Ministria u shpreh në një deklaratë se salmonela nuk është gjetur deri më tani në produktet Kinder në Turqi dhe se po monitoronin me përpikëri procesin dhe po kryenin inspektimet e nevojshme të produkteve të importuara.

Ferrero Turkey, e cila importon vezët plastike të mbuluara me çokollatë, tha më herët se nuk kishte asnjë rrezik në importet nga Evropa deri më tani, por produktet do t’i nënshtroheshin një kontrolli të rreptë.

Ajo kishte deklaruar më parë se vetëm një model vezësh, Surprise Maxi, ishte importuar nga uzina belge e kompanisë nga e kishin origjinën rastet e salmonelës dhe se vezët aktualisht në tregun turk nuk janë prodhuar në datat që lidhen me rastet e salmonelës, por do të tërhiqen si masë sigurie./albeu.com

The post Turqia tërheq produktet Kinder për shkak të frikës së salmonelës appeared first on Albeu.com.

Ky vendim vjen pas shfaqjes së këtij rreziku në vendet e Bashkimit Europian.

Fillimisht AKU deklaroi se në vendin tonë, konsumimi i çokollatave Kinder nuk përbënte rrezik, por duket se ky qëndrim ka ndryshuar.

Kujtojmë se skandali mori përmasa shumë të mëdha aq sa autoritetet belge njoftuan mbylljen e fabrikës së prodhimit të çokollatave Kinder Surprise në Belgjikë, megjithatë deri më datë 7 prill sipas AKU-së nuk kishte asnjë problem për Shqipërinë, pasi sipas tyre këto çokollata nuk ishin future në vendin tonë.

Mirëpo, vetëm pesë ditë më vonë, konkretisht më datë 12 prill, AKU ndërron mendje dhe u thotë qytetarëve që të mos i konsumojnë çokollatat Kinder Surprise pasi dyshohet se janë të kontaminuara me Salmonelë.

Kompania “Ferrero” tërhoqi nga tregu në fillim të muajit miliona pako të çokollatave të preferuara të fëmijëve “Kinder Surprise”. Siç bënë me dije autoritetet shëndetërore angleze dhe skoceze, bëhet fjalë për çokollatat Kinder Surprise të prodhuara në Belgjikë dhe që kanë datën e skadencës mes 11 korrikut 2022 dhe 7 tetorit 2022.

Kompania dyshonte, më pas u konfirmua, se ky prodhim është i kontaminuar me bakterin e Salmonelës, i cili shkakton diarre, dhimbje koke, ethe, ndërsa mund të çojë deri në humbje jete nëse nuk trajtohet siç duhet. Deri më tani janë raportuar shumë raste të Salmonelës në shtete të ndryshme të Bashkimit Europian dhe ishullit britanik duke bërë që të hidhen dyshime se lidhen pikërisht me këtë produkt, raporton abcneës.al.

Para se kompania të urdhëronte tërheqjen e produktit autoritetet kryen hetime duke hedhur dyshime të forta se ishte pikërisht kjo çokollatë që kishte shkaktuar më shumë se 100 raste me Salmonelë në Europën Perëndimore dhe në ishullin britanik.

Agjencia e Standardizimit të Ushqimeve në Britaninë e Madhe i ka bërë thirrje konsumatorëve që të mos i hanë këto çokollata nëse i kanë blerë.

Njoftimi i AKU:

Tiranë, më 12 prill 2022

Lidhur me evidentimin e disa rasteve helmimesh nga Salmonella në produkte çokollate në Britaninë e Madhe, pas njoftimit nga RASFF, AKU vijon monitorimet dhe verifikimet në terren dhe pikat e inspektimit kufitar.

AKU vijon procedurën e tërheqjes nga tregu të produkteve që RASSF ka evidentuar. AKU njofton dhe këshillon konsumatorët që të shmangin blerjen e produkteve të mëposhtme dhe nëse kanë blerë të mos konsumojnë produktet e listuara:

• KINDER SCHOKOBONS (të gjitha llojet e tyre)
• KINDER SCHOKOBONS të gjitha lotet për paketimin 125 g
• KINDER SORPRESA MAXI të gjitha lotet për paketimin 100 g
• KINDER MAXI MIX te gjitha lotet për paketimin 133 g

Në një pikë inspektimi kufitar është paraqitur subjekt për import produktesh çokollate Kinder dhe bazuar në kontrollin dokumentar e identitar rezultoi se ngarkesa kishte produkt, për të cilin kompania prodhuese ka njoftuar se duhet tërhequr nga tregu. Autoriteti Kombëtar i Ushqimit ka proceduar me refuzim në kufi për ngarkesën e kthim në vendin e origjinës.

Sigurojmë konsumatorët se drejtoritë rajonale dhe trupat inspektuese në terren dhe në pikat e inspektimit kufitar janë në monitorim dhe ndjekje të situatës dhe për çdo zhvillim do të kryhet njoftimi i konsumatorëve. /albeu.com/

The post AKU ndërron mendje, rreziku i Salmonelës edhe në Shqipëri: Stop Kinder-ve! appeared first on Albeu.com.