë së Veriut dhe liberalizimi sa më parë i vizave me Kosovën, një premtim që kërkon zbatim urgjent./albeu.com

The post Meta: Mesazhe inkurajuese nga Samiti BE-Ballkani Perëndimor appeared first on Albeu.com.

“Ka perspektivë për zgjerim, por është e qartë se jo të gjithë anëtarët (e BE-së) kanë të njëjtin oreks”, tha Vuçiç ndërsa shtoi se, “pa i zgjidhur çështjet me Prishtinën, Serbia nuk do të jetë në gjendje që t’i bashkohet BE-së”./albeu.com

The post Vuçiç: Nuk mund t’i bashkohemi BE-së pa zgjidhur çështjen me Kosovën appeared first on Albeu.com.

Rama shihet së bashku me një personalitet të vendeve europiane, të dy me çadra në duar, nën pikat e shiut që e bëjnë edhe më interesante situatën.
Fotografia është bërë në Slloveni, në samitin mes Bashkimit Europian dhe Ballkanit perëndimor.

Pritet që atje të mbahen diskutime të rëndësishme për ecurinë e mëtejshme të rajonit dhe integrimin në BE./albeu.com

The post Me çadër nën pikat e shiut, Rama poston fotografinë unike (FOTO LAJM) appeared first on Albeu.com.