Gjatë fjalës së tij, Salianji deklaroi se PD duhet të frymëzojë qytetarët dhe të rikthejë mobilizimin masiv të elektoratit.

“Ne duhet të frymëzojmë ndryshimin dhe të çojmë mbi 800 mijë votues në kutitë e votimit. PD duhet të ndryshojë. Këtë gjë e shohim edhe sot në këtë sallë të Dibrës, herën tjetër do ta bëjmë takimin në stadium”

“Tirana po pret, nuk e kemi lënë për në fund. Ata që bëjnë zgjedhjet e degëve në Tiranë fshehurazi, do ta shkundim edhe Tiranën. Nuk kemi parë kurrë në historinë e PD të sfidohet kryetari në detyrë dhe të ketë këtë mbështetje nga demokratët. Nuk kemi ofenduar askënd, kemi dashur të mos përçajmë, por kemi marrë fyerje, shantazh dhe linçim. Po e them edhe nga Dibra, mua dhe mbështetësit e mi as nuk na trembin, as nuk na shantazhojnë. Nuk zmbrapsemi, me ne u ka ngecur sharra në gozhdë”, deklaroi Salianji.

The post “Me ne u ka ngecur sharra në gozhdë”/ Salianji: Do e “shkundim” edhe Tiranën appeared first on Albeu.com.

Ish-deputeti ironizon Berishën, duke iu referuar si “Sali kolltuku” dhe duke thënë se po humb privilegjet. Ai sfidon Berishën që të publikojë të gjithë dosjen e Ergys Agasit dhe Ermal Beqirit, duke e akuzuar se për këtë të fundit mund të ketë marrë benefite që nuk e përmend publikisht.

Krahas postimit, ai publikon edhe një pjesë nga dosja e Prokurorisë së Posaçme, ku theksohet se një shtetase gjermane është kërcënuar nga Ermal Beqiri se kishte hyrë në një “pishinë peshkaqenësh”.

“Po ti pse hesht? A ke marrë ndonjë “llokmë” që nuk e përmend asnjëherë Ermal Beqirin? Apo të mungon guximi? Sepse kur përballesh me të vërtetën, zhduket trimëria e rreme. Ja ku e ke dosjen. Publikoje të plotë, nëse nuk ke frikë”, shkruan ai.

Më tej, e ironizon duke thënë se për të mbajtur karrigen e kryetarit të partisë po bëhet qesharak, duke shtuar se po kthehet në një fatkeqësi jo vetëm për demokratët por edhe për të gjithë shoqërinë.

“Sali kolltuku, për një karrige po bëhesh qesharak, po kthehesh ne Sali fatkeqesia jo vetem per demokratet por per gjithe shoqerine! Po kthehesh në simbol të kapjes dhe degradimit, jo vetëm për demokratët, por për gjithë shoqërinë. Por ke harruar një gjë, mua nuk më ble dhe as kërcënon dot askush, as ti!”, shton ai.

Reagimi i plotë:

Sali kolltuku, je tmerruar sepse po humb privilegjet.

Lëri llafet si llaxor lagjeje dhe dil, nëse ke guxim, publiko dosjet. Ja ku i ke, fakte jo haluçinacione prej frikës!

Sepse faktet janë kokëforta.

Ja ku e ke një pjesë të dosjes Agasi–Beqiri:

Në dokumente rezulton se shtetasja gjermane M.Sh. është kërcënuar se kishte hyrë në një “pishinë peshkaqenësh” dhe për këtë i është kërkuar të paguajë fillimisht 1 milion euro. Ky nuk është opinion, është vendim gjykate.

Po ti pse hesht?

A ke marrë ndonjë “llokmë” që nuk e përmend asnjëherë Ermal Beqirin? Apo të mungon guximi?

Sepse kur përballesh me të vërtetën, zhduket trimëria e rreme.

Ja ku e ke dosjen. Publikoje të plotë, nëse nuk ke frikë.

