Punimet pritet të nisin në orën 14:00 deri në 17:00.

Mësohet se në këtë samit do të marrë pjesë edhe kryeministri Edi Rama. Po ashtu, do të jenë kryeministri malazez Milojko Spajiç, ai maqedonas Hristijan Mickoski, presidenti serb Aleksandër Vuçiç, presidenti ukrainas Volodymyr Zelenskyy si dhe ajo moldave Maia Sandu.

Nga Unioni do të jetë Presidenti i Këshillit Evropian, Antonio Costa. Samiti i radhës për zgjerimin e Bashkimit Evropian do të shërbejë si një platformë e parë e këtij lloji, ku udhëheqësit e vendeve kandidate do të kenë mundësinë të ndajnë perspektivat e tyre mbi procesin e zgjerimit dhe të ardhmen evropiane të rajonit.

Nga vendosmëria e Ukrainës dhe Moldavisë për t’u integruar në BE, pavarësisht sfidave të luftës së vazhdueshme në Ukrainë, deri te pritja shumëvjeçare e vendeve të Ballkanit Perëndimor për anëtarësim, çdo udhëheqës pritet të sjellë përvojën dhe këndvështrimin e vet kombëtar mbi mënyrën se si perceptohet zgjerimi dhe çfarë pritet në rrugën përpara.

Sa i përket vendit tonë, udhëheqësit evropianë kanë vlerësuar përparimin e jashtëzakonshëm të arritur gjatë muajve të fundit, duke e renditur atë ndër kandidatët kryesorë për anëtarësim në Bashkimin Evropian deri në vitin 2030.

Ky vlerësim shihet si një sinjal i qartë përkushtimi ndaj reformave dhe rrugës evropiane që vendi ka ndjekur me vendosmëri.

The post Samiti i zgjerimit të BE-së mbahet sot në Bruksel, pjesë edhe Rama appeared first on Albeu.com.

Rama tha se plani i rritjes po ecën siç duhet dhe se po afron çdo ditë e më shumë Shqipërinë me familjen e madhe të Bashkimit Evropian.

“Ne jemi shumë krenarë sepse kemi praktikisht përmbushur deri tani të gjitha pikat për zbatimin dhe vazhdojmë me pikat e tjera sipas kalendarit”, tha Rama, teksa theksoi se vendi ynë nuk ka qenë kurrë më parë kaq më afër realizimit të një aspirate shumë shekullore, atë të integrimit në BE.

Edi Rama: Një plan i cili po ecën si duhet dhe po na afron përditë edhe më shumë me Bashkimin Europian. Ne jemi shumë krenarë sepse kemi praktikisht përmbushur deri tani të gjitha pikat për zbatimin dhe vazhdojmë me pikat e tjera sipas kalendarit.

Kurrë nuk kemi qenë më afër realizimit të një aspirate shumë shekullore do thosha dhe nga ana tjetër më vjen mirë që ka një atmosferë pozitive. Jemi shumë afër dhe besoj që do përmbushim të gjitha detyrimet tona siç kemi paraparë afatet nga Komisioni Europian dhe plani i përbashkët të realizohet siç duhet.

The post Rama flet nga Samiti i Ballkanit Perëndimor në Shkup: Plani i rritjes po ecën siç duhet, kurrë nuk kemi qenë më afër realizimit të një aspirate shekullore appeared first on Albeu.com.

Tirana u zyrtarizua si organizatore e nivelit më të lartë të takimit të liderëve të vendeve anëtare të NATOS, në Samitin e cilësuar historic në Hagë të Holandës, ku delegacioni shqiptar u kryesua nga kryeministri Edi Rama

Në pikën e fundit të deklaratës përfundimtare të Samitit, përcaktohet se Shqipëria që do të presë samitin e radhës të NATO-s pas atij të planifikuar për vitinn e ardshëm në Turqi.

