Sipas tij, dosjet e marra nga gjykata nuk japin asnjë material apo rezultat për hetimin e Safet Bajrit.

Sakaq, avokati deklaroi se do t’i kërkojë gjykatës për të kërkuar pavlefshmërinë e tyre.

“Janë një sërë materialesh të marra nga Prokuroria e Posaçme, janë materiale ndër vite, procedime të vjetra, procedime të hapura të pushuara, vendime fillimi, vendime mosfillimi, ndarje procedimesh, bashkim procedimesh, por nisur nga forma dhe përmbajtja, nuk japin rezultat për hetimin. Ndaj do t’i drejtohem gjykatës për të kërkuar pavlefshmërinë e tyre. Nuk ka prova që lidhen me klientin tim”, është shprehur avokati.

The post Mori karrocën plot me dosje në gjykatë, avokati i Safet Bajrit shpjegon çfarë kishin brenda appeared first on Albeu.com.

Ajo dyshohet se ka dijeni dhe ka ndihmuar në vrasjen e Fatbardh Licit, i cili u ekzekutua në lagjen Kiras në vitin 2018, shumë pranë banesës së tij.

Eria Ago, akuzohet nga SPAK për përkrahje të autorit të krimit dhe është vendosur në pranga që më datë 26 shkurt dhe aktualisht ndodhet në burgun e grave në Pogradec.

The post Dyshohet për përfshirje në atentatin ndaj Fatbardh Licit/ Ish-partnerja e Safet Bajrit, kërkon zëvendësim të masës së sigurisë appeared first on Albeu.com.

Në Lezhë mbërrijnë në orën 06:11, prej andej në Shkodër.

Sipas SPAK, dyshohet se Safet Bajri dhe Bilali marrin automjetin e vjedhur dhe afrohen te lokali që Sokol Lici kishte me qira.

Aty pinte çdo mëngjes vëllai i Sokolit, Fatbardh Lici. Këtë të fundit e qëllojnë me breshëri kallashnikovi, duke e lënë të vdekur në vend.

Pas vrasjes, mjeti ka lëvizur në drejtim të Dobracit, ku ka hyrë në rrugicën që të çon te lokali i Bajrave, ku dyshohet të ketë zbritur Safet Bajri.

Më pas, Astmer Bilali djeg automjetin që përdorën në vrasje.

20 minuta më vonë, është E.A., e dashura e Safetit, që drejtonte automjetin me të cilin janë larguar.

Para hetuesve, vajza ka deklaruar se ka qenë në Tiranë kur ka ndodhur vrasja, por në fakt ka gënjyer, pasi shfaqet në pamjet filmike në Shkodër 20 minuta pas atentatit ndaj Licit.

Për këtë arsye, SPAK ka firmosur urdhër-arrest ndaj saj dhe ajo ka përfunduar në pranga, nën dyshimet për krijim të kushteve për të kryer vrasje dhe përkrahje të autorëve të krimit.

Sipas hetuesve, ka dyshime se ajo kishte dijeni për ngjarjen.

SPAK thotë se ishte Behar Bajri që përplasi Ibrahim Licin e Astmer Bilalin.

Fatbardh Licin e vranë në shenjë hakmarrjeje, pasi dyshonin se Ibrahimi kishte vrarë mikun e tyre, Boran Bërcana, dhe partneren e tij, Silvi Ndoci.

Boran Bërcana, dyshohej si autor i atentatit me tritol ndaj Pellumb Kullës, dhëndrit të Licëve. Bërcana ishte shok me Gjin Ndojin, që u vra, sipas SPAK, nga Behar Bajri.

Safet e Behar Bajri dhe Astmer Bilali, janë tashmë zyrtarisht të akuzuar për vrasjen e Fatbardh Licit. Ata u tradhtuan nga kamerat e sigurisë në qytet dhe, në çdo lëvizje, u fokusuan.

Analizimi i pamjeve filmike dhe provave të tjera, ka bindur hetuesit se Safet e Behar Bajri dhe Astmer Bilali janë autorë të vrasjes./B.News

The post Vrasja e Fatbardh Licit në Shkodër/ Kamerat “tradhtuan” çiftin, zbardhet dëshmia e të dashurës së Safet Bajrit (PUBLIKOHEN PAMJET) appeared first on Albeu.com.

Avokati i Bajrit, ka theksuar se klienti i tij ka qenë plotësisht i hapur për hetimin dhe ka dhënë analizën e ADN-së, e cila është pjesë e hetimit.

Sipas tij, nëse Bajri do të kishte pasur qëllim të largohej, nuk do të kishte lejuar që ta kapnin kurrë.

