Progami i Ryanair për Tiranën në Sezonin Veror 2026 do të ofrojë:
• 4 avionë të bazuar – investim 400 milionë USD
• 44 linja, 21 të reja përfshirë Alghero, Dublin, Eindhoven, Genoa, Malta, Milano & Napoli
• Rritje trafiku në 4 milionë pasagjerë në vit (mbi 50%)
• Mbështetje për mbi 3,000 vende pune në Shqipëri
• Zgjedhje të pakonkurrueshme me tarifa të ulëta për qytetarët/vizitorët
Aviacioni në Shqipëri ka shënuar rritjen më të shpejtë në Evrope pas Covidit ,me rezultate të jashtëzakonshme të Aeroportit Ndërkombëtar të Tiranës. Gjatë 5 viteve të ardhshme, Ryanair do të vazhdojë këtë investim, duke zgjeruar bazen deri në 6 avionë B737 (investim 600 milionë USD) në Tiranë, me synimin per te arritur 6 milionë pasagjerë në vit dhe 60 destinacione bazuar në politikat stimuluese të Qeverisë Shqiptare dhe Aeroportit Ndërkombëtar të Tiranës të cilat nxisin rritjen e trafikut ajror dhe turizmit në vend.
Për çeljen e bazës me 4 avione në Tiranë dhe 21 linjat e reja për verën 2026, Ryanair ka lançuar një ofertë 3-ditore biletash me çmime që nisin nga vetëm 21.99€, të disponueshme për rezervim tani përmes aplikacionit Ryanair.

21 linja të reja S26
Alghero
Genoa
Parma
Baden-Baden
Katowice
Pescara
Birmingham
Liverpool
Poznan
Bratislava
Malta
Trieste
Dublin
Memmingen
Turin
Eindhoven
Milano M
Verona
Gdansk
Napoli
Wroclaw

Drejtori Ekzekutiv i Ryanair, Michael O’Leary, tha:
“Si kompania e vetme ajrore me tarifa të ulëta në Shqipëri, Ryanair feston hapjen e bazës së saj me 4 avionë në Tiranë, duke sjellë një rritje rekord të trafikut prej mbi 50% në 4 milionë pasagjerë në vitin 2026. E mundësuar nga politika pro-rritje e aviacionit në Shqipëri dhe kostot e ulëta të Aeroportit të Tiranës, kjo rritje rekord në 2026 do të ofrojë 44 linja dhe 4 milionë pasagjerë.
Shqipëria është tregu i aviacionit me rritjen më të shpejtë në Evropë dhe Ryanair do të vazhdojë të investojë në Shqipëri, duke rritur trafikun në mbi 6 milionë pasagjerë dhe duke bazuar deri në 6 avionë (investim 600 milionë USD) deri në vitin 2030, me kusht që Qeveria Shqiptare të vazhdojë politikën aktuale pro-rritje dhe me taksa zero për aviacionin dhe Aeroporti i Tiranës të ruajë stimujt e tij për rritje.”

Drejtori i Operacioneve të Aeroportit të Tiranës, z. Piervittorio Farabbi, tha:
“Që nga fillimi i operimeve në tetor 2023, Ryanair na ka sfiduar vazhdimisht të rrisim standardet dhe të ofrojmë ekselencë të vërtetë operacionale. Së bashku me stafin e TIA-s të cilët i janë përgjigjur kësaj sfide, zgjeruam kapacitetet në terminal dhe pistë në kohë rekord. Falë investimit prej 120 milionë eurosh te Grupit Kastrati janë përmirësuar ndjeshëm infrastrukturat kryesore të aeroportit në zonën ajrore dhe tokësore. Gjithashtu kemi përshtatur praktikat tona më të mira operacionale sipas nevojave të një linje ajrore moderne, duke u fokusuar në shkurtimin e kohës së përpunimit të avionëve dhe cilësise së shërbimit.
Hapja e kësaj baze nuk është vetëm një moment i rëndësishëm për bashkëpunimin tonë, por edhe një reflektim i progresit që ka bërë TIA.
Jemi krenarë të mbështesim rritjen e Ryanair në Shqipëri, duke kontribuar së bashku në shtimin e sa me shume destinacioneve direkte, te cilat krijojne mundësi të reja për turizmin dhe hapjen e vendeve të punës. Presim me padurim të zhvillojmë më tej këtë partneritet dhe të vazhdojmë të rritemi së bashku në vitet në vijim.”
Për më shumë informacion:
Zyra e Shtypit e Ryanair
T: +353-1-9451799
E: press@ryanair.com

The post Ryanair hap bazën në Tiranë me 4 avionë (400 milionë USD) sjell rritje rekord në Shqipëri appeared first on Albeu.com.

Aeroporti i Austrisë do të zgjerojë terminalin e tij jugor duke shtuar 30 dyqane e restorante në një hapësirë prej 30,000 metra katrorë, raportojnë zyrtarët.

Aeroporti Vienës do të ketë gjithashtu 18 dalje të reja autobusi, për të lehtësuar kalimet në pistat e avionëve F, G, C e D.

Projekti i nisur vitin që shkoi pritet të përfundojë në 2027, kur aeroporti i Vienës pritet t’i bashkohet impjanteve më të mirë në botë.

Julian Jäger, kreu i bordit të transportit ajror Flughafen Wien tha: “Falë zgjerimit të terminalit jugor, ne do të bëjmë që aeroporti Vienës të marrë statusin 5-yje”.

Linja si Ryanair e Wizz Air do të kryejnë fluturime mes destinacioneve evropiane duke nisur nga 20 euro, sipas zyrtarëve. Rinovime të tilla janë planifikuar dhe për aeroporte të tjera në Evropë, shkruan The Sun.

The post Aeroporti evropian i fluturimeve të lira prezanton rinovimin €400 mln për t’u bërë më i miri në botë appeared first on Albeu.com.