“U shpreh falenderim për mikpritjen bujare të Mbretërisë së Holandës, ndërsa u konfirmua se samiti i radhës do të mbahet në Turqi në vitin 2026, i pasuar nga një samit tjetër në Shqipëri”, thuhet në deklaratë.

Samiti i NATOS pritet të sjellë në Shqipëri, liderët e vendeve më të fuqishme të Botës, mes të cilëve edhe presidentin e Shteteve të Bashkuara të Amerikës, Donald Trump, i cili me rikthimin në shtëpinë e Bardhë ka marrë një rol kryesor në nxitjen e Aleancës për forcimin e sigurisë globale.

Vendimi për ti besuar Shqipërisë organizimin e Samitit të krerëve të shteteve dhe qeverive të vendeve të NATOS, vjen pas përpjekjeve diplomatike të paralajmëruara nga Kryeministri Edi Rama.

Përgatitjet për Samitin e vitit 2007 në Tiranë ishte një prej cështjeve të diskutimit mes kreut të qeverisë dhe sekretarit të Aleancës gjatë takimit në Hagë.

Shqipëria po ashtu i ka ofruar NATOS të ketë një terminal të vecantë ushtarak në Portin e Ri që do të ndërtohet në Porto Romano të Durrësit.

Kreu i qeverisë gjatë pjesëmarrjes në samitin e NATOS në Hagë pati takime edhe me liderë të vendeve aleate, ndërsa ministri i Jashtëm Igli Hasani pati një bisedë me Shefin e Diplomacisë së Donald Trump, sekretarin e Shtetit Marko Rubio.

Shqipëria u anëtarësua zyrtarisht në NATO më 1 prill 2009, ndërsa Ceremonia e pranimit u mbajt më 3 prill 2009 gjatë samitit të NATO-s në Strasburg dhe Kehl.

The post Shqipëria për herë të parë në histori do presë Samitin e NATO-s në vitin 2027 appeared first on Albeu.com.

Lideri turk pati një shtrëngim duarsh me kryeministrin Edi Rama, i cili e shoqëroi vetë deri në vendin ku qendronin mediat.

Recep Tayyip  Erdogan, zgjodhi të mos prononcohej shumë për mediat, ku dha vetëm një deklaratë të shkurtër për miqësinë mes popullit turk dhe Shqipërisë.

The post Presidenti Erdogan mbërrin në Samit, pritet nga kryeministri Rama: Në Shqipëri e gjithë bota do të thërrasë zërin e paqes appeared first on Albeu.com.

Samiti mbahet nën kujdesinë e qeverisë shqiptare përmes Ministrisë për Evropën dhe Punët e Jashtme dhe organizohet nga “Gratë për Afganistanin (WFA)”, në bashkëpunim me qeverinë e Spanjës dhe atë të Zvicrës.

Rreth 100 gra afgane duke përfshirë rrjetet e grave afgane në vende të ndryshme, do të marrin pjesë në samitin tre ditor, si një platformë për të ndërtuar unitet dhe një mesazh koheziv dhe për të përforcuar zërat e tyre.

Nga ora ora 9:15 – 10:30 në sesionin e parë të tij, do të mbajë fjalën hapëse, Ministri për Evropën dhe Punët e Jashtme, Igli Hasani.

The post Nesër mbahet Samiti i grave afgane në Shqipëri, zbardhet axhenda appeared first on Albeu.com.

Ditën e nesërme, të pranishëm në Samit do të jenë kreyministri i Kosovës, Albin Kurti, kreu i qeverisë shqiptare, Edi Rama, kryeministri aktual i Maqedonisë së Veriut, Talat Xhaferi, presidenti i Serbisë, Aleksandër Vuçiç si dhe Komisioneri Evropian për Fqinjësi dhe Zgjerim, Oliver Varheley.

Gjithashtu pjesë e Samitit do të jetë edhe ndihmëssekretari amerikan në Byronë për Çështje të Evropës dhe Euroazisë, James O’Brien.

