Në një njoftim të papritur, SHBA dhe Kina ranë dakord të punojnë së bashku këtë dekadë për të kufizuar rritjen e temperaturës globale në 1.5C

Më shumë se 100 liderë botërorë premtuan t’i japin fund dhe të ndryshojnë shpyllëzimin deri në vitin 2030, duke përfshirë Brazilin, shtëpinë e pyjeve tropikale të Amazonës.

SHBA dhe BE njoftuan një partneritet global për të ulur emetimet e metanit të gazit serrë deri në vitin 2030. Reduktimi i metanit në atmosferë shihet si një nga mënyrat më të mira për të reduktuar shpejt ngrohjen globale.

Më shumë se 40 vende u angazhuan të hiqnin dorë nga qymyri, por përdoruesit më të mëdhenj në botë si Kina dhe SHBA nuk u regjistruan

Një aleancë e re që angazhon vendet të caktojnë një datë për përfundimin e përdorimit të naftës dhe gazit, dhe ndalimin e dhënies së licencave të reja për eksplorim, u lançua./albeu.com

The post Çfarë është rënë dakord deri më tani në Samitin e Klimës appeared first on Albeu.com.

“Ai bëri një gabim serioz duke mos marrë pjesë në samitin e G20 në Romë dhe në konferencën e klimës COP26 në Glasgow”, tha presidenti i SHBA , për Xi Jinping.

“Mendoj se ishte një gabim i madh që nuk erdhi presidenti kinez. Ai humbi mundësinë për t’u takuar njerëzit nga i gjithë planeti”, tha Biden.

Në të njëjtën kohë, ai theksoi se nuk ishte i shqetësuar se një konflikt i armatosur mund të lindë aksidentalisht midis Uashingtonit dhe Pekinit.

Plani i qeverisë Biden

Administrata e Joe Biden ka prezantuar një sërë rregulloresh për të reduktuar ndjeshëm emetimet e metanit nga industria e naftës dhe gazit në SHBA, me qëllim që të jetë një shembull për ndërmjetësuesin e konferencës së OKB-së për klimën COP26.

Njoftimi vjen ndërsa presidenti amerikan ndodhet në Glasgow për konferencën globale të klimës, ku më shumë se 80 vende janë zotuar sot të reduktojnë emetimet e metanit me 30% deri në vitin 2030, një gaz shumë i dëmshëm për mjedisin.

“Shtetet e Bashkuara do të udhëheqin me shembull dhe do të ndajnë me botën forcat tona të rëndësishme të inovacionit”, tha Biden në samitin COP26.

Rregulloret e reja të propozuara “mund të zvogëlojnë emetimet e metanit me 41 milionë tonë nga 2023 në 2035”,  tha Agjencia e Mbrojtjes së Mjedisit të SHBA (EPA).

Kjo është e barabartë me “920 milionë tonë” CO2, tha agjencia, që do të thotë “më shumë se sasia e dioksidit të karbonit të emetuar nga të gjithë pasagjerët amerikanë në automjetet komerciale dhe avionët në 2019”.

Vlen të përmendet se ky plan vlen edhe për objektet ekzistuese dhe jo vetëm për ato që do të ndërtohen në të ardhmen.

Në veçanti, duhet të vendosen kufijtë e emetimeve për qindra mijëra burime ekzistuese në të gjithë vendin dhe objektivat e reduktimit të emetimeve për burimet e reja të naftës dhe gazit do të përditësohen dhe zgjerohen, sipas njoftimit.

Këto rregulla fillimisht do të futen në një periudhë debati publik të detyrueshëm. EPA pret të publikojë raportin përfundimtar para fundit të vitit 2022./albeu.com

The post Përplasje e re midis SHBA-së dhe Kinës për COP26 dhe “gabimi serioz” për të cilin foli Biden appeared first on Albeu.com.

