Burimet bëjnë me dije se dy efektivët që ndodheshin bashkë me Saimir Hoxhën janë kundërpërgjigjur ndaj Aldi Ramës në çastin që ndodhi krimi.

Pavarësisht kundërpërgjigjes me armë, asnjë nga plumbat nuk kanë prekur autorin Rama.

Sipas të njëjtave burime, bëhet me dije se një prej shokëve të Ramës, Armando Marku që drejtonte makinën ku fillimisht Rama ishte pasagjer në ulësen e pasme, është mësues me profesion. Bashkë me ta ka qenë dhe një tjetër i ri, Krisjtjan Shehri.

Dy shokët e Ramës janë vënë në pranga, ndërsa autori i vrasjes së Hoxhës ndodhet në spitalin e Traumës. Ai u kap pas gjashtë orësh rrethim nga forcat RENEA, pasi tentoi të vriste veten me një plumb në kokë.

Të rinjtë kanë deklaruar në hetuesi që kishin dalë për të konsumuar një cigare hashash. Rikujtojmë se gjendja e Aldi Ramës është kritike pasi plumbi që ka marrë në kokë, dyshohet vetëvrasje, i ka dëmtuar më shumë se gjysmën e trurit. /albeu.com/

The post DETAJET/ “Luftë” në Lezhë! Pas ekzekutimit të efektivit Hoxha, kolegët iu përgjigjën 21-vjeçarit me plumba por asnjë se preku appeared first on Albeu.com.