Ky samit do të fokusohet në integrimin ekonomik rajonal dhe mundësinë e rritjes të ofruar nga Plani i rritjes së Ballkanit Perëndimor të BE-së, si dhe do të përforcojnë mbështetjen e fortë të Shteteve të Bashkuara për rrugën e Ballkanit Perëndimor drejt anëtarësimit në BE, thuhet në komunikatë e Departamentit të Shtetit.

Ishte kryeministri malazez, Marko Spajiç ai i cili muajin e kaluar ka njoftuar për mbajtjen e këtij Samiti.

Spajiç tha se duan që të ulin sa më shumë tensionet dhe të fokusohen në zgjerimin e marrëdhënieve ekonomike në rrugën drejt BE-së.

Kryeministri theksoi se Mali i Zi dëshiron të ketë marrëdhënie të shkëlqyera me të gjitha vendet e rajonit dhe se me ratifikimin e disa marrëveshjeve për mobilitetin, ka treguar përkushtimin e tij ndaj procesit të Berlinit.

“Do të kemi një Samit të liderëve të Ballkanit Perëndimor në mes të muajit maj në Kotor. Duam që të mbledhim të gjithë zyrtarët e rajonit, gjë që nuk është e lehtë për shkak të dinamikës së marrëdhënieve mes shteteve ballkanike.

Po mundohemi që të ulin sa më shumë tensionet dhe të fokusohemi në marredheniet ekonomike mes nesh në rrugën drejt BE-së.

Duhet t’u përkushtohemi qytetarëve, t’i harmonizojmë gjërat që janë në dobi të tyre, në mënyrë që politika të mos jetë pengesë për këtë”, ka deklaruar më herët ai./

The post Sot dhe nesër Samiti i liderëve të rajonit në Mal të Zi, Kurti, Rama e Vuçiç bëhen bashkë appeared first on Albeu.com.

“Fakti që gjendemi këtu në një tryezë kemi shembuj historikë të marrëdhënieve të ndryshme dhe është e rëndësishme që kemi ardhur të ulemi së bashku. Ajo çfarë po ndodh tani është shembulli i duhur. Samiti i sotëm ka të bëjë me bashkimin e shtetet e Ballkanit duhet të jenë së bashku. Rusia do të bëjë gjithçka për të destabilizuar rajonin. Sot nuk duhet të bëjmë pauza por të forcojmë Ukrainën. Rusia do të destabilizojë më tej nëse do të ketë mundësinë e këtyre pauzave dhe të mbijetojë politikisht ndaj këtyre agresioneve e do të përpiqet të ushtrojë ndikim në ato vende të vogla që përfiton sukses shpesh”, tha Zelensky.

Për rrezikun e një lufte në Ballkan u pyet edhe kryeminstri Edi Rama.

“Kam qenë i privilegjuar që kam diskutuar me presidentitn saktësisht rreth kësaj gjëje. I thash diçka që do ja u tregoj edhe ju që për mua është përgjigjia më e qartë më e shkurtër dhe më e qartë. Për faktin se ku do shkojë bota nëse ne ndjekim mendimin e Putin.  Merreni me mend sikur në këtë rajon të gjithë ja nisin të mendojnë që ti shohin marrëdhëniet ndërkombëtare në harta.

Ajo çka më shqetëson më shumë jo të gjithë e kuptojnë që sulmi në Ukrainë është i rendit botëror dhe bashkësisë së vendeve demokratike. Është një sfidë ndaj vetë ekzistencës së BE, sepse kjo logjika e ndezjes së një lufte bazuar në lavditë e kohëve të shkuara do të mbizotërojnë, ne nuk do mbijetojmë më në botën që njohim, por në një botë ku më i fuqishmi vendos. Në Ballkanin perëndimor, ne ndamë mendime dhe sigurisht që nuk jemi një rajon pa probleme, ku nëse ti do të ndezësh një luftë gjen harta dhe histori të së shkuarës. Lufta është kaq pranë sa jemi ne këtu”, tha Rama. /albeu.com 

The post Zelensky: Rusia do të bëjë gjithçka për të destabilizuar rajonin e Ballkanit appeared first on Albeu.com.

