Safer Gjici Archives - Albeu.com

“Largoi nga vendngjarja autorët e vr*sjes së Fatbardh Licit”, GJKKO zgjat me 3 muaj hetimet për ish-partneren e Safet Bajrit

D Marku — Fri, 05 Sep 2025 14:14:52 +0000

Me kërkesë të SPAK, Gjykata e Posacme zgjat edhe me 3 muaj të tjerë afatin e hetimeve për Eria Agon, ish-partneren e Safet Bajrit, i njohur si i forti i Dobracit, e dyshuar për përkrahje te autorit të krimit.

Ago, dyshohet nga SPAK se ka larguar nga vendi i ngjarjes, autorët e vrasjes së Fatbardh Licit. Për këtë ngjarje, janë arrestuar, Safet Bajri, Behaer Bajri dhe krahu i djathtë i klanit kriminal Bajri, Astmer Bilali.

Sipas prokurorisë, Lici u vra për shkak të përplasjes mes grupeve. Viktima është xhaxhai i Ibrahim Licit, kundërshtarit të përbetuar të Bajrave, që ndodhet në kërkim ndërkombëtar./BW

The post “Largoi nga vendngjarja autorët e vr*sjes së Fatbardh Licit”, GJKKO zgjat me 3 muaj hetimet për ish-partneren e Safet Bajrit appeared first on Albeu.com.

Videoskandali në zyrë, Apeli jep vendimin për Safet Gjicin dhe Almën

E B — Fri, 14 Jul 2023 10:42:49 +0000

Apeli i GJKKO ka lënë në fuqi vendimin e gjykatës për ish-kryebshkiakun e Kukësit Safet Gjici dhe vajzën që u shfaq në videoskandalin seksual në zyrën e tij, Alma K.

Sipas vendimit, Gjici mbetet në burg dhe Alma në arrest shtëpiak.

Kujtojmë se të dy kishin bërë kërkesë për lehtësim të masës së sigurisë, gjë që është refuzuar.

Ndaj Gjicit rëndon akuza “Korrupsion pasiv” parashikuar nga neni 260 i Kodit Penal, pasi në videoskandalin e plotë seksual ku shfaqet duke kryer marrëdhënie seksuale në zyrë me Alma K., dilte në pah biseda e tij me të, për një tender për sterilizimin e qenve.

Njoftimi:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më datë 14.07.2023, zhvilloi seancë gjyqësore për çështjen penale nr. 32 akti, datë 10.07.2023 regjistrimi, regjistruar mbi ankimin e personave nën hetim S.Gj., A.K., ndaj vendimeve nr. 73, datë 24.06.02023 dhe nr. 74, datë 26.06.2023 (mbi caktimin e masave të sigurimit personal) të Gjykatës së Posaçme të Shkallës së Parë për Korrupsionin dhe Krimin e Organizuar dhe vendosi:

– Miratimin e vendimit nr. 73, datë 24.06.2023 dhe të vendimit nr. 74, datë 26.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar në lidhje me të hetuarin S.Gj.

– Mospranimin e ankimit të paraqitur nga e hetuara A.K. nëpërmjet mbrojtëses së zgjedhur ndaj vendimit nr. 74, datë 26.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

The post Videoskandali në zyrë, Apeli jep vendimin për Safet Gjicin dhe Almën appeared first on Albeu.com.

Gjici u ndje i fyer nga “prania” e Mbretëreshës Elizabeth II në Kukës, çfarë bëri policia?

E S — Mon, 19 Sep 2022 13:54:46 +0000

Policia e Kukësit e ka zhvendosur nga sheshi i Pallatit të Kulturës bustin e Mbretëreshës Elisabeth II, e cila ishte vendosur aty nga persona ende të panjohur në shenjë respekti. Gjithçka ndodhi pasi kryebashkiaku i Kukësit, Safet Gjici u ndje i fyer nga ky veprim, ku me sa duket ai ka patur në plan ndonjë vepër edhe më cilësore në nder të Mbretëreshës.

Mësohet se Safet Gjici ka bërë padi në polici për vendosjen e bustit duke theksuar para oficerëve të policisë gjyqësore se ky veprim kishte fyer komunitetin kuksian.

Pas heqjes nga sheshi, busti është dërguar në ambientet e rajonit të Policisë së Kukësit, ku efektivët janë duke bërë procedurat për të gjetur personat që e vendosën aty duke paragjykuar qëllimin e mirë të tyre me sa duket.

Duket se “fjalën” për bustin e Mbretëreshës Elisabeth do ta mbajnë vetëm hasjanët, të cilët kanë premtuar vendosjen e bustit aty, i cili do të ngrihet me paratë e “çunave të Londrës”.

The post Gjici u ndje i fyer nga “prania” e Mbretëreshës Elizabeth II në Kukës, çfarë bëri policia? appeared first on Albeu.com.