Sipas informacioneve jozyrtare nga Vijesti, ata janë arrestuar në pikën kufitare Bozhaj.

Sipas të njëjtave informacione, oficerët e policisë kufitare dyshohen për marrje ryshfeti.

Nga Prokuroria Themelore e Shtetit (ODT) në Podgoricë është bërë e ditur se ky institucion ka lëshuar urdhër për arrestimin e tetë policëve kufitar.

“Në rastin që po procedohet në këtë prokurori për veprën penale të marrjes së ryshfetit, Prokuroria Themelore e Shtetit në Podgoricë ka lëshuar urdhër Ministrisë së Punëve të Brendshme – Departamenti për Kontroll të Brendshëm të Policisë që tetë zyrtarë policorë t’i privojë nga Sektori i Policisë Kufitare (J.N., R.Z., Ž.I., E.D., P.M., B.I., R.V., dhe M.D.)”, thuhet në njoftimin e ODT-së në Podgoricë.

The post Dyshohet se morën ryshfet, arrestohen policët në doganën e Hanit të Hotit appeared first on Albeu.com.

Disa prej tyre dyshohet për marrje të ryshfetit, ndërsa pjesa tjetër për dhënie të ryshfetit, njoftoi Prokuroria.

“Të pandehurit T.D, M.S, V.L, A.A, V.M, A.S, A.C, M.J, akuzohen se kanë kryer veprën penale ‘marrja e ryshfetit’, ndërsa të pandehurit B.K, A.A, S.S dhe D.I, akuzohen se kanë kryer veprën penale ‘dhënia e ryshfetit”, thuhet në njoftim.

Ata dyshohet për kryerjen e veprës penale “individualisht dhe në grup” gjatë një periudhe njëvjeçare nga viti 20121 deri më 2022 në pikëkalimin kufitar Hani i Elezit, si dhe gjatë patrullimit si pjesë të njësisë policore kundër kontrabandës në pjesën veriore dhe në pjesë të tjera të vendit.

“Në mënyrë të drejtpërdrejtë, ata kanë pranuar para në shuma të ndryshme, me qëllim që të mos e kryejnë veprimin zyrtar të cilin ata duhej ta kryenin, si mbikëqyrjen e rregullt doganore dhe kontrollin e rregullt kufitar”, thuhet në njoftim.

The post Ngrihet aktakuzë ndaj 12 zyrtarëve policorë për ryshfet në Kosovë appeared first on Albeu.com.

Këta shtetas kanë tentuar t’iu ofrojnë punonjësve të Policisë së Shtetit, ryshfet, pasi u kapën në shkelje të rregullave të qarkullimit rrugor.

Lufta kundër kësaj veprimtarie të kundërligjshme, do të intensifikohet ndaj shkelësve dhe ndaj punonjësve të Policisë, në çdo rast që ata do të kapen duke kryer korrupsion pasiv.

Për të përmbushur këtë qëllim, ftojmë qytetarët dhe mediat që të denocojnë çdo rast të abuzimit të punonjësve të Policisë, me detyrën.

The post Rrugorja e Tiranës, 5 të arrestuar në dy ditë për tentativë ryshfeti ndaj policëve appeared first on Albeu.com.

Policia Durrës informon se ‘menjëherë pas publikimit të një video-je në portalin “JOQ”, nëpërmjet të cilës një shtetas pretendon se i ka dhënë ryshfet një punonjësi të Policisë Rrugore të Kavajës, ju informojmë se: Drejtori i Drejtorisë Vendore të Policisë Durrës, në zbatim të nenit 222 të rregullores së Policisë së Shtetit, ka pezulluar menjëherë nga detyra, deri në sqarimin e plotë të këtij rasti, punonjësin e Policisë, inspektor I. Ç, me detyrë trupë shërbimi në Policinë Rrugore, në Komisariatin e Policisë Kavajë.

Ndërkohë, Drejtoria e Standardeve Profesionale në Policinë e Shtetit ka nisur hetim disiplinor, për sqarimin e rrethanave të rastit dhe të pretendimit të këtij shtetasi. Policia e Shtetit falënderon qytetarët dhe median që denoncojnë raste të tilla, si dhe i siguron ata se është e vendosur për të larguar nga radhët e saj, cilindo punonjës policie që abuzon me detyrën.’