Teksa ka rishpërndarë postimin e Begajt, Zelensky thekson se Ukraina vlerëson mbështetjen që Shqipëria i ka dhënë dhe se presin me padurim sigurimin e një të ardhmeje paqësore.

“Faleminderit për fjalët tuaja të mira dhe solidaritetin e palëkundur me Ukrainën, Bajram Begaj. Ne vlerësojmë mbështetjen e Shqipërisë dhe presim me padurim sigurimin e një të ardhmeje paqësore evropiane si për vendet tona ashtu edhe për Europën në tërësi”, shkruan Zelensky në X.

Presidenti Bajram Begaj, me rastin e shënimit të dyvjetorit të luftës Rusi-Ukrainë, ritheksoi edhe njëherë qëndrimin e Shqipërisë.

“Dy vjet pas agresionit ushtarak të paprovokuar dhe të padrejtë të Rusisë kundër Ukrainës, ne qëndrojmë me frikë nga lufta e guximshme e popullit ukrainas për liri, dinjitet dhe sovranitet. Ne mbetemi aleatë të palëkundur të Ukrainës, duke mbrojtur së bashku këto parime universale”, shkruante Begaj në një postim në platformën “X”.

Kujtojmë se presidenti i Ukrainës, Volodymyr Zelensky, do të vizitojë Tiranën më 27 shkurt dhe bashkë me kryeministrin e Shqipërisë, Edi Rama do të organizojnë samitin për Ukrainën, që mbahet një ditë më pas, 28 shkurt.

Ende nuk ka detaje se cilët liderë të Evropës Juglindore do të jenë pjesë e këtij samiti, ndërsa gjatë vizitës në Ankara të Turqisë ditë më parë, Rama tha se presidenti i Turqisë, Rexhep Tayyip Erdogan do t’i drejtohet samitit përmes një video-mesazhi./albeu.com

The post Në prag të samitit në Tiranë, Zelensky falenderon Begajn: Vlerësojmë mbështetjen e Shqipërisë appeared first on Albeu.com.

“Sfidat Bashkëkohore të Rendit Botëror: Drejt një Kulture Botërore të Paqes” është titulli i samitit në këtë vit. Kryeministri Kurti sot gjatë ditës së parë ishte pjesëmarrës në dy panele diskutimi.

Kryeministri Kurti ka thënë se Kosova po e bënë më të mirën e saj që të ketë paqe dhe siguri, liri dhe demokraci.

Kurti ka prezantuar të arriturat kryesore të qeverisjes, me theks te zhvillimi dhe lufta kundër korrupsionit.

“Kosova po e bënë më të mirën e saj që në njërën anë të kemi paqe dhe siguri, dhe në anën tjetër të kemi liri dhe demokraci, pa pasur nevojë që të sakrifikojmë njërën për tjetrën. Veçoi rritjen ekonomike mesatare në dy vitet e fundit, rritjen e të hyrave tatimore, të eksporteve dhe investimeve të huaja direkte, dhe përparimin demokratik, si dëshmi se demokracia cilësore dhe zhvillimi ekonomik mund të shkojnë krah për krah. Në të kaluarën kemi parë raste të favorizimit të stabilitetit politik para reformave demokratike, gjë që si rezultat ka prodhuar autokratë që i frikësohen vetes teksa janë cinik ndaj të tjerë. Një gabim i tillë nuk duhet të përsëritet, u shpreh kryeministri Kurti thuhet në njoftimin e Qeverisë.

