“Ai ka rreth 15 plagë të tjera në gjoks”, tha Andrew Wylie, një agjent me bazë në Nju Jork, gjithashtu për gazetën spanjolle El País, ndërsa shtoi se ishte një sulm brutal.

Wylie tha se nuk mund të zbulonte vendndodhjen e romancierit.

Rushdie është përballur prej kohësh me kërcënime me vdekje për romanin e tij të vitit 1988 “Vargjet Satanike”.

Disa muslimanë e konsiderojnë librin si blasfemi. Personi i akuzuar për sulmin, Hadi Matar, 24 vjeç, i lindur në SHBA, është deklaruar i pafajshëm për tentativë vrasjeje.

I pyetur nëse autori ishte ende në spital, Ëylie u përgjigj: “Nuk mund të jap asnjë informacion për vendndodhjen e tij. Ai do të jetojë. Kjo është gjëja më e rëndësishme.”

Sulmi ndodhi në Institutin Chautauqua në shtetin e Nju Jorkut më 12 gusht. Rushdie ishte gati të mbante një fjalim për mënyrën sesi SHBA ka shërbyer si strehë për shkrimtarët.

Romancieri u detyrua të fshihej për gati 10 vjet pas botimit të Vargjeve Satanike. Shumë muslimanë reaguan me tërbim ndaj tij, duke argumentuar se portretizimi i Profetit Muhamed fyente besimin e tyre.

Ai u përball me kërcënime me vdekje dhe udhëheqësi i atëhershëm iranian, Ayatollah Ruhollah Khomeini, nxori një fetva (dekret) duke bërë thirrje për vrasjen e Rushdie me një shpërblim prej 3 milion dollarësh.

Rushdie ka lindur në Indi në vitin 1947. Ai u dërgua në shkollë me konvikt në Angli përpara se të studionte në Universitetin e Kembrixhit. Në vitin 2007, ai u shpall kalorës për shërbime në letërsi.

Ka pasur një valë mbështetjeje për të, me sulmin e dënuar gjerësisht si një sulm ndaj lirisë së shprehjes./albeu.com

The post U sulmua me thikë në gusht, Salman Rushdie humb shikimin në njërin sy dhe përdorimin e njërës dorë appeared first on Albeu.com.

“Ai e sulmoi Islamin me “Vargjet Satanike””, u shpreh 24-vjeçari, i cili megjithatë pranoi se kishte lexuar vetëm dy faqe të romanit.

“Nuk më pëlqen ai. Unë nuk mendoj se ai është një person shumë i mirë. Nuk më pëlqen. Ai është dikush që sulmoi Islamin, sistemin e tij të vlerave”, tha 24-vjeçari.

Kujtojmë se autori fitues i çmimeve ka pësuar tre plagë me thikë në qafë e stomak, ndërsa ka pësuar goditje edhe në syrin e djathtë, gjoks dhe kofshën e djathtë.

Kur sulmuesi u pyet nëse Ayatollah Khomeini, i cili në vitin 1989 nxori një fatfa (vendim fetar me vdekje) kundër Salman Rushdie, ishte një burim frymëzimi për të, Mattar nuk dha asnjë koment.

“Unë e vlerësoj Ajatollah. Ai është një personalitet i madh ”, tha autori.

Në të njëjtën kohë, ai mohoi se ishte në kontakt me Gardën Revolucionare Islamike, por pranoi se kishte parë video të autorit Salman Rushdie në YouTube./albeu.com

The post E goditi me mjet prerës, sulmuesi i shkrimtarit të njohur: Jam i habitur si mbijetoi appeared first on Albeu.com.

Mediat shkruajnë se Blinken është shprehur se sulmin e lidh drejtpërdrejt me retorikën e Teheranit.

“Në mënyrë të veçantë, institucionet shtetërore iraniane kanë nxitur dhunë kundër Rushdie për breza të tërë, dhe mediat e lidhura me shtetin kohët e fundit kanë përgëzuar për tentativën ndaj tij. Kjo është e neveritshme,”- mësohet të ketë thënë Blinken.

