Këtë vit, ndryshe nga edicionet e kaluara, gjashtë vendet e Ballkanit Perëndimor nuk do të nënshkruajnë marrëveshje të reja, por pritet të miratohen deklarata të përbashkëta që synojnë forcimin e tregut rajonal dhe sektorit të energjisë.

Britania e Madhe, si vendi mikpritës, pritet të vërë theks të veçantë te bashkëpunimi kundër krimit të organizuar, korrupsionit dhe menaxhimit të migrimit.

The post Samiti i Procesit të Berlinit, kryeministri Rama niset drejt Britanisë së Madhe appeared first on Albeu.com.

Presidentja e Komisionit Europian, Ursula von der Leyen mbërriti dje në Tiranë,  ndërsa mbërriti edhe kryeministri grek Kyriakos Mitsotakis. I pranishëm do të jetë edhe Presidenti i Këshillit Europian, Charles Michel. Nuk mund të mungonte kancelari gjerman, Olaf Scholz, vendi i të cilit inicioi Procesin e Berlinit. Në punimet e samtit pritet të marrë pjesë edhe kryeministri spanjoll Pedro Sanchez, ndërsa presidenti francez Emmanuel Macron anuloi pjesëmarrjen, mirëpo pasdite do të jetë në Tiranë vizitën e parë zyrtare. Gjithashtu do të mungojë edhe kryeministrja italiane, Giorgia Meloni, e cila do të përfaqësohet nga zëvendëskryeministri Antonio Tajani.

Ndërkohë, të pranishëm do të jenë edhe 6 përfaqësuesit e vendeve të Ballkanit Perëndimor. Për herë të parë, që pas përplasjeve me Ramën, mbërrin në Tiranë edhe kryeministri i Kosovës, Albin Kurti. Nga radhët e Serbisë pritet që të marrë pjesë kryeministrja Ana Brnabic dhe jo presidenti Aleksandër Vuçiç, i cili është nisur drejt Kinës ditën e sotme. Ky është Samiti i Parë që zhvillohet jashtë kufijve të Bashkimit Evropian.

14:28- VIDEO/ Rama surprizon liderët evropianë me valle shqiptare dhe të Ballkanit Perëndimor

14:02- VIDEO/ Një takim me tre “fytyra” mes “vëllait”, “babait” të Kombit dhe komshiut sherrxhi: Çfarë spikati sot në Tiranë

13:37- “O babai i Kombit”, Abazoviçi i thur lavde Ramës: Ma i miri i tanve (VIDEO)

13:36- FOTOLAJM/ Efektivë me dylbi në çdo godinë të lartë të Bulevardit, si po ruhen liderët e BE-së dhe Ballkanit Perëndimor në Tiranë

Siguria e liderëve të rajonit dhe udhëheqësve të Bashkimit Evropian është parësore ditën e sotme, teksa në Tiranë po mbahet Samiti i Procesit të Berlinit.

Liderët, pasi u pritën nga Edi Rama në Bulevardin “Dëshmorët e Kombit” u drejtuan drejt ambienteve të Piramidës ku do të zhvillohet dhe takimi.

Ndërkaq, siguria e institucioneve është në nivele maksimale.

Siç shihet nga pamjet e publikuara nga LSA, efektivë të policisë ndodhen në çdo godinë të lartë në Bulevardin “Dëshmorët e Kombit” për të ruajtur dhe garantuar sigurinë e pjesëmarrësve në samit.

Policia njoftoi edhe bllokimin e rrugëve kryesore ditën e djeshme, për shkak të sigurisë së liderëve.

13:09- Theu “rregullin”, zbulohet çfarë i tha Mitsotakis mediave pasi iku nga Rama

Kryeminsitri grek Mitsotakis duket se ka dhënë një ultimatum nga qendra e Tiranës për lirimin e Fredi Belerit të arrestuar për blerje votash.

“Po do ta diskutoj me kryeministrin Rama çështjen e Fredi Belerit. Qëndrimi ynë këtë çështje ka qenë shumë i qartë. Nuk kam ndërmend të ndërhyj në çështjet e drejtësisë shqiptare, por Fredi Beleri ka të drejtën të betohen ndonëse ndodhet në paraburgim dhe këtë do ta bëj shumë të qartë. Dhe shpresoj shumë që ta zgjidhim këtë çështje në mënyrë miqësore”, tha Mitsotakis për mediat greke teksa u ndal aty pasi takoi Ramën.

Mitsotakis u pa të ndalej për të folur për mediat greke pasi u prit nga Rama, gjë që nuk e kishin bërë liderë të tjerë para tij gjatë pritjes.

12:45- Kryeministri spanjoll në Tiranë i jep shpresa rajonit: Do të punojmë për një Evropë të bashkuar

Kryeministri i Spanjës, Pedro Sanchez, i cili ishte mori fjalën i fundit në Samitin e Procesit të Berlinit që po mbahet në ambientet e Piramidës deklaroi se Këshilli Evropian ka luajtur një rol të rëndësishëm që Shqipëria dhe vendet  e rajonit të bëhen pjesë e BE-së.

