Mirlind Daku ka dhënë një paraqitje premtuese që në stërvitjen e parë me Spartakun e Moskës, edhe pse ende nuk e ka zhvilluar ndeshjen e tij të parë zyrtare me klubin rus pas transferimit nga Rubin Kazan.

Sulmuesi shqiptar i ka konkretizuar të katër tentativat e tij brenda zonës, duke i dërguar të gjitha në rrjetë. Spartaku i Moskës ka publikuar edhe videon e këtij momenti në rrjetet sociale.

Daku pritet të jetë i gatshëm për përballjen e radhës ndaj Krasnodarit, e vlefshme për javën e 3-të të Premier League ruse, që do të luhet nesër.

The post VIDEO/ Mirlind Daku nis në mënyrë perfekte te Spartaku i Moskës, “vrastar” para portës appeared first on Albeu.com.

Mirlind Daku është zyrtarisht futbollisti më i ri i Spartak Moskës, skuadër që garon në Premier League ruse. Klubi kryeqytetas njoftoi përmes rrjeteve sociale se sulmuesi i Kombëtares ka nënshkruar një marrëveshje 3-vjeçare.

Në prezantimin e tij, bardhekuqtë e cilësuan Dakun si një prej sulmuesve më të fortë të elitës së futbollit rus.

Spartak Moska konfirmoi se Mirlind Daku është sulmuesi i ri i skuadrës, duke theksuar se një nga lojtarët ofensivë më të spikatur të Premier League ruse ka firmosur për 3 vjet. Klubi gjithashtu i uroi mirëseardhjen futbollistit shqiptar.

The post Merr fund pritja, Mirlind Daku firmos me bardhekuqtë dhe merr vëmendjen pa debutuar ende appeared first on Albeu.com.

Mirlind Daku ka gjetur golin gjatë pjesës së parë të përballjes mes Akron Togliatti dhe Rubin Kazan, e vlefshme për javën e 2-të të kampionatit rus. Takimi është në zhvillim dhe rezultati është 0-2.

Sulmuesi i Kombëtares shqiptare realizoi në minutën e 19-të, duke shënuar golin e dytë për skuadrën nga Kazani. Për Dakun, kjo ishte rrjeta e 2-të në dy javët e para të Premier League ruse, duke konfirmuar një nisje të shkëlqyer të sezonit.

The post VIDEO/ Mirlind Daku shkëlqen në Premier League, sulmuesi kuqezi shënon sërish appeared first on Albeu.com.

Nga këndvështrimi i Ukrainës, kjo nënkupton se Irani është i përfshirë tërthorazi në këtë luftë. Dhe, kjo do të thotë se anijet iraniane të mallrave që bartin ngarkesa drejt Rusisë cilëson shënjestër e ligjshme ushtarake. Pikërisht kjo ndodhi gjatë fundjavës në Detin Kaspik, dhe tani Teherani nuk është aspak i kënaqur.

Pushtimi i nisur nga Rusia më 2022 ka tronditur politikën evropiane. Lufta SHBA-Izrael kundër Iranit ka tronditur politikën në Lindjen e Mesme. Pra, çfarë nënkuptojnë sulmet ukrainase ndaj ngarkesave iraniane ose anijeve ruse në Detin Kaspik për këto dy luftëra?

“Nëse ukrainasit vazhdojnë ta bëjnë këtë, padyshim që do ta vështirësojnë gjendjen si për Iranin, ashtu edhe për Rusinë. Nuk mendoj se ky është ndryshim thelbësor që do ta ndryshojë edhe rrjedhën e luftës. Sulmi ukrainas ndaj një anijeje iraniane përfaqëson një ndryshim të rëndësishëm në taktika dhe dërgon një mesazh të qartë se Ukraina nuk do ta tolerojë agresionin, pavarësisht se nga vjen ai. Dyshoj se operacione të tilla do ta bëjnë gjithnjë e më të vështirë transportin detar midis Rusisë dhe Iranit nëpër Detin Kaspik”, tha Luke Coffey, ekspert për Rusinë në institutin Hudson, një institut kërkimor në Uashington.

Teherani “i përgjigjet çdo veprimi kundër tij”

Rrethanat e incidentit të 25 korrikut mbeten të paqarta Agjencia kryesore e inteligjencës së brendshme të Ukrainës, SBU, tha se dronët goditën një anije raketore ruse të quajtur Molnyia, si dhe dy anije mallrash, për të cilat tha se ishin nën sanksione ndërkombëtare dhe përdoreshin për bartjen e ngarkesave ushtarake midis Iranit dhe Rusisë.