Avokati i Safet Bajrit: Safeti e bëri të qartë që është paraqitur vetë. Ka qenë shumë i hapur për hetimin. Nëse do të ishte për të ikur, nuk do ta kapnit kurrë.

Në lidhje me analizën e ADN-së, avokati shtoi se është pjesë e hetimit, por ai e ka dhënë analizën edhe herë të tjera. Avokati u shpreh se Prokuroria e ka ADN-në.

The post Vrasja e Fatbardh Licit, zbardhet dëshmia e Safet Bajrit appeared first on Albeu.com.

Por mes tyre u veçua Lulzim Kulla, një emër më shumë i përfolur se sa i skeduar. Autoritetet hetuese dhe kërkuese arritën shpejt në konkluzionin se objektivi për t’u eliminuar ishte pikërisht Kulla, një biznesmen që rezultoi të ishte edhe dhëndër Licësh.

Dhjetëra njerëz përfunduan në spital, u mblodhën kamera e dëshmi, por Kulla nuk foli. Me sa duket, për të kthyer atë sulm me bombë në një kasaphanë kriminale në Shkodër, me atentate e viktima, me prita e “të prerë në besë”, në të zhdukur e të prangosur. Për ta ndarë njëherë e mirë qytetin në dy grupe rivalësh gjakësorë, ku në një anë u rreshtuan Bajrajt dhe në anën tjetër Licët, pikërisht miqtë e Lulzim Kullës.

Prej 7 vjetësh Shkodra lëngon nën krimin e organizatave kriminale, që ditën e djeshme ‘dorëzoi’ një prej personave më të njohur të botës së krimit në atë qytet, e jo vetëm: Safet Bajrin! I dyshuar për gjithçka që ndodh në Shkodër, Safet Bajri doli 3 ditë më parë në media live, ku jo vetëm mohoi të ishte i përfshirë në krime, por madje hodhi poshtë edhe faktin që në Shkodër ka të ‘fortë’. Por SPAK-u ishte i ‘bindur’ se Safet Bajri duhej sjellë në pranga e jo vetëm për çka i është ngritur akuza, por edhe për dy ngjarje që tronditen vendin të një viti më parë.

Ndaj tij ishte lëshuar një urdhër arrest për një vrasje të po atij viti të largët, ngjarje që ai ia kishte ‘hedhur’ drejtësisë. Dje RENEA e shoqëroi nga Shkodra drejt Tiranës, njëherë për marrje shenjash dhe ADN-je, më pas për t’i komunikuar masën e sigurisë dhe tri akuza, dy konkrete që kanë të bëjnë me vrasjen e Fatbadh Licit dhe një e tretë që duket se e tejkalon ekzekutimin mafioz të Licit, pasi SPAK e ka cilësuar: “Kryerje të veprave penale në kuadër të grupit kriminal”!

VRASJA E FATBARDH LICIT

Më 10 gusht, sërish në mëngjes, një person i maskuar do të hynte në një nga kafenetë më të njohura në Shkodër dhe do të ekzekutonte Fatbardh Licin. Ishte sërish viti 2018. 53-vjeçari u vra me breshëri dhe trupi i pajetë mbeti në tavolinën ku pinte kafen thuajse çdo ditë, ndërsa vrasja e tij ishte paraprirë nga një ngjarje që shokoi opinionin publik. Më 15 korrik, një çift ishin ekzekutuar brutalisht në makinë, ndërsa elementi që tronditi edhe më rëndë ishte djali 3-vjeç, që kishte mbijetuar pa asnjë gërvishtje.

Trupat e çiftit u gjetën pas rreth 5 orësh nga vrasja, ndërsa fëmija kishte ikur nga sedilja e pasme dhe ishte ulur në prehrin e nënës së vdekur. Policia identifikoi viktimat, i riu ishte Boran Bërçana, ndërsa partnerja e tij ishte Silva Ndoci. U tha se Bërçana kishte qenë punonjës policie dhe ishte përfolur për implikime në grupe kriminale, por asnjë precedentë i regjistruar nëpër skedarët e policisë nuk kishte ekzistuar më herët. Sigurisht, si gjithnjë, policia shoqëroi persona sa për procedurë, prokuroria nisi po hetime për procedurë, por nën zë nëpër Shkodër e jo vetëm flitej se ekzekutimi i ish-policit me gjithë të dashurën e tij ndodhi për hakmarrje ndaj shpërthimit të bombës te tregu.

Ekzekutimi i Fatbardh Licit, doemos do të lidhej me atë krim të rëndë të vrasjes së çifti, ndërsa më pas del në skenë edhe hakmarrja brutale mes Bajrajve dhe Licëve për ta kthyer atë vit në një horror për Shkodrën, ku vrasja e Fatbardhit iu faturua grupit të Bajrajve, ndonëse jo zyrtarisht.