Sanchez: Takimi ynë ndodh në një moment kyç, së pari sepse sfidat e kontinentit tonë, kanë bërë që zgjerimi të jetë në krye të agjendës. Sfidat na kanë treguar që të ardhmen duhet ta ndërtojmë së bashku dhe kjo kërkon përpjekje nga të gjithë. Ne jemi tërësisht të angazhuar dhe do të punojmë për një Evropë të bashkuar. Kërkojmë nga Procesi i Berlinit angazhimi nga rajoni dhe ne besojmë se mund të krijohen gjëra më të mira në të ardhmen.

Sanchez theksoi se më rëndësi është që qytetarët të shikojnë fryte të prekshme.

Kryeministri Spanjoll gjithashtu dënoi sulmin e Hamasit kundër Izraelit, ndërsa theksoi se mbrojtja e civilëve është thelbësore. E vetmja mënyrë e zgjidhjes së konflikti është njohja e dy shteteve, theksoi në fund Sanchez.

12:34- “Pa pajtim s’ka bashkëpunim”, Charles Michel thirrje Kosovës dhe Serbisë: Mos i lini fantazmat e së shkuarës t’ju vjedhin të ardhmen

Presidenti i Këshillit Evropian, Charles Michel, nga Samiti në Tiranë i ka bërë thirrje Kosovës dhe Serbisë që t’i japin zgjidhje konfliktit mes tyre.

Sipas Charles, nuk mund të ketë bashkëpunim pa pajtim. Ai theksoi se nuk duhet të lënë fantazmat e së shkuarës që të vjedhin të ardhmen.

Charles Michel: Ju e keni bërë objektivin të qartë shumë herë. Ne duam t’ju mbështesim që të keni sukses. Nuk mund të lëmë konfliktet dy-palëshe të na mbajnë peng. Zgjidhja e tyre mund të jetë më e dhimbshme se reformat por duhet bërë. Mos i lini fantazmat e së shkuarës t’ju vjedhin të ardhmen. Tensionet mes Serbisë dhe Kosovës e kanë sjellë sërish këtë në vend të parë. Nuk ka asnjë bashkëpunim pa pajtim dhe të gjithë e dimë që pajtimi kërkon kurajë politike dhe fokus tek e ardhmja. Kjo  do të jetë fryma për Samitin që do të zhvillohet në Bruksel

12:30- “Ti je i çmendur!”, koreografi zbulon çfarë folën me Ramën dje

12:26- Rama, Scholz dhe Von der Leyen hapin Samitin: “Bota po digjet”, na duhen miq të mirë për të arritur paqen!

Kryeministri Edi Rama e ka marrë i pari fjalën në Samitin e procesit të Berlinit, i cili po mbahet në ambientet e Piramidës.

Rama tha se rajoni i Ballkanit Perëndimor beson fort në një çati të përbashkët, sidomos në këto kohëra sprove.

Rama: Një luftë në pragun e Evropës ku një regjim ka detyruar një vend të pavarur të mbrojë territorin e vet, na ka treguar se bota po ndryshon shumë më shpejt. Një sulm ndaj Izraelit ka detyruar një tjetër vend demokratik që të vetëmbrohet. Ne jemi të bashkuar kundër veprimeve të Rusisë në Ukrainë. Ka shumë sfida për të gjithë ne që përfaqësojmë Evropën dhe sfida më e madhe është ndarja politike midis anëtarëve të BE dhe jo anëtarëve. Të jetosh pa BE-në nuk është e lehtë.

Kreu i qeverisë, gjatë fjalës së tij, tha se vendet e rajonit tani po ndërmarrin hapa të guximshëm drejt rrugës së integrimit.

I dyti që mori fjalën pas kreut të qeverisë, ishte kancelari gjerman, Olaf Scholz.

Scholz tha se Shqipëria njihet për mirëpritjen dhe kjo është vërtetuar sërish sot. Kancelari theksoi sërish se procesi i Berlinit është instrumenti më i mirë për të përshpejtuar integrimin në BE të të gjitha vendeve të Ballkanit Perëndimor.

Scholz: Krizat në rajon kanë forcuar më fort nevojën për të punuar së bashku. Përshkallëzimet e fundit në veri të Kosovës kanë vërtetuar sa e rëndësishme është kjo. Jam i kënaqur që për herë të parë ky Samit mbahet në një vend të Ballkanit Perëndimor. Duhet të diskutojmë sot idetë që kemi sot për bashkëpunimin rajonal dhe ta kthejmë në histori suksesi. Mund të mbështeteni te ne, te Gjermania. Ky është Procesi i Berlinit. Le të fillojmë duke i bërë këto realitet.