The post U kap duke marrë ryshfet, pezullohet polici në Durrës appeared first on Albeu.com.

“Që kur kam nisur të ndërtoj një shtëpi më kanë ardhur pafund policia, IMT, IKMT dhe nuk di çfarë kanë dashur. Unë kam qenë me të gjitha rregullat, herën e fundit po sheshoja oborrin dhe më erdhën inspektorët e IKMT-ës dhe më kërkuan 500 mijë lekë, ju dhashë 320 mijë lekë se aq kisha” thotë qytetari.

Ndërkohë ai kërkon bashkëpunim me emisionin investigative për t’i çuar para ligjit këta persona që shkelin ligjin.

“Unë nuk e shkel ligjin dhe nuk kam plan ta shkel ligjin, inspektorët më kanë thënë se mund të ndërtoj dhe një mur pa leje kundrejt ryshfetit, madje se ata do flasin dhe me institucionet e tjera” sqaron denoncuesi.

Emisioni investigativ solli me zë dhe figurë inspektorët duke marrë 180 mijë lekë tek qytetari brenda makinës së Inspektoriatit Kombëtar të Mbrojtjes së Territorit.

Inspektorët i kërkojnë të dhëna qytetarit se për sa ditë mund ta ndërtojë murin dhe se atyre ju duhet të flasin edhe me çunat e IMT dhe policisë, pastaj t’i thonë se sa lekë duan.

Jo vetëm aq, por ata pyesin zotërinë se sa lekë mund të japë për këtë gjë. Qytetari  shikohet në video tek ju thotë se nuk do t’u japi lekë.

“Këtu keni 180 mijë lekë, numëroini dhe 320 jua kam dhënë” thotë qytetari ndërkohë inspektorët pohojnë një gjë të tillë.  Ndërkohë që bëjnë gati territorin edhe për ryshfetin tjetër, atë të murit që i thonë ta ndërtojë pa lejë. Pra kundrejt lekëve vetë ata që duhet të mbrojnë ligjin e shkelin me të dyja këmbët./tch

The post Inspektorët e IKMT 500 mijë lekë ryshfet për të mos gjobitur qytetarin! Paratë i marrin brenda makinës me logon e institucionit appeared first on Albeu.com.

37-vjeçari, me detyrë teknik laboratori në spitalin e Elbasanit, i mori çiftit në fjalë një shumë prej 1 milionë lekësh të vjetra me pretendimin se do t’iu siguronte përfitimin e pensionit të invalidit.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale “Korrupsioni pasiv i personave që ushtrojnë funksione publike”.

“Strukturat hetimore të Drejtorisë Vendore të Policisë Elbasan, si rezultat i administrimit të menjëhershëm të kallëzimit të dy bashkëshortëve, për një rast korrupsioni, kanë organizuar dhe finalizuar operacionin policor të koduar “Bonusi”, në kuadër të të cilit u vu në pranga shtetasi:

-E. P., 37 vjeç, banues në Elbasan, me detyrë teknik laboratori në Spitalin Rajonal Elbasan.

Nga veprimet hetimore paraprake, dyshohet se 37-vjeçari iu ka marrë këtyre shtetasve (bashkëshortë), shumën 100 000 lekë, me pretendimin se do t’iu siguronte në kundërshtim me ligjin, dokumentacionin e nevojshëm për përfitimin e pensionit të invaliditetit (KMCAP)”, njofton policia./Albeu.com/

The post Ryshfet 1 milion lekë për pensionin e invalidit, arrestohet tekniku i laboratorit në spitalin e Elbasanit appeared first on Albeu.com.

Bëhet me dije se 46-vjeçari ka lejuar kalimin e mallrave kontrabandë në këmbim të ryshfetit.