“Ukraina ka arritur rezultate shumë të forta me sulmet me rreze të gjatë në Detin Kaspik, përfshirë ndaj anijeve të përdorura për bartjen e ngarkesave ushtarake që lidhen me Iranin”, tha presidenti ukrainas, Volodymyr Zelensky, në një postim në Telegram.

Ky përshkrim duket se i referohet dy anijeve ruse, Port Olya 2 dhe Begey, të cilat ndodhen nën sanksione ndërkombëtare për shkak të luftës në Ukrainë. Nuk dihet saktësisht se çfarë po bartnin këto anije. Pasi mori mijëra dronë vetëvrasës të prodhuar nga Irani në muajt e parë të pushtimit të nisur në shkurt 2022, Rusia ndërtoi fabrikat e veta të montimit dhe shtoi përmirësime të reja mbi projektet origjinale iraniane. Autoritetet iraniane reaguan me zemërim ndaj sulmit ndaj anijeve, duke thënë se një marinar u vra dhe duke premtuar hakmarrje. Diplomati më i lartë ukrainas në Teheran u thirr takim qortues në Ministrinë e Jashtme iraniane.

“Zelensky ka sulmuar një anije tregtare iraniane, duke vrarë një marinar”, shkroi ministri i Jashtëm iranian, Abbas Araqchi, në rrjetin X, duke e quajtur këtë shkelje të hapur të Kartës së Kombeve të Bashkuara, e kryer me nxitjen e Izraelit për ta zhytur Evropën në luftën e tij.

Kievi së shpejti do të mësojë se Teherani nuk lë pa iu përgjigjur asnjë veprimi, tha Ebrahim Azizi, kryetar i Komisionit për Siguri Kombëtare në Parlamentin iranian, në një tjetër postim. Përtej retorikës së ashpër, mbetet e paqartë deri në çfarë mase Irani do të ishte në gjendje të hakmerrej.

“Teherani është qartazi i zemëruar, por ka aftësi shumë të kufizuara për të projektuar fuqi ushtarake kundër Ukrainës. Nëse vendos të përgjigjet, do të prisja diçka të tërthortë, si operacione kibernetike, aktivitete të inteligjencës, mbështetje për operacionet ruse ose ndoshta goditje ndaj interesave ukrainase jashtë vendit, më shumë sesa një sulm konvencional ushtarak. Nuk është domosdo në interesin e Iranit ta përfshijë Ukrainën në këtë konflikt dhe nuk besoj se është as në interesin e Rusisë. Rusët mund të jenë duke ushtruar presion mbi Iranin që të përmbahet”, tha Saeid Golkar, ekspert për ushtrinë iraniane dhe profesor në Universitetin e Tenesisë.

Edhe Nate Swanson, i cili shërbeu si drejtor për Iranin në Këshillin e Sigurisë Kombëtare të Shtëpisë së Bardhë gjatë presidencës së Joe Bidenit, shprehu dyshime për aftësinë e Iranit për t’u përgjigjur seriozisht.

“Irani leh më shumë sesa kafshon kur bëhet fjalë për Ukrainën”, tha Swanson, tani studiues në Këshillin e Atlantikut, një institut kërkimor në Uashington.

“Edhe pse është e mundur që Irani të ndërmarrë ndonjë përgjigje simbolike ndaj Ukrainës, besoj se as Ukraina dhe as Irani nuk kërkojnë të hapin fronte të reja në luftërat e tyre përkatëse”, theksoi ai.

“Kërcënimet e Iranit duken më shumë si një sinjal për Rusinë”, tha Mikhail Troiskiy, drejtues i Programit për Rusinë dhe Euroazinë në universitetin Tufts. “Teherani ka nevojë për mbështetje më të madhe nga Moska, e cila me gjasë nuk po i plotëson të gjitha kërkesat iraniane për inteligjencë dhe pajisje”.

“Dy anët e medaljes”

Kjo nuk ishte hera e parë që Ukraina goditi shënjestra në Detin Kaspik.

Flota ruse prej 28 anijesh në Detin Kaspik, e vendosur pranë Makaçkalës, rreth 1.300 kilometra larg territorit ende nën kontrollin ukrainas, ka lëshuar më parë raketa ndaj shënjestrave brenda Ukrainës.

Sipas Coffeyt, të paktën 12 anije luftarake ruse janë goditur më herët gjatë pushtimit rus, megjithëse shkalla e dëmeve në shumë raste mbetet e paqartë.

