Samiti i NATO Archives - Albeu.com

Samiti i NATO në Holandë/ Rama ndan foton familjare nga pritja e Familjes Mbretërore

V K — Wed, 25 Jun 2025 07:27:45 +0000

Përmes një postimi në llogarinë e tij persona në “Facebook”, kryeministri Edi Rama, ka ndarë foton familjare nga pritja që Familja Mbretërore ka bërë për liderët e NATO-s në Holandë.

Liderët e vendeve anëtare të Aleancës, janë bërë pjesë e kësaj pritjeje, që shënon hapjen simbolike të punimeve të samitit.

Në mesin e të ftuarve ka qenë edhe Kryeministri i Shqipërisë, Edi Rama, i shoqëruar nga bashkëshortja e tij, Linda Rama.

Çështja kryesore në samitLi është rritja e shpenzimeve të mbrojtjes, në 5%, për të cilën pritet të arrihet një marrëveshje.

The post Samiti i NATO në Holandë/ Rama ndan foton familjare nga pritja e Familjes Mbretërore appeared first on Albeu.com.

Samiti i NATO-s, momenti kur Boris Johnson trembet kur Erdogan i hedh duart mbi supe (VIDEO)

E S — Fri, 01 Jul 2022 14:10:00 +0000

Pak ditë më parë krerët e vendeve anëtare të NATO-s, u mblodhën në margjinat e samitit të aleancës për vitin 2022 në Madrid, duke marrë disa vendime, kryesisht në raport me agresionin rus në Ukrainë.

Por në takimin midis liderëve nuk munguan batutat, përqafimet miqësore dhe episode që bënë xhiron e rrjetit.

Një ndër to është edhe kjo përkëdhelje mbi shpatulla që kryeministri britanik Boris Johnson i bën Presidentit të Turqisë, Rexhep Taip Erdogan.

Në videon që qarkullon në rrjet, Erdogan duket se e kap në befasi Johnson.

Kryeministri britanik ishte i përqendruar teksa shkruante diçka në dosjen e tij dhe ka mbetur disi i frikësuar, teksa Erdogan i ka hedhur dorën mbi super për ta përshëndetur.

Ai ia ka lëvizur menjëherë dorën presidentit turk, ndërsa kur e ka njohur se kush ishte është ngritur menjëherë për të ndarë një shtrëngim të ngrohtë duarsh me të.

The post Samiti i NATO-s, momenti kur Boris Johnson trembet kur Erdogan i hedh duart mbi supe (VIDEO) appeared first on Albeu.com.

Erdogan pas Samitit të NATO-s: Të intesifikojmë përpjekjet për t’i dhënë fund luftës në Ukrainë

E S — Thu, 30 Jun 2022 15:42:28 +0000

Presidenti i Turqisë, Rexhep Taip Erdogan, ka folur në një konferencë shtypi në Madrid në fund të samitit të NATO-s, ku bëri thirrje për intensifikimin e përpjekjeve për t’i dhënë fund luftës në Ukrainë.

“Nuk ka të humbur në një paqe të drejtë”,- tha ai, duke shtuar se Ankaraja po përpiqej të ndiqte një politikë të ekuilibruar për shkak të varësisë së saj të madhe nga importet ruse të energjisë.

Turqia e ka furnizuar Ukrainën me drone të armatosur dhe armë të tjera, por lideri i saj gëzon gjithashtu një marrëdhënie të ngushtë pune me homologun e tij rus, Vladimir Putin.

Erdogan tha se Finlanda dhe Suedia duhet të përmbushin premtimet e bëra ndaj Turqisë në një marrëveshje për të hequr veton e saj në ofertat e tyre për anëtarësim në NATO, duke përfshirë një zotim të Stokholmit për ekstradimin e 73 “terroristëve”.

Ratifikimi i ofertave të anëtarësimit të vendeve nordike në NATO nuk do të dërgohet në parlamentin turk derisa të përmbushin premtimet e tyre, duke përfshirë kompletimin e ndryshimeve legjislative sa më shpejt të jetë e mundur, tha ai.

“Nëse kryejnë detyrat e tyre, ne do ta dërgojmë në parlament. Nëse nuk plotësohen, nuk bëhet fjalë.”- shtoi ai.

Erdogan tha se e sheh nënshkrimin e marrëveshjes trepalëshe si njohje të ndjeshmërisë së Ankarasë rreth terrorizmit dhe një “fitore diplomatike” për Turqinë.

