Berisha krah videos shkruan se beteja e qytetarëve kundër dikaturës së drogës do të vazhdojë.

“Duke përshëndetur luftëtarët e lirisë në betejën e tyre pa kthim kundër diktaturës së drogës, krimit e korrupsionit”, shkruan Berisha.

Kujtojmë që më 30 dhjetor 2023 Gjykata e Posaçme pranoi kërkesën e SPAK për ashpërsimin e masës së sigurisë dhe ndalimit të komunikimit për ish-kryeministrin dhe liderin e opozitës, Sali Berisha. Avokati i Berishës e cilësoi ndalimin e komunikimit si privim të lirisë për një deputet dhe paralajmëroi apelimin e masës.

Sipas vendimit të shkurtuar të gjykatës, Berisha urdhërohet të mos largohet nga banesa e tij si dhe të mos komunikojë me persona të tjerë, përveç atyre “që bashkëjetojnë në të njëjtën banesë me të”.

The post Berisha publikon videon nga ballkoni i shtëpisë: Duke përshëndetur luftëtarët e lirisë në betejën e tyre pa kthim appeared first on Albeu.com.

“Në përfundim të mbledhjes vjetore të departamentit Brain Gain, vendosëm të vinim poshtë pallatit të kryetarit të opozitës Sali Berisha. Sot është një ditë shumë e keqe për demokracinë shqiptare, shtet formimin e Shqipërisë për shkak se janë thyer të gjitha rregullat ligjore me burgimin e kryetarit të opozitës.

Kjo vjen sigurisht si një rrjedhë e ngjarjeve ku kemi parë dëmtime të rolit të opozitës në parlament, nëpërmjet një rregulloreje, nëpërmjet vendimit të Gjykatës Kushtetuese apo veprimet të Prokurorisë së Posaçme.

Ne këtu synojmë mbështetje të plotë ndaj kauzës më të të gjerë që është demokracia, që është e drejta për të gjithë. Çdo qytetar shqiptar duhet të trajtohet njësoj, sigurisht, por jo më keq se të tjerët”, tha një nga përfaqësuesit.

Kujtojmë se sot GJKKO pranoi kërkesën e SPAK, duke ndryshuar masën e sigurisë nga ‘detyrim paraqitjeje’ në ‘arrest në shtëpi’ ndaj ish-kryeministrit Sali Berisha.

Gjithashtu ndaj tij është caktuar mbikëqyrje policore dhe ndalim i komunikimit me persona që nuk janë të familjes.

The post Berisha në arrest shtëpie, anëtarët e departamentit Brain Gain të PD-së mblidhen poshtë banesës së tij në shenjë mbështetjeje appeared first on Albeu.com.

Gjekmarkaj ka bërë një analizë të situatës, duke nisur që nga viti 1993 kur u arrestua Fatos Nano, duke i kthyer në aktualitet ku masë arresti ka ndaj liderit defacto të opozitës, Berishës.

Deputeti demokrat thotë se Berisha mund të braktiset e të mos votohet, por jo të linçohet pasi është një person në hetim dhe i vlen prezumimi i pafajësisë.

Ai gjithashtu shprehet se Berisha po trajtohet si një individ inferior ndaj ligjit dhe kjo është një kambanë alarmi dhe se izolimi tij e shton edhe më amullinë e opozitës, gjë që sipas tij ndihmon Edi Ramën.

Ndër të tjera shprehet se nxitimi për të arrestuar Berishën nuk e bën Shqipërinë një vend më të drejtë dhe të ndershëm, përkundrazi, sipas Gjekmarkajt, e bën më të paqartë, pragmatike e më mosbesueses.

Reagimi i plotë i Gjekmarkajt:

Në vitin 1993 arrestohej lideri i opozites Fatos Nano ! Shumë kush me zell militant gezohej. Ishte një ditë e trishtë për Shqiperinë e cila ditë pas dite mblodhi zemerim për të shperrthyer në anarkinë e vitit 1997 vit ku çdo ënderr u plagos per vdekje,pas zgjedhjeve të vrara të Majit 1996.