Vetë Irani e mohon përgjegjësinë. Rushdie u godit me thikë nga një 24-vjeçar në momentin që po mbante një seminar në Nju Jork. Ai u dërgua në spital dhe aktualisht ndodhet jashtë rrezikut për jetën e mund të flaës. Autori i sulmit Hadi Matar është vënë në pranga dhe akuzohet për tentativë vrasjeje./albeu.com

The post Sulmi ndaj shkrimtarit Salman Rushdie, Blinken: Pas saj qëndron Irani appeared first on Albeu.com.

Rushdie, 75 vjeç, u sulmua teksa fliste në një ngjarje në shtetin e Nju Jorkut dhe ishte në gjendje kritike.

Agjenti i tij, Andreë Ëylie, konfirmoi lajmin për mediat amerikane, por më parë kishte thënë se autori mund të humbasë njërin sy.

Rushdie është përballur me vite të tëra me kërcënime me vdekje për romanin e tij “Vargjet Satanike”, të cilin disa muslimanë e shohin si blasfemi.

Personi i akuzuar për sulmin u deklarua i pafajshëm për tentativë vrasje të shtunën dhe është lënë në paraburgim pa lirim me kusht.

Hadi Matar, 24 vjeç, akuzohet se ka dalë në skenë dhe ka goditur me thikë Rushdie të paktën 10 herë në fytyrë, qafë dhe bark. Pas sulmit, Ëylie tha se zoti Rushdie kishte pësuar ndërprerje të nervave në njërin krah, dëmtim të mëlçisë së tij dhe ka të ngjarë të humbasë një sy.

Ndërsa gjendja e fundit e autorit nuk është dihet ende, disa kolegë shkrimtarë dhe studiues postuan në Tëitter lehtësimin e tyre kur zbuluan se romancieri tani ishte në gjendje të fliste./albeu.com

The post Salman Rushdie jashtë rrezikut për jetën pas sulmit me thikë, del nga intubimi dhe është në gjendje të flasë appeared first on Albeu.com.

Sipas raportit të policisë, sulmuesi qëlloi shkrimtarin ndërsa Rushdie po përgatitej të mbante një fjalim gjatë një seminari të Fondacionit Chotokwa, ndërsa goditi disa herë në qafë dhe bark shkrimtarin 75-vjeçar, i cili u rrëzua në tokë.

Sulmuesi u kap nga të pranishmit në sallë, ndërsa më pas policia e arrestoi. Ende nuk dihet motivi i sulmit, ndërsa policia e Nju Jorkut tha se nuk ka pasur të dhëna për kërcënime të mundshme para ngjarjes.

Salman Rushdie u transportua me helikopter në spital dhe iu nënshtrua një operacioni prej disa orësh. Aktualisht ai mbetet i intubuar dhe rrezikon të humbasë shikimin në njërin sy.

Mësohet se nga goditjet ai ka pësuar dëmtime të rënda nervore në njërën dorë dhe mëlçi, tha agjenti i tij, Andreë Wiley.

“Lajmet nuk janë të mira. Salman ndoshta do të humbasë shikimin në njërin sy; nervat në dorën e tij janë prerë; dhe mëlçia e tij është goditur me thikë dhe dëmtuar”, tha zoti Ëiley në një deklaratë.

Rita Lundman, një endokrinologe, e cila ishte në audiencë dhe nxitoi në vendngjarje menjëherë pasi shkrimtari u plagos, tha se Salman kishte plagë të shumta me thikë, duke përfshirë një në anën e djathtë të qafës.

Libri “Vargjet Satanike” i shkruar nga Salman Rushdie shkaktoi bujë në disa vende të botës myslimane në vitin 1988, pasi u cilësua se kishte përmbajtje “blasfemuese”.

Disa muaj më vonë, lideri fetar suprem i Iranit, Ajatollah Khomeini, nxori një dekret fetar duke bërë thirrje për vrasjen e Rushdies. Për disa vite shkrimtari ka qenë i fshehur, pasi kishte frikë për jetën e tij.

