Lidhur me lirimin e Salianjit, ka reaguar edhe kreu demokrat Sali Berisha.

 Berisha: Dua të dënoj me forcën më të madhe dënimin politik ndaj deputetit Ervin Salianji nga Edi Rama dhe Fatmir Xhafaj, krerë kryesorë të organizatës kriminale të narkoshtetit.

Salianji vuajti jashtë çdolloj ligj, kushtetuese e rregulli 9 muaj në burg vetëm pse dënoi Geron Xhafën.

Nga selia blu,m kryedemokrati Sali Berisha, deklaroi se Ervin Salianji u dënua politikisht nga Edi Rama dhe Fatmir Xhafaj.

DEKLARATA:

Para se të ndalemi në farsën e turpshme elektorale, 11 maj 2025, dua të dënoj edhe njëherë me forcën më të madhe, dënimin politik ndaj deputetit Ervin Salianji nga Edi Rama dhe Fatmir Xhafaj, krerë kryesorë të organizatës kriminale të narkoshtetit.

Ervin Salianji vuajti jashtë çdo lloj ligji, Kushtetute dhe rregulli. 9 muaj në burg vetëm e vetëm pse denoncoi Geron Xhafën si trafikant kryesor në qarkun e Vlorës, i cili kërkohej në Milano.

Burgosja e Ervin Salianjit kishte si synim kryesor burgosjen e të vërtetës se Edi Rama, Fatmir Xhafaj dhe Geron Xhafaj udhëhiqnin dhe përfitonin nga trafiqet nga Vlora drejt Italisë.

Natyrisht mbajtja në burg e Ervin Salianjit pa asnjë faj është përgjegjësi direkt personale e Edi Ramës dhe Fatmir Xhafës.

Vendimi i sotëm i gjykatës u shty po me urdhër të Edi Ramës dhe Fatmir Xhafës mbi 6 javë në një akt të turpshëm dhe hakmarrës pa fund.

Krahas saj, dua të denoncoj këtu para jush qëndrimet e terrorit psikologjik ndaj të burgosurit tjetër politik, ish-presidentit, ish-kryeministrit dhe ish-kryetarit të parlamentit, Ilir Meta, gjatë këtyre ditëve në vazhdim.

Me urdhër të Edi Ramës dhe Uluzi Manjës, banditë me uniformë në burgun e Fierit kanë ushtruar terror psikologjik ndaj Ilir Metës sepse ai ka dhënë një intervistë në media, ka ushtruar të drejtën e fjalës së tij.

Ky akt i shëmtuar i ndëshkimit për fjalën e lirë tregon tmerrin që Edi Rama ka për krimet politike që ka kryer.

Banditë me uniformë në zbatim të urdhrit të Edi Ramës dhe Uluzi Manjës kanë shkuar gjer aty sa nuk i kanë lejuar takimin me familjarët duket pretenduar se janë 4 dhe mund të futen vetëm 3, dhe akte të tjera.

I kanë hequr telefonin dhe të drejtën e komunikimit sepse, sipas tyre, ka komunikuar me Sekretarin e Përgjithshëm të partisë së tij.

Këto janë akte jashtëzakonisht të rënda të një narkoshteti që nuk ndodhin as në burgjet e Bjellorusisë apo Rusisë. Këto ndodhin vetëm në Venezuelën e Maduros, ndaj dhe Edi Rama është një Ramaduro.

The post Lirimi nga qelia i Ervin Salianjit, reagon ish-kryeministri Sali Berisha appeared first on Albeu.com.

Seanca do të nisë në orën 10:00 dhe vendimi për demokratin do të merret në dhomë këshillimi.

Kujtojmë që më datë 15 tetor 2024, Gjykata e Lartë, refuzoi një kërkesë të ish-deputetit demokrat Ervin Salianji, për pezullimin e dënimit me 1 vit burg nga Apeli.

Më 26 shtator, Gjykata e Apelit, vendosi lënien në fuqi të dënimit me 1 vit burg për veprën penale të kallëzimit të rremë për Salianjin, ndërsa ky i fundit e quajti procesin të montuar dhe e cilësoi veten si të dënuar politik.

The post Rekursi për dënimin me një vit burg, Gjykata e Lartë vendos sot fatin e Ervin Salianjit appeared first on Albeu.com.

