Ndërkohë ditën e djeshme kryetari i PD-së, Sali Berisha gjatë një konferencë për shtyp është shprehur se qytetarët mezi po presin protestën e opozitës ditën e sotme duke theksuar dhe njëherë arsyet e kësaj kryengritje.

“Zemërimi i qytetarëve po kulmon, po rritet çdo orë dhe me padurimin më të madh po presin protestën e nesërme në orën 4 si një nga dënimet të plotë të popullit opozitar, si një dëshmi përfundimtare e vendimit të këtij populli për të mos pranuar kurrë më armikun e egër të votës së tyre të lirë të sillet siç është sjellë me ta, për të mos pranuar kurrë më një kryehajdut të të gjitha kohërave për t’i vjedhur e mjeruar ata, për të mos pranuar kurrë më tej një armik të qenies së tyre që po i përzë, po i dëbon çdo ditë nga Shqipëria”, tha Berisha. Shqiptarët e shohin se çfarë fjalori të ulët prej halabaku ordiner përdor ky njeri për opozitën. I mbrujtur me edukatën e babait dhe dajos xhelat, ky ka për kundërshtarin psikologjinë e xhelatit. Të gjitha këto janë temat e protestës”.

Edhe pse i ka ftuar të gjithë shqiptarët kudo që ndodhen ai ndalon që të marrë pjesë në protestë edhe ish-kreun E PD-së, Lulzim Bashën.

“Të gjithë mund të vijnë përveç Lulzim Bashës i cili duhet të sqarojë akuzën e tmerrshme që ka dhe nuk ka dhënë asnjë fakt e provë për ato akuza konkrete që ekzistojnë aty”, shprehet Berisha.

Ai e ka mbaruar fjalimin e tij duke i bërë një thirrje policisë “Mos I revoltoni protestuesit”.

“Mesazhi im është mos revoltoni protestuesit, kaq është. Ata vijnë në të drejtat e tyre kushtetuese. Vijnë të provokuar në shkallën më të lartë nga një njeri që po ua dëbon fëmijët dhe njerëzit nga shtëpitë e tyre, po i vjedh dhe plaçkit çdo ditë. Kaq është mesazhi im. Asgjë s’mund të zvogëlojë dimensionet e protestës që do jetë nesër”, tha kreu i PD-së.

Ndërkohë policia e shtetit ka nxjerrë një njoftim ku informohen qytetarët mbi rrugët të cilat do të bllokohen pas orës 15:00.

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Kujtojmë se Berisha ka njoftuar një valë protestash të cilat mesa duket nisin ditën e sotme.

Ndonëse përball kryeministrisë do të zhvillohet protesta, kryeministri i vendit Edi Rama nuk do të jetë në Shqipëri për shkak të angazhimeve të tij politike në Francë./albeu.com

The post Sot në protestë, çfarë paralajmëroi ditën e djeshme Sali Berisha appeared first on Albeu.com.

Kryetari i PD-së, Sali Berisha u shpreh në një deklaratë për mediat se opozita nuk pajtohet me faktin që pedagogët e Universitetit të Tiranës të marrin gjysmën e rrogës së kolegëve të tyre në Kosovë.

“Sindikata e pedagogëve ka vendosur që të ndërpresë thirrjen për bojkot, por të vazhdojë luftën dhe betejën. E garantoj se në çdo hap të saj, ajo dhe ajo dhe cilido që mbron një kauzë të drejtë do të ketë mbështetjen totale të PD-së. Nuk mund të pajtohem që një pedagog në Universitetin e Tiranës të marrë gjysmën e rrogës që merr pedagogu i Universitetit të Prishtinës. Nuk pajtohem që buxheti për shkencën në Kosovë të jetë disa herë më i madh se në Shqipëri. Nuk pajtohem që studentët në Kosovë të subvencionohen me 100 euro, kurse këtu u mbyllen dyert e Universiteteve”, tha Berisha./albeu.com

The post Bojkoti i pedagogëve, Berisha: I mbështesim në protestën e tyre, rrogat sa gjysma e pedagogëve në Kosovë appeared first on Albeu.com.

Berisha theksoi se jo vetëm kreu i qeverisë  por dhe zyrtarë të tjerë duhen hetuar pa imunitete, dhe se nëse ky ligj miratohet do jetë si një “minë me sahat” për ta.