Në fund, Presidentja e Komisionit Evropian, Ursula von der Leyen, e cila mbërriti që ditën e djeshme në Tiranë, u shpreh e kënaqur që ky Samit po ndodh për herë të parë në rajonin e Ballkanit.

Presidentja, duke u ndalur te agresioni rus në Ukrainë dhe lufta në Izrael tha se po jetojmë “në një botë që po dijet” dhe për këtë arsye i duhen miq të mirë.

Von der Leyen: Le të punojmë së bashku për këtë, për të arritur paqen. Synimi është për të ecur përpara në rajon dhe për bashkëpunimin rajonal dhe ekonomik. Ekonomitë tona në Ballkanin Perëndimor dhe në BE janë shumë larg njëra-tjetrës. Ne duhet të çlirojmë potencialin që ekziston në Ballkanin Perëndimor dhe këtë do ta arrijë edhe plani i rritjes. Elementi i dytë i fuqishëm ka të bëjë me zhvillimin ekonomik. Sa herë kemi zgjerim, jo vetëm vendet që bëhen anëtare zhvillohen ekonomikisht, por edhe tregu i BE përmirësohet, sepse zgjerohet. Hapja e dyerve nuk mjafton. Vendet e Ballkanit Perëndimor duhet të plotësojnë tregun e tyre rajonal të përbashkët. Është kusht që vendet e Ballkanit t’i ofrojnë qasje fqinjëve të tyre. Ballkani Perëndimor duhet të vijë atje ku i takon, në zemër të BE-së. Këto janë momente kyçe, mos i lini mundësitë që t’ju shpëtojnë, por kapeni momentin. Për këtë do të punojmë së bashku.

11:40- Britania e Madhe rriti prezencën në Ballkan, shefi i diplomacisë në Tiranë për Samitin, paqen në rajon dhe promovimin e Dhomës Britanike të Tregtisë

Ministri i Jashtëm britanik, James Cleverly do të marrë pjesë, sot (16 Tetor), në Samitin udhëheqësve të Ballkanit Perëndimor, për t’i nxitur ata të ruajnë paqen dhe stabilitetin mes tensionesh në rritje, në të gjithë rajonin.

Cleverly synon të mbështetet mbi suksesin e partneritetit me Shqipërinë dhe të kërkojë një bashkëpunim të shtuar në të gjithë rajonin e Ballkanit Perëndimor, për të luftuar emigracionin e paligjshëm.

Bashkëpunimi i ngushtë mes dy vendeve ka sjellë si rezultat prej nënshkrimit të Komunikatës së Përbashkët, uljen e kalimeve me gomone të shtetasve shqiptarë në Kanal me 90% dhe një rritje domethënese të emigrantëve të paligjshëm, të kthyer në Shqipëri.

Pjesëmarrja e tij në samitin vjetor të Procesit të Berlinit në Tiranë vjen pas zhvendosjes së 600 trupave britanike në Kosovë për të forcuar misionin paqeruajtës të NATO-s, si kundërpërgjigje ndaj shtimit të ushtrisë, përgjatë kufirit Serbi-Kosovë dhe sulmeve të dhunshme kundër policisë kosovare.

Përpara vizitës së tij, Ministri i Jashtëm James Cleverly deklaroi:

“Mbretëria e Bashkuar është e angazhuar të punojë me Ballkanin Perëndimor për të luftuar bandat që shfrytëzojnë jetë njerëzore për qëllime përfitimi, si dhë të adresojë sfidat e tjera të sigurisë në të gjithë rajonin.

Partneriteti ynë me Shqipërinë po bën pikërisht këtë. Përmes bashkëpunimit të agjencive ligjzbatuese, ne kemi ulur numrin e shqiptarëve që vijnë me gomone, me 90%, gjatë vitit të fundit dhe po kthejmë ata që nuk kanë të drejtë ligjore për të qëndruar në Mbretërinë e Bashkuar.

“Mbretëria e Bashkuar do të jetë gjithmonë një partnere e besueshme, e cila qëndron krah më krah me rajonin, për të promovuar një të ardhme të begatë dhe të qëndrueshme”.

Ministri i Jashtëm do të theksojë edhe rolin unik të Mbretërisë së Bashkuar duke mbështetur begatinë dhe sigurinë e rajonit- nga forcimi i qendresës kundër veprimtarive keqbërëse, ndërhyrjeve dhe sulmeve kibernetike tek zhvillimi ekonomik si dhe duke punuar krah partnerëve për të luftuar korrupsionin dhe krimin e organizuar.

Ministri i Jashtëm britanik do të shfrytëzojë rastin në këtë Samit- ku marrin pjesë përfaqësues të lartë të qeverive nga i gjithë Ballkani Perëndimor dhe nga Europa- për të nxitur partnerët ndërkombëtarë të jenë të palëkundur në solidaritetin e tyre ndaj Izraelit dhe të drejtës së tij themelore për t’u mbrojtur kundër HAMAS-it.