Kujtojmë që më datë 15 tetor 2024, Gjykata e Lartë, refuzoi një kërkesë të ish-deputetit demokrat Ervin Salianji, për pezullimin e dënimit me 1 vit burg nga Apeli.

Klodiana Lala: Nesër në Gjykatën e Lartë do zhvillohet seanca për Salianjin. Ai po vuan dënimin me burg për kallëzim të rremë. Ndërsa, nesër pritet të vendoset për të në Gjykatën e Lartë.

Ervin Salianji, u dënua me 1 vit burg në shkallën e parë, për çështjen e një përgjimi që pretendohej se ishte i vellait të Fatmir Xhafajt”. Ndërsa, më tej, Gjykata e Apelit më 26 shtator 2024, vendosi të lërë në fuqi vendimin për dënimin me një vit burg për të.

The post Rekursi i Salianjit/ Gjykata e Lartë merr nesër vendim për ish-ligjvënësin demokrat appeared first on Albeu.com.

Përmes një postimi në rrjetet sociale, Meta shkruan se ky takim e bindi edhe më shumë se burgu politik vetëm e ndez frymën e ndryshimit dhe përmbysjen e juntës në fuqi.

Meta thotë se ka qenë i shoqëruar edhe nga anëtari i Kryesisë të Partisë së Lirisë, Avokat Genc Gjokutaj.

“Krenar për heronjtë e fjalës së lirë, të cilët as në burg nuk e humbasin Lirinë”, thotë Meta.

Kujtojmë se Gjykata e Lartë i rrëzoi sot Ervin Salianjit kërkesën për pezullimin e dënimit.

Postimi i Metës:

Sot, me kërkesën time, së bashku me anëtarin e Kryesisë të Partisë së Lirisë, Avokat Genc Gjokutaj, takova në burgun e Fierit deputetin tribun të Partisë Demokratike dhe opozitës, z.Ervin Salianji, i cili po vuan burgun politik të Narkoshtetit.

Takimi ishte shprehje e solidaritetit kundër Narkoregjimit në fuqi dhe Narkodrejtësisë.

Ky takim më bindi edhe më shumë se burgu politik vetëm e ndez frymën e Ndryshimit dhe përmbysjen e juntës në fuqi.

Krenar për heronjtë e fjalës së lirë, të cilët as në burg nuk e humbasin Lirinë.

The post Meta viziton Salianjin në burg: Krenar për heronjtë e fjalës së lirë, të cilët as në burg nuk e humbasin Lirinë! appeared first on Albeu.com.

Në seancën e kaluar më 9 tetor, mbrojtja e Salianjit u tërhoq nga kërkesa për shtyrjen e vendimit të ekzekutimit të dënimit me burg, pasi objekti i kërkesës nuk qëndronte më me dorëzimin e ish-deputetit.

Avokati i Salianjit, Ledio Braho, duke folur për mediat pas përfundimit të seancës së 9 tetorit tregoi edhe detaje në lidhje me mënyrën se si ish-deputeti i PD po përballon burgimin.

“Salianji është i qetë. Zgjodhi vetë të dorëzohej. Të gjithëve kur u kufizohet liria, kanë problematikat e veta, por duke qenë se po vuan një dënim politik ai do të çojë deri në fund. Nga Gjykata e Lartë pretendojmë pezullimin e vendimit të Apelit”, Presim vendimmarrje nga Gjykata e Lartë që do të gjykohet më 15 tetor. Mjeti procedural aty është i arsyeshëm për t’i gjykuar dhe presim një vendimmarrje nga Gjykata e Lartë, presim pezullimin. Salianji ka bërë një denoncim publik. Vendimi i Gjykatës së Apelit ende nuk është zbardhur, nuk i dimë arsyet pse u la në fuqi vendimi i shkallës së parë. KQZ nuk e ka hequr mandatin e deputetit Salianji, presim vendimmarrjen e Gjykatës së Lartë”, tha avokati i tij.

The post Gjykata e Lartë shqyrton sot kërkesën e Ervin Salianjit për pezullimin e dënimit me burg appeared first on Albeu.com.

Në një deklaratë për mediat, ai u shpreh se ka marrë shkresën nga KQZ për mandatin e deputetit dhe se e ka pranuar.