Sali kolltuku, për një karrige po bëhesh qesharak, po kthehesh ne Sali fatkeqesia jo vetem per demokratet por per gjithe shoqerine!

Po kthehesh në simbol të kapjes dhe degradimit, jo vetëm për demokratët, por për gjithë shoqërinë.

Por ke harruar një gjë, mua nuk më ble dhe as kërcenon dot askush, as ti!

Demokratët nuk janë dele. Janë guximtarë.

Dhe këtë regjim Rama–Berisha do ta çmontojmë, pjesë-pjesë.

The post Salianji shpërthen ndaj Berishës: Pse hesht? Ke marrë ndonjë “llokmë” që s’e përmend Ermal Beqirin? Publikoje dosjen e plotë nëse s’ke frikë… appeared first on Albeu.com.

Salianji u tregua mjaft i ashpër, duke deklaruar se Berisha “ka nevojë për psikiatër”, ndërkohë që e quajti të braktisur nga demokratët dhe pengesa kryesore për rrotacionin politik.

“Është në gjendje të rënduar psiko-emocionale. Edhe pse është doktor vetë, ka nevojë të vizitohet te psikiatri. Mund të qeshim por nuk ka politikë dhe demokraci, jemi në regjimin Rama-Berisha. Shikoni qesharakëzimin përtej çdo imagjinate, del dhe flet për garën, por Sali Berisha është kandidat, thotë përjashtoj kandidatët e tjerë në garë. Ka ngritur gjasme një komision, që e quan KOKE, ky komision duhet të thoshte kandidatët nuk plotësojnë kriteret. Vetë Saliu si kandidat, del dhe nuk pranon kandidatë.

Ai duhet të dalë të flasë për veten, pse nuk plotëson kriteret, por del dhe vazhdon me elementë të tjerë, që mund të ishin në garë me doktorin, të ishin të pritshme deklarimet elektorale që ai bën, krimi dhe këto. Ai thotë Salianji në burg rrinte me të burgosur. Po unë me qejf do doja të rrija me Kadarenë, por aty në burg me të burgosur rri, jo me akademikë. Unë isha me detyrim aty, nga qejfi i Ramës dhe Berishës. Rama më izoloi dhe më hoqi mandatin. Ky tjetri kandidimin.

Aty ka 900 të burgosur, Pëllumb Gjokën donte ta takonte Berisha, por nuk e takoi sepse i tha gardianit, e kam ndihmuar në zgjedhjet lokale dhe më gënjeu.

Tani vijmë te disa elementë të tjerë, ai thotë Gysi, ky… Unë e përmend, them Berisha ka një dosje, dosja e AKSHI. Unë e përmend Agasin si njeri të kapur në krim nga SPAK. Berisha pse nuk e përmend Ermal Beqirin, që është bashkë me Ergys Agasin? Pse nuk e përmend Ermal Beqirin? Dini gjë? Ka edhe nja 10 emra të tjerë aty. Pse nuk e përmend kur u dogj pallati, këtë Lilon e pallatit që u dogjën? Nëse unë jam kapur nga njeri nuk kam guxim ti përmend. Unë nuk kam asnjë lidhje që më kap dot mua.

PD me Sali Berishën ka rezultatin me të dobët historik që nga 1997. Është pengesa për bashkimin e opozitës dhe fati i Ramës për të qëndruar në pushtet.

Pse nuk bën garë Berisha? Është i braktisur nga demokratët. Ishte në Dibër, bastion demokrat mezi kishte 200 veta, edhe një pjesë nga Tirana.

Në salla ka më pak njerëz se unë. Në reagim publik, shiheni është e matshme. Nuk ka njeri që i rri afër, që në tavolina mos e degjenerojë, pa thënë e ka biznes partinë, nuk fitohet kurrë me këtë, e shfrytëzon partinë për të bërë para.