Gjatë kohës së qëndrimit në Tiranë, James Cleverly do të nxisë marrëdhëniet mes Mbrëtërisë së Bashkuar dhe Shqipërisë. Ai do të mbështetet mbi Komunikatën e Përbashkët të dakordësuar mes kryeministrave Rishi Sunak dhe Edi Rama në dhjetor 2022. Komunikata përcakton fushat e reja të bashkëpunimit në zbatimin e ligjit dhe kthimin e atyre që kanë arritur në mënyrë të paligjshme në Mbretërinë e Bashkuar, si dhe forcimin e zhvillimit ekonomik.

Në aeroportin Ndërkombëtar të Tiranës, Ministri i Jashtëm, krah Ministrit të Brendshëm shqiptar do të çelë zyrtarisht Komisariatin e Policisë, Rinas, ku ndodhet edhe Task Forca e Përbashkët e Emigracionit, përgjegjëse për koordinimin e masave dhe veprimeve operacionale, për të luftuar kontrabandistët dhe trafikantët e qenieve njerëzorë, të cilët bëjnë kalimin e emigrantëve të paligjshëm nga Shqipëria në Mbretërinë e Bashkuar.

Për të shtuar marrëdhëniet tregtare mes Mbretërisë së Bashkuar dhe Shqipërisë, Ministri i Jashtëm do të promovojë Dhomën Britanike të Tregtisë në vend.

Dhoma do të ndihmojë në rritjen e ekonomive të të dy vendeve, do të lançohet në një event në Western Balkans University, një institucion i arsimit të lartë, i cili po zhvillon partneritete me universitetet britanike dhe po u jep bursa të gjithë atyre që ndjehen nën presion për t’u larguar nga Veriu i Shqipërisë.

11:30- FOTOLAJM/ Ndryshe nga të tjerët, Mitsotakis “thyen rregullin” pasi u prit nga Rama

11:27-Rama dhe Kurti shtrëngojnë duart në tapetin e kuq, kryeministri i Kosovës i dhuron një buzëqeshje

11:18- VIDEO/ E ngrysur, sikur e kanë sjellë me zor: Çfarë nuk u pa nga takimi i Ramës me Kryeministren e Serbisë

11:11- VIDEO/ Rama pret liderët e BE-së dhe rajonit, i zoti i shtëpisë i uron mirëseardhjen

Kryeministri i vendit, Edi Rama ka pritur në Bulevardin “Dëshmorët e Kombit” liderët e rajonit dhe udhëheqësit e BE-së, në nisje të Samitit historik të Procesit të Berlinit.

“I zoti i shtëpisë” i uroi mirëseardhjen të gjithë liderëve, të cilët mbërrin një nga një jashtë ambienteve të kryeministrisë.

10:44- Meloni do të mungojë në Samitin e Procesit të Berlinit në Tiranë

Tirana pret sot, më 16 tetor, liderët e BE-së dhe Ballkanit Perëndimor në kuadër të Samitit të Procesit të Berlinit.

Por jo të gjithë liderët do të marrin pjesë.

Kryeministrja italiane, Giorgia Meloni nuk do të jetë e pranishme në Samit.

Ajo do të përfaqësohet nga zëvendëskryeministri, Antonia Tajani.

Nuk dihet arsyeja e anulimit të vizitës, por sipas medieve italiane, kryeministrja do të presë në një takim mbretin e Jordanisë, Abdullah II Ibn Al Husein.

Sakaq, as Presidenti i Francës, Emmanuel Macron nuk do të jetë i pranishëm gjatë orëve të paradite. Ai mësohet se do të mbërrijë në Tiranë pasdite.

Shkak i shtyrjes së mbërritjes së tij është bërë një sulm me thikë në një shkollë ku një mësues mbeti i vdekur dhe dy të tjerë u plagosën.

10:19- “Një fitore jashtë pas katastrofës brenda!” Mitsotakis do të kërkojë betimin e Belerit

08:54- Samiti në Tiranë, Presidenti Begaj: Ngjarje e madhe historike për rrugëtimin evropian të Shqipërisë dhe rajonit

08:06- Sulmi terrorist në Francë, presidenti Macron shtyn ardhjen në Tiranë për Samitin e Procesit të Berlinit

07:41- Mbahet sot në Tiranë samiti i Procesit të Berlinit! Të gjitha rrugët që do të bllokohen

Liderët e BE dhe ata të Ballkanit Perëndimor do të mblidhen ditën e sotme në Tiranë, për të marrë pjesë në samitin e Procesit të Berlinit, i cili zhvillohet për herë të parë në një vend jo anëtar.

Edhe këtë herë, në fokus do të jetë integrimi i Ballkanit Perëndimor dhe bashkëpunimin rajonal.