Njoftimi i policisë:

Nga strukturat hetimore të DVP Vlorë, u bë ndalimi i shtetasit A. N., 46 vjeç, banues në Vlorë, pasi Gjykata e Posaçme e Shkallës së Parë për Korrupsionin dhe Krimin e Organizuar, Tiranë, me vendimin e datës 18.04.2022, i ka caktuar masën e sigurisë “Arrest në burg”, për veprën penale “Korrupsion pasiv i personave që ushtrojnë funksione publike”.

Ky shtetas dyshohet se gjatë ushtrimit të detyrës si doganier në portin e Vlorës, në këmbim të ryshfetit, ka lejuar futjen e mallrave kontrabandë./Albeu.com/

The post Lejoi mallra kontrabandë kundrejt ryshfetit, arrestohet doganieri në Vlorë appeared first on Albeu.com.

Shifrat bëhen të ditura në sistemin e të dhënave të Eurostat për transfertat personale dhe janë përpunuar nga Monitor.

Nga këto, 8.2 milionë euro janë transferta që janë dërguar drejt Shqipërisë dhe 2.3 milionë euro janë dërguar nga Shqipëria drejt vendeve offshore.

Niveli më i lartë është shënuar në vitin 2020, me 3.8 milionë transferta hyrëse dhe 0.5 milionë euro transferta dalëse.

Në vitin 2021, transfertat hyrëse ishin 1.3 milionë euro, niveli më i lartë pas vitit 2020, Ndërsa dërgesat drejt qendrave financiare ishin 0.7 milionë uro, që është niveli më i lartë që nga viti 2017, kur raportohen të dhënat.

Sipas përkufizimit global, “Një qendër financiare offshore (përtej detit), e njohur ndryshe si OFC, përkufizohet si një vend ose juridiksion që vë në dispozicion shërbimet financiare për jorezidentët me qëllim të anashkalimit të aspekteve të vendit ose juridiksionit të jorezidentit. Këto qendra financiare përgjithësisht përdoren si vendndodhje për kompanitë mbajtëse të aseteve për të kryer shmangien e taksave. Shumë shpesh, ato përdoren në mënyrë të paligjshme për evazion fiskal”.

Eurostat liston si qendra financiare offshore vendet e mëposhtme: “Andorra, Antigua and Barbuda, Anguilla, Aruba, Barbados, Bahrain, Bermuda, Bahamas, Belize, Cook Islands, Curaçao, Cayman Islands, Dominica, Grenada, Guernsey, Gibraltar, Hong Kong, Isle of Man, Jersey, St Kitts and Nevis, Lebanon, Saint Lucia, Liechtenstein, Liberia, Marshall Islands, Montserrat, Mauritius, Nauru, Niue, Panama, Philippines, Seychelles, Singapore, Sint Maarten, Turks and Caicos Islands, Saint Vincent and the Grenadines, Virgin Islands (British), Virgin Islands (U.S.), Vanuatu, Samoa”.

Skema si përdoren vendet offshore për të bërë evazion dhe paguar ryshfetet

Ekspertët kanë pohuar për “Monitor” se transaksionet me vendet e ashtuquajtura offshore janë të zakonshme, sidomos për kompanitë e mëdha që fitojnë tendera me vlerë të lartë dhe koncesione dhe nuk kanë si të justifikojnë shpenzimet, nga njëra anë, dhe duhet të paguajnë dhe ryshfet nga ana tjetër.

Për të justifikuar rritjen e kostove dhe pagesat e ryshfetit përdoret trekëndëshi vend importues- offshore dhe destinsacioni final (Shqipëria). Psh, një produkti, që blihet realisht në vendin importues për 1000 euro/njësi, i bëhet dalje me faturë për në një nga vendet ofsshore me 1500 euro/njësi. Në këtë mënyrë kosto e produktit u rrit me 50%, ndërsa transferohen 500 euro në offshore, të cilat janë pa taksa dhe përdoren për të paguar korrupsionin. Në këtë mënyrë, përmes trekëndëshit me offshore rritet vlera e sipërmarrjes, fryhen shpenzimet dhe paguhet ryshfeti.

Kjo skemë mund të përdoret dhe në ndërtim, duke futur aksionerë përmes vendeve offshore, apo në sektorë të tjerë.