Rama publikuar një me aktorin hollivudian Leonardo DiCaprio, ku kanë diskutuar për Vjosën.

Gjithashtu ka ndarë dhe foto me kryeministrin kanadez Justin Trudeau, ish-kryeminstrja britanike Theresa May si dhe liderë të tjerë botërorë.

Shihni më poshtë fotot!

The post Nga diskutimi me DiCaprion për Vjosën te takimi me kryeministrin kanadez, Rama ndan fotoalbumin nga COP21 appeared first on Albeu.com.

Rama ka kërkuar dhe llogari nga këto vende, duke thënë sesi ndotësit do të ndihmojnë vendet e vogla jondotëse si Shqipëria.

Më tej në fjalën e tij, shefi i qeverisë shqiptare u shpreh se shpreson që të mbahen premtimet e financimeve gjatë krizës energjitike.

Fjala e plotë e kryeministrit Rama në konferencën e OKB mbi ndryshimet klimatike COP26:

Unë quhem Edi Rama. Me gjasë jam më i gjati këtu, por vij nga një prej vendeve më të vogla, Shqipëria. Unë dhe bashkëqytetarët e mi shohim nga vendet tuaja si modele të mirëqeverisjes. Në ngjarje të rëndësishme, si kjo e sotmja, na thuhet se çfarë duhet të bëjmë. Zakonisht, ne dëgjojmë dhe mbajmë shënim. Kështu bëra, ju dëgjova dhe mbajta shënim, por ende nuk kam marrë përgjigje për pyetjen me të cilën kam ardhur këtu. Ndoshta nuk i ka shkuar kujt në mend, kështu që po e them qartë: “Si mendojnë të na ndihmojnë ndotësit e mëdhenj neve, që jemi jondotës?”

Po, jondotës! Prodhimi ynë i energjisë mbështetet te burimet e ripërtëritshme, 100 për qind hidrike, zero për qind karburante fosile. E nuk japim vetëm premtime se do të përballemi me sfidën e përbashkët të angazhimeve të ndërmarra dhe objektivave të vendosura. Ne e bëjmë këtë. Sot. Në vitin 2021.

Por ne nuk jemi të vetëmjaftueshëm, kështu që na duhet të importojmë energji dhe, për pasojë, importojmë ndotje. Vendi ynë i vogël ju pyet: “Për sa kohë do të na duhet të vazhdojmë të bëjmë të vetëm gjënë e duhur? Për sa kohë do të na duhet të jemi të parët që paguajnë çmimin për kontributin tuaj në ndryshimin e klimës dhe, më tej, për mosndreqjen e pasojave të saj nga ana juaj?

Ne mund t’i kishim pranuar të gjitha ofertat fitimprurëse që na janë bërë për vite me radhë për termocentrale me qymyr. Do të na kishin ndihmuar për të kompensuar sezonet tona të thatësirës, kur mungesa e reshjeve na detyron të dalim në treg dhe të blejmë energji me kosto shumë të lartë nga të mëdhenjtë. Jam krenar që nuk e kemi bërë, por, tani, vendi im i vogël sheh atë çfarë ndodh këtu, sesi ndotësit më të mëdhenj marrin racionet më të mëdha të parave, për të na ndihmuar ne të përballemi me ndryshimin klimës siç thonë.

Tani që po vjen dimri, buxheti ynë ka humbje, pasi na duhet të blejmë energji dhe çmimet kanë shkuar në qiell. Për më tepër, për shkak të thatësirës së madhe, hidrocentralet tona nuk i përmbushin dot nevojat e vendit. Kështu gjendemi midis dy përbindëshave, Shilës, ndërsa lutemi të bjerë shi për prodhimin e energjisë elektrike dhe Karibdës, rrezikut të përmbytjeve shkatërruese që gërryejnë pjesë masive të ekonomisë sonë të vogël rurale. Vetë kriza e klimës në veprim.