Edhe Izraeli, i cili ka kryer sulmet e veta ndaj Iranit në bashkërendim me forcat amerikane, ka goditur caqe iraniane në Detin Kaspik.

Më 18 mars, rreth tri javë pas fillimit të fushatës amerikano-izraelite, avionët izraelitë goditën portin Bandar Anzali, duke fundosur një numër të panjohur anijesh ushtarake.

Ekspertët thanë se është e mundur që forcat ukrainase të kenë vepruar gjatë fundjavës me ndihmën e inteligjencës izraelite.

“Nga pikëpamja strategjike, kjo do të kishte kuptim”, tha Golkar. “Izraeli ka mbulim shumë të mirë të inteligjencës në Iran, ndërsa Ukraina ka interes të madh për ta penguar bashkëpunimin ushtarak Iran-Rusi”.

Zelensky, i cili u takua me presidentin Donald Trump në Shtëpinë e Bardhë më 28 korrik, pritej t’i paraqiste sulmet ukrainase si një shtesë të rëndësishme në fushatën amerikane kundër Iranit.

Po ashtu, Zelensky pritej të ngrinte pretendimet e mëhershme të Ukrainës se Rusia po i furnizon Iranit imazhe satelitore dhe informacione të tjera të inteligjencës, duke e ndihmuar Teheranin të shënjestrojë caqe amerikane në rajonin e Gjirit, përfshirë stacionet e CIA-s.

Sipas Coffeyt, edhe koha e sulmeve ishte me shumë gjasë e zgjedhur qëllimisht: për të tërhequr vëmendjen e administratës Trump.

“Nuk besoj se kjo e ndërlikon situatën për administratën Trump. Përkundrazi, presioni shtesë mbi Iranin ka gjasa të shihet pozitivisht”, tha ai. “Gjithashtu, dyshoj se është rastësi që këto sulme ndaj transportit detar iranian ndodhën vetëm pak ditë para takimeve të Zelenskyt në Shtëpinë e Bardhë”.

Megjithatë, përpjekjet e Kievit për t’i ndërthurur këto dy luftëra mund t’ia vështirësojnë punën Uashingtonit, tha Grajewski.

“Amerikanët, për çfarëdo arsye, nuk duan të tregojnë se rusët janë të përfshirë në luftën kundër Iranit”, tha ajo. “Në këtë kuptim, po, kjo e ndërlikon situatën sepse ukrainasit po dalin publikisht dhe po thonë se ka përfshirje të drejtpërdrejtë ruse”.

Administrata Trump “dëshiron t’i trajtojë këto dy luftëra si konflikte të ndara”, tha ajo. “Sa më shumë që këto dy luftëra ndërthuren, aq më e vështirë do të jetë të justifikohen disa nga politikat që lidhen me Ukrainën dhe Iranin”.

“Kjo ka dy anë të medaljes”, tha Golkar.

“Nga njëra anë, pengimi i bashkëpunimit ushtarak Iran-Rusi përputhet me interesat më të gjera strategjike të SHBA-së pa kërkuar përfshirje të drejtpërdrejtë amerikane. Nga ana tjetër, kjo shton një shtresë të re kompleksiteti. Uashingtoni tani duhet të menaxhojë marrëdhëniet me Ukrainën, Izraelin, partnerët në Gjirin Persik dhe Iranin, ndërsa përpiqet të parandalojë një përshkallëzim më të gjerë rajonal”./REL

The post Goditja e Ukrainës ndaj Iranit në Detin Kaspik ndërlikon edhe më shumë situatën appeared first on Albeu.com.

Në qytetin e Rostov-mbi-Don, një qendër e madhe eksporti pranë Detit të Azovit, një çift humbi jetën pasi një sulm goditi një ndërtesë banimi, njoftoi guvernatori i rajonit të Rostovit, Yury Slyusar, në një postim në Telegram.

Sipas tij, pesë persona të tjerë mbetën të plagosur, ndërsa dy prej tyre janë në gjendje kritike. Ai shtoi se mbetjet e dronëve të rrëzuar shkaktuan zjarre në disa zona.

Në qytetin e Belgorodit, një sulm me dron plagosi 12 persona, përfshirë dy fëmijë, dhe shkaktoi zjarr në një ndërtesë banimi.

Ndërkohë, në Ukrainë, guvernatori i rajonit të Zaporizhzhias, Ivan Fedorov, bëri të ditur se një sulm ajror me bomba të drejtuara dhe dronë vrau një person dhe plagosi dy të tjerë në qytetin jugor të Zaporizhzhias, i cili ka qenë objekt i bombardimeve të rënda gjatë muajve të fundit.