The post Erdogan pas Samitit të NATO-s: Të intesifikojmë përpjekjet për t’i dhënë fund luftës në Ukrainë appeared first on Albeu.com.

Samiti i NATO, reagon Ilir Meta: U urojmë mirëseardhjen Finlandës dhe Suedisë

E S — Thu, 30 Jun 2022 13:50:41 +0000

Me anë të një postimi në Facebook, kreu i shtetit i ka uruar mirëseardhjen në Aleancë vendeve nordike Suedisë dhe Finlandës.

“Vendimet e sotme historike të samitit të NATO-s në Madrid, e bëjnë Aleancën tonë më të bashkuar, më të afërt, dhe të mbrojtur për t’u kundërpërgjigjur më shumë se ajo që është ajo që na kanosen!

Vendeve mike, Suedisë e Finlandës, u urojmë mirëseardhjen në Aleancën që mbron sovranitetin, lirinë dhe demokracinë nga çdokush që synon t’i minojë ato.

Ne jemi NATO! Sëbashku qëndrojmë më të fortë!, ka shkruar Meta./albeu.com

The post Samiti i NATO, reagon Ilir Meta: U urojmë mirëseardhjen Finlandës dhe Suedisë appeared first on Albeu.com.

Këshilli i BE merr sot vendim për negociatat me Shqipërinë

E S — Thu, 30 Jun 2022 12:17:25 +0000

Duket se paralajmërimi i Ramës i bërë paraditen e sotme për një lajm të mirë për shqiptarët ka qenë pikërisht në lidhje me një vendim të KE për negociatat.

Mësohet se Keshilli i Bashkimit Europian do të marrë sot vendim për të hapur negociatat me Shqipërinë për anëtarësim në Bashkimin Europian.

Në Samitin e Madridit që po mbahet prej dy ditësh, pritet që sot krerët e vendeve të BE-së të fusin në rend dite edhe “dosjen” e Shqipërisë.

Pak ditë më parë gjatë takimit në Bruksel, krerët e Unionit nuk arritën të hapin negociatat me Shqipërinë dhe Maqedoninë e Veriut për shkak të vetos së Bullgarisë./BW

The post Këshilli i BE merr sot vendim për negociatat me Shqipërinë appeared first on Albeu.com.

“Një muaj i errët shkatërrimi”, Zelensky flet në samitin e NATO-s

E S — Thu, 24 Mar 2022 11:09:24 +0000

Presidenti ukrainas Volodymyr Zelensky ka folur në samitin e NATO-s përmes lidhjes video.

Ai thotë se ndjen se vendi i tij është kapur në “një zonë gri midis Perëndimit dhe Rusisë”, pasi nuk është ende pjesë e aleancës, por “po mbron vlerat tona të përbashkëta”.

Ka qenë një muaj “mbrojtjeje heroike” dhe “një muaj i tmerrshëm i errët shkatërrimi”.

Ai thotë se Ukraina është mbajtur me guxim – por me koston e “mijëra jetëve, qyteteve të shkatërruara dhe pothuajse 10 milionë njerëzve të zhvendosur”.

The post “Një muaj i errët shkatërrimi”, Zelensky flet në samitin e NATO-s appeared first on Albeu.com.

Sot po mbahet samiti i NATO-s, Berisha: Uroj që të japë përgjigjen e duhur ndaj agresionit rus në Ukrainë

E S — Thu, 24 Mar 2022 10:58:23 +0000

Ish-kryeministri, Sali Berisha ka folur për mediat para Parlamentit të Shqipërisë, ku ndër të tjera ka përmenduar edhe samitin e sotëm të NATO-s.

Berisha uron që kjo mbledhje e sotme e samitit t’i japë përgjigjen e duhur agresionit rus në Ukrainë.

Pjesë nga fjala e Berishës:

“Duke shprehur dhe konfirmuar mbështetjen e pakufishme për këtë aleancë, uroj dhe dëshiroj që me vendimit e tij ky samit t’i japë përgjigjen më të merituar terroristit nukleuar, diktatorit gjakësor, që beson dhe mendon se mund të terrorizojë lirinë e botës me armët nukleare që ai zotëron. Ndaj e konsideroj shumë të rëndësishëm këtë samit për paqen dhe lirinë në botë dhe i uroj shumë suksese”. /albeu.com

The post Sot po mbahet samiti i NATO-s, Berisha: Uroj që të japë përgjigjen e duhur ndaj agresionit rus në Ukrainë appeared first on Albeu.com.