Kryeministri Edi Rama, si mikpritës, ka zgjedhur ambientet e reja të Piramidës për të mbajtur këtë takim në kryeqytetin shqiptar.

The post Siguria dhe ekonomia, liderët e BE-së dhe rajonit në Tiranë. Britanikët rrisin prezencën, shefi i diplomacisë me mision të posaçëm appeared first on Albeu.com.

Por jo të gjithë liderët do të marrin pjesë.

Kryeministrja italiane, Giorgia Meloni nuk do të jetë e pranishme në Samit.

Ajo do të përfaqësohet nga zëvendëskryeministri, Antonia Tajani.

Nuk dihet arsyeja e anulimit të vizitës, por sipas medieve italiane, kryeministrja do të presë në një takim mbretin e Jordanisë, Abdullah II Ibn Al Husein.

Sakaq, as Presidenti i Francës, Emmanuel Macron nuk do të jetë i pranishëm gjatë orëve të paradite. Ai mësohet se do të mbërrijë në Tiranë pasdite.

Shkak i shtyrjes së mbërritjes së tij është bërë një sulm me thikë në një shkollë ku një mësues mbeti i vdekur dhe dy të tjerë u plagosën.

Agjenda e plotë e Samitit

Në orën 11:00 do të jetë pritja e liderëve

Në orën 11:30 fjala hapëse

Në orën 12:00 nis sesioni i punës, integrimi i rajonit në tregun e përbashkët europian dhe përmirësimi i konvergjencës me BE

Në orën 13:30 fotografia familjare

Në orën 15:30 nis sesioni i dytë i punës, mbështetja e tranzicionit të gjelbër dhe dixhital në Ballkanin Perëndimor

Në orën 16:45 do të përurohet Kolegji i Europës në Tiranë

Në orën 17:30 do të nënshkruhet marrëveshja rajonale për njohje reciproke të kualifikimit profesional

Në orën 17:45 konferenca e përbashkët për shtyp

Në orën 18:30 ceremonia e inaugurimit të Piramidës./Albeu.com 

The post Meloni do të mungojë në Samitin e Procesit të Berlinit në Tiranë appeared first on Albeu.com.

Edhe këtë herë, në fokus do të jetë integrimi i Ballkanit Perëndimor dhe bashkëpunimin rajonal.

Kryeministri Edi Rama, si mikpritës, ka zgjedhur ambientet e reja të Piramidës për të mbajtur këtë takim në kryeqytetin shqiptar.

Në orën 11:00 do të nisë mbërritja e liderëve ndërsa punimet e këtij samiti do të hapen 30 minuta më vonë nga fjala e kryeministri Rama, Kancelarit Scholz, Presidentit të KE Ursula Von der Leyen dhe kreu i këshillit Europian Charles Michel. Do të ketë dy sesione të ndara, të cilat lidhet me integrimin e tregut të përbashkët rajonal drejt tregut të unik të BE-së çka sipas Brukselit do të bëjë të mundur edhe për integrimin ekonomik me faza.

Liderët e Ballkanit perëndimor do të firmosin marrëveshje për kualifikimet profesionale. Pas tryezave dhe takimeve bilaterale, në orën 17:45 është parashikuar konferenca për shtyp, ndërmjet Ramës, Scholz dhe Von der Leyen.

Sulmi i 24 shtatorit në veri të Kosovës nga kriminelë serbë të armatosur pritet të jetë temë e tryezës së procesit të Berlinit. Për këtë do të mendojë Kryeministri i Kosovës, Albin Kurti, ndërsa Serbia do të përfaqësohet me Ana Brnabic dhe jo Presidentin Aleksandër Vuçiç. Ashtu si në ministerialin e shefave të diplomacisë edhe në takimin e liderëve, Prishtina do të kërkojë vendosjen e sanksioneve ndaj Beogradit, si një kusht i vendosur për rinisjen e dialogut.

Samiti i Procesit të Berlinit, që zhvillohet në Tiranë është i dhjeti në serinë e mbledhjeve të mbajtura në kuadër të tij. Për herë të parë ai do të zhvillohet në një shtet jo-anëtar të Bashkimit Europian, në Shqipëri.

Procesi i Berlinit, i nisur në vitin 2014, synon të rrisë bashkëpunimin mes shteteve të Ballkanit Perëndimor dhe zhvillimin ekonomik të tyre. Kjo iniciativë e udhëhequr nga Gjermania, nëpërmjet ish-kancelares Angela Merkel dhe ish-ministrit të Jashtëm Frank-Ëalter Steinmeier, synon lehtësimin e zhvillimit në drejtim të “pajtimit, stabilizimit, sektorit energjetik, sundimit të ligjit, ekonomisë së tregut dhe të shtet-ndërtimit” mes gjashtë shteteve të Ballkanit Perëndimor (Shqipëri, Serbi, Mali i Zi, Kosovë, Maqedoni e Veriut dhe Bosnje-Hercegovinë).