PAS VRASJES SË LICIT

Vetëm 13 ditë pas vrasjes Licit, më 23 gusht zhduken, sot e asaj dite, Agron Mollaj dhe Gëzim Hysa, nip e dajë. Sërish në skenë dalin Bajrajt, por sërish veç të dyshuar. Trupat e dy burrave nuk u gjetën asnjëherë. Më 1 shtator, do të nxirrej në pritë Arjan Ferracaku, ku u tha se bisedën e fundit në telefon e kishte kryer me Astrit Bilalin, të atin e Astmer Bilalit. Arjani u vra teksa kalëronte, ndërkohë që vetëm një muaj e gjysmë më vonë i vrasin edhe kushëririn që shiste peshk në tregun e Shkodrës.

Ngjarjet duket se pushojnë deri në 30 mars të vitit 2019 kur vriten në derën e shtëpisë Astrit dhe Brahim Bilali, i ati dhe xhaxhai të Astmer Bilalit. Asokohe i dyshuar ishte Ibrahim Lici. Policia e kërkoi ta arrestonte, por më vonë u detyrua të ndërhynte dhe të godiste Bajrjat, sepse nga Belgjika kishin ardhur të dhëna të frikshme për krimet e tyre në Belgjikë, Holandë dhe Spanjë. 12 persona u arrestuan, ndërsa krerët e organizatës kriminale nisen të rrëzonin akuza e vepra penale në Prokurorinë dhe Gjykatën e Shkodrës. Aq shumë u ndërhy për të liruar Bajrajt sa në vitin 2023, SPAK do të trondiste sistemin e drejtësisë kur do të sillte në pranga një prokuror, një drejtues policie, një shef policie dhe një biznesmen strategjik të qeverisë sonë. Të gjithë ishin të implikuar me grupin e Bajrajve ku bënte pjesë edhe Astmer Bilali me të tijtë.

Vrasjet nuk u ndalen në Shkodër, Safet Bajri fitoi lirinë, ndërkohë që Behar Bajri kishte marrë në dorë frenat e grupit kriminal. Kur SPAK goditi njerëzit e policisë dhe të drejtësisë, ku bëhet me dije se ende ka edhe të tjerë që janë pjesë e asaj dosjeje, Behar Bajri u arratis për t’u kapur dhe ekstraduar, ndërkohë që Safet Bajri jetonte i qetë në bastionin e tij në Dobraç deri më 30 tetor, kur masakra me 4 të vrarë do të trazonte mbarë vendin. Bajrajt ishin aty, por i dyshuari kryesor dukej se ishte kujdesur për alibinë dhe nuk gjendej i përfshirë. Por dyshimet ranë mbi ‘çunat’ e tij, që ashtu i emërtoi edhe në daljen publike në media tri ditë më parë. ‘Çunat’ janë ca të rinj, ndaj të cilëve SPAK ka ngritur një akuzë të rëndë, thuajse të njëjtë me akuzat që dje iu komunikuan edhe atij që konsiderohet si ‘truri’ i grupit kriminal Bajri!

The post Arrestimi i Safet Bajrit/ Zbardhet vrasja e Fatbardh Licit, nga shpërthimi i motobombës në tregun e Shkodrës, te ngjarja e rëndë në Dobraç appeared first on Albeu.com.

Mësohet se kontrollohet po bëhen në lagjet Dobraç, Kiras, Rrus, Dergut që janë lagje të Shkodrës dhe në fshatrat Shtoj i ri dhe Shtoj i vjeter, me qëllim mbledhjen e provave për zbardhjen e masakrës së 30 Tetorit ku mbetën të vrarë 4 persona.

Bëhet me dije se një nga banesat e kontrolluara, është edhe ajo e Safet Bajrit.

Raportohet se deri në këtë fazë nuk ka të arrestuar, por janë gjetur materiale të tjera që janë sekuestruar, përfshirë dhe armë që do të ekspertohen nëse janë përdorur në ngjarje kriminale të mëparshme.

Ndërkohë, disa persona janë shpallur në kërkim policor, por mbeten të rezervuara informacionet mbi dyshimet që ka organi i akuzës për rolin e tyre.

Çështja fillimisht u hetua nga Prokuroria e Shkodrës, e cila pas disa javësh shpalli moskompetencë duke ia kaluar aktet SPAK-ut.

The post Atentati me 4 viktima në Dobraç të Shkodrës/ RENEA kontrolle në banesën e Safet Bajrit appeared first on Albeu.com.