Andrea Mano, theksoi se tashmë është në pritje të marrjes zyrtarisht të mandatit nga parlamenti i Shqipërisë, ndërsa theksoi se është deputet i PD-së dhe do t’i bashkohet grupit parlamentar të kësaj force politike.

“Pas dorëheqjes unë kam bërë një akt revolte, thirrje për reflektim”, u shpreh ai, duke shtuar se largimi i tij ka qenë shenjë proteste ndaj ish-kryetarit të PD-së dhe jo ndaj partisë.

Pjesë nga deklarata:

Andrea Mano: Unë jam në fazën që kam marr një shkresë nga KQZ për marrjen e mandatit si deputeti i Korçës, e kam pranuar, kam plotësuar dhe shkresat e nevojshme.

Jam në pritje të marrjes zyrtarisht të mandatit nga parlamenti i Shqipërisë. Unë jam deputet i PD dhe sigurisht që i bashkohem grupit parlamentar të PD.

A do t`i bashkoheni aksionit opozitar për mosbindje civile?

Pas dorëheqjes unë kam bërë një akt revolte, thirrje për reflektim të gjithë PD ndaj ish kryetarit të PD. Dorëheqja ime dhe e një pjese të madhe e anëtareve të kryesisë dhe më pas e 280 demokratëve që kanë ikur ka qenë një protestë ndaj ish kryetarit të PD por jo ndaj Partisë Demokratike.

Sigurisht që ne kemi qenë pjesë e proceseve reformuese në PD të cilat fatkeqësisht nuk shkuan ashtu siç ne mendonim, sepse një pjesë e inturazhit të vjetër politik të zotërisë që iku nga kryetar partie, ju ribashkuan më tej PD, por ne vazhdojmë që të jemi, ashtu si unë, edhe njerëzit që kanë ikur, nuk kanë ikur nga PD por nga funksionet drejtuese që kanë patur, kanë qenë anëtarë kryesie, drejtues sanksionesh, dhe grup sanksionesh. por e kanë dhënë kontributin si anëtarë partie.

A do t’i ktheheni politikës pas mbarimit të mandatit si deputet?

Sigurisht që po, ndaj dëshirën time dhe vullnetin tim, për të qenë përfaqësues i qytetarëve të Korçës, një përfaqësi e cila pavarësisht përpjekjeve të mëdha në atë kohë nuk u arrit për shumë arsye. Por do ti kthehem jetës aktive dhe do përpiqem që atë proces që nisëm në vitin 2021 ta çojmë deri në fund.

Ajo që ne besuam të gjithë që pas largimit të ish-kryetarit të Partisë Demokratike, riformatimi i Partisë Demokratike, reformimi i saj të themi më mirë ngjalli një shpresë dhe një pritshmëri të madhe si kudo edhe në qytetin e Korçës. Pavarësisht se ne që dhamë dorëheqjen nga ai kryetar partie u anatemuam si tradhtarë, u anatemuam si njerëz qe shkelin parimet e PD-së. Me thënë të drejtën gjithë ajo pritshmëri që u krijua, fatkeqësisht ka mbetur vetëm pritshmëri.

Duhet një punë shumë e madhe, një qasje e re e PD-së qe ne të kemi mundësi që gjithë këtë grup të madh njerëzish që kanë një pakënaqësi jashtëzakonisht të madhe ndaj qeverisë të bëhen pjesë e projektit tonë opozitar, nuk duhet vetëm një rrugë, nuk duhet vetëm një mënyrë për ti bashkuar këta shqiptarë dhe gjithë këta njerëz të pakënaqur me pushtetin por duhen disa variante, duhen njerëz të rinj që kanë një vizion ndryshe nga mënyra e të bërit politikë, njerëz te cilët duhet ti sjellin në fund PD-së atë që i mungon, një projekt i ri, ndryshe nga e kaluara dhe që do të ishte fitues në zgjedhjet e ardhshme.

Si do të bashkëjetoni me një pjesë të grupit parlamentar të PD që në momentin e shpalljes non grata të Z.Berisha atakuan demokratët?

