Seanca parlamentar nuk ka nisur ende, por tensionet mes mazhorancës dhe opozitës janë të dukshme.

Në Kuvend, ditën e sotme ka mbërritur edhe kryeministri Rama.

Berisha tha se kreu i qeverisë po ndjek live seancën nga Facebooku i tij.

Berisha: Edi Rama duke ndjekur Facebookun tim. Po e ndjek seancën nga dhoma tjetër. Struku sa të duash, nuk të shpëtojnë dot këta.

Sakaq, ish-kryeministri është treguar i ashpër edhe me ministrat e qeverisë.

Berisha: Ju i shihni, ja aty keni Ermonelën. Katër familjarë të saj ka futur palë në palë në Prokurorinë e Tiranës.
Këta gardistë që shihni para meje në këmbë, nja 5 prej tyre kanë Fakultetin Juridik, por as nuk ëndërrojnë kurrë të futen në prokurori apo në gjykatë, ku të lenë Felajt, felë për të tjerët. I marrin të gjitha për vete. Thoni ju po deshët? Edhe ju keni zgjedhës, më mirë t’i thoni asaj të mos çojë 4 familjarë.
Dhe çfarë familjarësh! Kur burrin e saj e morën peng në Urën Vajgurore, se u premtoi banditëve lirimin nga bashkëshortja, ishte prokurore, shkoi kjo dhe e çliroi.

E di vetë ajo sa pagoi për të liruar burrin. Burri i saj është prokuror në Prokurorinë e Tiranës. Apo jo Pandeli? Folu shqiptarëve Pandeli.
Ja ku erdhi edhe Ulsiu që i ka ditët e numëruara në ministri. Ja ku erdhi badigardi i Edi Ramës. Ik më mirë para se të heqë ai. Taulant Bego Yaris nuk ka ardhur akoma se po merret me biografinë e oficerëve të policisë, ndërkohë që kur në Encrochat, del njeriu më i lidhur me të gjitha bandat. Ndërkohë që ka përdorur pasaportën diplomatike për të kaluar 54 herë ngarkesa droge me Edmond Begon, ish-zëvendësin e Aldo Bares, i dënuar me 15 vite burg në Itali.
Ku është ai Ulsi? Ku e ke Taulantin? Se bëni luftë për postin e njëri-tjetrit. Se edhe ti atje do shkosh. Prit Fatmirin se do vijë në post tëndin ose më lart.
Bëj ç’të duash Ulsi, ke marrë fund./albeu.com

The post Berisha: Edi Rama më ndjek në Facebook, mos u struk! Nuk të shpëtojnë dot appeared first on Albeu.com.

Sali Berisha në fjalën e tij tha se të zgjedhrit venorë të PD-së janë misionarë pasi kanë vendosur pluralizmin politik.

Ai theksoi se roli i tyre është i një rëndësie të jashtëzakonshme.

Berisha: Roli i të zgjedhurve vendorë, sot, pas asgjësimit të pluralizmit politik në qeverisjen vendore, në një nga vendimet më antidemokratike që PD mori në vitin 2019, pas reformës territoriale antidemokratike të Edi Ramës në vitin 2014, reformë e cila krijoi pabarazitë më të mëdha në ndarjen territoriale, mjafton t’u kujtoj se rrethe me 1 milion banorë kanë vetëm 4 bashki, ndërkohë që rrethe me 120 mijë banorë, kanë 7 bashki dhe kjo me qëllimin e vetëm se si të grabiten më shumë mandate, duke mos respektuar asnjë nga kriteret mbi të cilat bazohet ndarja territoriale e një vendi, është i jashtëzakonshëm.

Kjo pabarazi ekstreme që vendosi Rama me reformën territoriale, u pasua me largimin e madh të të zgjedhurve vendorë nga qytetarët, tha Berisha më tej.

Sipas tij, qindra të zgjedhur vendorë u zëvendësuan me të emëruar, militantë të partisë, çka e politizoi gjer në palcë këtë pushtet dhe largoi shërbimet nga qytetari.

Berisha: Largoi shërbimet nga qytetari në zonat ku ishin më të vështira për t’u siguruar. Faktikisht, i largoi ato nga Shqipëria rurale, e cila përbënte së paku 45 përqind të Shqipërisë. Në reformën e tij territoriale, Edi Rama pretendoi se do të zvogëlojë punonjësit e qeverisjes vendore, në mënyrë që kjo qeverisje të rëndojë më pak mbi shpatullat e qytetarëve shqiptarë. E vërteta është se ndodhi e kundërta. Qeverisja vendore u dyfishua në numër. Ndodhi një përqendrim total në qendrat e qyteteve, që kanë marrë gjer më sot 2.2 miliardë euro. 2.2 miliardë euro janë vjedhur bashkë me qeverinë nga 5 kompani gjithsej, se të tjerat nuk dinin të shtronin rasa guri.

Por Berisha, lidhur me situatën në të cilën ndodhet vendi, bën fajtor PD-së e cila, sipas tij me bojkotin e vitit 2019 lëshoi çdo pozicion dhe bëri të mundur vendosjen e plotë totale të monizmit në qeverisjen vendore./Albeu.com

The post Berisha mbledh Asamblenë e të zgjedhurve vendorë: Bojkoti i PD-së në 2019-ën, lejoi vendosjen e monizmit në qeverisje appeared first on Albeu.com.