Bayern Munich ka vendosur të ndërpresë bashkëpunimin me tre lojtarë, duke i bërë publike emrat e tyre dhe duke i paralajmëruar se nuk do të kenë mundësi të aktivizohen nëse nuk gjejnë skuadra të reja.

Max Eberl, drejtori sportiv i klubit bavarez, konfirmoi se Sacha Boey, Bryan Zaragoza dhe Joao Palhinha nuk konsiderohen më pjesë e planeve të ekipit dhe mund të largohen gjatë kësaj vere.

Të tre futbollistët janë kthyer te Bayern Munich pas huazimeve të sezonit të kaluar. Boey luajti te Galatasaray, Zaragoza ishte pjesë e Romës, ndërsa Palhinha kaloi sezonin 2025/26 në radhët e Tottenhamit.

Mesfushori portugez shënoi golin e vetëm në fitoren 1-0 të Tottenhamit kundër Evertonit në javën e fundit, rezultat që i siguroi klubit londinez mbijetesën në Ligën Premier.

Tottenhami pritej ta transferonte përfundimisht Palhinhën, por palët nuk arritën marrëveshje. Në vend të tij, skuadra angleze mori Sandro Tonalin nga Neëcastle për rreth 116 milionë euro.

Bayern Munich vjen pas një sezoni të suksesshëm, pasi ekipi i drejtuar nga Vincent Kompany fitoi Bundesligën dhe arriti në gjysmëfinalen e Ligës së Kampionëve, duke u dalluar për lojën e tij sulmuese dhe spektakolare.

Afati kalimtar veror ka qenë deri tani relativisht i qetë për bavarezët, të cilët kanë afruar si përforcime kryesore mbrojtësin e majtë Nathaniel Broën dhe sulmuesin Ismael Saibari. Tani, klubi po përqendrohet te largimi i lojtarëve që nuk janë më në planet e trajnerit dhe drejtuesve.

“Kemi tre lojtarë për të cilët jemi të gatshëm të shqyrtojmë largimin. Ata nuk kanë të ardhme te Bayern”, deklaroi Eberl.

Ai shtoi se qëndrimi i tyre në skuadër do të ishte shumë i vështirë, pasi klubi nuk planifikon t’u japë rol: “Nëse duan të qëndrojnë, do ta kenë shumë të vështirë, sepse nuk llogarisim tek ata. Prandaj nuk do të kenë rol në skuadër. Kjo vlen për Sacha Boey, Joao Palhinha dhe Bryan Zaragoza”.

The post “Nuk bëjnë më pjesë në planet tona” – Bayerni nxjerr në shitje tre futbollistë appeared first on Albeu.com.

Këtë e ka konfirmuar vet faqja zyrtare e klubit të cilët lëshuan një komunikatë duke njoftuar për transferimin e reprezentuesit francez.

“Ne jemi të kënaqur që kemi nënshkruar me një lojtar të ri me shumë potencial në një kontratë afatgjatë. Ai ka performuar mjaft mirë në ndeshjet e Ligës së Kampionëve ndaj nesh. Kjo do të thotë se përveç se e kemi përmirësuar ekipin, kemi shtuar gjithashtu më shumë kualitet”, ka thënë shefi i Bayernit, Jan-Christian Dreesen.

I lumtur për transferimin e Boey ishte edhe drejtori sportiv i bavarezëve, Christoph Freund, i cili veçoi shpejtësinë dhe fizikun e francezit si dy pika kyçe të lojtarit.

“Sacha Boey është shumë i shpejtë dhe një mbrojtës i djathtë i fortë fizikisht, i cili mbulon shumë hapësira gjatë ndeshjes dhe nuk ka frikë nga ndërhyrjet. Ai ishte gjithashtu favoriti i tifozëve tek Galatasaray dhe është zhvilluar shumë mirë gjatë viteve të fundit. Ai arrin me eksperiencë në Ligën e Kampionëve dhe ka fituar titullin me Galatasaray vitin e kaluar. Ai do të shtojë kualitetin tonë në mbrojtje”, është shprehur Freund.