Sigurisht që kjo moralisht është gjëja më e dëmshme që mund ti ndodhte PD-së sepse nëse kemi një staturë politike dhe një figurë politike ne duhet të mbajmë qëndrimin tonë. Këtu përmend rastin e grupit që u larguam nga drejtimi i atëhershëm i PD-së pavarësisht anatemimeve që patëm dhe akuzave shumë të rënda nga njerëzit e PD-së që çuditërisht para një muaji na shanë ne dhe na anatemuan me fjalët më të rënda, por pas një muaji erdhën në rrugën tonë, ju bashkuan foltores asaj që ne mendonim se ishte zgjidhja më e mirë. Pra këta njerëz që brenda një muaji ndryshojnë nga njëra anë në anën tjetër sigurisht që s’kanë më besueshmëri.

Dhe kjo është ajo qasje që kjo PD dhe lideri sot duhet të ketë parasysh për gjithçka nëse do një projekt të ri, nëse do një qasje të re me qytetarët nuk mund të kesh njerëz që kalojnë nga njëra ane e shilarëses në anën tjetër.

Pritshmëritë që PD të marrë rezultat pozitiv në zgjedhjet e 2025?

Qasja që iu bë PD-së së Korçës, flas për largimin tonë, ka qenë qasja më e gabuar, ne u larguam dhe donim që nëpërmjet saj të jepnim një mesazh gjithë demokratëve të Shqipërisë që rruga që ne po shkonim deri atëherë, kryetari që ne po shkonim deri atëherë, ishte një qasje e gabuar, ishte një kryetar i cili po shihte interesa të vogla personale dhe në deklaratën e asaj kohe pikërisht këto pika kemi përmendur dhe donim të ishte një shkundje për ti rikthyer demokratët në një rruge tjetër, jo në të njëjtën rrugë që na shkaktoi 8 vite opozitë, pazare , ngelje pas.

Nuk u kuptua fatkeqësisht ajo që ne bëmë por shpresoj që sot koha të na ketë dhënë të drejtë dhe të kemi një qasje ndryshe në marrëdhëniet me qytetarët dhe një përfaqësim krejt ndryshe sepse ti s’mund të përfaqësohesh me të njëjtët njerëz që kanë bërë të njëjtat gabime dhe pastaj të vish të thuash na jepni votën se ndryshe folëm atëherë e ndryshe flasim tani. Këtu është qasja e liderit të PD-së mënyra se si ai do e konceptojë, unë jam besimplotë që ne i kemi të gjitha mundësitë që një rezultat fantastik arrihet në Korçë, që ne të ndryshojmë krejtësisht mënyrën se si i shohim qytetarët dhe japim ato që duan.

The post Pranoi të marrë mandatin e Salianjit, flet Andrea Mano: Do jem në grupin parlamentar të PD appeared first on Albeu.com.

Ish-deputetit të Partisë Demokratike, Ervin Salianji, iu ndërpre mandati pas vendimit të Gjykatës së Apelit që e dënoi me 1 vit heqje lirie.

Salianji mori mandatin e deputetit në zgjedhjet e 2021 në qarkun e Korçës.

Pas ndërprerjes së mandatit të deputetit, vendin e Salianjit e zë një prej emrave të listës shumëemërore të subjektit Partia Demokratike.

The post Kuvendi i ndërpreu mandatin e deputetit Salianjit, KQZ njoftohet për vakancën appeared first on Albeu.com.

Përmes një postimi në rrjetet sociale, Basha bën me dije se ky takim i ka dhënë mundësinë të shtroja për diskutim disa çështje të rëndësishme, mbi gjendjen e shtetit të së drejtës në Shqipëri.

Basha thotë se nevoja për të çuar përpara vettingun në politikë, kriza kushtetuese e nxitur nga mosrespektimi i vendimeve të Gjykatës Kushtetuese për mandatin e deputetes Xhaçka, si dhe arrestimi i deputetitErvin Salianji me akuzën e kallëzimit të rremë, janë çështje që meritojnë vëmendjen e Komisionit të Venecias dhe Këshillit të Europës.

Postimi i Bashës:

Në mbledhjen e Grupit Parlamentar të Partisë Popullore Europiane, në Këshillin e Europës. Seanca me Sekretaren e Komisionit të Venecias në këtë takim më dha mundësinë të shtroja për diskutim disa çështje të rëndësishme mbi gjendjen e shtetit të së drejtës në Shqipëri, si bazament i demokracisë dhe zhvillimit të vendit.