Padyshim bëj pjesë tek ata që e fajësojnë pushtetin e asaj kohe dhe kreun e saj Sali Berisha për politikat e ndjekura , mungesen e liberalizmit dhe zhgenjimet e shkaktuara. Opozita socialiste e atyre viteve, ishte e madhe dhe e forte pertej goditjeve që mori. Ky fakt ishte një garanci per vendin dhe aspiratat demokratike. Asokohe kishte shumë më teper idealizem, pasion pozitiv e negativ, debat, madje edhe dhunë të dukshme , ideologji me me bollek , sesa sot, më shumë besim tek partitë e tek lidershipi . Deri diku edhe me tepri tribale që na çoi tek thyerjet e medha të vitit 1997-1998. PD kaloi në opozitë ndonese e plagosur ndihej ënde shumë e forte dhe energjike. Perseri ajo shihej si ekuilibruese ndaj revanshit socialist. Mbeshtetesit e saj besonin se ishin viktima të një revolucioni komunist, element të të cilit ai viti shfaqi por nuk ishin ata motorri i tij.

Dialektika vazhdon me alternimet e pushtetit me një farë emancipimi të ndersjelltë të forcave politike. Sot perseri pas 30 vjetesh nga arrestimi i parë faktori kryesor opozitar Sali Berisha defakto Lideri i saj , arrestohet megjithëse nuk paraqiste asnjë rrezik per askend nëse hetohej në liri. E perseris Sali Berisha nuk është mbi ligjin dhe as nën të. Ai është një person në hetim dhe për të si per kedo tjeter vlen prezumimi i pafajsisë. Atij po i bëhet më parë gjyq mediatik. Sali Berisha mund të braktiset, të mos votohet, të kritikohet , të gjykohet mbi parime nese duhet por jo të linçohet. Nese një proces i drejtë e deshmon atë fajtor ai dhe ne duhet të pranojmë verdiktin e drejtësisë. Por secili prej nesh ka detyrim etik të kerkojë një drejtësi të ftohtë , jo emocionale, jo pasionale, jo hakmarrese, jo politike se nese ajo ( drejtesia) shfaq keto nuanca ajo nuk është më e tillë.

Procedura që u ndoq për Sali Berishen ishte në shkelje të nenit 73 të Kushtetutes.Më pas u kerkua hapja rrugë nga Kuvendi e ndeshkimit të tij për mos zbatim të kesaj paligjshmerie e cila e zhvesh( i) deputetin nga garancitë kushtetuese. Pra Sali Berisha po trajtohet si një individ inferior ndaj ligjit dhe kjo është një kembanë alarmi. Në trupen gjykuese ndaj tij një prej gjyqtarëve kishte konflikt të hapur interesi. Avokatet që kjo gjykatë ishin zgjedhje provokuese të gjithë militantë të majtë.

Izolimi tij e shton edhe më amullinë e Opozites. Me apo pa dashje kjo është një ndihme per pushtetin e Edi Rames. Prej gati tre vitesh Opozita është në një agresion të pazakontë ! Luften me të madhe, me një ashpersi asgjesuse e ka bërë brënda vetes. Sa më shumë ta themi po aq kemi shpresë të vetësherohemi.

Në një kontekst rrethanash që e bënin gjithnjë e me të madhe flaken brënda saj, ku dorë kishte e ka dhe qeveria po aq faktor të tjerë dogjem kredibilitetin tonë dhe shpresat për ndryshim.

Asnjëri prej nesh në betejen e brëndshme “vllavrasëse” nuk u tregua shënjtor, as i arsyeshem e rracional. Dukej sikur ishim në një provim etik para se majtes ku secilit i thuhej , ” ti je ndryshe nuk je si ata”. Prezuncioni ka arritur edhe të tilla kulme shqiptarë të ” eperm” shqiptarë “inferior” , shqiptarë “gjykates” e shqiptarë “të gjykuar”!

E pra Opozita meritoka perbuzje e ndeshkim. Keshtu u bëftë!! Secili prej nesh nga deputet e PD -së , është kalimtar me cene mbase më shumë e virtyte më pak.

Pas 10 viteve pushtet socialist , me një cikel skandalesh që nuk kanë të sosur e keqja qenkesh Opozita e cila është shumë afer zhbërjes. Nese ajo bie siç shumë kush deshiron bashkë më të rrezohet edhe mekanizmi mbrojtes i shoqerisë në raport me një Qeveri të gjithëpushtetshme. Nuk është e thënë që jemi ne perfaqesuesit më të dënjë të opozitarizmit! Mbase jemi më të keqinjët por Opozita është institucion themelor i demokracisë shprehje patetike kjo e shumë degjuar por e vertetë e thjeshtë. Koha mund të na denojë si të paaftë si të korruptuar mendoni ç’të doni por shpejtoni per veten tuaj.

