Salianji nënvizoi se mënyra për të larguar kryeministrin është përmes protestave masive dhe votës, duke theksuar nevojën për mobilizim të popullit opozitar dhe respekt të plotë për demokratët. Ai kritikoi mungesën e mbështetjes nga Berisha për aksionet në terren dhe vuri në dukje se fitorja arrihet përmes njerëzve që përfaqësojnë vlera dhe jo përmes heshtjes apo frikës.

Gjithashtu, Salianji shprehu pakënaqësi për vendimet e PD, përfshirë atë mbi Avokatin e Popullit, dhe kërkoi përgjegjësi dhe dorëheqje kur bëhen gabime, duke theksuar se mungesa e guximit tek disa nuk duhet të pengojë zhvillimin e debatit të brendshëm në parti.

Ervin Salianji: Mbledhjet tona shndërrohen në gjyqe ndaj demokratëve, në vend që të diskutohet për strategjinë që mund të përfaqësoje opozitën në terren, mbledhja e fundit ishte katër orë gjyq për mua dhe ju dhe 15 minuta për Ramën dhe Ballukun. Edi Rama nuk mundet as me armiq imagjinar, as me përbetime të ndërvitshme, nuk ka rrugë tjetër veç se respektimi i demokratëve, komunikimi me ta dhe një rinisje të vërtetë.

Ti çojmë shqiptarët drejt kutive të votimit dhe protestave. S’mund të vazhdojmë të mbajmë kokën pas duke thënë na vodhi këtë herë na vodhi atë herë. Me dy rrugë largohet Rama, protesta dhe te kutia e votimit.

E vetmja mënyrë për ta bërë këtë është që të çojmë në këmbë popullin opozitar. Duhet të shkojmë përtej vetes, të jemi të vërtetë dhe të qartë. Kjo nuk ndodh duke qëndruar çdo natë duke qarë. Fitorja arrihet me njerëz që përfaqësojnë vlera dhe humbësit duhet të bëjnë një hap pas.

Drejtuesi i PD në vend që të mbledhë njerëz për protestën, na kërkon llogari pse mblidhemi ne, në cilin nen ndalohet? Nëse çdo përfaqësues i PD do bënte këtë që bëjmë ne, PD do i kishte sheshet e protesta në shesh.

Si guxon dikush që të etiketojë njerëz që dergjen prej 13 vitesh në opozitë? Si mundet të thuhen për njerëz që kanë sakrifikuar pafund. Si rasti i Ndrecës në Durrës. Si mundet?

PD ka bërë gabim me Avokatin e Popullit dhe për këtë unë kërkova një akt, kam kërkuar dorëheqje sepse s’mund të thonë çdo herë bëmë gabim.

Reagimet e sotme dhe ndaj debatet që po përpiqemi të hapin, janë debate në favor të PD. Mungesa e burrërisë tek disa nuk mund të jetë një hall tjetër që duhet t’i shtohet kryesisë së PD.

The post “Ka dy rrugë për largimin e Ramës”, Salianji: Berisha në vend që të mbledhë njerëz për protestën, na kërkon llogari pse mblidhemi appeared first on Albeu.com.

Ervin Salianji duket se ka një mbështetje shumë të madhe nga qytetarët e thjeshtë tek anëtarët e PD-së. Nën shoqërinë e tij është parë edhe ish-deputeti Qani Xhafa.

Gjithashtu pjesë e këtij takimi ishte edhe pedagogu i Universitetit të Arteve, Ardian Isufi. Ish-deputeti Ervin Salianji tha gjatë fjalës së tij se qeveria është ende në pushtet dhe demokratët s’kanë pasur mundësi për ta rrëzuar.

Ai shtoi se qindra demokratë po kërkojnë bashkëbisedime me vetë Salianjin ndërsa nënvizoi se duhet mbrojtur dinjiteti njerëzor.

Sakaq, Ervin Salianji tha se mbledhjet në PD janë shndërruar në gjyq për demokratët ndërsa tregoi se në mbledhjen e fundit është diskutuar 4 orë për të dhe 15 minuta për Edi Ramën.

“Mesazhi duhet të jetë i qartë për një qeveri që nuk e respekton dhe nuk e njeh pronën, familjen, lirinë individuale. Autoritar, përjashtues e grabitqar, po faktohet çdo ditë. Protesta kombëtare është zgjim i madh për të gjithë opozitarët, mesazh i qartë për qeverinë dhe kërkesë që të japin dorëheqjen.

Por çfarë po ndodh në PD? Në vend që të flasim për protesta e strategji kundër Edi Ramës, mbledhjet tona shndërrohen në gjyqe ndaj demokratëve. Në vend që të merremi me gjërat që shqetësojnë qytetarët, mbledhja e fundit ishte 4 orë gjyq për mua dhe për ju dhe 15 minuta për Edi Ramën.”-tha Salianji.

