Ai ngriti shqetësim për ligjin 7501, duke thënë se është një ligj kriminel, pasi edhe sot janë duke u vrarë qytetarët.

Teksa ngriti një tjetër shqetësim, atë të statusin të minatorit, sipas tij një premtim i pa mbajtur nga qeveria Rama, të moshuarit disa herë iu tentua t’i merrej mikrofoni dhe t’i hiqej fjala.

“Unë kam punuar në minierën e  Bulqizës. Nuk u miratua ligji për statusin e minatorit, është premtuar që në 2013. E kemi përgëzuar dhe e kemi votuar, se Bulqiza ka qene e djathtë. I dhamë votën akoma asgjë. Më e keqja, një deputet i krahasoi minatorët me balerinat e operës, një fyerje e rëndë. Unë shpresoj që këtë mandat do ta jepni statusin, përndryshe…Unë kam ardhur, kam harxhuar lekët. Mos bej debat me ne diasporën, kur të shkosh në televizor bëj debat, jo me ne. Kemi kontribuar për këtë vend”, tha minatori.

Debati në Samitin e Diasporës:

Minatori: Meqë paketa e maleve është miratuar, kemi pengesa  të theksuara nga ligji 7501, sepse ne kemi qenë punë shteti, larg vendlindjes dhe nuk kemi pasur të bëjmë letrat individuale sipas këtij ligji, një ligj kriminal, sepse akoma e sot po vriten bashkëkombësit tanë. Unë jam i ligjit, jam dakord me ligjet e shtetit.

Balla: Paketa e maleve është për të të shpëtuar nga kjo pjesa e 7501

Minatori: Prit se nuk më shpëton dot, sepse unë nuk shkoj në Korab të ndërtoj, por të toka e plakut tim

Balla: Po aty pra

Minatori: Nuk ma jep komuna i kam bërë kërkesë ka 10 vjet. Kam shkuar tek noteri…

Balla: Nuk ke punë fare tek noteri, shkoni te noteri që tu marrë ndonjë lekë. A do përgjigjen?

Minatori: Do të jap këtë mendim unë ty, duhet një iniciativë…

Balla: Nuk është kohë për mendim, është kohë për përgjigje. Nëse ke në plan të bësh një gjë te toka e gjyshi

Minatori: Nuk do e bëj unë, do ta bëjë djali. Se unë ndërtues në Itali, kam mbaruar

Balla: Shumë mirë atë tokë që ta ka lënë gjyshi, bëj kërkesë në Këshillin Bashkiak, dhe këshilli brenda 30 ditëve do ta miratojë tokën. Mos shko tek noteri. Shko te këshilli bashkiak

Minatori: Dhjetë herë e kam bërë kërkesën

Balla: Nuk e ke bërë kërkesën, ma sill mua se do ta ndjek unë.

Minatori: E dyta, unë kam punuar në minierën e  Bulqizës. Nuk u miratua ligji për statusin e minatorit, Është premtuar që në 2013. E kemi përgëzuar dhe e kemi votuar, se Bulqiza ka qene e djathtë. I dhamë votën akoma asgjë. Më e keqja, një deputet i krahasoi minatorët me balerinat e operës, një fyerje e rëndë. Unë shpresoj që këtë mandat do ta jepni statusin, përndryshe…Unë kam ardhur, kam harxhuar lekët. Mos bej debat me ne diasporën, kur të shkosh në televizor bëj debat, jo me ne. Kemi kontribuar për këtë vend.

Moderatori i panelit: Shqetësimi nuk është për te ky panel

Minatori: Nga parlamenti duhen nisma ligjore për ta ndihmuar diasporën nëse keni ndërmend ta ndërtoni vendin, sepse nuk e ndërtoni ju por e ndërton diaspora.

The post Samiti i Diasporës/ Minatori përplaset me Ballën: Këtë vend nuk e ndërtoni ju, tentohet t’i merret mikrofoni (VIDEO) appeared first on Albeu.com.

Një qytetare shqiptare, me profesion juriste, e cila jeton dhe punon në Prokurorinë e Bolonjës të Italisë, Eva Baçi, ka folur me tone të ashpra duke theksuar se, pavarësisht dëshirës së madhe për t’u kthyer dhe kontribuar në Shqipëri, mungon hapësira reale për përfshirje.