Qeveria e Iranit njoftoi në vitin 1998 se nuk e mbështet më dekretin fetar (“fatfa”), por organizatat ekstremiste myslimane ofruan një shpërblim prej miliona dollarësh për këdo që vriste shkrimtarin me origjinë indiane.

The post Intubohet pas sulmit Salman Rushdie, rrezikon të humbasë njërin sy appeared first on Albeu.com.

Romancieri me origjinë indiane, Sir Salman Rushdie, i cili është goditur me thikë ndërsa ishte në skenë në Nju Jork, është kërcënuar me vdekje për shkak të punës së tij gjatë një karriere letrare pesë dekadash.

Shumë nga librat e 75-vjeçarit kanë qenë jashtëzakonisht të suksesshëm, me romanin e tij të dytë, Fëmijët e mesnatës, që fitoi çmimin Booker në 1981.

Por ishte romani i tij i katërt, Vargjet Satanike, i botuar në 1988, u bë vepra e tij më e diskutueshme, duke sjellë trazira ndërkombëtare të paprecedentë në përmasat e saj.

U bënë kërcënime me vdekje ndaj Rushdie, i cili u detyrua të fshihej pas publikimit të tij dhe qeveria britanike e vendosi autorin nën mbrojtjen e policisë.

Britania e Madhe dhe Irani ndërprenë marrëdhëniet diplomatike, por në të gjithë botën perëndimore autorë dhe intelektualë denoncuan kërcënimin ndaj lirisë së shprehjes që vinte nga reagimi i myslimanëve ndaj librit.

Një fetva, ose dekret, që bën thirrje për vrasjen e romancierit u lëshua nga Ayatollah Ruhollah Khomeini, udhëheqësi suprem i Iranit, në vitin 1989, një vit pas botimit të librit.

Salman Rushdie ka lindur në Bombei dy muaj para pavarësisë së Indisë nga Britania.

Në moshën 14-vjeçare, ai u dërgua në Angli dhe në Shkollën e Rugbit, më vonë fitoi një diplomë nderi në histori në Kings College, Kembrixh.

Ai u bë shtetas britanik dhe lejoi që besimi i tij mysliman të shuhej. Rushdie punoi shkurtimisht si aktor, dhe kishte qenë në Cambridge Footlights. Më pas dhe si autor reklamash, ndërsa shkruante romane.

Libri i tij i parë i botuar, Grimus, nuk arriti sukses të madh, por disa kritikë e panë atë si një autor me potencial të konsiderueshëm.

Rushdie-t iu deshën pesë vjet për të shkruar librin e tij të dytë, Fëmijët e mesnatës, i cili fitoi çmimin Booker në 1981, u vlerësua gjerësisht dhe u shit në gjysmë milioni kopje.

Katër vjet më vonë, Rushdie shkroi The Jaguar Smile, një rrëfim i një udhëtimi në Nikaragua.

Në shtator të vitit 1988 u botua vepra që do t’i rrezikonte jetën, Vargjet Satanike. Romani surrealist post-modern shkaktoi zemërim te disa myslimanë, të cilët e konsideruan përmbajtjen e tij si blasfemi.

India ishte vendi i parë që e ndaloi atë. Pakistani ndoqi shembullin, ashtu si edhe vende të tjera myslimane dhe Afrika e Jugut.

Romani u vlerësua në shumë qarqe dhe fitoi çmimin Ëhitbread për romane. Por reagimi ndaj librit u rrit dhe dy muaj më vonë, protestat në rrugë morën vrull.

Myslimanët e konsideruan atë një fyerje për Islamin. Ata kundërshtuan, ndër të tjera, që dy prostitutave në libër u jepeshin emrat e grave të profetit Muhamed.

Titulli i librit i referohej dy vargjeve të hequra nga Muhamedi nga Kurani, sepse ai besonte se ato ishin frymëzuar nga djalli.

Në janar 1989, muslimanët në Bradford dogjën ritualisht një kopje të librit dhe shitësit e gazetave ËHSmith ndaluan ta shfaqnin atje. Rushdie hodhi poshtë akuzat për blasfemi.