Nëse do të ishte kriter lidhja me krimin, Berisha është non grata në Britani dhe SHBA. Dosja e gjykatës në Britani thoshte Sali Berisha është personazh politik që ka lidhje me krimin e organizuar dhe i ka përdorur lidhjet për influencë politike, për të qëndruar në pushtet. Guxon ky të tentojë të më bëjë pis. Unë kam bërë burg për shkak se kam denoncuar kriminelët.

Tani si mund të flasë një njeri që ka shktarruar kulturën demokratike, që mund të ketë një vend?

Ai mban peng PD-në dhe shoqëronë. Shoqëria ështe e pakënaqur me qeverinë e Ramës, por kur vendoset para gogolit Berisha, Rama duket se fiton zgjedhjet.

Opozita fiton me kartë morale. Ne kërkojmë Ramës të bëjë zgjedhje të ndershme, po Sali kolltuku çfarë bën? Vjedh zgjedhjet hapur. Nuk ka politikë, ai thotë kam partinë, kam vendosur hurin këtu dhe rri për interes personal”, deklaroi Salianji.

The post “Ka nevojë për psikiatër!”/ Salianji reagon ashpër ndaj Berishës: I braktisur nga demokratët, e shfrytëzon partinë për para! appeared first on Albeu.com.

“Jo është reale. Shiko akuza të këtyre përmasave te ky janë të njohura dhe mund të zgjohesh ti qesharakëzosh, por nga ana tjetër do thonë ca problemi ka? Sali Berisha nuk e përmend Ergys Agasin dhe nuk e ka përmendur deri në momentin që u arrestua. Kur arrestohet këta të shesin pastaj, po deri në atë moment linja ka qenë që nuk prekej.

A e keni parë ju të flitej deri në atë moment? Nga ana tjetër shikojeni edhe sot, e përmend.. pse e përmend sot? Se flitet që nuk ka më lidhje ai me Edi Ramën, është kot. Dhe ky kur mbaron punë njihet që i lan duar, por një gjë është e dukshme tani e përmend Ergys Agasin po nuk e përmend që është njeriu i klanit të Troplinëve, apo jo. Keni parë ta përmendë? Nuk i përmend as kullat atje në Durrës të atyre që morën stadiumin. Nuk e përmend as Ermal Beqirin që bën këtë të dosja e AKSHI se është lemeri ajo. Unë i them këto, si kam lidhje me këta unë, kur unë i them? Dhe nuk thotë një gjë që ai e di, se e dinë shumë njerëz afër tij, që ky zotëria Agasi ka qenë një prej njerëzve që influencuar që unë të shkoj në burg, te një prej gjyqtarëve të paktën. Ka qenë kontakti i tij një prej gjyqtarëve, se kshu është ky vend me kontakte të kësaj kategorie dhe nga ana tjetër.

o shikoja linjën editoriale të këtyre që janë të lidhur me Berishën dhe e kupton qartësisht ca lidhje ka. Pra pse nuk e përmend? Pra, ky përmend vetëm opozitë selective njerë që nuk i duhen më për gjë, që kanë marrë fund. E dinin të gjithë për këtë Agasin influencën që kishte në qeverisje bënë ndonjë përpjekje këta? E dini ju që në Komisionin Hetimor për TIMS unë kam prodhuar një dokument, që mendoj është një nga dokumentet më të mirë që ka prodhuar një komision hetimor, dhe sot e kësaj dite nuk ka shkuar në SPAK pasi unë hyra në burg.

Dhe nuk e ka përmendur asnjëherë Sali Berisha? Sepse aty është Ermal Beqiri, është Ergys Agasi, dhe janë të gjithë njerëzit e lidhur me ta që kanë shkatërruar dhe kanë marrë të gjithë të dhënat të sistemit TIMS dhe sipas dëshmisë me dyer të mbyllura të njërit prej drejtorëve në Policinë e Shtetit, është përdorur dhe është ndërhyrë në sistemin TIMS për të favorizuar grupe të caktuara kriminale që e shpjegoi ai ca kishte ndodhur. Pavarësisht se pasaporta skanohej në kufi tha ai, kur kalonte një grup i caktuar kriminal për të në sistem dilte zero. Nuk jepte sinjal sistemi. Nuk e kanë cuar fare. Pse nuk e kanë cuar? Se edhe drejtorin e përgjithshëm të policisë atëherë nuk e përmendi asnjëri, Rrumbullakun. Unë merrem me gjuhën e Sali Berishës, i cili është selektiv. Se nuk ka lidhje edhe ajo edhe kushdo as mbiemri e as lidhje familjare, përgjegjësinë e ka personale,” tha Salianji ndër të tjera.