Në panelin ku ishin të pranishëm, kryetari i Kuvendit, Niko Peleshi dhe kryetari i Grupit Parlamentar të PS, Taulant Balla ajo u shpreh se Samitet e organizuara për Diasporën shpesh mbeten në nivel e deklaratave, ndërsa zëri i vetë diasporës nuk dëgjohet sa duhet.

“Dëshira për t’u kthyer në Shqipëri është shumë e madhe, ndaj marrim pjesë në Samite sepse presim një dritare te hapur nga toka mëmë, për t’u kthyer, që të na hapë derën. Skenari është shkruar shumë bukur, si ai regjisori që shkruan shumë bukur, dëgjojmë narativa, por mungojnë aktorët kryesorë që është Diaspora. Ky është Samiti i Diasporës. Mendoj se përveç hapjes që fjala duhet t’u jepet ministrit, kryeministrit dhe presidentit, aktorët kryesorë jemi ne. Unë doja që të bëja një diskutim dhe nuk m’u dha e drejta e fjalës. Duhet t’i mbarojmë këto filmat e bukur, që ne vetëm të dëgjojmë”, tha Eva Baçi.

Gjithashtu, ajo theksoi se, pavarësisht përgatitjes së lartë profesionale, shumë shqiptarë jashtë vendit ndihen të papërfaqësuar dhe të papërkrahur nga institucionet shqiptare. Eva Baçi ngriti shqetësimin se Diaspora shpesh trajtohet vetëm si statistikë dhe jo si potencial real për zhvillimin e vendit.

“Unë kam mbaruar 3 fakultete në Bolonjë, kam dy specializime. Kemi kërkuar shumë herë, që të hyjmë të japim kontributin tonë. Unë punoj 14 orë në Itali, por mund të punoj 20 orë për Shqipërinë. Unë nuk kam vend ku të flas, dua të shpreh atë që kam, sepse përndryshe ne ngelemi vetëm numra. Unë nuk mund të pres biletën të vij që andej për të qenë një numër. Unë kam ngelur shumë keq dje, kur u dhanë çmimet. Në krahun tim është njëri nga sipërmarresit shqiptarët që i jep punë 350 familje dhe ju nuk i dhatë një çmim, Astrit Poti.

Ju jeni larg realitetit, flas për politikanët, jeni larg realitetit, nuk jeni afër me ne. Jemi pa përkrahje dhe kur nuk të përkrah shteti yt, kur ti nuk jep kontribut në shtetin tënd. Unë për Italinë jam më e përgatitura, por jam thjesht e huaj. Ne duam të kthehemi në vendin tonë.

Këto panelet e ndara nuk janë mirë. Ne aktorët kryesore duhet të flasim, të sjellim problemet. Jo të dëgjojmë politikanët, narativa është shumë e bukur, por ju nuk e keni idenë cfarë do të thotë sakrifica, pa asnjë përkrahje dhe asnjë ndihmë.

Hapni dyer, sepse Shqipërisë nuk i mungon truri. I keni mbyllur dyert, të gjitha personave që janë të përgatitur”, tha ndër të tjera përfaqësuesja e Diasporës.

Në fund, Eva Baçi pati edhe një mesazh të drejtpërdrejtë për politikën, duke përmendur Taulant Balla, dhe duke theksuar se drejtuesit politikë janë të shkëputur nga realiteti i diasporës:

“Kam edhe shumë gjera, por po të më jepet mundësia unë diskutimin e kisha përgatitur. Zoti Taulant Balla, je i pari që je shumë larg realitetit. Votën mund ta kalosh edhe 4 vite të tjera, por në histori duhet të lesh një emër”.

The post Samiti i Diasporës/ Juristja shqiptare ia plas në sy Ballës: Jeni larg realitetit, i keni mbyllur dyert Shqipërisë (VIDEO) appeared first on Albeu.com.

Në fjalën e tij, kryeministri theksoi se pandëshkueshmëria tashmë është vetëm një mit, ndërsa shtoi se tani ka marrë fund koha kur ligji vepronte vetëm për të dobëtin ndërsa i forti e sfidonte atë.

