Duket se kreu i shtetit është rikthyer në zakonin e vjetër duke veshur atletet e bardha.

Në postimi e tij ku shfaqet duke biseduar me liderët Evropian, e në veçanti me Presidentin e Bullgarisë, Rumen Radev, Rama ka shkruar “Mbase sot lajmi i mirë” duke kryqëzuar gishtat, ndërsa mbetet ende mister se për çfarë mund të bëhet fjalë.

Dy duket të jenë mundësitë për lajmin e mirë, i cili mund të jetë ose është në lidhje me anëtarësimin në NATO të Finlandës dhe Suedisë dhe e dyta, një lajm në lidhje me negociatat për Shqipërinë dhe Maqedoninë e Veriut.

Por nuk  përjashtohet çdo gjë tjetër./albeu.com

The post “Mbase sot lajmi i mirë”, çfarë po paralajmëron Rama në ditën e fundit e samitit të NATO-s në Madrid, rikthen atletet e bardha appeared first on Albeu.com.

Rama shikohet duke biseduar fillimisht me presidentin e SHBA, Jao Biden dhe më pas edhe më atë të turqisë, Erdogan.

Së bashku me Ramën në samit marrin pjesë edhe ministra për Evropën dhe Punët e Jashtme Olta Xhaçka dhe ministri i Mbrojtjes Niko Peleshi.

Kujtojmë që samiti ka nisur ditën e djeshme dhe përfundon ditën e nesërme.

Pjesa e kryesore e agjendës është Ukraina, por edhe anëtarësimi i Suedisë dhe Finlandës në NATO, pas “OK” të marrë nga Turqia./albeu.com

The post Duke i “rrahur shpatullat” Biden-it, Rama ndan pamjet nga Samiti i NATO-s në Madrid (VIDEO) appeared first on Albeu.com.

“NATO do të jetë më e fortë dhe më e sigurtë me Suedinë dhe Finlandë anëtare”, është shprehur Biden.

Po ashtu Biden është shprehur se do të forcojë praninë e saj ushtarake në Evropë, duke përfshirë aftësitë shtesë të mbrojtjes ajrore në Gjermani dhe Itali. /albeu.com

The post Biden: Me Suedinë dhe Finlandën NATO do të jetë më e fortë, më shumë trupa amerikane në Evropë appeared first on Albeu.com.

Qëllimi i këtij vendimi është forcimi i aleancës, pas pushtimit rus në Ukrainë.

Ky vendim përbën “ndryshim themelor në parandalim dhe mbrojtje”, brenda aleancës, ka thënë Sekretari i Përgjithshëm i NATO-s, Jens Stoltenberg, në nisje të samitit treditor.

Ai ka thënë në disa komente paraprake se vendimet e këtij samiti do të bëjnë rishikimin më të thellë të politikave për mbrojtje prej Luftës së Ftohtë.

Lufta në Ukrainë ka krijuar një atmosferë të re brenda aleancës perëndimore, pas disa viteve të mospajtimeve të brendshme dhe rritjes së tensioneve mes Shteteve të Bashkuara dhe Evropës, në kohën sa Donald Trump ka qenë president i SHBA-së.

Presidenti francez Emmanuel Macron e ka përmendur më 2019 se NATO-ja po përballej me “vdekje të trurit”, teksa rriteshin dilemat për rrugën që po merrte aleanca.

Fundi kaotik i intervenimit 20-vjeçar të SHBA-së dhe NATO-s në Afganistan, ka ndikuar pak, derisa lufta në Ukrainë ka vënë theksin te qëllimi kyç i aleancës: mbrojtja kolektive.

Pushtimi rus në Ukrainë “e ka bërë edhe më të qartë” sa e rëndësishme është NATO-ja për të ardhmen, ka thënë kryeministri spanjoll Pedro Sanchez në nisje të takimit.

Përveç frymës së re, NATO-ja do të pranojë edhe anëtarë të rinj, pasi Suedia dhe Finlanda kanë vendosur të braktisin neutralitetin dhe të anëtarësohen në këtë aleancë, pas nisjes së pushtimit rus.

Turqia është pajtuar të martën që të heqë veton për anëtarësimin e të dyja këtyre shteteve në NATO, pas nënshkrimit të zotimeve nga Suedia dhe Finlanda për luftim të terrorizmit.

Ankaraja ka kundërshtuar anëtarësimin e këtyre dy shteteve për disa javë, duke i akuzuar për mbështetje të Partisë së Punëtorëve të Kurdistanit (PKK) dhe YPG-së, një milici kurde me bazë në Siri.

Ankaraja i konsideron të dyja këto organizata si terroriste.

Të mërkurën, aleanca trans-atlantike pritet të arrijë marrëveshje për të pozicionuar më shumë pajisje afër Rusisë, përfshirë armët e rënda, të rrisë numrin e trupave të NATO-s në Evropën Lindore dhe të rrisë numrin e forcave në gatishmëri të lartë nga 40,000 në 300,000.

Aleatët e NATO-s janë ende duke finalizuar përbërjen e trupave që do të angazhohen në Evropën Lindore, pasi disa vende anëtare dëshirojnë të shmangin bazat e përhershme për shkak të kostove të mëdha.

Baltiku, sidomos Estonia, kanë shtyrë NATO-n që të ndryshojë taktikat pas pushtimit rus në Ukrainë dhe që të sigurojë mbrojtje të plotë të territorit në Evropën Lindore.

Aleanca perëndimore me 30 vende anëtare, pritet të pajtohet edhe për një koncept strategjik që vë në pah misionet dhe detyrat e NATO-s.

Përditësimi i fundit i politikave është bërë më 2010.

Aty pritet që Rusia të kategorizohet si kërcënimi më i madh për NATO-n në 10 vjetët e ardhshëm, si dhe të përmendet Kina për herë të parë.

Vendet partnere të NATO-s në rajonin e Indo-Paqësorit – Australia, Zelanda e Re, Japonia dhe Koreja Jugore – janë duke marrë pjesë në samit, një shenjë se lufta në Ukrainë ka marrë gjithë vëmendjen e aleancës.

Vendet anëtare të NATO-s po planifikojnë që të tregojnë përkushtim se do t’i ndihmojnë Ukrainës në periudhë afatgjatë me pajisje, trajnim dhe modernizim të pajisjeve ushtarake të periudhës sovjetike./REL

The post Samiti në Madrid, NATO synon ndryshimet më të mëdha prej Luftës së Ftohtë appeared first on Albeu.com.