Kështu, vendi im thotë me vete – ke 100 për qind burime të ripërtëritshme, po, por cila është përgjigjja për familjet dhe biznesin e vogël që nuk ia dalin të paguajnë fatura edhe më të larta për konsumin e energjisë elektrike? Mos po paguajmë çmimin se po bëjmë gjënë e duhur?

Ne nuk mund të rrimë pa bërë gjë e të presim nëse tregjet lëvizin me shpejtësi në drejtimin e duhur. Shpresoj që do t’i mbani premtimet për financim, për të mbështetur vendet me të ardhura të ulëta dhe të mesme; duke nisur nga modele të energjisë së pastër, siç është Shqipëria. Ky financim nuk duhet të vijë në formën e huave që i zënë vendet tona në grackën e ciklit të borxhit, por përmes granteve që na fuqizojnë të investojmë. Dhe shpresoj që mbështetja nuk do të vazhdojë të nënkuptojë studime e strategji pa fund, ndikimi i të cilave është shumë herë më i ulët sesa kostoja që duhet për të paguar njerëzit nga vendet e pasura që i hartojnë ato.

Është krejt fisnike të refuzosh çdo përzierje me karburantet fosile të prodhimit tonë të energjisë 100 për qind të ripërtëritshme. Disa prej jush mund të jenë në gjendje ta përballojnë. Për ne, është një betejë e përditshme. Modeli është i pamundur të përballohet pa mbështetjen e vendeve më të pasura e më të fuqishme. Jam i ndërgjegjshëm se nismat e ardhshme të klimës nuk kushtëzohen vetëm nga sa prekin Shqipërinë apo vende të ngjashme me të, por mungesa juaj e veprimit na ndikon ne dhe shumë si ne, që paguajnë çmimin e lartë për fitimet e ndotësve të mëdhenj.

E nisa duke thënë se i kemi sytë nga vendet tuaja, si modele të mirëqeverisjes. Shpresoj të mos vijmë në pikën ku të kuptojmë që ka qenë gabim. Ju falemnderit”, tha Rama./albeu.com

The post “Si do t’i ndihmojnë ndotësit, jondotësit?” Rama në Samitin e Klimës: Shpresoj t’i mbani premtimet appeared first on Albeu.com.

Karin Elharar tha për televizionin izraelit “Channel” 12 se, ajo nuk mund të arrinte në Samitin e Klimës sepse opsionet e vetme për t’iu afruar atyre nga vendi i tubimit ishin të ecnin në këmbë ose të hipnin në një autobus pa karrige me rrota.

“Erdha në COP26 për t’u takuar me homologët e mi nga e gjithë bota dhe për të promovuar luftën tonë të përbashkët kundër krizës klimatike”, shkroi Elharar në Twitter. “Është për të ardhur keq që Kombet e Bashkuara, të cilat promovojnë aksesin për personat me aftësi të kufizuara në 2021, nuk shqetësohen për aksesin në eventet e tyre”, shtoi ajo.

Ministrja u shpreh gjithashtu se shpreson që deri nesër, të martën, të gjendet një zgjidhje.

Ministri I Jashtëm i Izraelit iu drejtua organizatorëve të konferencës, duke thënë: “Është e pamundur të shqetësohesh për të ardhmen, klimën dhe njerëzit pa kujdesin e parë për ata me aftësi të kufizuara”.

Ambasadori britanik në Izrael, Neil Wigan, kërkoi falje për incidentin fatkeq.

“Jam i tronditur kur mësova se Karin Elharar nuk ka mundur të marrë pjesë në takimet e COP26. I kërkoj ndjesë thellë dhe të sinqetë. Ne duam një samit të COP që është mikpritës dhe gjithëpërfshirës për të gjithë”, shkroi Wigan në Twitter./albeu.com

The post Incident në COP26, ministrja izraelite mbetet jashtë samitit: Nuk ofronin transport për njerëzit me aftësi të kufizuara appeared first on Albeu.com.

