Vrasja e 16-vjeçares shqiptare Jessica Malaj dhe e italianit Massimo De Santis, 51 vjeç, ka tronditur mbarë opinionin publik, në Itali e Shqipëri.

Për ngjarjen e rëndë reagoi edhe zv/kryeministri, njëherësh Ministër i Infrastrukturës, Matteo Salvini.

Në një postim në rrjetet sociale, ai shkruajti: “Një lutje për Jessica-n, e cila vdiq në moshën 16-vjeçare nga dora e atij që nuk mund të quhet baba, por vetëm një kriminel i neveritshëm. Për të pres dënimin maksimal”.

Autor i masakrës së dyfishtë është pikërisht babai i 16-vjeçares, Taulant Malaj. Ngjarja e rëndë ndodhi në apartamentin ku jetonte familja shqiptare në Torremaggiore në provincën e Foggia, ndërsa sa i përket motiveve, mediat fqinje shkruajnë se bëhet fjalë për xhelozi.

Xhelozia ishte pikërisht për fqinjin italian, të cilin e vrau të parin duke e goditur me thikë.

Në foto Massimo De Santis Më pas shkoi tek bashkëshortja e tij Tefta Malaj, 39-vjeçe. Pikërisht gjatë kësaj kohe ndërhyri vajza e çiftit, Jessica, e cila në tentativë për të mbrojtur të ëmën, gjeti po ashtu vdekjen. Tefta Malaj mbeti e plagosur dhe ndodhet në spital.

Pas masakrës, Malaj bëri një video ku tregonte krimin që sapo kishte bërë. Videon ia nisi të njohurve. Pamjet, siç shkruajnë mediat fqinje, janë të tmerrshme dhe kanë sjellë shumë reagime.

Në këtë video, bashkëshortes së plagosur i drejtohet në shqip, ndërsa shfaqet me trupin e pajetë të 51-vjeçarit Massimo De Santis.

“E shihni këtë këtu, ai është italiani. E kam falur njëherë gruan time, ky është i dyti”, raportohet se thotë Malaj në video.

“E thera (i referohet italianit), i vrava të tre, edhe familjen time. Shihni këtu”, vijon ai, duke fyer bashkëshorten e cila e plagosur krah trupit të pajetë të vajzës 16-vjeçare, i lutej për mëshirë.

Më pas, duke bërtitur, Malaj pyet ku është “i vogli”, duke iu referuar djalit 5 vjeç që nuk e gjeti në shtëpi, e që sipas hetuesve po e kërkonte për ta vrarë: “Nuk kam mbaruar punë ende, nuk ka ardhur askush, as policia”, shton autori i masakrës.

Kryebashkiaku i Torremaggiore, Emilio Di Pumpo, apeloi për respekt ndaj familjeve të prekura nga kjo ngjarje e rëndë, duke kërkuar nga të gjithë ata që i kanë këto pamje që t’i fshinin.

The post Vrau të bijën dhe fqinjin italian dhe më pas bëri video, Matteo Salvini këkron dënim maksimal për shqiptarin appeared first on Albeu.com.

Sipas burimeve me mediat vendase, votimet kanë nisur prej orës 07:00 të mëngjesit të sotëm.

Sipas sondazheve të deritanishme, italianët do të zgjedhin qeverinë më të djathtë të vendit të tyre që nga fundi i Luftës së Dytë Botërore.

Në krye të koalicionit që duket se do të sigurojë shumicën e vendeve në parlamentin italian është Giorgia Meloni, liderja e partisë “Fratelli d’Italia”, Vëllezërit e Italisë, e cila kryeson sondazhet me 36.5% të votave.

Nëse koalicioni i saj arrin të fitojë, ajo gjithashtu do të bëjë histori duke u bërë kryeministrja e parë grua e Italisë. Meloni, 45 vjeç, u rrit në një lagje të klasës punëtore në Romë, e cila njihet më shumë për kultivimin e aktivistëve të majtë sesa për prodhimin e politikanëve të zjarrtë të ekstremit të djathtë.

Partia e saj i ka rrënjët në lëvizjen neofashiste që doli nga rrënojat e Luftës së Dytë Botërore. Simbolet janë një tregues që faktojnë lidhjen e partisë me të kaluarën. Flamuri i partisë përmban një flakë trengjyrëshe që simbolizonte fashizmit në fillim të shekullit të 20-të.

Evropa është e shqetësuar

Në të njëjtën kohë, shqetësimi për perspektivën e një koalicioni qeveritar të ekstremit të djathtë që të marrë pushtetin në Itali mbizotëron në Bruksel.

Koalicioni Vëllezërit e Italisë (Fratelli d’Italia) me Giorgia Meloni, Lidhja e Veriut e Matteo Salvinit dhe Forza Italia e Silvio Berlusconi po dërgon mesazhe kontradiktore, të cilat shqetësojnë BE- në dhe NATO -n. Nga njëra anë, Georgia Meloni paraqitet si proatlantike, ndërsa nga ana tjetër Salvini dhe Berlusconi paraqiten si mjaft tolerantë ndaj presidentit rus Vladimir Putin.

The post Europa “mban frymën”, nis procesi i votimit në Itali: Ekstremi i djathtë “putinist” drejt formimit të qeverisë appeared first on Albeu.com.