Për garantimin e rendit dhe sigurisë së personaliteteve europiane që do të qëndrojnë në Tiranë për llogari të samitit janë angazhuar 1600 efektivë të policisë dhe 400 të tjerë të Gardës së Republikës.

Si pjesë të masave, përpos pengesave, policia e shtetit ka planifikuar rrugëkalime të shërbimeve të emergjencës.

Rrugët që do bllokohen

Për garantimin e sigurisë, para, gjatë dhe pas zhvillimit të Samitit, është parashikuar ky perimetër sigurie:

-Bulevardi “Dëshmorët e Kombit”, nga ura e Dajtit deri te sheshi “Nënë Tereza”;
-Bulevardi “Bajram Curri” nga kryqëzimi me Rrugën e Elbasanit deri te kryqëzimi me rrugën “Ibrahim Rugova”;
-Rruga “Papa Gjon Pali II”, “ETC-RTSH-Stadium”;
-Rruga “Ismail Qemali”, nga kryqëzimi i Liceut deri te rruga e “Elbasanit”;
-Rruga “Mustafa Matohiti”, pranë shkollës “Kosova”;
-Rruga “Jul Variboba”, pranë postës, në rrugën e Elbasanit dhe në rrugën “Papa Gjon Pali II”;
-Rruga “Fatmir Haxhiu”, te ETC;
-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit;
-Rruga “Ukraina e lirë”.
Në këto akse rrugore deri në përfundim të Samitit, në orën 20:00, do të ndalohet parkimi, qarkullimi i automjeteve dhe qytetarëve, por do të lejohet vetëm lëvizja e qytetarëve që janë rezidentë në ambiente banimi brenda perimetrit të sigurisë.

Të gjitha bizneset private që ndodhen brenda perimetrit të sigurisë do të jenë të mbyllura.

Në rrugën “Papa Gjon Pali II”, nuk do të lejohet as lëvizja me këmbë, e qytetarëve.

Ndalim të qarkullimit të automjeteve nga ora 08:00 deri në orën 12:00, dhe nga ora 15:30 deri në orën 20:00, do të ketë në akset rrugore:

•Rinas – Mbikalimi i Kasharit – autostrada “Durrës – Tiranë” – ish-sheshi “Shqiponja” – Unaza e Tiranës – rrethrrotullimi i Saukut – rrethrrotullimi pranë Akademisë së Sigurisë – Pallati i Brigadave – rrethrrotullimi i qytetit “Studenti”, deri tek kryqëzimi me bulevardin “Bajram Curri”;
•Bulevardi “Bajram Curri”, nga kryqëzimi me rrugën “Ibrahim Rugova”, deri te Rruga e Elbasanit (ky ndalim vlen për të gjitha llojet e mjeteve);
•Bulevardi “Dëshmorët e Kombit”, nga kryqëzimi me bulevardin “Zhan D’Ark” deri te sheshi “Nënë Tereza”;
•E gjithë rruga “Papa Gjon Pali II”;
•Rruga “Ismail Qemali”, nga kryqëzimi me Rrugën e Elbasanit, deri te kryqëzimi me rrugën “Ibrahim Rugova”.
Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë – Fushë Krujë – Vorë”.

The post Mbahet sot në Tiranë samiti i Procesit të Berlinit! Të gjitha rrugët që do të bllokohen appeared first on Albeu.com.

Von der Leyen, para samitit të së hënës, do të zhvillojë takime me presidentin Bajram Begaj dhe kryeministrin Edi Rama.

Ndërkohë, rreth orës 17:30 pritet një konferencë për shtyp mes Ramës dhe Von der Leyen.

Kujtojmë se samiti i Procesit të Berlinit do të mbahet për herë të parë jashtë kufijve të Bashkimit Europian dhe për ta organizuar këtë samit me rëndësi për vendet e Ballkanit Perëndimor është zgjedhur Tirana.

The post Samiti i Procesit të Berlinit, presidentja e KE mbërrin sot në Tiranë, takim me Begajn dhe konferencë me Ramën appeared first on Albeu.com.

Njoftimi është ndarë në Facebook, ndërsa dita e hënë do të zëvëndësohet një ditë tjetër.

“Njoftim për studentët dhe stafin e Fakultetit të Ekonomisë, Me vendim të Dekanatit, për arsye të masave të marra për bllokimin e rrugëve në zonën ku ndodhet godina e Fakultetit të Ekonomisë edhe për këmbësorët, për shkak të zhvillimit të Samitit të Berlinit në Tiranë, njoftohen studentët dhe stafi se dita e hënë datë 16 Tetor 2023 do të jetë pushim dhe do të zëvendësohet një ditë tjetër.”

Nëndrejtori i Përgjithshëm i Policisë së Shtetit, Sokol Bizhga, në një konferencë për shtyp dje, bëri të ditur se për mbarëvajtjen e këtij samiti do të jenë të angazhuar 1604 forca policore.