“Unë mendoj se nuk duhet të kërkoj falje, por kërkoj falje për faktin që SHBA u tërhoqën nga Marrëveshja e Parisit dhe kjo na vonoi”, tha ai.

Ai theksoi se një nga vendimet e para pas mbërritjes së tij në Shtëpinë e Bardhë ishte kthimi i vendit të tij në Marrëveshje, e cila synon të ulë mbinxehjen shumë nën 2 gradë Celsius në krahasim me periudhën para-industriale, dhe nëse është e mundur me 1.5 gradë Celsius.

Ish-presidenti i Shteteve të Bashkuara, Trump, ka argumentuar se marrëveshja për të reduktuar emetimet e gazrave serrë po shkatërron vendet e punës. Por pasardhësi i Joe Biden beson ndryshe.

“Në mes të katastrofës në rritje, unë besoj se ka një mundësi të pabesueshme, jo vetëm për Shtetet e Bashkuara, por për të gjithë ne, ” u tha ai udhëheqësve botërorë në samitin COP26.

Biden gjithashtu premtoi “veprime, jo fjalë”.

“SHBA jo vetëm që po kthehen në tryezë, por shpresojmë të japim një shembull të mirë.”/albeu.com

The post Biden kërkon falje për tërheqjen e SHBA nga Marrëveshja e Parisit për Klimën appeared first on Albeu.com.

Në një video-mesazh, ajo u kërkoi delegatëve të COP26 të ngrihen mbi politikën e momentit dhe të shohin se koha për fjalë tani ka kaluar në kohën e veprimit.

Ajo tha se “historia ka treguar se kur kombet bashkohen në kauzë të përbashkët, ka gjithmonë vend për shpresë”

Monarkja 95-vjeçare ishte planifikuar të merrte pjesë në konferencën në Glasgoë. Por ajo pati probleme me shëndetin dhe nuk mundi të shkonte.

Mbretëresha më tej në fjalimin e saj tha: “Është një burim i madh krenarie për mua që roli kryesor që burri im luajti në inkurajimin e njerëzve për të mbrojtur planetin tonë të brishtë, jeton përmes punës së djalit tonë të madh Charles dhe djalit të tij të madh Ëilliam. Nuk mund të isha më krenarë për ta. Është shpresa e shumë njerëzve që trashëgimia e këtij samiti, e shkruar në librat e historisë ende për t’u shtypur, do t’ju përshkruajë si liderët që nuk e humbën mundësinë; dhe që iu përgjigjët thirrjes së atyre brezave të ardhshëm./albeu.com

The post Mbretëresha thirrje liderëve botërorë në Samitin e Klimës: S’ka vend për fjalë, koha për veprim appeared first on Albeu.com.

Joe Biden u kap në kamera duke mbledhur krahët dhe gradualisht dukej se po dremite ndërsa konferenca filloi të hënën pasdite.

Sytë e Bidenit fillimisht u mbyllën vetëm për disa sekoda herën e parë, megjithatë, ata nuk u hapën aq shpejt herën e dytë kur u mbyllën.

Biden appears to fall asleep during COP26 opening speeches pic.twitter.com/az8NZTWanI

— Zach Purser Brown (@zachjourno) November 1, 2021

Në një situatë të tillë, një nga anëtarët e stafit iu afrua dhe e zgjoi. Më pas ai duartotiki fjalimet.

Presidenti Joe Biden shkoi në konferencën e Kombeve të Bashkuara për klimën të hënën, i mbështetur nga një kornizë e re legjislative që, nëse miratohet, do të ishte veprimi më i madh i ndërmarrë ndonjëherë nga Shtetet e Bashkuara për të adresuar ndryshimet klimatike./albeu.com

The post Presidentin Biden e zë gjumi në Samitin e Klimës (VIDEO) appeared first on Albeu.com.