The post “PD i bën gjyqin demokratëve”, Ervin Salianji mbush edhe lozhat tek “Skampa”, i pranishëm ish-deputeti Qani Xhafa dhe Ardian Isufi i “Arteve” appeared first on Albeu.com.

Kësaj here ish-deputeti do takohet me demokratët e Elbasanit. Siç bën me dije vetë në facebook, Salianji do takohet me PD e Elbasanit nesër në ora 18:00.

Ky takim vjen pas përplasjeve në mbledhjen e Kryesisë së Partisë Demokratike, të shtunën ku Salianji pati debate me Flamur Nokën, kreun e PD-së Berisha dhe kreun e PD-së në Elbasan dhe deputetin Blendi Himçi.

Salianji u kritikua në mbledhjen e Kryesisë nga Noka, se po bën një lëvizje brenda PD-së që i shërben Edi Ramës. Ndërsa Salianji mohoi akzuat, duke thënë se në parti duhet lejuar mendimi ndryshe dhe se nuk duhet të jetë ai shënjestra e mbledhjes.

“Mendova që sot duhet të flisnim vetëm për skandalin Rama–Balluku. Sot, me këtë, po zhvendosni vëmendjen. Problemi qenka shqetësimi që kanë demokratët dhe jo vjedhjet e qeverisë. Unë erdha t’i bëjmë gjyqin qeverisë, por nëse doni për demokratët, ja e bëjmë. Do më keni me cel në dorë për të denoncuar këdo që bashkëpunon me qeverinë”, tha ish-deputeti në Kryesi.

Salianji bëri dhe sfidë establishmentit udhëheqës në PD, nëse mund të mbledhin më shumë demokratë në takime se ai.

“Nëse në takime private mblidhni aq shumë njerëz, vetëm mirë i bëni PD-së. Të dalë secili të mbledhë aq njerëz në çdo zonë dhe ne i mbushim sheshet.”

The post Pas debateve në Kryesinë e PD, Ervin Salianji nuk ndalet, njofton takimin me demokratët e Elbasanit appeared first on Albeu.com.

“Nesër në orën 18:00 te Teatri Skampa i Elbasanit kam takim me demokratët. Prisja që të ftohesha në takimin që bëri Partia Demokratike dhe zoti Berisha në Elbasan, sepse unë kam qenë drejtuesi politik, drejtuesi i nderit, siç tha zoti Berisha, pasi unë u burgosa. Unë jam larguar nga atje, jo me votë, jo me ndonjë vendimmarrje, që vjen për shkak të votës, por për shkak të dhunës dhe represionit të qeverisë, duke më rrëmbyer dhe duke më çuar në burg.

Kështu që, duke qenë se unë nuk e pata një ftesë të tillë dhe nuk pata mundësi që të isha aty, ju kam thënë dhe dje në mbledhje që do të takoj disa demokratë që do t’i shohim sa do jenë nesër, që më kanë ftuar, që janë kryesisht struktura të Partisë Demokratike për të diskutuar për shqetësimet që ata kanë në raport me qasjen e Partisë Demokratike dhe me braktisjen që u ka bërë Partia Demokratike.

Kam komunikuar me zotin Alimehmeti dhe ai i qëndron të njëjtave qëndrime në raport me situatën në Partinë Demokratike. Ai është në komisionet e Këshillit Bashkiak të Tiranës, por nëse do të gjejë kohën, patjetër që do të jetë.

Unë nuk kam asnjë luftë. Unë nuk kërkoj funksion në Partinë Demokratike. Nuk do të marr funksion në Partinë Demokratike dhe nuk po e bëj këtë lëvizje që të marrë atë funksion në Partinë Demokratike.

Dhe po të them një gjë tjetër. Unë në Partinë Demokratike nuk kam zyrë, nuk paguhem, nuk kam privilegje. Unë e bëj këtë, po themi profesion, po e quaj kështu apo vokacion me pasion, për t’i shërbyer së pari demokratëve që më kanë vlerësuar në votë, kudo ku kam qenë, por edhe shoqërisë, me një betejë të drejtë”- tha Salianji.

The post Salianji i përgjigjet Nokës: Nuk kërkoj funksion në PD, nuk kam as rrogë, as privilegje appeared first on Albeu.com.

Salianji tha se nuk ka asnjë lidhje me këtë histori dhe se nuk ka as njohje me Shabanin. Po kështu, ai deklaroi se me Klevis Balliun, nuk pi as kafe dhe jo më t’i kërkojë firmën.

Biseda në studio:

Ylli Rakipi: Si është kjo puna e Avokatit të Popullit? Klevis Balliu tha më kërkoi Salianji të firmosja, por pastaj tha më kërkoi Ina Zhupa të firmosja…

Ervin Salianji: Nuk kam patur asnjë komunikim me zotërinë. Firma është akt individual apo kolektiv? Nuk kam fare komunikim me Endri Shabani. Ai zotëria (Balliu) thotë ka lobuar ky, por firmat mi kërkuan këta.