Masat e sigurisë do të fillojnë që pasditen e të dielës (15 Tetor) me bllokimin e disa rrugëve në qendër të Tiranës, ku nuk do të lejohet qarkullimi dhe parkimi i automjeteve.

Ndërsa në ditën e samitit, bizneset në zonën e perimetrit të sigurisë nuk do të lejohet të hapen.

Kështu, rrugët që do të jenë të bllokuara janë Bulevardi “Dëshmorët e Kombit”, nga ura e Dajtit deri te sheshi “Nënë Tereza”; Bulevardi “Bajram Curri” nga kryqëzimi me Rrugën e Elbasanit deri te kryqëzimi me rrugën “Ibrahim Rugova”; Rruga “Papa Gjon Pali II”, “ETC-RTSH-Stadium”; Rruga “Ismail Qemali”, nga kryqëzimi i Liceut deri te rruga e “Elbasanit”; Rruga “Mustafa Matohiti”, pranë shkollës “Kosova”; Rruga “Jul Variboba”, pranë postës, në rrugën e Elbasanit dhe në rrugën “Papa Gjon Pali II”; Rruga “Fatmir Haxhiu”, te ETC; Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit; Rruga “Ukraina e lirë”.

Sipas Bizhgës, në këto akse rrugore, duke filluar ora 20:00 e datës 15 Tetor deri në përfundim të Samitit, më datë 16 Tetor, në orën 20:00, do të ndalohet parkimi, qarkullimi i automjeteve dhe qytetarëve, por do të lejohet vetëm lëvizja e qytetarëve që janë rezidentë në ambiente banimi brenda perimetrit të sigurisë.

The post Samiti i Procesit të Berlinit, e hëna pushim për studentët e këtyre dy Fakulteteve appeared first on Albeu.com.

Teksa na ndajnë vetëm dy ditë nga Samiti, kreu i qeverisë ka zbuluar pasditen e sotme më shumë detaje, lidhur me atë që Shqipëria pritet të përfitojë nga ky Samit.

Rama tha ndër të tjera, se vendet e Ballkanit Perëndimor do të kenë mundësi që më 16 teotr yë kërkojnë më shumë financim nga Bashkimi Evropian në rrugën e tyre drejt anëtarësimit në Bllok.

Rama: [Presidentja e Komisionit Europian] Ursula von der Leyen do të prezantojë planin e ri të rritjes ekonomike për vendet e Ballkanit Perëndimor, si rezultat i përpjekjeve të gjata dhe diskutimeve thelbësore që kemi pasur me Brukselin për nevojën që të shkëputemi disi nga metoda tradicionale si i qasemi procesit të anëtarësimit. Deri më tani, procesi tradicional ka qenë i tillë: nëse nis bisedimet apo merr statusin e vendit kandidat, ke qasje në disa programe të vogla. Për të pasur qasje në programe më të mëdha, duhet të jesh anëtar. Nuk mund të vijojë më kështu. Në njërën anë, duhet më shumë mbështetje financiare, në anën tjetër duhet qasje në hapësirën e tregut të unifikuar, që do të na ndihmonte shumë. Kjo do të jetë tema kryesore e asaj dite dhe mendoj se ky do të jetë një samit ku arritjet do të jenë shumë të rëndësishme.

I ftuar në Euronews, kreu i qeverisë tha se me rastin e këtij Samiti janë përgatitur një sërë draftesh nga BE-ja.

Rama: Ne kemi parë disa drafte që janë gjithnjë e më të përmirësuara. Mendoj se draftet ende po përmirësohen dhe me siguri për pak ditë do të dimë ekzaktësisht, jo vetëm çfarë, por si do të funksionojë mekanizmi.

Procesi i Berlinit nisi në vitin 2014 me iniciativën e ish-Kancelares gjermane, Angela Merkel, me qëllimin e lidhjes dhe integrimit të vendeve të Ballkanit Perëndimor përpara se të anëtarësohen në Bashkimin Europian.

Duke u ndalur te perspektiva e anëtarësimit të Shqipërisë në Bashkimin Europian deri në vitin 2030, si një afat përfundimtar i propozuar nga Presidenti i Këshillit Europian, Charles Michel, Rama u tregua i përmbajtur.