The post Sulmet ukrainase godasin jugun e Rusisë, humbin jetën 5 persona appeared first on Albeu.com.

“Droni u rrëzua në një distancë prej 12 kilometrash në verilindje të Sulinës, në hapësirën ajrore kombëtare, mbi ujërat territoriale”, tha ministria e Mbrojtjes.Pas këtij incidenti Bukureshit mësohet se ka thirrur ambasadorin rus në Ministrinë e Jashtme.

Kujtojmë se forcat e armatosura rumune rrëzuan një dron për herëtë parë të premten rreth 114 kilometra larg Bukureshtit, më pas një dron i dytë u rrëzua dje pranë deltës së Danubit, në kufirin me Ukraninën.

Presidenti Nikos Dan, duke cituar një gjetje paraprake të hetimit, deklaroi se droni i rrëzuar të premten ishte një model Shahed, “i përdorur nga Federata Ruse në luftën e saj agresive kundër Ukrainës”.

“Është e papranueshme që Federata Ruse vazhdon të shkelë hapësirën ajrore rumune, e cila është gjithashtu hapësirë ​​ajrore e NATO-s dhe Bashkimit Evropian”, deklaron ai në postimin e tij në X.

The post Rumania rrëzon dronin e tretë që shkel hapësirën ajrore, Bukureshti thërret me urgjencë ambasadorin rus appeared first on Albeu.com.

Në listën e sanksioneve përfshihen 218 persona dhe entitete, 48 individë dhe 170 kompani/institucione. Ky është numri më i madh i sanksioneve të vendosura nga BE në katër vitet e fundit.

Sa i takon sektorit financiar, janë ngrirë asetet e 94 bankave dhe institucioneve të mëdha financiare ruse. Po ashtu, janë ndaluar transaksionet me 33 institucione të tjera dhe disa banka në vende të treta që dyshohet se ndihmojnë Rusinë të shmangë sanksionet.

BE ka vendosur masa ndaj 14 platformave ndërkombëtare dhe për herë të parë parashikon ndalimin e plotë të transaksioneve me ofrues të huaj që përdoren për shmangien e sanksioneve.

Nga sanksionet e Këshillit të Bashkimit Evropian është prekur edhe energjia ku deri në korrik 2027 është pezulluar tavani i çmimit të naftës ruse, për shkak të paqëndrueshmërisë së tregjeve ndërkombëtare.

Në deklaratën e saj, Përfaqësuesja e Lartë e BE-së për Politikën e Jashtme, Kaia Kallas, tha se këto sanksione kanë si qëllim t’i bëjnë presion Rusisë të ndalojë luftën.

“Sanksionet tona po e rrisin presionin, për ta detyruar Rusinë t’i japë fund luftës së saj të paligjshme dhe të ndalojë vrasjen e civilëve.”, tha Kallas.

The post Bashkimi Evropian vendos sanksione të ashpra kundër Rusisë, Kallas: Po i bëjmë presion të ndalojë luftën appeared first on Albeu.com.

Presidenti ukrainas, Volodymyr Zelensky, konfirmoi sulmet ndaj një depoje nafte dhe objekteve logjistike në rajonin e Moskës më 20 korrik, duke shtuar se janë goditur gjithashtu dy cisterna nga “flota në hije” e Rusisë dhe katër anije mallrash, teksa Ukraina lëshoi qindra dronë gjatë natës.

Në javët e fundit, Ukraina ka intensifikuar sulmet ndaj objekteve energjetike dhe logjistike ruse, përfshirë edhe sulmin ndaj një depoje të kompanisë Wildberries gjatë fundjavës, ku u vranë shtatë persona dhe u plagosën dhjetëra të tjerë.

Kompania e shitjeve online, më e madhja në Rusi, tha se pezulloi përkohësisht shërbimet më 20 korrik si masë parandaluese, por i riktheu operacionet pak më vonë.

Ukraina e ka akuzuar Wildberries-in, që shpesh krahasohet me Amazon-in në Rusi, se shet furnizime ushtarake të përdorura nga Rusia për luftë, përfshirë produkte me përdorim të dyfishtë si jelekë antiplumb dhe teknologji për vëzhgim.

“Ne po përgjigjemi, në mënyrë të drejtë, ndaj çdo sulmi rus kundër qyteteve dhe komuniteteve tona”, tha Zelensky përmes një postimi në rrjetet sociale, duke konfirmuar sulmet me dronë ukrainas ndaj rajonit të Moskës. Ai shtoi se “sanksionet tona me rreze të gjatë veprimi kanë dhënë rezultate kundër objekteve logjistike dhe një depoje të naftës”.

