Vendi ku flemë

DYSHEKU. Një e treta e jetës sonë është gjumë, prandaj dysheku nuk është objekti ku duhet kursyer. Një dyshek i mirë është ai që kur shtrihemi, na e mban gjithë trupin në të njëjtën linjë si të ishim duke qëndruar në këmbë. Ai gjithmonë duhet provuar para blerjes dhe duhet ndërruar çdo dhjetë vjet.

JASTËKU. Duhet të jetë i fortë sa të mbajë peshën e kokës dhe i butë sa të ruajë formën natyrale të qafës. Për ata që fl enë në pozicionin e fetusit, tashmë, në treg, ka edhe jastëkë anësorë.

ÇARÇAFËT. Më të mirë janë ata me 100% pambuk, sidomos për aftësitë e tyre përthithëse, por edhe për ndjesinë e këndshme që krijojnë në kontakt me lëkurën.

LARJA e çarçafëve, jastëkëve, batanijeve apo këllëfit të dyshekut është po aq e rëndësishme, jo vetëm për higjienën, por edhe për cilësinë e gjumit tuaj. Çarçafët dhe këllëfët e dyshekut e të jastëkëve duhet të lahen çdo javë, jastëkët 2-3 herë në vit, batanijet 1 herë në muaj. Dhe të gjitha shumë më shpesh nëse keni qenë të sëmurë, vuani nga alergjitë prej mikroorganizmave të pluhurit, djersiteni shumë, apo keni zakonin e keq të hani në krevat e të fl ini me makiazh.

Dhoma e gjumit
-Duhet të jetë relaksuese që nga ngjyrat e murit, ndriçimi e deri tek mobilimi.
Ngjyrat më të rekomandueshme për muret e dhomës së gjumit janë ato pozitive dhe jo
shumë të ndezura, si p.sh e gjelbra, bluja apo vjollca e errët.
-Duhet të jetë e freskët. Një dhomë e tejngrohur jo vetëm që krijon probleme me frymëmarrjen, por shkakton edhe makthe.
-Duhet të jetë e izoluar nga zhurma dhe drita.
-Duhet të ketë nivelin e përshtatshëm të lagështisë, që është 50 %.

The post Më shpesh se sa mendoni: Sa shpesh i ndërroni çarçafët, këllëfët e batanijet? appeared first on Albeu.com.

Një studim i fundit, i publikuar tek revista Scientific Reports, sugjeron se sfungjerët e enëve, të cilët strehojnë me miliona baktere nëse nuk i zëvendësoni shpesh, mund të jenë më të rrezikshëm për shëndetin sesa e kemi menduar. Prandaj ekspertët rekomandojnë që t’i zëvendësoni të paktën një herë në javë.

Hulumtuesit shkencorë kryen një analizë gjenetike të baktereve në 20 mostra nga 14 sfungjerë të përdorur. Kuzhina është vendi ku strehohen më shumë baktere të reja, si nga numri i madh i njerëzve ashtu edhe nga përgatitja e ushqimeve.

Sfungjerët, lagen e thahen shpesh dhe përmbajnë gjurmë të ushqimeve, prandaj janë vendstrehimi i duhur për bakteret. Qëllimi i këtij studimi nuk ishte të gjente patogjenet, që sëmurin njerëzit, por çfarë strehohet në sfungjerët e enëve.

Përgjigjja? Shumë më shumë gjëra seç e keni imagjinuar. “Studimi tregon se sfungjerët e kuzhinës strehojnë një diversitet më të madh bakterial seç e kishim menduar më parë”, shkruajnë autorët e studimit.

Ata zbuluan se 5 nga 10 grupet më të zakonshme bakteriale kanë potencial patogjenik, që do të thotë se mund të shkaktojnë infeksione të ndryshme. Edhe pse mund ta lani mirë sfungjerin pas përdorimit, shkencëtarët sugjerojnë një zëvendësim të rregullt të tij, për shembull, çdo javë.

The post Më i ndotur se WC, mësoni se sa shpesh duhet ta ndërroni sfungjerin e enëve appeared first on Albeu.com.