The post “Njerëz të krimit i blejnë edhe të mbathurat”/ Salianji: Berisha godet në mënyrë selektive appeared first on Albeu.com.

“Ore po pse nuk përjashton ndonjë nga PS-ja ky po ulet. Se te unë thotë i vetëpërjashtuar, te këto zonjat i ka përjashtuar, po nga PS pse nuk përjashton njeri ulet me Damian Gjiknurin përshembull, si ulesh me Damian Gjiknurin ti? Damian tërmetin thotë, po pse ulesh? Pse ulesh? E ke parë që dalin bashkë tani? Takimet që kanë njerëz janë këto komisioni reformës territorial, pse dalin bashkë? Pse del bashkë me Ramën? Të dy atje, e di cfarë jep ajo, cfarë imazhi?

Që këta tani e kanë mbyllur prapë reformën territoriale dhe zgjedhore dhe po dalin bashkë aty. Se iu ka dalë edhe turpi, e kanë kuptuar njerëzit. Perceptimi i publikut është që kemi një regjim Rama – Berisha. Po ka një regjim po është regjim Rama Berisha, që është regjim i kontrollit institucional i kontrollit financiar, i kontrollit të burimeve natyrore të këtij vendi që ndahet me përqindje të caktuara, nuk e di kush përfiton më shumë financiarisht, politikisht jam i qartë që fiton Rama, se Rama është kryeministër. Financiarisht pastaj nuk e di se kush është më i fituari.

Ore unë isha gati që gjatë fushatës në garë, po e them edhe tani, por duhet ta kisha thënë pak më përpara sepse në cdo njeri, duhet t’i bësh një analizë psikologjike dhe duhet t’i japësh atë që kërkon, unë duhet të kisha thënë që në takimet e para që selinë e sotme të PD bashkë me godinën dhe bashkë me truallin atë që njihet si ish SHQUP, nëse do zgjidhesha kryetar i PD të drejtën për të firmosur dhe për të ndërtuar kulla do ia lija z.Berisha. Kështu do ishte e sigurt që do isha në garë,” tha Salianji.

The post Ironizon Salianji: Selinë e PD-së nëse do zgjidhesha kryetar, firmën për të ndërtuar kulla do të ia lija Berishës appeared first on Albeu.com.

Sipas Salianjit, Rama e ka marrë “peng” me dosjet që Berisha ka në SPAK.

Po ashtu, ai hodhi akuza ndaj kryedemokratit, se kryeministri i jep atë për të cilin Sali Berisha shet edhe shpirtin: paratë, lejet, koncesionet edhe mbrojtje të caktuara.

Salianji: Realisht ne jemi në regjimin Rama-Berisha. Berisha mban në pushtet Edi Ramën, Rama i jep atë për të cilin Sali Berisha shet edhe shpirtin: paratë, lejet, koncesionet edhe mbrojtje të caktuara. Se thoshte sot, për shembull, që Lul Bravën e mbante Edi Rama peng me disa dosje. Po ky ka 100 dosje, po të jetë për atë punë, i ka dosjet kapicë. Sot Sali Berisha është i kapur nga Edi Rama.

