Legjislacioni, i nënshkruar më 20 shkurt, është më i fundit në një seri rregulloresh që forcojnë ndjeshëm mundësitë e autoriteteve për t’i kufizuar dukshëm lajmet dhe informacionet brenda Rusisë.

Masa e re, e miratuar më herët gjatë javës nga ligjvënësit, i jep Shërbimit Federal të Sigurisë (FSB) fuqinë të kërkojë nga ofruesit e shërbimeve të internetit – qoftë celularë apo me linjë fikse – të çaktivizojnë ose të kufizojnë qasjen në rastet “e përcaktuara nga aktet rregullatore ligjore të presidentit të Federatës Ruse”.

Ky veprim ia mundëson Putinit të vendosë vetë kur komunikimet online në gjithë vendin ose në një rajon të caktuar duhet të ndërpriten, pa qenë i detyruar të japë arsye pse.

Ai gjithashtu heq çdo përgjegjësi ligjore për ofruesit që zbatojnë këto urdhra.

“Vetëm presidenti mund të vendosë kufizime”, citohet të ketë thënë Sarkis Darbinyan, avokat dhe aktivist i kahershëm i internetit. Sipas tij, dekretet presidenciale janë “edhe më të thjeshta sesa dekretet qeveritare”.

Në muajt e fundit, autoritetet ruse janë përballur me mënyra për të ndaluar dronët ukrainas të hyjnë në hapësirën ajrore ruse. Në shumë raste, dronët përdorin sinjale ruse të të dhënave për të fluturuar drejt objektivave, nganjëherë në distanca të gjata.

Autoritetet gjithashtu kanë ashpërsuar masat ndaj mjeteve të njohura të internetit, veçanërisht aplikacioneve të mesazheve si WhatsApp dhe Telegram.

Të dy aplikacionet janë ngadalësuar ndjeshëm në kuadër të përpjekjeve të Qeverisë për t’i shtyrë qytetarët rusë të përdorin një aplikacion të mbështetur nga shteti, të quajtur Max.

Raportohet se Telegrami do të bllokohet plotësisht duke filluar nga 1 prilli.

Kufizimet ndaj Telegramit kanë nxitur reagime nga blogerë që ndjekin nga afër lëvizjet e Rusisë në fushëbetejën në Ukrainë dhe që mbledhin fonde për njësitë ruse. Telegram përdoret shumë edhe nga ushtarët rusë.

Rregullatori i teknologjisë, Roskomnadzor, e ka akuzuar Telegramin, i krijuar nga sipërmarrësi tashmë në mërgim Pavel Durov, për krijimin e një tregu për informacion të rrjedhur personal të qytetarëve rusë./REL

The post Putin nënshkruan një ligj të ri që forcon kontrollin e FSB-së mbi internetin rus appeared first on Albeu.com.

Përmes një njoftimi për mediat, bëhet e ditur se është dëmtuar pjesërisht fasada e jashtme dhe disa hapësira brenda godinës së Ambasadës, duke vënë në rrezik jetën e personelit.

Ministria për Evropën dhe Punët e Jashtme ka dënuar këto sulme, të cilat i ka quajtur brutale.

Njoftimi për median:

Një seri sulmesh ajrore të Federatës Ruse tronditën Kievin të premten në mëngjes, duke shkaktuar dëme të shumta në disa zona në kryeqytetin e Ukrainës. Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev dhe ambasadave të pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale.

Ministria për Evropën dhe Punët e Jashtme dënon pa asnjë mëdyshje këto sulme brutale. Ky akt i pakuptimtë është një sulm ndaj themeleve të vetë diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht.

The post Sulmet ruse në Kiev, dëmtohet edhe ambasada e Shqipërisë (PAMJET) appeared first on Albeu.com.

Reshtnikov u takua me kryeministrin e Serbisë, Millosh Vuçeviç, në kryeqytetin serb dhe ata biseduan për forcimin e mëtejshëm të bashkëpunimit ekonomik dhe të përgjithshëm ndërmjet dy vendeve, thuhet në njoftim.

Reshetnikov është në mesin e një numri zyrtarësh nga Moska që janë nën sanksione perëndimore për shkak të pushtimit të Ukrainës nga Rusia, që nisi më 2022.

Serbia thotë se e mbështet integritetin territorial të Ukrainës, por ajo nuk po pranon të rreshtohet përkrah Bashkimit Evropian, pjesë e të cilit synon të bëhet, për të vendosur sanksione ndaj Rusisë, ndërsa përfaqësuesit e autoriteteve në Beograd vazhdojnë të mbajnë lidhje me Kremlinin.

Në njoftimin e Qeverisë së Serbisë, thuhet se kryeministri, duke folur për sanksionet ndaj Rusisë, ka thënë se Serbia “përkundër presioneve të mëdha udhëheq një politikë të lirë dhe të pavarur” dhe se ka bashkëpunim të mirë si me Rusinë ashtu edhe me Bashkimi Evropian, Kinën dhe vende të tjera.

Rusia është mbështetja më e madhe e Serbisë në kundërshtimin e pavarësisë së Kosovës, të cilën Prishtina e shpalli më 2008.

