Një burrë 64-vjeçar u vra nga bombardimet ruse në qytetin jugor, Nikopol, mëngjesin e së martës, tha Serhiy Lyask, guvernatori i rajonit Dnipropetrovsk, duke shtuar se u dëmtua edhe një shtëpi private.

Në rajonin jugor Herson, një burrë 83-vjeçar u vra nga bombardimet mbi fshatin Leviv mëngjesin e së martës, tha guvernatori rajonal Oleksandr Prokudin. Ai shtoi se dy civilë u plagosën në këtë rajon nga sulmet e djeshme.

Disa njerëz u plagosën nga bombardimet ruse në rajonet Zaporizhja dhe Donjeck, thanë autoritetet.

Të martën, Rusia kreu sulme me dronë në rajonin Dnipropetrovsk për ditën e dytë radhazi, duke e shënjestëruar infrastrukturën e energjisë, tha Lysak.

“Mbrojtja jonë i rrëzoi 10 dronë mbi qytetin Dnipro”, shkroi Lysak në Telegram.

“Por objektet e energjisë u goditën disa herë në këtë qytet, dhe si pasojë shpërtheu një zjarr”, shtoi ai.

Kompania më e madhe energjetike e Ukrainës, DTEK, tha se termocentralet pësuan dëme të mëdha gjatë sulmeve, por nuk ka viktima.

Kryetari i Dnipro, Borys Filatov, tha se shkollat u mbyllën në një lagje dhe se një spital u evakuua para një moti të ftohtë që pritet ta godasë këtë pjesë, i cili do ta rriste trysninë ndaj rrjetit elektrik.

Me gati një milion banorë, Dnipro është qyteti i katërt më i madh i Ukrainës.

Lysak tha se punëtorët e kanë kthyer furnizimin me rrymë në qytezën e vogël Pavlohard, në jug të Dnipros, e cila ishte sulmuar nga dronët rusë një ditë më parë.

Mbrojtja Ajrore e Ukrainës tha se i ka rrëzuar 16 nga 23 dronët me të cilët Rusia i sulmoi të martën rajonet Dnipropetrovsk, Zaporizhja dhe Herson.

The post Rusia sulmon sërish Ukrainën, tre të vrarë dhe disa të plagosur appeared first on Albeu.com.

Inteligjenca amerikane gjeti së fundmi se Koreja e Veriut e ka furnizuar Rusinë me raketahedhës balistikë dhe me disa raketa balistike, tha zëdhënësi i Shtëpisë së Bardhë për Siguri Kombëtare, John Kirby.

Forcat ruse e shkrepën së paku njërën prej atyre raketave balistike drejt Ukrainës më 30 dhjetor, e cila ra në fushë të hapur në rajonin e Zaporizhjas, theksoi ai.

Rusia hodhi shumë raketa balistike verikoreane të martën, gjatë një sulmi të natës, ndikimin e të cilit është duke e vlerësuar SHBA-ja, shtoi ai.

Kirby tregoi se Rusia dhe Irani ende nuk kanë arritur marrëveshje, por shtoi se SHBA-ja “është e shqetësuar se bisedimet që Rusia të marrë raketa balistike me rreze të shkurtra veprimi nga Irani janë duke përparuar vazhdimisht”.

Administrata Biden ka kërkuar vazhdimisht të dëshmojë se Kremlini tani varet nga Koreja e Veriut, si dhe nga Irani, për armët të cilat i nevojiten për të luftuar kundër Ukrainës, prandaj ka publikuar të dhëna të inteligjencës të cilat thotë se e dëshmojnë këtë.

Koreja e Veriut dhe Irani janë tejet të izoluara në skenën ndërkombëtare për shkak të programeve të tyre bërthamore dhe shkeljeve të të drejtave të njeriut.

Në tetor, Shtëpia e Bardhë tha se Koreja e Veriut i dërgoi Rusisë pajisje ushtarake dhe municion.

Marrëdhëniet mes Rusisë dhe Koresë së Veriut e kanë zanafillën prej themelimit të Koresë së Veriut më 1948. Zyrtarët sovjetikë e vendosën një nacionalist të ri dhe ambicioz, Kim Il Sung, babagjyshin e ndjerë të liderit të tanishëm Kim Jong Un, si sunduesin e parë të vendit.

Kimi udhëtoi drejt Rusisë në shtator për t’u takuar me presidentin Vladimir Putin dhe i vizitoi zonat e rëndësishme ushtarake të Rusisë.

Administrata Biden thotë gjithashtu se Irani i ka dhënë Rusisë dronë luftarakë.

The post SHBA-ja thotë se Rusia përdori raketa balistike verikoreane në Ukrainë appeared first on Albeu.com.

Vala e sulmeve filloi gjatë natës deri të premten në mbarë vendin, me shpërthime të raportuara në kryeqytetin Kiev, si dhe në një maternitet në qytetin qendror të Dnipros, qytetin lindor të Kharkiv, portin juglindor të Odesës dhe qytetin perëndimor të Lvivit, larg vijave të frontit.

Rusia përdori 158 dronë dhe raketa, duke përfshirë raketa hipersonike Kinzhal, raketa lundrimi dhe dronë Shahed, për të goditur objektivat në Kiev, në lindje, jug dhe perëndim të vendit, tha forcat ajrore të Ukrainës.

Presidenti ukrainas Volodymyr Zelensky tha se Rusia përdori “pothuajse çdo lloj arme në arsenalin e saj” në “sulmet terroriste”, të cilave ai u zotua se ushtria e Ukrainës do të përgjigjet.

The post Sulmi me 158 dronë e raketa rus në Ukrainë, shkon në 30 numri i viktimave appeared first on Albeu.com.