Rama: Le të jemi të sinqertë dhe realistë. Europa funksionon në një mënyrë që Komisioni, Këshilli bazohen në zgjedhje, ndryshime. Charles Michel është një president fantastik i Këshillit Europian, por ai nuk do të jetë aty vitin e ardhshëm. Komisioni në përbërjen aktuale po ashtu. Anëtarësimi në 2030 nuk është vendim. Ma ka mësuar eksperienca se nuk duhet varur shpresa tek afatet që cakton BE-ja, sepse ato ndryshojnë kur bëhet fjala për marrëdhënien me vendet tona. Tani që jemi në procesin e bisedimeve, nuk jam i shqetësuar sepse është e rëndësishme të bëjmë detyrat. Nëse i bëjmë mirë, atëherë ne jemi një vend që funksionon si shtetet anëtare, sa i takon standardeve, mënyrës si njerëzit i qasen shtetit dhe anasjelltas, si funksionon shoqëria, si punojnë institucionet dhe si zhvillohet ekonomia. Formalizimi nuk është diçka që Charles Michel apo të gjithë mund të vendosin sot, sepse gjërat mund të ndryshojnë.

Sipas Ramës, asnjë vend i Ballkanit Perëndimor nuk është gati të jetë anëtar i Bashkimit Europian me të drejta të plota.

The post Çfarë do të përfitojë Shqipëria nga Samiti i Procesit të Berlinit? Rama: Tema kryesore do jetë mbështetja financiare appeared first on Albeu.com.

Sakaq është zbardhur dhe agjenda e këtij Samiti.

Pritja do të bëhet në orën 11:00 nga kryeministri Edi Rama te Piramida, vendi ku do të mbahet dhe Samiti.

Hapja do të bëhet në orën 11:30 ku do te flasin fillimisht kryeministri Edi Rama, më pas kancelari gjerman Olaf Scholz, presidentja e Komisionit Europian Ursula von der Leyen e më pas presidenti i Këshillit Europian, Charles Michel.

Më pas do të ketë dy sesione që lidhen me integrimin e tregut rajonal dhe mbështetja e tranzicionit të gjelbër dhe digjital në Ballkanin Perëndimor.

Në orën 17.30 nënshkruhet marrëveshja Rajonale për Njohje Reciproke të Kualifikimit profesional.

Në orën 17.45 do të mbahet konferenca e përbashkët mes kryeministrit Rama, presidentes së Komisionit Europian, Ursula von der Leyen dhe kancelarit gjerman Olaf Scholz.

Në orën 18.00 do të mbahet ceremonia e hapjes së plotë të Piramidës./Albeu.com 

The post Pritja do të bëhet te Piramida, zbardhet agjenda e Samitit të Procesit të Berlinit në Tiranë appeared first on Albeu.com.

Kryeministri Edi Rama ka zbuluar sot disa prej emrave të liderëve evropianë që kanë konfirmuar pjesëmarrjen. Ai shton se po bëhen përgatitjet e fundit në kuadër të këtij Samiti.

“Jemi në përgatitjet e fundit të një tjetër evenimenti të madh ndërkombëtar për Shqipërinë, Samiti i Liderëve të Procesit të Berlinit, i cili do të zhvillohet për herë të parë jashtë kufijve të BE-së, në Tiranë, me pjesëmarrjen e 6 kryeministrave të rajonit, ku kanë konfirmuar pjesëmarrjen Presidenti i Francës dhe Kancelari i Gjermanisë, Presidentja e Komisionit Europian, si edhe një sërë kryeministrash të vendeve anëtare të Bashkimit Europian ????????”, shkruan Rama.

The post Macron e Scholz do të jenë në Tiranë, bëhen përgatitjet e fundit për Samitin e Procesit të Berlinit appeared first on Albeu.com.

Mësohet se në këtë samit, nuk do të marrë pjesë kryeministri i Kosovës Albin Kurti.

Arsyeja duket se nuk është krisja e marrëdhënies me Ramën, por Kurti ndodhet në Greqi për edicionin e 25-të të Simpoziumit Ndërkombëtar.

Ndërkohë sipas mediave, mësohet se në vend të tij do të vijë zëvendëskryeministri Besnik Bislimin.

Në takimin kanë konfirmuar pjesëmarrjen liderët e rajonit, Kryeministri i Malit të Zi Dritan Abazoviç, kryeministri i RMV Dimitar Kovaçevski, kryeministrja e Bosnjës dhe ajo e Serbisë Ana Bërnabiç.

Samiti i Berlinit është një format i nisur nga Gjermania, në të cilin kanë marrë pjesë pa rezerva të gjitha vendet e Ballkanit Perëndimor. Përfshirë edhe Kosovën, që ka qenë një kritike e madhe e Open Balkan, të cilin Rama për momentin e ka lënë mënjanë.

Mbërritja e krerëve të Ballkanit, ishte paralajmëruar nga Rama në turin Ballkanik të zhvilluar pak ditë më parë, ndërsa në Samitin e NATO-n në Lituani, kryeministri foli edhe për një vizitë të Presidentit francez, Emanuel Macron.

Kujtojmë se më 6 dhjetor 2022 në Tiranë, u mbajt samiti i Ballkanit Perëndimor dhe Bashkimit Evropian.

The post Samiti i Procesit të Berlinit, Rama pret sot në Tiranë liderët e rajonit, Kurti nuk merr pjesë appeared first on Albeu.com.