Udhëheqës të këtij blloku po zhvillojnë takime në Uzbekistan këto ditë.

Organizata e Shangait për Bashkëpunim (SCO) – e përbërë nga Kina Rusia, India, Pakistani dhe katër shtete aziatike të ish-Bashkimit Sovjetik – është krijuar më 2001 si organizatë politike dhe ekonomike, që rivalizon institucionet perëndimore.

Samiti i SCO-së, që mbahet këtë javë, është i pari që zhvillohet tërësisht me prani fizike, prej shpërthimit të pandemisë së koronavirusit.

“Një prej akteve më të rëndësishme të këtij samiti do të jetë finalizimi i dokumenteve të anëtarësimit në SCO, ashtu që ato të nënshkruhen nga ministrat e Jashtëm të vendeve anëtare”, ka thënë Raisi.

Irani, një prej katër shteteve vëzhguese në këtë organizatë, ka aplikuar për anëtarësim të plotë më 2008, mirëpo diçka e tillë i është vështirësuar pas përballjes me sanksione të Shteteve të Bashkuara dhe Kombeve te Bashkuara, për shkak të programit bërthamor.

Shumë vende anëtare të Organizatës së Shangait për Bashkëpunim, nuk kanë dashur në mesin e tyre një shtet të sanksionuar.

Mirëpo në një konferencë të mbajtur një vit më parë në Dushanbe, anëtarët e bllokut kanë përkrahur anëtarësimin e Iranit në të ardhmen.

Teherani dëshiron “të përfitojë në aspektin ekonomik dhe të rrisë kapacitetet në rajon, dhe që shtetet aziatike të përfitojnë nga shteti iranian”, ka thënë Raisi.

Kremlini ka thënë të martën se samiti i kësaj jave në Uzbekistan do të jetë “alternativë” ndaj Perëndimit.

Irani merr këtë hap, teksa ai, bashkë me fuqitë perëndimore, përpiqen të ringjallin marrëveshjen bërthamore të vitit 2015.

Sipas marrëveshjes, Teherani është pajtuar për të kufizuar aktivitetin bërthamor, në këmbim të heqjes së sanksioneve.

Më 2018, ish-presidenti amerikan, Donald Trump, i ka larguar Shtetet e Bashkuara nga marrëveshja dhe ka rikthyer sanksionet ndaj Iranit.

Me ardhjen e Joe Bidenit në krye të SHBA-së janë rritur shpresat për ringjallje të marrëveshjes.

Megjithatë Perëndimi ka thënë javën e kaluar se dyshon në përkushtimin e Iranit për diçka të tillë. REL

The post Irani synon të anëtarësohet në bllokun e udhëhequr nga Rusia dhe Kina appeared first on Albeu.com.

Ndërsa Pekini vazhdon të mbështesë publikisht Rusinë dhe i ka cilësuar në mënyrë të vazhdueshme sanksionet perëndimore si të paligjshme, sipas The Washington post duke cituar një zyrtar kinez diskutimet e fundit midis dy vendeve ishin “të tensionuara”

Sipas raportit, Kina po përpiqet të ruajë marrëdhëniet e saj të ngushta me Rusinë, duke shmangur gjithashtu sanksionet, të cilat janë cilësuar nga zyrtarët amerikanë si “kontradiktore” dhe “të vështira për t’u përmbushur”.

Ndërkohë sipas një burimi në Kinë, administrata e Presidentit Xi Jinping nuk ishte e gatshme t’i ofronte ndihmë të pakufizuar Moskës pas pushtimit të Ukrainës.

“Kina e ka bërë të qartë pozicionin e saj për situatën në Ukrainë dhe për sanksionet e paligjshme kundër Rusisë”, thanë ata.

“Ne e kuptojmë gjendjen e vështirë të Moskës. Por ne nuk mund ta shpërfillim situatën tonë në këtë dialog. Kina do të veprojë gjithmonë në interesin më të mirë të popullit kinez.”

Lajmi vjen disa ditë pasi Sekretari i Shtetit i SHBA-së, Antony Blinken tha se SHBA nuk kishte parë një “përpjekje sistematike” nga Kina për të ndihmuar Rusinë t’i shmangej sanksioneve -as ndonjë mbështetje të rëndësishme ushtarake nga Kina për Rusinë.

Duke pasur parasysh rëndësinë e marrëdhënieve të saj strategjike me Kinën, çdo sugjerim i kufizimeve në mbështetjen e Pekinit për Moskën do të jetë në mënyrë të pashmangshme burim shqetësimi në Kremlin.

The post Tension mes dy vendeve, Rusia e “frustruar” nga refuzimi i Kinës për të ofruar më shumë mbështetje appeared first on Albeu.com.