E dërguara e Izraelit u thirr në Ministrinë e Jashtme ruse të martën, një ditë pasi autoritetet ruse shprehën zemërimin për ato që i cilësuan “deklarata të papranueshme” të bëra nga ambasadorja Halperin në një intervistë me gazetën ruse, Kommersant, që u publikua në fundjavë.

Halperin tha për gazetën ruse se ministri i Jashtëm rus, Sergei Lavrov, kishte minimizuar rëndësinë e Holokaustit dhe se Rusia ishte shumë miqësore me grupin radikal palestinez, Hamas – grup i shpallur organizatë terroriste nga Shtetet e Bashkuara dhe Bashkimi Evropian.

Lidhjet dikur të ngushta mes Izraelit dhe Rusisë janë përkeqësuar që kur nisi lufta mes Izraelit dhe Hamasit në Gazë më 7 tetor 2023.

Izraeli nisi ofensivën ushtarake pasi luftëtarët e Hamasit vranë afër 1.200 persona, shumica civilë, dhe morën afër 250 peng gjatë sulmit të 7 tetorit në jug të Izraelit.

Sipas Ministrisë së Shëndetësisë në Gazën e kontrolluar nga Hamasi, si pasojë e luftës deri më tani janë vrarë mbi 27.000 persona. Kjo ministri nuk bën dallimin mes luftëtarëve dhe civilëve të vrarë, por ka thënë se shumica e viktimave ishin gra dhe fëmijë.

Rusia, që ka krijuar raporte të afërta me rivalin kryesor të Izraelit, Iranin, që kur ka shpërthyer lufta në Ukrainë, ka ripërsëritur qëndrimin për një shtet palestinez dhe ka kritikuar veprimet ushtarake izraelite në Rripin e Gazës.

The post Rusia qorton ambasadoren izraelite për kritikat ndaj Lavrovit appeared first on Albeu.com.

Ministria ruse e Drejtësisë ka bërë hapa për ta shpërbërë krahun rus të agjencisë, e cila promovon emigracionin në Izrael, pavarësisht protestave nga Izraeli.

Rusia e akuzon organizatën për shkelje të ligjeve të vendit, dhe sipas raportimeve të mediave, mbledhje të paligjshme të të dhënave personale nga qytetarët rusë.

Disa izraelitë e kanë parë këtë si ndëshkim për kritikat e Izraelit ndaj fushatës ushtarake të Rusisë në Ukrainë. Çështja kundër agjencisë do të shqyrtohet më 19 gusht.

Diskutimi ishte “i hapur dhe i sinqertë”, tha zyra e Herzogut. Ai ishte kryetar i Agjencisë Hebraike përpara se të merrte postin e presidentit.

“Të dy presidentët theksuan fushat e rëndësishme të bashkëpunimit midis Izraelit dhe Rusisë dhe ranë dakord të mbajnë kontakte” njoftoi zyra e Herzogut.

Rusia ka nisur pushtimin e Ukrainës më 24 shkurt, gjë që ka shtyrë Perëndimin të vendosë sanksione të ashpra kundër Moskës zyrtare./ REL

The post Marrëdhënie të tensionuara, Rusi-Izrael, Putin bisedë telefonike me homologun e tij, çfarë u diskutua appeared first on Albeu.com.