Nese shqiptaret nuk duan ta ndihmojnë këtë Opozitë të rimëkëmbet, të ringrihet duhet të vrapojnë ta ribëjnë sa më parë Opoziten që Shqiperia duhet të ketë. Pa të është e zhveshur, e vetmuar, e kercenuar shumë pranë humbjes të atyre vlerave që ka fituar në 34 vite. Sot dikush gezohet që Sali Berisha izolohet, një politikan i cili ka perjetuar majat e suksesit dhe honet e rënies emri i të cilit lidhet me themelimin e pluralizmit, Shqiperinë në Nato dhe pa viza në avancim drejt integrimit , në mos per të tjera dhe per rrugen e Kombit por edhe i shpallur “non grata” nga SHBA-të. Kjo e fundit secilit prej nesh në Opozitë ja ka bërë me të veshtirë qendrimin, sjelljen, komunikimin politik e publik. Falë kesaj ngjarjeje PD humbi busullen dhe ju err horizonti. Shumë shqiptarë e mbeshteten dhe votuan Sali Berishen edhe pse këtë fakt e dinin dhe pranonin me keqardhje e dyshime. Ne që gjykuam ndryshe që nuk e mendojmë SPAK-un një organizatë kriminale mbetem më pak dhe shume nga mbeshtesit tanë na e bëjnë me gisht teksa si Odiseu kalojme permes nevojes per një drejtesi të re dhe ristabilizimit të mardhenjeve të PD me SHBA-të kaq jetike per ne e kombin.

Ne duam bashkimin e PD-se pa perjashtime, ënde kemi besim se ajo bëhet dhe bind. Koha do ta vertetojë. Ne do ta provojmë. Secili ka të drejte hyjnore të tentoje me korrigjue gabimet e veta.

Nxitimi për të arrestuar Sali Berishen nuk e bën sot Shqiperinë më të ndershme e as më të drejtë pertej meritave apo gabimeve të tij cilat do qofshin. Perkundrazi ajo sot është me paqartë , më pragmatike, më mosbesuese, më e vogel në njerez që rendin per te ikur, më me shumë pikëpyetje. Demokracia është edhe proçedure e cila u dhunua me dashje e perzgjedhje. Ata që gezohen tek mazhoranca duhet te dine nje gje që vetem prapanicat kanë të vetat dhe jo karriget. Sado vonë gjithmonë ndodh diçka që i lë pa të, me të prapmen në rrezik , te vetmuar ku nuk të flasin as shoket e partisë, ( veç të shihje Arben Ahmetajn muajt e fundit ) , ku krenaria shnderrohet në rënie psikologjike ,pa perjashtuar zhvillimet e brendshme apo ato shoqerore një ditë. Sot Shqiperia hyn në listen e vendeve që burgos shefin e Opozites 10 vjet pasi ka rënë nga pushteti dhe i zgjat jeten një pushteti qe prej 10 vitesh vetem mbjedh vetveten dhe eleminon Opoziten. Ne i lëme trashigimi njëri tjetrit kujtimin e keq bazuar mbi principin “vdekja jote është jeta ime”!

The post “Sali Berisha nuk mund të linçohet”, Agron Gjekmarkaj reagon për masën ndaj ish-kryeministrit: Po trajtohet si një individ inferior ndaj ligjit dhe kjo është një kambanë alarmi appeared first on Albeu.com.

Në reagimin e tyre, avokatët kërkojnë që GJKKO të informojë, se cila është arsyeja që deri në orarin zyrtar nuk vuri në dispozicion vendimin e papranueshëm së kërkesës për përjashtimin e gjyqtares, Irena Gjoka, ashtu sikurse i’u premtua avokatëve zyrtarisht dhe verbalisht.

“GJKKO të informojë, se cila është arsyeja qe deri ne orarin zyrtar nuk vuri ne dispozicion vendimin e papranueshmërisë se kërkesës për përjashtimin e gjyqtares Irena Gjoka sikurse i’u premtua avokateve zyrtarisht dhe verbalisht”, u shprehën ata në reagimin e tyre.

Zyra e shtypit të GJKKO, njoftoi pak më parë se deri në orën 16:00 të ditës së sotme (29 dhjetor ) në sekretariatin e gjykatës nuk është paraqitur kërkesë me shkrim nga avokatët e Berishës për përjashtimin e gjyqtares.

“Përshëndetje të nderuar! Në vijim të interesit të shfaqur nga gazetarët Ju bëjmë me dije se deri në orën 16.00, në sekretarin e gjykatës nuk është paraqitur kërkesë me shkrim e avokateve të shtetasit Sali Berisha për përjashtimin e gjyqtares Irena Gjoka! Duke Ju falenderuar për bashkëpunimin”, thuhej në njoftim.