Eurostat në fakt raporton vetëm transfertat personale që bëhen drejt dhe nga vendet offshore, por rritja e shifrave vitet e fundit tregon se ky mekanizëm po përdoret gjithnjë e më shumë. Maqedonia Veriut, psh i ka zero transfertat personale në hyrje e dalje nga vendet offshore, ndërsa ato përdoren në Serbi dhe shumë pak në Mal të Zi.

Monitor

The post Shqipëria ka kryer 10.5 milionë euro transfertat me vendet offshore që nga viti 2017; Trekëndëshi që përdoret për të paguar ryshfetet appeared first on Albeu.com.

Në përfundim gjykata ka vlerësuar të vlefshme masën e arrestit me burg për 6 inspektorët, Kalosh Sula 57 vjeç, Luan Çelaj 32 vjeç, Marsel Farruku 30 vjeç, Naim Kadrimi, 60 vjeç; Isamedin Vranesi 28 vjeç dhe Eduart Matmuja 48 vjeç.

Dy ditë më parë Gjykata e Shkallës së Parë Durrës caktoi masën e sigurimit “Arrest me burg” për gjashtë efektivë të Portit të Durrësit.

Nga hetimet e kryera rezulton se punonjësit e mësipërm të policisë, duke keqpërdorur atributet që u jep detyra lejonin hyrje-dalje të shtetasve të cilët kishin ndalesa për udhëtimin në zonën Shengen në këmbim të vlerave monetare, të cilat varionin nga 5 deri në 100 euro./albeu.com/

The post Merrnin ryshfet nga pasagjerët me probleme, lihen në burg 6 policët e portit të Durrësit appeared first on Albeu.com.

Efektivët Ervis Sokollin dhe Skënder Sakajn, të dy me detyrën e inspektorit të trafikut, morën para nga shoferja Inida Harshova.

Edhe për këtë të fundit kanë nisur hetimet për veprën penale “Korrupsioni aktiv i personave që ushtrojnë funksione publike”.

Njoftimi i AMP:

Inspektor E. S. me detyrë Inspektor i Trafikut Urban dhe Interurban pranë Drejtorisë Vendore të Policisë Durrës, i dyshuar se ka konsumuar elementët e veprës penale “Korrupsioni pasiv i personave që ushtrojnë funksione publike”;

– Inspektor S. S. me detyrë Inspektor i Trafikut Urban dhe Interurban pranë Drejtorisë Vendore të Policisë Durrës, i dyshuar se ka konsumuar elementët e veprës penale “Korrupsioni pasiv i personave që ushtrojnë funksione publike”;

– Shtetasja I.H., e dyshuar se ka konsumuar elementet e veprës penale “Korrupsioni aktiv i personave që ushtrojnë funksione publike”

Materialet u referuan pasi në datë 16.01.2023 Drejtoria Rajonale AMP Durrës është vënë në dijeni të një video të publikuar në rrjetet sociale ku një shtetas i paidentifikuar denoncon me pamje filmike një rast të kontrollit të një drejtuese mjeti, kryer nga dy punonjës policie, dhe në video dyshohet për mitmarrje nga punonjësit e policisë

Nga tërësia e veprimeve të para hetimore të kryera, ngrihen dyshime të arsyeshme se punonjësit e policisë kanë komnsumuar elementët e veprës penale “Korrupsioni pasiv i personave që ushtrojnë funksione publike”, parashikuar nga neni 259 i Kodit Penal, ndërsa shtetasja I. H., dyshohet se ka konsumuar elementët e veprës penale “Korrupsioni aktiv i personave që ushtrojnë funksione publike” të parashikuar nga neni 244 i Kodit Penal.

Ndërkohë Drejtoria e Standardeve Profesionale në Policinë e Shtetit ka nisur hetimin disiplinor për 2 punonjësit e Policisë.

AMP falënderon mediat për bashkëpunimin dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90. /albeu.com

The post Morën ryshfet në krye të detyrës, nis hetimi për dy policët në Durrës (EMRAT) appeared first on Albeu.com.