Nevoja për të çuar përpara vettingun në politikë, të bllokuar nga mazhoranca por i mbështetur në parim nga Komisioni i Venecias; kriza kushtetuese e nxitur nga mosrespektimi i vendimeve të Gjykatës Kushtetuese për mandatin e deputetes Xhaçka, si dhe arrestimi i deputetit të opozitës Ervin Salianji me akuzën e kallëzimit të rremë, ndërkohë që vëllai i ish-ministrit Xhafaj rezultoi të ishte i dënuar dhe vetë ministri subjekt i ligjit anti-mafia, janë çështje që meritojnë vëmendjen e Komisionit të Venecias dhe KiE, për forcuar përpjekjet e përbashkëta në lidhje me sfidat me të cilat përballen shteti i së drejtës, sundimi i ligjit dhe demokracia funksionale në Shqipëri.

The post Basha flet në KiE për burgosjen e Salianjit: E arrestuan edhe pse vëllai i ish-ministrit rezultoi të ishte i dënuar appeared first on Albeu.com.

Kërkesa në fjalë argumenton se: “Ekzekutimi i vendimit duhet të shtyhet për shkak të pasojave shumë të rënda që sjell për deputetin siç është ndërprerja e mandatit aktual dhe pamundësia e kandidimit në zgjedhjet parlamentare të 2025-ës”.

Ndërkohë që së bashku me këtë kërkesë, avokatët kanë përgatitur edhe shkresën për pezullim të vendimit në Gjykatën e Lartë, e cila do të dorëzohet së bashku me rekursin sapo të zbardhet vendimi i arsyetuar i Gjykatës së Apelit.

Gjithashtu, mësohet se sot pritet kallëzim penal në SPAK ndaj ish-ministrit të Brendshëm, Fatmir Xhafaj.

Partia Demokratike, ka ngritur akuza në drejtim për 5 vepra penale në drejtim të Xhafajt dhe hetimi do të kërkohet mbi lidhjet e pretenduara me ndërtues të cilëve u ka dhënë prona shtetërore, falsifikim të dosjes, pengim të së vërtetës dhe shpërdorim detyre.

Beteja ligjore e Ervin Salianjit po zhvillohet në tre drejtime.

Deputeti demokrat Ervin Salianji, u dënua me 1 vit burg nga Gjykata e Apelit, e cila la në fuqi vendimin e Shkallës së Parë, për kallëzim të rremë në rastin e dosjes “Babalja”. Audiopërgjimi i Agron Xhafajt, vëllai i ish-ministrit të Brendshëm, Fatmir Xhafaj u rrëzua nga Prokuroria dhe u konsiderua provë e falsifikuar.

Prej pasdites së 27 shtatorit, Ervin Salianji, po vuan në Burgun e Fierit dënimin me burg, ndëshkim të cilin ai e konsideron të motivuar politikisht dhe hakmarrje nga ana e mazhorancës, për shkak të denoncimeve të vazhdueshme ndaj qeverisë dhe ministrave.

Trupa e gjyqtarëve që dënoi Salianjin përbëhej nga Iliba Bezati, Elona Toro dhe Genti Shala. Në një reagim për mediat, Gjykata e Apelit njoftoi se vendimi ndaj deputetit demokrat u mor në mënyrë unanime.

The post Avokatët e Salianjit dorëzojnë kërkesat në Gjykatën e Lartë dhe atë të Tiranës, çfarë pritet të ndodhë sot në SPAK? appeared first on Albeu.com.

Situata e rëndë e demokracisë në Shqipëri, u bë pjesë e diskutimeve në Forumin e Grave të Partisë Popullore Europiane, që mbajti Akademinë e Vjeshtës në Marakesh të Marokut.

Deputetja Albana Vokshi, ngriti tre probleme kryesore për Shqipërinë: korrupsionin madhor të qeverisë, mungesën e shtetit ligjor dhe kontrollin politik të drejtësisë, largimin masiv të shqiptarëve.

Vokshi tha se lideri i opozitës Sali Berisha, mbahet në arrest antikushtetues prej gati një viti përmes një dosje të fabrikuar nga PS, pa fakte, pa dëshmitarë.