Unë do të kandidoj dhe e mund Sali Berishën. Dhe po e them prap. Me garë unë e mund. Këtu nuk jemi në një proces politik, jemi në një proces administrativ, ku Sali Berisha ka krijuar komisionin për të përzgjedhur kandidatët, ka përjashtuar kandidatët e tjerë, ka caktuar listat zgjedhore, ka përdorur burimet financiare të Partisë Demokratike për të bërë aktivitete dhe është vendosur, ashtu sikurse Kim Young Un, të jetë kandidat i vetëm. Rast unik në Europë ku një kryetar partie, sidomos në opozitë, kandidon i vetëm.

The post Nuk e lejoi që të garojë për kreun e PD-së, Salianji akuza të forta Berishës: E ka kapur Rama “peng”, ka 100 dosje në SPAK appeared first on Albeu.com.

Ai akuzoi kandidatët e përjashtuar nga gara, përfshi Ervin Salianjin, si kontribuues të kundërshtarëve dhe tradhtarë të PD-së, teksa shpjegoi se asnjë nga dorëzuesit e dokumenteve nuk plotësonte kriteret.

Berisha shtoi se PD është ndër të paktat parti simotra në botë që zgjedhjet e kryetarit i bën me votën e anëtarësisë dhe jo të forumeve.

Teksa një nga ndjekësit i quajtur Lek e pyeti për garën në PD dhe përjashtimin e Salianjit dhe të tjerëve, ai tha se:

“Partia demokratike ka garën me të ndershme dhe formën më demokratike të garës që mund të ekzistojë.

Kryetarët e partive në familjet tona simotra vetëm një pjesë e vogël zgjidhen nga anëtarësia, i zgjedhin forumet. Por kjo që ndjekim ne është forma më themelore dhe më demokratike.

Kërkoj të mos bini viktimë e propagandës ë atyre që nga viti 2009 kanë zhdukur votën e lirë në parti. Dhe kanë mobilizuar këto kohë mafien më të rrezikshme të kokainës kundër PD. PD është ndër të paktat në botë që kryetarin e zgjedh me votën e anëtarësisë.

Kurse për garën, ju siguroj se do pranohen dhe pranohen që çdo demokrat dhe demokrate që plotëson kriteret e caktuara në rregullore për të marrë pjesë në garë., Besoj se kjo është gara më e rëndësishme në parti dhe ajo duhet të përfaqësojë anëtarësinë e partisë.

A mund të imagjinosh ti që në garën e PD të marrin pjesë kandidatët e Ramës?

Konkretisht edhe me emra mund t’i marrë, apo kandidatë që punuan haptas në fushatë kundër PD apo kandidatë që ndërruan parti nga njëra te tjetra. Në çdo parti ë botë këta përjashtohen dhe vetëm përjashtohen për tradhtinë që i kanë bërë partisë në moment beteje. Është jashtë çdo lloj llogjike që këta të mund të kandidojnë apo të lejohen të kandidojnë, asnjë parti në botë s’i lejon.

Të kandidosh duhet të plotësosh disa kritere të caktuara, kurse me kritere të tjera mund të kandidosh për poste të tjera në forume e drejtim, por jo për kryetar të PD kur nuk ka kontribut të caktuar relevant në parti, sepse e bën garën qesharake në të kundërt.

Çdokush që plotëson këto kritere nuk është refuzuar dhe është mirëpritur, por nuk u lejuan ata që u urdhëruan që të bëjnë lojën kundër PD, që i përdorin dhe keqpërdorin nëpër studio nga mafia më e rrezikshme e fjalës së lirë.

Këta nuk besoj se je për këta, zoti Lek, nuk besoj se mund të kandidojë ai që bashkëpunon me krimin, që merr udhëzime nga Oltion Bistri dhe Ergys Agasi. Ne e bënim hero, ai shtronte dreka e darka me Pëllumb Gjokën dhe Oltion Bistrin.

Kjo parti dhe ky kryetar është e detyruar të mbrojë interesat e Partisë Demokratike për të dëmtuar atë me ndihmën e kundërshtarëve tanë”.

The post Berisha flet për zgjedhjet: Në garën e PD-së s’mund të marrin pjesë kandidatë të Ramës, bënë fushatë kundër partisë, ne e bëmë hero Salianjin, ai shtronte dreka dhe darka me… appeared first on Albeu.com.