Në shkurt, njerëz u vranë në trazirat anti-Rushdie në nën-kontinent, ambasada britanike në Teheran u godit me gurë dhe u vendos një çmim mbi kokën e autorit.

Ndërkohë në Mbretërinë e Bashkuar, disa udhëheqës myslimanë kërkuan moderim, të tjerë mbështetën Ajatollah. SHBA, Franca dhe vende të tjera perëndimore dënuan kërcënimin me vdekje.

Rushdie, tashmë i fshehur me gruan e tij nën rojen e policisë, shprehu keqardhjen e tij të thellë për shqetësimin që u kishte shkaktuar myslimanëve, por Ajatollah e ripërtëri thirrjen e tij për vdekjen e autorit.

Zyrat në Londër të Viking Penguin, botuesit, u piketuan dhe u morën kërcënime me vdekje në zyrën e Nju Jorkut.

Por libri u bë një best-seller në të dy anët e Atlantikut. Protestat kundër reagimit ekstrem mysliman u mbështetën nga vendet e EEC, të cilat të gjitha tërhoqën përkohësisht ambasadorët e tyre nga Teherani.

Por autori nuk ishte i vetmi person që kërcënohej për përmbajtjen e librit.

Përkthyesi japonez i The Satanic Verses u gjet i vrarë në një universitet në veri-lindje të Tokios në korrik 1991.

Policia tha se përkthyesi, Hitoshi Igarashi, i cili punonte si asistent profesor i kulturës krahasuese, u godit me thikë disa herë dhe u la në korridor jashtë zyrës së tij në Universitetin Tsukuba.

Në fillim të të njëjtit muaj, përkthyesi italian, Ettore Capriolo, u godit me thikë në banesën e tij në Milano, megjithëse i mbijetoi sulmit.

Dënimi me vdekje kundër Rushdie pushoi së mbështeturi zyrtarisht nga Irani në 1998.

Në dy dekadat e fundit ai ka botuar Shalimar Klloun, Magjepsja e Firences, Dy vjet tetë muaj dhe njëzet e tetë netë, Shtëpia e artë dhe Kichotte.

Rushdie ka qenë i martuar katër herë dhe ka dy fëmijë. Ai tani jeton në SHBA dhe u shpall kalorës në vitin 2007 për shërbimet e tij në letërsi.

Në vitin 2012, ai botoi Joseph Anton: A Memoir, një rrëfim i jetës së tij në vazhdën e polemikave mbi Vargjet Satanike./Përshtati në shqip, albeu.com

The post U sulmua sot me thikë! Kush është Salman Rushdie, shkrimtari që trazoi botën dhe rrezikoi jetën e tij me librin “Vargjet Satanike” appeared first on Albeu.com.

Kujtojmë se libri i Rushdie “Vargjet Satanike” është ndaluar në Iran që nga viti 1988, pasi shumë muslimanë e konsiderojnë atë si blasfemi. Një vit më vonë, lideri i ndjerë i Iranit, Ajatollah Ruhollah Khomeini, nxori një fetva, ose dekret, duke bërë thirrje për vdekjen e Rushdie.

Një shpërblim prej mbi 3 milionë dollarë është ofruar gjithashtu për këdo që vret Rushdie.

Qeveria e Iranit është distancuar prej kohësh nga dekreti i Khomeinit, por ndjenjat anti-Rushdie vazhduan. Në vitin 2012, një fondacion fetar gjysmë zyrtar iranian e ngriti shpërblimin për Rushdie nga 2.8 milionë dollarë në 3.3 milionë dollarë.

Rushdie e hodhi poshtë atë kërcënim në atë kohë, duke thënë se nuk kishte “asnjë provë” se njerëzit ishin të interesuar për shpërblimin.

Atë vit, Rushdie botoi një kujtim, “Joseph Anton”, rreth fetvasë.

The post Shkrimtari i njohur, Salman Rushdie, sulmohet me thikë në New York appeared first on Albeu.com.