“Ministria e Drejtësisë, Prokuroria e Tiranës dhe Prokuroria e Përgjithshme në bashkëpunim me autoritetet spanjolle të drejtësisë realizuan me sukses procesin e riatdhesimit të zemrës të të ndjerit z. Saimir Sula në datën 15 korrik 2023 pranë Institutit të Mjekësisë Ligjore, Tiranë.

Më datë 12 korrik 2023 një grup përfaqësuesish nga Ministria e Drejtësisë, Prokuroria e Tiranës, Prokuroria e Përgjithshme, Instituti i Mjekësisë Ligjore, përfaqësuesi i Ambasadës Shqiptare në Madrid, kanë marrë në dorëzim nga pala spanjolle, organin (zemrën) e të ndjerit Saimir Sula dhe kanë përfunduar të gjithë procedurën e nevojshme sipas standardeve të parashikuara në aktet ndërkombëtare dhe legjislacionin procedurial – penal të të dy vendeve.

Transporti për në Shqipëri është kryer konform procedurës së përcaktuar dhe për transportin e zemrës janë përdorur mjetet e fundit teknologjike për procedura të tilla me vështirësi teknike” njofton ministria e Drejtësisë.

Në maj të vitit 2020 i riu shkoi për test COVID-i dhe rezultoi negativ, i bënë ekzaminime të tjera. Ndërroi jetë në spital. Trupi u soll në Shqipëri, por jo zemra. Ishte Majlinda Sula, motra që ngulmoi deri në fund duke bërë të mundur marrjen e zemrës së të vëllait nga Barcelona.

The post Vdiq në Spanjë, qeveria: Sillet në Shqipëri zemra e të ndjerit Saimir Sula appeared first on Albeu.com.