Sipas Salianjit, “fitoret jo gjithmonë kërkojnë garë, mjafton frika e tjetrit për t’i vulosur”, ndërsa e ka mbyllur mesazhin duke falenderuar mbështetësit e tij.

“Fitoret jo gjithmonë kërkojnë garë, mjafton frika e tjetrit për t’i vulosur! Mirënjohje miq për mbështetjen e jashtëzakonshme”, ka shkuar ai në një postim në rrjetet sociale.

Kujtojmë se në zgjedhjet e 23 majit për kryetar të PD, Sali Berisha, do të jetë emri i vetën në garë, ndërsa anëtarësia nuk do të jetë në gjendje të zgjedhë, por thjesht do të votojë Po ose Jo, për konfirmimin e tij.

The post PD i refuzoi kandidaturën për kryetar partie Salianji reagon sërish: Fitoret jo gjithmonë kërkojnë garë, mjafton frika e tjetrit për t’i vulosur appeared first on Albeu.com.

Përmes një postimi të bërë në Instagram, ai citon vargjet e Naim Frashërit, ku shkruan: “Dielli lind andej nga perëndon”.

Salianji shprehet se modeli i demokracisë perëndimore mbetet burim frymëzues për të, duke theksuar se nuk do të ndalet së luftuari për të lënë pas të shkuarën dhe për të demokratizuar Partinë Demokratike

“Drita, përparimi, qytetërimi dhe demokracia vijnë nga Perëndimi. Prandaj shqiptarët e kanë vendosur që dijen dhe kulturën e marrin nga bota e përparuar. Modeli i demokracisë perëndimore më frymëzon dhe nuk do të ndalem në luftën për të lënë pas të shkuarën e për ta demokratizuar Partinë Demokratike,” thekson ai në postim.

Gjithashtu ai në postim ka bërë një ironi të fortë, që sipas tij, në ditën kur të shpallet “uzurpimi dhe shkallmimi i rregullave demokratike”, ai do të ndodhet në vendin ku lindi Magna Carta, duke e cilësuar si tempullin e demokracisë.

“Ironi e fortë: në ditën kur shpallet uzurpimi dhe shkallmimi i rregullave demokratike, ndodhem aty ku lindi Magna Carta, në tempullin të demokracisë,” shkruan Salinjani.

Po ashtu Salianji ka njoftuar se pavarësisht farës ditën e nesërme do të depozitojë kërkesën për kandiduar për kryetar të PD-së.

“Pavarësisht farsës, nesër depozitoj kërkesën për të kandiduar për kryetar të Partisë Demokratike të Shqipërisë” shkruan ai.

The post Berisha i la vetëm 24 ore afat, Ervin Salianji shpall kandidaturën për kryetar të PD-së: Pavarësisht farsës, nesër depozitoj kërkesën time appeared first on Albeu.com.

Salianji kritikoi faktin që kriteret për kandidatët u publikuan vetëm disa orë para mbylljes së afatit, duke i cilësuar si të padrejta dhe të dizajnuara për të lënë jashtë garës figura të tjera. Ai akuzoi Sali Berishën se po shmang përballjen e hapur përmes “uzurpimit të procesit”.

“Do të dorëzoj gjithçka është kërkuar, pavarësisht se është qartësisht farsë. Një dokument që publikohet vetëm disa orë pas mbylljes së afatit. Pa lista zgjedhore, pa kohë të barabartë. Kjo është uzurpim përmes farsës, por edhe frikë e Sali Berishës për t’u përballur,” u shpreh Salianji.

Ai shtoi se në rast se dokumentacioni i tij nuk pranohet, nuk do ta njohë procesin, duke e cilësuar atë si një uzurpim të postit të kryetarit të PD-së.

The post Partia Demokratike e la jashtë garës, Salianji nuk heq dorë nga kandidimi: Berisha i frikësohet përballjes appeared first on Albeu.com.