Rustem Hoxha nuk do të luajë më futboll. Edhe pse pas ndarjes nga Dinamo e Ilir Dajës ishte prezantuar te Teuta, mbrojtësi ka marrë vendimin të tërhiqet dhe ta mbyllë karrierën në moshën 35-vjeçare.

Karrierën e tij Hoxha e nisi te “Djemtë e Detit”, ndërsa më pas veshi fanellat e Luftëtarit, Kukësit, Ballkanit dhe Dinamos.

Sa u takon sukseseve, ai ka fituar me Teutën titullin kampion, Kupën e Shqipërisë dhe Superkupën e Shqipërisë. Ndërkaq, me Ballkanin ka triumfuar dy herë në Superligën e Kosovës, ndërsa me Dinamon ka fituar edhe një Kupë Shqipërie.

Pas 18 vitesh karrierë, erdhi momenti që t’i jap fund rrugëtimit tim si futbollist. Dua të falënderoj shumë klubin e KF Teutës për mundësinë që më dhanë të provoja edhe një herë të rikthehesha në fushë. Pavarësisht dëshirës, punës dhe sakrificave të mia të mëdha, këtë herë ishte e pamundur që të luaja përsëri në nivelin që dëshiroja.

Ka qenë një karrierë e gjatë, e mbushur me sakrifica dhe momente të vështira, por falënderoj Zotin që pjesën tjetër të këtij rrugëtimi ma ka shpërblyer me shumë suksese, trofe dhe kujtime të paharrueshme. Faleminderit të gjitha klubeve ku kam pasur mundësinë të luaj: Teutës, Ballkanit, Dinamos, Kukësit dhe Luftëtarit. Faleminderit drejtuesve, trajnerëve, stafit, shokëve të skuadrës dhe tifozëve që kanë qenë pjesë e kësaj historie.

Një falënderim i veçantë shkon për familjen time, e cila ka qenë gjithmonë pranë meje, më ka mbështetur në çdo moment dhe ka ndarë me mua çdo sakrificë, vështirësi dhe gëzim gjatë këtij rrugëtimi. Sot mbyllet një kapitull shumë i rëndësishëm i jetës time, por dashuria për futbollin do të mbetet gjithmonë me mua. Faleminderit futboll.

The post Mbrojtësi 35-vjeçar Rustem Hoxha i jep fund karrierës, pas largimit nga Dinamo dhe prezantimit te Teuta appeared first on Albeu.com.

Teuta ka zyrtarizuar afrimin e Rustem Hoxhës, me qendërmbrojtësin 34-vjeçar që ka vendosur të largohet nga Dinamo për t’u kthyer sërish në Durrës, klubin ku është formuar si futbollist.

Hoxha e veshi për herë të fundit fanellën e “Djemve të Detit” në vitin 2021, përpara se të transferohej te Ballkani. Më pas, nga 2023-shi deri në 2026-tën, ai ishte pjesë e Dinamos, ndërsa tashmë rikthehet për të dhënë kontributin e tij te skuadra durrsake.

Gjatë karrierës së tij, 34-vjeçari ka luajtur edhe për Luftëtarit dhe Kukësin. Transferimi i mbrojtësit është bërë publik nga vetë klubi durrsak përmes rrjeteve sociale.

The post Teuta rikthen Rustem Hoxhën, firmos me ish-mbrojtësin e Dinamos appeared first on Albeu.com.

Mbrojtësi 34-vjeçar ka shprehur vlerësime dhe mirënjohje për klubin kryeqytetas. Kujtojmë se Hoxha iu bashkua Dinamos në korrik të vitit 2023, pasi përfundoi aventurën e tij me Ballkanin.

Duhet theksuar gjithashtu se 34-vjeçari prej 1 viti ka mbetur jashtë fushave, për shkak të një dëmtimi të rëndë që pësoi verën e kaluar.

REAGIMI:

Mbas 3 vitesh të mbushura me emocione, suksese dhe trofe, nga sot nuk do të jem më pjesë e Dinamos. Dua të falënderoj nga zemra të gjithë familjen e madhe dinamovite: presidentin, stafin, shokët e skuadrës dhe tifozët për mbështetjen dhe besimin gjatë gjithë kësaj periudhe. I uroj Dinamos shumë suksese në vazhdim. Faleminderit për gjithçka!

The post Rustem Hoxha mbyll rrugëtimin me Dinamon: Pas 3 vitesh emocionesh, suksesesh dhe trofesh, faleminderit për gjithçka appeared first on Albeu.com.