Ylli Rakipi: Cinizmi shkoi deri aty sa u tha që donte Grida të ishte Shabani Avokat i Popullit dhe u lëshua Salianji të merrte firmat…

Ervin Salianji: Zotëria që tha sot publiksiht (Balliu), unë nuk ulem me atë njeri, nuk kam asnjë kontakt. Ka njerëz në PD që nuk ulesh, nuk e kam as mik, asnjë lidhje. Përgjegjësinë për firmën e ka vet. Ai thotë më loboi ky dhe më tha ajo (Zhupa). Saimir Korreshi tha publikisht, që na e ka kërkuar shoku Flamur. Berisha ka thënë ia kanë dhënë firmën sepse ia kanë dhënë si shkëmbim për mbështetjen për Florian Binajn. Ku hyj unë këtu? Pëse unë po them disa mendime në PD, më ngarkojnë këto, edhe zgjedhjet do dali që i kam humbur unë… Po ta them, nuk kam lidhje me Avokatin e Popullit, nuk kam asnjë firmë. Mendimi im ishte të mbështeteshin Ndregjoni, Kalaja, Haluci. PD ka një çoroditje strategjike, duhet të dilte me një emër. Ne kemi çuar para tre vitesh një emër, Ledio Brahon, si mund të çojmë 15 emra tani? PD me qëndrim zyrtar, po bën luftë me Soros, si firmosin për kandidaturën që ka punuar te Soros?

The post “Thanë që Grida donte Shabanin për Avokat Populli”/ Salianji: Unë me Balliun nuk pi as kafe, jo më ti kërkoj firmën appeared first on Albeu.com.

Përmes një postimi në rrjetet sociale, Noka thotë se Salianji e nisi me bujë si ‘shpëtimtar’ i demokratëve, por me veprimet e kohëve të fundit, si takimet e veçuara dhe ‘aleanca’ me socialistët, po tregon se ka arritur në këtë gjendje vetëm për interesin e tij.

“E nisi me bujë si “shpëtimtar“ i PD-së, por pa u bërë tre javë e katandisi te kërkesa për një karrige”,-shkruan Noka.

The post Noka ironizon Salianjin: E nisi me bujë si ‘shpëtimtar’ i PD-së, u katandis te kërkesa për karrige appeared first on Albeu.com.

Gazetarët e kanë pyetur Salianjin lidhur me vazhdimësinë e lëvizjeve dhe mobilizimeve të mëtejshme të PD-së, për të cilat ai ka thënë se do të ecin përpara dhe nuk presin ndryshime pa përplasje dhe sakrifica.

“Kishte mendime të ndryshme, ajo që di t’ju them është se do ecim përpara. Nuk do ketë ndryshim pa sakrifica edhe pa reagime dhe pa përplasje.

Do vazhdojmë do ecim përpara çdo akuze dhe çdo idiotësie do t’i përgjigjemi me fakte konkrete dhe me emra konkret.”- tha Salianji për mediat.

Më tej, ka ngjallur interes dhe zbardhja e fundit e diskutimeve që janë bërë brenda mureve të mbledhjes së kryesisë së PD-së, pas kërkesës së Salianjit që deputeti Flamur Noka duhet të dorëhiqet.

Ai është pyetur për këtë kërkesë teksa midis rreshtave ai ka thënë se ka ende konfuzion në këtë vendimmarrje.

“Vendimmarrja e PD-së e cila ishte e paqartë në shumë situata bën përgjegjës.”- tha ai

The post Përfundon mbledhja e kryesisë së PD/ U pyet nëse Noka duhet të dorëhiqet, Salianji: Vendimmarrja e partisë ishte…. appeared first on Albeu.com.

Ai i është drejtuar anëtarëve të tjerë që nuk e kanë pritur mirë turin e Salianjit në mbarë vendin për rigjenerimin e PD se nuk po fokusohen tek problemi kryesor i opozitës, rrëzimi i Ramës.

“Sot mendova se e kishim mbledhjen për të rrëzuar Ramën, e paskeni me mua. Po e zhvendosni vëmendjen plotësisht nga Rama”, mësohet të ketë thënë Salianji.

Burime nga mbledhja bëjnë me dije se ka pasur debate të ashpra mes Berishës, Nokës dhe Salianjit.
Noka i është drejtuar Salianjit me fjalët: “Me këtë që po bën, po u shërben atyre që ke përballë”.

Nga ana e tij, Salianji i është përgjigjur: “Jep dorëheqjen, Flamur, e ke shkatërruar partinë, dhe gabimi me Avokatin e Popullit është përgjegjësi e jotja”./ Balkanweb

The post “Mendova se mbledhja ishte për të rrëzuar Ramën, e paskeni me mua!”, Salianji në mbledhjen e kryesisë së PD: Po e zhvendosni vëmendjen appeared first on Albeu.com.