Çfarë është dega e ISIS-it në Afganistan, e njohur si ISIS-K dhe cilat janë motivet e saj për ta sulmuar Rusinë?

Çfarë është ISIS-K?

Shteti Islamik Khorasan, i emërtuar sipas një termi të vjetër të rajonit që përfshinte pjesë të Iranit, Turkmenistanit e Afganistanit, doli në skenë në lindje të Afganistanit në fund të vitit 2014 dhe shpejt bëri emër për brutalitetin ekstrem.

Edhe pse është njëra nga degët më aktive rajonale të ISIS-it, ISIS-K është ballafaquar me rënie të numrit të anëtarëve që nga arritja e kulmit më 2018. Talibanët dhe forcat amerikane i kanë shkaktuar humbje të rënda.

Shtetet e Bashkuara kanë thënë se aftësitë e tyre për të grumbulluar të dhëna të inteligjencës rreth grupeve ekstremiste në Afganistan si ISIS-K janë zvogëluar që nga tërheqja e trupave amerikane nga ky shtet më 2021.

Çfarë sulmesh ka kryer ISIS-K?

ISIS-K ka një histori sulmesh, përfshirë disa kundër xhamive, brenda e jashtë Afganistanit.

Më herët këtë vit, ShBA-ja siguroi komunikime që e konfirmojnë lajmin e ky grup e kreu shpërthimin e dyfishtë në Iran që la të vrarë rreth 100 njerëz.

Në shtator të vitit 2022, militantët e grupit ISIS-K e morën përgjegjësinë për një shpërthim vdekjeprurës vetëvrasës në ambasadën ruse në Kabul.

Grupi ishte përgjegjës për një sulm në aeroportin ndërkombëtar të Kabulit më 2021 që kishte lënë të vrarë 13 ushtarë amerikanë e shumë civilë gjatë tërheqjes kaotike të ShBA-së nga Afganistani.

Më herët këtë muaj, gjenerali më i lartë amerikan në Lindje të Mesme tha se ISIS-K mund t’i sulmonte interesat e ShBA-së dhe të Perëndimit jashtë Afganistanit “brenda gjashtë muajve dhe me pak ose pa paralajmërim”.

Pse do ta sulmonte ISIS-K Rusinë?

Përderisa sulmi nga ISIS-K në Rusi të premten ishte eskalim dramatik, ekspertët thanë se grupi e ka kundërshtuar viteve të fundit presidentin rus, Vladimir Putin.

“ISIS-K ka qenë i fiksuar ndaj Rusisë gjatë dy viteve të fundit, duke e kritikuar shpesh Putinin në propagandën e vet” – tha Colin Clarke nga grupi hulumtues “Soufan Center” me seli në Uashington.

Michael Kugelman nga Qendra Wilston me seli në Uashington tha se ISIS-K “e sheh Rusinë si bashkëfajtore në aktivitete që rregullisht i shtypin myslimanët”.

Ai shtoi se grupi gjithashtu ka në radhët e veta si anëtarë një numër militantësh nga Azia Qendrore, të cilët i kanë ankesat e veta kundër Moskës. /nacionale/

The post Pse do ta sulmonte ISIS-K Rusinë? appeared first on Albeu.com.

“Mbështes çdo qëndrim të qeverisë që lidhet me vendimet e NATO-s, çdo detyrim që rrjedh nga anëtarësia e Shqipërisë në këtë aleancë dhe mbështetjen e të gjitha vendimeve të BE për Ukrainën. Shpreh keqardhjen time që qeveria shqiptare mund të jetë ndër më të paktat që deri në këtë moment nuk ka dhënë asnjë lloj ndihme materiale konkrete përveç qëndrimeve politike të përputhura plotësisht me SHBA dhe NATO”, tha Berisha.

Ai tha më tej se, Shqipëria duhet të dërgojë pa humbur kohë municione dhe pajisje mjekësore në ndihmë të Ukrainës duke e cilësuar Rusinë një armik të çdo shteti dhe njeriu të lirë.

“Nëse vendet e tjera po dërgojnë ndihma ju jeni dëshmitarë që 3 javë më parë kam kërkuar që të dërgohen në Ukrainë simbolikisht ndihma, municione dhe ndihma mjekësore. Për fat të keq në atë periudhë është mbajtur një qëndrim i papërgjegjshëm.

Rusët janë armiq të çdo shteti dhe njeriu të lirë, sot në këto ditë agresioni barbar ndaj ukrainasve. Çdo qytetar i lirë i botës duhet të ndihet ukrainas. Ndaj kërkoj që me urgjencë të niset ndihmat e mundshme për qeverinë dhe popullin ukrainas. Ne mund të nisim ato municione që mund të dërgohen aftësitë mbrojtëse të forcave tona të armatosura. Mund të nisim pajisje të ndryshme mjekësore për të qenë këto ditë të vështira përkrah popullit ukrainas”, tha Berisha./albeu.com

The post “Rusia armiku ynë”, Berisha: Qeveria të dërgojë municione dhe pajisje mjekësore në Ukrainë appeared first on Albeu.com.