Ai tha se drejtësia nuk ka qenë më e pavarur se kurrë, megjithëse ishte PS ajo që disa javë më parë, me votat e deputetëve të saj në Kuvend, refuzoi kërkesën e drejtësisë për t’i hequr imunitetin e deputetes Belinda Ballukut për t’i hapur rrugën arrestimit të saj.

“Atëherë kur ne u mblodhëm për herë të parë, Shqipëria njihej botërisht dhe ishte e damkosur nga BE si atdheu i pandëshkueshmërisë, ku ligji vepronte vetëm ndaj të dobtëve dhe ku çdo i fortë sfidonte ligjin. Sot pandëshkueshmëria është mit i së kaluarës dhe sot Shqipëria është vendi ku askush nuk është mbi ligjin dhe drejtësia është pavarur siç nuk ka qenë që në krye të herës, nga 1912 deri kur ne, me vullnet të plotë, i dorëzuam asaj shpatën që i takon vetëm duarve të saj për të bërë drejtësi të barabartë për të gjithë.

Atëherë Shqipërisë i ngelej rregullimit dera e negociatave, sot i kemi çelur të gjithë kapitujt dhe e kemi bërë këtë me një kohë rekord për vetëm 11 muaj sepse njësoj si ju, kur iu mbyllej dera në fytyrë në ato hapat e parë në rrugët e botës dhe kur askush nuk kishte kohë, respekt e besim dhe as vëmendje për t’ju dëgjuar e kuptuar se sa vlenit, por këmbëngulnit dhe pasi shkonit në darkë dhe fshinit lotët nga poshtërimi i ditës riktheheshit në mëngjesit për të këmbëngulur në pritje duke qenë gati për derën kur të hapej dhe Shqipëria këmbënguli dhe ishte gati kur dera u hap”, tha Rama.

The post PS pengoi SPAK për arrestimin e Ballukut/ Rama në Samitin e Diasporës: Pandëshkueshmëria ka marrë fund, drejtësia është e pavarur appeared first on Albeu.com.

Gjatë fjalës së tij drejtuar pjesëmarrësve, Presidenti Begaj nderoi sakrificat e bashkatdhetarëve të larguar nga vendi, kontributin e tyre për Shqipërinë nëpërmjet investimeve në vend dhe përhapjes së imazhit të mirë të vendit në botë.

Begaj: Diaspora është promotorja më eficiente e kulturës dhe identitetit tonë, kartëvizita e shqiptarisë në botë. Ju, në rrugën tuaj të mbushur me sakrifica, nuk e keni harruar kurrë Shqipërinë. Secili, sipas mundësive ka dhënë gjithmonë një kontribut për kombin.

Shqipëria nuk e ka luksin ta neglizhojë diasporën. Nuk duhet ta shohim atë si pjesë të shkëputur,  por si zgjatim të natyrshëm të kulturës dhe identitetit tonë. Historia na mëson se vendi ynë vetëm ka përfituar nga bijtë e saj jashtë.

Kreu i Shtetit paraqiti nisma konkrete në samit për të garantuar mundësi vendimmarrëse  dhe përfaqësim në politikë.

Begaj: Pikësëpari është vota. Qytetarët shqiptarë jashtë vendit duhet të kenë mundësi të ushtrojnë të drejtën e tyre kushtetuese për të votuar pa pasur nevojë të vijnë në Shqipëri. Ata duhet të votojnë, sipas një modeli që shumë vende të tjera e aplikojnë me sukses. Kjo do të kthejë diasporën në aktore të drejtpërdrejtë të konfigurimit politik e administrativ në Shqipëri.

Së dyti, diaspora duhet të këtë përfaqësim politik që do i jep zë prioriteteve të shqiptarëve jashtë vendit. Të gjithë këto janë procese që nuk mund të përmbushen  sa hap e mbyll sytë, por nuk janë objektiva të paarritshëm dhe mbi të gjitha janë nisma të domosdoshme që ne si shqiptarë të jemi bashkë edhe pse larg”

Presidenti Begaj apeloi për ruajtjen e identitetit përmes gjuhës amtare. Një falenderim të veçantë Presidentii u përcolli në këtë samit, mësuesve dhe edukatorëve për përkushtimin dhe angazhimin për përçimin e gjuhës shqipe në ruajtje të identitetit tonë kombëtar.