Sulmet u kryen pasi një raketë ruse goditi një anije që transportonte misër pranë portit ukrainas të Odesës, kur u vranë dhjetë persona.

Marina ukrainase tha se anija Golden Leo, me flamur të Guinea-Bisaut dhe me ekuipazh nga India dhe Siria, u përfshi nga flakët pasi u godit nga tri raketa lundruese ruse më 19 korrik.

Pas operacioneve të kërkim-shpëtimit të kryera gjatë natës gjetën u tha se nëntë anëtarë të ekuipazhit dhe një pilot detar humbën jetën, ndërsa tetë nga 17 anëtarët e ekuipazhit u shpëtuan.

Shefi i njësiteve ukrainase të dronëve, Robert Brovdi, shkroi në Telegram se forcat e tij kishin goditur shtatë anije ruse në Detin e Zi dhe Detin Azov, si dhe shtatë objekte energjetike në Krimenë e okupuar nga Rusia.

Brovdi tha se që nga 1 korriku, operacionet ukrainase kanë goditur 183 anije ruse, 103 objekte energjetike dhe 25 elemente të mbrojtjes ajrore, duke ulur për 75 për qind kapacitetin e kalimit me traget në ngushticën e Kërçit.

Ndërkaq, Forcat Ajrore të Ukrainës thanë më 20 korrik se Rusia kishte kryer një sulm gjatë natës ndaj Ukrainës duke përdorur dy raketa ajrore dhe 94 dronë sulmues.

Forcat ruse sulmuan për herë të parë qytetin Pavlorad me bomba të modernizuara ajrore, tha më 20 korrik kreu i administratës rajonale.

Në një tjetër sulm rus me bomba ajrore ndaj Zaporizhjës, guvernatori rajonal Ivan Fedorov raportoi se një person u vra dhe pesë të tjerë u plagosën mëngjesin e 20 korrikut. Si pasojë e sulmit u dëmtuan ndërtesa banimi dhe ndërtesa të tjera./REL

The post Rusia dhe Ukraina sulmojnë njëra-tjetrën me dronë appeared first on Albeu.com.

Në portin e Odesës, në brigjet e Detit të Zi, tre persona humbën jetën dhe tre të tjerë u plagosën si pasojë e një sulmi “masiv” me dronë dhe raketa, njoftoi kreu rajonal, Oleh Kiper. Sipas tij, kjo ishte dita e pestë radhazi që rajoni është vënë në shënjestër të sulmeve ruse.

Në qytetin verilindor të Sumy-t, tre persona u vranë dhe 17 të tjerë u plagosën nga bombardimet me bomba ajrore të drejtuara, tha kryetari i përkohshëm i bashkisë, Artem Kobzar. Dy viktima të tjera u raportuan në rajonet e Dnipropetrovskut, në qendër të vendit, dhe Zaporizhzhias, në jug.

Ndërkohë, ushtria ukrainase bëri të ditur se dronët e saj goditën 20 anije ruse në Detin e Zi gjatë natës, përfshirë 17 cisterna nafte.

Nga ana tjetër, Ministria ruse e Mbrojtjes konfirmoi sulmin ndaj Odesës, duke deklaruar se objektiv i operacionit ishte infrastruktura portuale, “të përdorur për shkarkimin e naftës, vajit dhe lubrifikantëve”.

Në një postim në Telegram, Oleh Kiper akuzoi Rusinë se ka shënjestruar qëllimisht civilët. Ai tha se viktimat dhe të plagosurit u shkaktuan pasi një raketë ruse goditi një ndërtesë shumëkatëshe banimi.

Sipas tij, nga sulmet u dëmtuan gjithashtu një ndërtesë jorezidenciale dhe një tubacion gazi.

The post Valë e re sulmesh ruse në Ukrainë, tetë të vdekur dhe dhjetëra të plagosur appeared first on Albeu.com.

Ish-sulmuesi i Flamurtarit zhbllokoi takimin për skuadrën e tij, teksa në minutën e 20-të realizoi një gol shumë të bukur nga hyrja e zonës, duke kaluar në avantazh ekipin e Akhmat Grozny.

Për sulmuesin e Shqipërisë U21, ky ishte realizimi i parë me fanellën e Akhmat Grozny. Kujtojmë se Maksuti u transferua nga Flamurtari te klubi rus për shumën e 700 mijë eurove.

The post Erald Maksuti gjen golin e parë në Rusi, ish-sulmuesi i Flamurtarit realizon perlë në miqësore appeared first on Albeu.com.