Sali Berisha: Sot ketu kam sjellë projektligjin të cilin ose për të cilin jam prononcuar publikisht në parlament në debate të ndryshme dhe që ka të bëjë me heqjen e parashkrimit për Kryeministrin, zëvendës kryeministrat, ministrat, kryetarët e kuvendit dhe ish funskionarëve te sipërpërmendur. Ky ligj ka dy nene. Neni i parë thotë: Nuk i nënshtrohen parashkimit veprat penale te korrupsionit për kryeministrin, zevednes kryeministrat, ministrat, kryetarët e kuvendit dhe ish funskionarëve të sipërpërmendur. Neni 2: Ky ligj hyn në fuqi 15 ditë pas botimit në fletoren zyrtare.

Ky ligj, mendoj unë, në kushtet e Shqipërisë kur vetë KLSH ka vërtetuar abuzimin nga kjo qeveri me të paktën me 8.2 miliarde euro, vjedhje e shpërdorime. Kur korrupsioni, vjedhja e ketyre zyrtare është bërë faktori, muri me i tmerrshëm për zhvillimin e këtij vendi dhe integrimin e tij. Kur është bërë gjeneratori i varfërisë së shqiptarëve, te gjithë problemeve të shtetit ligjor që e kane degraduar atë nën diktaturën komuniste të Vietnamit. Qeverisja është edhe më e korruptuar se diktatura komuniste e Vietnamit. E drejta e parashkrimit është një e drejtë universale. Mirëpo kjo e drejtë merr një konotacion imunitar nga njerëz të papërgjegjshëm të cilët pasuritë i çojnë në of shore dhe vetë pasi largohen nga detyra ja mbathin dhe i shpëtojnë ligjit. Mungesa e këtij neni për njerëz të papërgjegjshëm si puna e Rramës, Agaçit, Ahmetajt, Erion Velisë, ja mbadhin dhe kthehen pasi kalon afati. Ky parashkrim nuk do mund tu njihet këtyre. Kjo nuk bie ndesh me frymën e Kushtetutes./albeu.com

The post Ligj Anti-Korrupsion, Berisha: Kryeministri dhe ministrat do të hetohen, hiqet parashkrimi i veprës penale appeared first on Albeu.com.

‘Dy fjalë për atë që tha zonja se nuk ka as sy të shikojë se ia ka zënë hajnia. Ato që janë bërë nga ajo qeveri para jush, janë epokale.Është bërë një betejë epike me gazin rus dhe është sjellë në Europë gazi azer. Janë licencuar dhe ndërtuar nga ajo qeveri, për 432 hidrocentrale, të gjitha me teknologji lega artis.E treta, harroje Skavicën. Kur të mbysësh ti Dibrën, do zgjohet Enver Hoxha dhe Beqir Balluku nga varri. Kurrë nuk do e përmbysësh Dibrën ti..’- tha Berisha.

The post Berisha- Ballukut: Dibrën do e përmbysësh kur të ngrihet Enver Hoxha dhe Beqir Balluku nga varri appeared first on Albeu.com.

Faqja zyrtare e Rithemelimit ka shpërndarë në faqen e saj thirrjen për protestë me moton “për të shpëtuar Shqipërinë”.

“Bashkojuni Partisë Demokratike dhe Shoqërisë Civile më 7 korrik, ora 19.00”, thuhet në postim.

The post Zbulohet ora e protestës,”Rithemelimi” thirrje: Bashkohuni me ne në datën 7 korrik appeared first on Albeu.com.

I ftuar në ‘Opinion’, Nishani tha se demokratët janë dyndur për të firmosur dhe se mbi 80% të anëtarësisë së PD që duan të nisin një proces ndryshe në Partinë Demokratike.

“Kërkesa për thirrjen e referendumit….janë bërë dyfishi i kërkesës që kërkohet ajo 1500 vota. Janë mbi 3 mijë dhe ka një dyndje për të firmosur. Unë po them në dijeninë time, është informacion. Ka një masivitet mbi 80% të anëtarësisë së PD që duan të nisin një proces ndryshe në Partinë Demokratike,”- tha  Bujar Nishani.

Vetë Berisha kërkoi të mbledhë 1500 firme për të mbledhur Kuvendin Kombëtar të PD-së, për të bërë ndryshime statutore në mënyrë që të pranohet referendum për të anuluar vendimin e marrë nga kryedemokrati Basha për përjashtimin e tij nga grupi parlamentar i PD-së./opinion

The post Nishani zbardh prapaskenat e “luftës” Basha-Berisha: Dyfishi i votave që duhen, ish-kryeministri mblodhi 3 mijë firma appeared first on Albeu.com.