The post Nuk është kërkuar zyrtarisht përjashtimi i Irena Gjokës, reagojnë avokatët e Berishës appeared first on Albeu.com.

Deklarata e Berishës:

“Vendimet e kryesisë janë së pari një shumëfishim i të gjitha përpjekjeve për betejën pa kthim; o sot, o kurrë. Së dyti, kryesia vendos të thërrasë këshillin kombëtar ditën e shtunë. Pastaj u diskutua për disa çështje organizative në mënyrë që të ristrukturohet në një farë mënyre sektori i riorganizimit, duke mbetur z. Minarolli sekretar i organizimit për partinë, por duke krijuar edhe disa kordinatorë që do të merren me organizimin. U hodhën ide, dhe është e mundshme që të krijohet një grup koordinator qendror për Tiranën.”

Pyetje: Është diskutuar që në këtë riorganizim të thërritet edhe grupi i deputetëve të Gazment Bardhit?

Sali Berisha: Grupi i deputetëve të Gazment Bardhit janë deputetë të PD dhe në çdo hap të saj, kanë rolin e tyre dhe do ta kenë rolin.

Pyetje: Kordinatorët që do të përcaktohen, do të koordinoheni me z. Bardhi për të gjetur emra të përbashkët?

Sali Berisha: Natyrisht të gjitha do të bëhen në bashkëpunim, me të gjithë faktorët drejtues të partisë.

Pyetje: Z. Berisha keni kaluar një ditë të gjatë…,

Sali Berisha: Dita e gjatë, por siç e sheh energjia ëhstë e mjaftueshme për të vazhduar këtë ditë.

Pyetje: A do e drejtoni ju PD edhe pse gjykata mund të marrë çdo vendim.

Sali Berisha: Asnjë vendim i gjykatës nuk mund të realizojë ëndërrat e Ramës, por do i qëndroj përballë deri në gjunjëzimin e tij. Ai është frikacak, zgjodhi këtë rrugë, por e garantoj që do të përfundojë aty ku e meriton.

The post Berisha nga selia e PD: Vendimi i gjykatës nuk mund të realizojë ëndërrat e Ramës, por do i qëndroj përballë deri në gjunjëzimin e tij appeared first on Albeu.com.

Për News24, Kume u shpreh se mandati i deputetit që ka Berisha nuk do të preket deri në momentin që mund të ketë një vendim të formës së prerë nga drejtësia ndaj ish-kreut të qeverisë për akuzën që rëndon ndaj tij.

Sa i përket mundësisë që Berisha të vendosë selinë blu si adresa e tij e banimit, Kume theksoi se kjo është e mundur, por gjithsesi gjykata do të vendosë përfaqësues të rendit dhe do të limitojë vizitorët për ish-kryeministrin.

Sakaq, ai shtoi se nëse do të ndodhë që Berisha të mbetet në arrest shtëpie deri në zgjedhjet e 2025-ës, atëherë ai ka të drejtë të plotë të garojë dhe të futet në listën e kandidatëve.

“Për mandatin e Berishës nuk pres të ndodhë gjë për sa kohë që nuk do të ketë një vendim të formës së prerë për akuzën që rëndon ndaj tij. Berisha do ta ketë mandatin e deputetit deri sa të merret një vendim i formës së prerë.

Nëse i hiqet mandati ai do të zëvendësohet me një nga emrat e listës së PD për qarkun e Tiranës.

Sa i përket arrestit të shtëpisë, në të gjitha rastet ndalimi në shtëpi ose në zyrën e kthyer në shtëpi, mbrapa ka përfaqësues të rendit që nuk lejojnë të dalësh dhe të hyjnë të tjerët tek ty.

Mbetet për t’u gjykuar nëse do t’i lejohet komunikimi përmes mediave ose në forma të ngjashme. Kur bëhet fjalë për një njeri si Berisha do duhet të ndërhyhet për t’u standardizuar ky veprim.

Supozojmë se procesi ndaj Berishës nuk përfundon deri në zgjedhjet e 2025-ës. Berisha në këtë situatë ka të drejtë të plotë të garojë dhe të futet në listën e kandidatëve edhe nëse është në arrest shtëpie. E drejta për të garuar varet vetëm nga vendimi i formës së prerë që do merret ndaj tij”, u shpreh ai.

The post Çfarë do të ndodhë me Berishën pasi t’i hiqet imuniteti? Ish-kreu i KQZ sqaron procedurat: Mund të garojë në zgjedhje edhe nga arresti shtëpiak appeared first on Albeu.com.