Ai u beri thirrje prindërve shqiptarë që ta konsiderojnë themelore mësimin e gjuhës amtare për fëmijët e tyre, pasi vlerësoi se  “mësimi dhe cilësia e përdorimit të gjuhës shqipe duhet të jenë prioritete që na bashkojnë. Shiheni si investim për të ardhmen këtë gjuhë të rrallë e të pasur në zemër të Evropës”.

The post Samiti i Diasporës, Begaj: Shqiptarët jashtë vendit të kenë të drejtën e votës pa pasur nevojë të vijnë në Shqipëri appeared first on Albeu.com.

Teksa risolli në vëmendje kualifikimin e Shqipërisë për në Europian, Rama tha se njëshat e futbollit u bënë bashkë për të bërë ëndrrën realitet.

Asnjë objektiv, sado ambicioz të jetë, nuk është i paarritshëm nëse shqiptarët bëhen bashkë, thekson kreu i qeverisë ndër të tjera.

Rama: 111 thonë se është numër unik në llojin e vet. Besëtytninë flasin se 3 njëshat të bërë sëbashku, simbolizojnë fuqinë transformuese të mendimit. Për të tjerë 111 është numri i engjëjve apo i perfeksionit. Pavarësisht kontekstit që 3 njëshat bëhen bashkë, të parët këshillonin meditim te emocionet pozitive. Me këtë ogur të mirë kam kënaqësinë e madhe që t’u them të gjithëve dhe presidentes së Republikës së Kosovës, përfaqësuesve të lartë, shqiptarëve në RMV, në Malin e Zi, në komunën e Preshevës, mirë se vini të gjithë në Tiranë, në samitin e tretë të Diasporës, që përkon me 111-vjetorin e pavarësisë së Shqipërisë.

Përtej simbolikës, ky takim dy-ditor vjen edhe me vetëdijen e plotë se në punimet e samitit të cilat zhvillohen intenvisivsht jashtë këtyre seancave plenare, na është besuar mundësia që të komunikojmë së bashku për të shkruar një tjetër faqe të re për shqiptarët. Samiti është udhëkryqi ku bashkohen të gjithë, pavarësisht bindjeve apo përkatësive politike, përtej përkatësive krahinore dhe vendndodhjes së secilit si shqiptarë që kanë diçka për të thënë dhe për të dhënë për mënyrën se si duhet t’i qasemi sfidave. Si të bashkojmë ambiciet për objektivat e përbashkëta. Nuk mund ta lë pa përmendur se ky samit ndodh pak ditë pasi njëshat e Shqipërisë, të Kosovës, të Maqedonisë, në një skuadër, jo vetëm që e çuan Shqipërinë në Europë, por na ritreguan edhe një herë se çfarë mund të bëjmë kur bashkojmë forcat dhe talentet dhe mbi të gjitha kemi një strategji dhe qëllim për të fituar.

Asnjë objektiv, sado ambicioz të jetë, nuk është i paarritshëm. Nëse ka një mësim, të madh që të gjithë mund të marrin, në të gjitha nivelet, individualisht, apo kolektivisht, nga të gjitha emrat që na bëjnë ne krenar, pasi përmenden me admirim, në një botë të madhe, është mësimi se të gjithë ata kanë pasur një ëndërr shumë më të madhe se mundësitë e tyre mund t’ua këshillonin./albeu.com 

The post Rama vlerëson Kombëtaren në Samitin e Diasporës: Njëshat e futbollit e çuan vendin në Evropë, treguan se ç’mund të bëjmë kur bashkojmë forcat appeared first on Albeu.com.

Ai tha se samiti bashkon të gjithë shqiptarët kudo që ndodhen pavarësisht bindjeve politike.

Rama: Përtej smbolikës ky takim dy ditor vjen edhe me vetëdijen e plotë se në punimet e samitit të cilat zhvillohen intensivisht jashtë këtyre seancave të mëdha plenare, na është besuar mundësia që të komunikojmë së bashku për të shkruar një tjetër faqe të re për Shqipërinë dhe shqiptarët. Samiti është një udhëkryq ku bashkohen të gjithë pavarësisht bindjeve apo përkatësive politike.