Në njoftimin thuhet se në sesionin e paradites, të titulluar “Drejt paqes në Indo-Pacifik”, ku ndër të tjerë ishin pjesëmarrës edhe ish-sekretari i Shtetit, Mike Pompeo dhe ish-Kryetari i Dhomës së Përfaqësuesve të Shteteve të Bashkuara të Amerikës, Neët Gingrich, Kurti iu drejtua të pranishmëve me një fjalë hyrëse në cilën u shpreh falënderues për ftesën dhe për mundësinë për të qenë pjesë e këtij samiti, veçanërisht në një kohë që çdo herë e më shumë po bëhet e qartë se vetëm paqja universale është paqe e qëndrueshme.

Po ashtu  Kurti ka veçuar dy trende që po dominojnë botën sot; liria, paqja dhe demokracia në njërën anë, dhe invazioni, lufta dhe autokracia në anën tjetër.

“Trende këto që janë shpërfaqur sidomos pas invazionit dhe agresionit rus në Ukrainë, dhe të cilat janë të pranishme edhe në rajoni indo-pacifik”.

Republika e Kosovës, u shpreh kryeministri Kurti, mbështetë zhvillimet paqësore në këtë rajon, duke theksuar se respektimi i integritet territorial, paqes dhe sigurisë janë vitale për paqe dhe prosperitet në botë.

Ai shtoi se Kosova admiron të arriturat e Koresë Jugore, Japonisë, Singaporit dhe Taivanit në fushën e digjitalizimit, teksa tha se kemi marrëdhënie të shkëlqyeshme me shtetet tjera si Australia, Zelanda e Re, Tailanda, Malajzia e pothuajse me të gjithë Ishujt Pacifik.

Ai po ashtu foli edhe për rolin dhe qëndrimet e Kosovës në arenën ndërkombëtare, duke theksuar këtu linjëzimin e qëndrimeve dhe politikave me Shtetet e Bashkuara të Amerikës dhe Bashkimit Evropian në kundërpërgjigjen e përbashkët ndaj Rusisë pas agresionit të saj mbi Ukrainën, dhe për ndihmën që Kosova ka ofruar për qytetarët ukrainas, sikurse edhe për ata afganë.

“Si demokraci e re, ne e konsiderojmë obligim humanitar që t’i ndihmojnë ata që kanë më së shumti nevojë, por në të njejtën kohë edhe detyrë ndaj partnerëve dhe aleatëve tanë që t’i ndihmojë kur ata kanë nevojë, u shpreh kryeministri Kurti, thuhet në njoftim.

/KosovaPress/

The post Kurti në Samitin e Paqes 2023 në Seul: Kosova po e bën më të mirën për paqe e siguri appeared first on Albeu.com.

Ai ka hyrë në seancën plenare rreth orës 14:45, sqaron Élysée, pa kaluar në tapetin e kuq para të cilit gazetarët ndodhen në hyrje të godinës së Këshillit Europian.

26 krerët e tjerë të shteteve dhe qeverive kishin mbërritur nga ora 11:00 e mëngjesit për drekë me Sekretarin e Përgjithshëm të OKB-së Antonio Guterres.

Kreu i shtetit francez, i përballur me një krizë politike dhe sociale në vendin e tij pas miratimit me shumë vështirësi të reformës për sistemin e pensioneve, ka pasur “takime” mëngjesin e sotëm në Elysee, njoftoi Presidenca, pa sqarime të mëtejshme.

Linjat e bllokuara hekurudhore, trafiku me shumë probleme, greva: Franca po shkonte sot në mesditë për një mobilizim të ri dinamik për ditën e nëntë të aksionit kundër reformës së pensioneve, një ditë pas një ndërhyrjeje të presidentit të Republikës që zemëroi francezët .

Mosmarrëveshjet franko-gjermane për vendin e energjisë bërthamore në luftën kundër ndryshimeve klimatike dhe ndalimi i motorëve me ngrohje në vitin 2035 do të jenë në qendër të bisedimeve në samitin evropian. /albeu.com

The post Macron shkon në samitin evropian 3 orë me vonesë, shmang gazetarët appeared first on Albeu.com.