Në vijim ai solli në vëmendje dënimin e eurodeputetit Fredi Beleri dhe së fundmi burgosjen e Ervin Salianjit.

“Ndaj tij nuk u paraqit asnjë provë dhe nuk u lejua të betohej pas fitores së zgjedhjeve, sepse kryeministri e sheh Jugun e Shqipërisë si një pronë private për t’u pasururar përmes korrupsionit. Këtë javë, nënkryetari i Grupit Parlamentar të PD, Ervin Salianji, u burgos në një proces gjyqësor politik, sepse denoncoi lidhjet e trafikantëve të drogës me qeverinë shqiptare, përkatësisht të vëllait të ministrit të brendshëm”, tha ajo.

Në panelin e drejtuar nga Albana Vokshi, “Demografia dhe Ekonomia”, i përbërë nga ministre, kryetare bashkie, eurodeputete, zonja Vokshi bëri lidhjen mes keqqeverisjes në Shqipëri dhe largimit të të rinjve, të arsimuarve dhe profesiontëve.

“Në 10 vitet e fundit, janë larguar nga vendi mbi 1 milion shqiptarë, 75% e tyre në moshën më aktive, nën 40 vjeç dhe të formuar në profesionet e tyre, mjekë, infermierë, inxhinierë, IT. Ata nuk shohin një të ardhme, sepse vendi ka një problem madhor. Ka korrupsion në çdo qelizë të shtetit dhe qeveria është e lidhur me krimin e organizuar, i cili kontrollon ekonominë. Largimi i pjesës më aktive të shoqërisë, mungesa e llogaridhënies nga qeveria, e cila qendron në pushtet me votën e blerë nga krimi dhe korrupsioni, ka bërë që shoqëria të ulë rezistencën e saj ndaj keqqeverisjes”, tha Vokshi, e cila i bëri edhe një skaner gjendjes së përkeqësuar të demokracisë në Shqipëri.

“Në Shqipëri, një person i vetëm, kryeministri, ka grumbulluar çdo pushtet në duart e tij dhe përdor Parlamentin, drejtësinë, mediat për të ruajtur pushtetin e tij personal. Sot rendi kushtetues ka rënë. Maxhoranca në Parlament refuzon me votë të zbatojë vendimet e Gjykatës Kushtetuese. Lideri i opozitës Sali Berisha mbahet në arrest antikushtetues prej gati një viti përmes një dosje të fabrikuar nga PS, pa fakte, pa dëshmitarë. Eurodeputeti Fredi Beleri u zgjodh duke qenë në burg, pasi u arrestua dy ditë para zgjedhjeve, pas një fushate publike deniguese nga kryeministri.

Ndaj tij nuk u paraqit asnjë provë dhe nuk u lejua të betohej pas fitores së zgjedhjeve, sepse kryeministri e sheh Jugun e Shqipërisë si një pronë private për t’u pasururar përmes korrupsionit. Këtë javë, nënkryetari i Grupit Parlamentar të PD, Ervin Salianji, u burgos në një proces gjyqësor politik, sepse denoncoi lidhjet e trafikantëve të drogës me qeverinë shqiptare, përkatësisht të vëllait të ministrit të brendshëm. Vëllai i kryeministrit është aktualisht në hetim për dyshimet në lidhje me një grup tjetër ndërkombëtar të trafikut të drogës dhe mesazhi për burgosjen e kolegut tonë është mesazh për të gjithë opozitën.: të mbyllim gojën. Sot kemi tre të burgosur politikë me urdhër të Edi Ramës. Nesër mund të jem dhe unë dhe çdo koleg tjetër, nëse ne nuk reagojmë për të ndalur këtë regjim putinist”, u shpreh Albana Vokshi gjatë takimit në Forumin e Grave të Partisë Popullore Europiane.

Si zëvendëspresidente e EPP Women, ajo kërkoi nga Partitë Popullore Europianë dhe institucionet europiane të mbështesin përpjekjet e opozitës dhe të qytetarëve për të rikthyer në Shqipëri sundimin e ligjit, përmes respektimit të votës së lirë, drejtësisë së pavarur dhe zbatimit të Kushtetutës.

The post Dënimi i Salianjit/ Albana Vokshi në PPE: Ndihmoni Shqipërinë me rikthimin e sundimit të ligjit appeared first on Albeu.com.