Mes të tjerash, kreu i ekzekutivit, përmendi edhe rastin e kualifikimit të kombëtares shqiptare në Euro 2024 si shembull të suksesit të arritur si pasojë e bashkimit të shqiptarëve nga Shqipëria, Kosova dhe Maqedonia e Veriut.

Rama: Nuk mund ta lë pa përmendur se ky samit, ndodh pak ditë pasi njëshat e Shqipërisë dhe Kosovës e Maqedonisë së Veriut së bashku në një skuadër jo vetëm e çuan Shqipërinë në Europë në kuptimin e plotë të fjalës por na treguan se çfarë mund të bëjmë kur bashkojmë forcat dhe kemi një strategji për të fituar. Së bashku, asnjë objektiv nuk e kemi të paarritshëm dhe asnjë ëndërr nuk është e pamundur nëse jemi të vendosur. Nëse ka një mësim të madh që të gjithë mund të marrim në të gjitha nivelet, nga të gjithë ata emra që na bëjnë ne krenar si shqiptarë sepse përmenden me shumë admirim, është mësimi se të gjithë ata kanë pasur një ëndërr shumë më të madhe sesa çfarë mundësitë e tyre mund t’ua këshillonin dhe e kanë bërë realitet./albeu.com

The post Rama në Samitin e Diasporës: Nëse jemi të bashkuar, s’ka objektiv të paarritshëm! appeared first on Albeu.com.

Kryeministri i Kosovës, Albin Kurti mungon, ndonëse ishte parashikuar që do merrte pjesë. E pranishme do të jetë presidentja Vjosa Osmani.

Pjesë nga agjenda

10:10 – Z. Igli Hasani- Ministër për Evropën dhe Punët e Jashtme
10:20 – Z. Bajram Begaj – President i Republikës së Shqipërisë
10:50 – Znj.Vjosa Osmani-Sadriu – Presidente e Republikës së Kosovës
11:00 – Z Ali Ahmeti – Kryetar i Bashkimit Demokratik për Integrim
11:05 – Z. Nik Gjeloshaj – zv/Kryeministër për Politikat Ekonomike dhe Ministër i Zhvillimit Ekonomik i Malit të Zi
11:10 – Z. Shqiprim Arifi – Kryetar i Komunës Preshevë/Kryetar i partisë Alternativa për Ndryshim
11:15 – Z. Mark Gjonaj – Kryetar i Këshillit Koordinues të Diasporës, SHBA
11:20 – Z. Edi Rama – Kryeministër i Republikës së Shqipërisë

The post Sot Samiti i Diasporës, mungon Albin Kurti! I pranishëm Rama, Begaj e Osmani appeared first on Albeu.com.

Lajmin e ka bërë të ditur kryeministri Edi Rama, përmes një postimi në Facebook, ku shkruan se do të shërbejnë si pikëtakimi për t’i dhënë vëmendjen që meriton shqiptarëve në fushën e arsimit, shëndetësisë, biznesit, artit dhe kulturës, dhe duke e parë Diasporën si një vlerë dhe pasuri e kombit.

Postimi i Ramës:

Tirana mikpret shqiptarët nga mbarë bota, në eventin e kthyer traditë tashmë, në Ditën Arbëreshe dhe Samitin III të Diasporës, që do të mbahet më 22 dhe 23 Nëntor

Një rikthim në vendin e Shqiponjave, duke përqafuar trashëgiminë shqiptare, Kongresi i Arbëreshëve dhe Samiti i Diasporës do të shërbejnë si pikëtakimi për t’i dhënë vëmendjen që meriton shqiptarëve në fushën e arsimit, shëndetësisë, biznesit, artit dhe kulturës, dhe duke e parë Diasporën si një vlerë dhe pasuri e kombit. SHIHEMI NË TIRANË

The post Dita Arbëreshe dhe Samiti i Diasporës, Rama: Tirana mikpret shqiptarët nga e mbarë botën appeared first on Albeu.com.