Për fund, disa fjalë ka thënë edhe vet Boey, i cili u shpreh se ky transferim për të do të thotë se është bërë ëndrra realitet.

“Kjo është një ëndërr e bërë realitet për mua. Është një ndër për mua që kam mundësinë të luajë për një klub të madh si Bayerni. Unë po shikoj para për të takuar ekipin tim të ri dhe për të luajtur me këta lojtar të mëdhenj në të ardhmen. Si lojtar, unë jam një mbrojtës që më pëlqen të sulmoj, dhe jam i lumtur që të përfshihem në sulm ashtu si në mbrojtje”, deklaroi Boey. /Telegrafi/

The post Bayern Munich prezanton blerjen e re Sacha Boey appeared first on Albeu.com.

Sky Germany ka raportuar se një marrëveshje verbale tashmë është arritur mes klubit turk dhe gjigantit gjerman. I vlerësuar rreth 22 milionë euro, Boey pritet që t’i nënshtrohet testeve mjekësore në Mynih, duke sinjalizuar një transferim të pashmangshëm.

Interesimi i klubit bavarez për Boey u rrit shumë, veçanërisht pas lëndimit të Konrad Laimer në vikend ndaj Augsburgut.

Përkundër faktit se dështuan që të sigurojnë shërbimet e Kieran Trippier dhe ngecjes në negociata me PSG-në për Nordi Mukiele, megjithatë Bayern tashmë ka bërë një zgjidhje të problemi për të përforcuar fazën defanzive.

Paraprakisht, interesimi i Bayernit u zbeh për shkak të insistimit të Galatasaray për shitjen përfundimtare të lojtarit. Sidoqoftë, zhvillimet e fundit thonë se një marrëveshje me opsion blerje, mund të jetë formula me të cilën do pajtohen dy klubet.

Mungesa e Boey në ndeshjen e fundit të Galatasaray e cila iu atribua një lëndimi në këmbë, ani pse u spekulua se klubi nuk deshi të rrezikojë me lojtarin për ndonjë lëndim të mundshëm, pasi bisedimet me Bayernin ishin në një fazë të avancuar.

Në rast se mbyllet marrëveshja për transferimin e tij, kjo do të ishte blerja e dytë e Bayernit në këtë afat kalimtar, pasi më herët kishin siguruar shërbimet e Eric Dier nga Tottenhami./Telegrafi/

The post Bayern Munich shumë afër transferimit të dytë në këtë afat kalimtar, ai vjen nga Turqia appeared first on Albeu.com.

Pas nënshkrimit me Eric Dier, drejtuesit e klubit gjerman e kanë fokusuar vëmendjen e tyre në objektiva të tjerë për të përforcuan mbrojtjen, veçanërisht krahun e djathtë.

Duke marrë parasysh që Noussair Mazraoui është i angazhuar në Kupën e Kombeve të Afrikës, bavarezët do të jenë pa një mbrojtës të djathtë për një kohë të konsiderueshme.

Për këtë arsye transferimi i Boey është bërë një prioritet për Bayernin, njëherësh edhe për të ofruar konkurrencë në atë pozicion në momentin që Mazraoui rikthehet në ekip.

Boey ka 29 paraqitje në të gjitha garat këtë sezon për Galatasaray ku ka shënuar dy gola.

Ai ka lënë mbresa të mira tek bordi i klubit gjerman, kryesisht edhe falë paraqitjeve të tij në arenën evropiane, e veçanërisht në dy ndeshjet ndaj Bayernit në Ligën e Kampionëve.

Kushtet personale thuhet se nuk do të jetë një problem mes Bayern dhe Boey, por problem po shihet shuma e lartë që mund ta kërkojë Galatasaray për lirimin e tij.

Sidoqoftë, momentalisht favorit për kalim tek Bayerni është Nordi Mukiele dhe vetëm në rast se transferimi i tij në Gjermani dështon, atëherë Boey do të konsiderohej si plan emergjent./Telegrafi/

The post Bayern Munich fut Sacha Boey në listën e dëshirave për krahun e djathtë appeared first on Albeu.com.