Vuçeviç gjatë bisedës ka theksuar se Serbia është e gatshme të diskutojë për vazhdimin e kontratës për furnizim me gaz rus dhe se marrëveshja nga Shën Petersburgu për furnizim shtesë me gaz gjatë sezonit dimëror është e një rëndësie të madhe për Serbinë.

Prej fillimit të pushtimit rus të Ukrainës, Serbia ka nisur të punojë për gjetjen e burimeve të tjera të furnizimit, por gazi ende kryesisht vjen nga Rusia.

Vuçeviç e falënderoi Rusinë që e ftoi Serbinë të marrë pjesë në samitin e BRICS, një grup i kryesuar nga nga vende si Rusia, Kina dhe India.

Një delegacion prej katër anëtarësh nga Qeveria e Serbisë mori pjesë në samitin e BRICS në Kazan, Rusi, nga 22 deri më 24 tetor.

Vuçeviç theksoi se biseda mes presidentëve të dy vendeve, Aleksandar Vuçiq dhe Vladimir Putin, paraqet “vrull të ri për marrëdhëniet e përgjithshme dypalëshe ndërmjet Serbisë dhe Rusisë”.

Pas një bisede telefonike më 20 tetor, Vuçiq tha se e falënderoi Putinin “që më siguroi se Rusia do t’i japë mjaftueshëm gaz Serbisë këtë dimër”.

Reshetnikov tha se Serbia dhe Rusia mund ta përmirësojnë bashkëpunimin në ekonomi, si dhe në fusha të tjera, si energjetika, tregtia, bujqësia, transporti, sipas njoftimit.

Ai gjithashtu shprehu gatishmërinë që kompanitë ruse të marrin pjesë në të gjitha projektet me rastin e ekspozitës ndërkombëtare EXPO 2027, e cila do të mbahet në Beograd.

Në të njëjtën ditë, kur ministri ruse nën sanksionet perëndimore po viziton Serbinë, në Beograd ndodhet edhe presidentja e Komisionit Evropian, Ursula von der Leyen.

Von der Leyen është duke e kryer një turne në gjashtë vendet e Ballkanit Perëndimor, për të biseduar me zyrtarët e tyre për Planin e Rritjes së Bashkimit Evropian me vlerë gjashtë miliardë euro dhe përparimin e tyre drejt integrimit evropian./ REL

The post Ministri i sanksionuar rus në Beograd: Moska e çmon politikën e balancuar të Serbisë appeared first on Albeu.com.

Kështu ka deklaruar shefja e diplomacisë kosovare Donika Gërvalla në takimin ministror për situatën urgjente në Venezuelë, në kuadër të Asamblesë së Përgjithshme të OKB-së, ku mori pjesë me ftesë të sekretarit amerikan të Shtetit, Antony Blinken dhe ministres së Punëve të Jashtme të Argjentinës Diana Mondino.

Në fjalën e saj, ministrja Gërvalla vuri në pah edhe angazhimin e Venezuelës në Ballkan përmes miqve dhe satelitëve të Rusisë në rajon, me partneritete dhe lidhje të reja ekonomike, për të cilat tha se kërkojnë një vëmendje të shtuar dhe kujdes të veçantë.

Ministrja Gërvalla ndodhet për vizitë në Nju Jork në kuadër të sesionit të 79-të të Asamblesë së Përgjithshme të OKB-së.

The post Gërvalla paralajmëron rreziqet e shtrirjes së ndikimit rus në Ballkan appeared first on Albeu.com.

Nikolay Vasyov ishte nënkryetar i lartë i Sberbank, institucioni më i madh financiar i vendit.

Analizat fillestare nga mjekët thanë se “vdekja e tij e parakohshme” ishte për shkak të një “sulmi në zemër”, shkruan ‘The Sun’.

Megjithatë, detaje të mëtejshme nuk janë dhënë për rrethanat e vdekjes së tij.

“Me keqardhje të thellë ju informojmë se sot Nikolay Vasyov, nënkryetar i lartë, Drejtues i bllokut të zhvillimit të përvojës së klientit B2C të Sberbank, ndërroi jetë papritmas”, thuhej në një deklaratë.

“Sipas konkluzionit paraprak të mjekëve, vdekja ka ardhur si pasojë e një ataku kardiak.”

The post Vdes në mënyrë misterioze bankieri rus appeared first on Albeu.com.

Hetuesit ende nuk kanë arritur në një përfundim që të mund të tregojnë rrethanat se si u ndanë nga jeta gjeneral Vladimir Sviridov, 68 vjeç, dhe gruaja e tij Tatyana, 72 vjeçe.

Trupat e gjeneralit dhe gruas së tij u gjetën në shtëpinë e tyre në fshatin Adzhievsky në rajonin e Stavropolit.

Ish-komandanti i mbrojtjes ajrore ruse e kishte kritikuar dikur presidentin rus për lejimin e një force ajrore të “rangut të tretë”.

Ai kishte denoncuar publikisht faktin që oficerët e lartë po largoheshin nga forcat e armatosura për shkak të pagave dhe kushteve të rënda.

Në raportet e vdekjes, thuhet se “punonjësit e shërbimit të gazit, pas matjeve të duhura nuk kanë zbuluar tejkalim të përqendrimit të lejuar të substancave të dëmshme”.

“Ajo që shkaktoi vdekjen e Vladimir dhe Tatyana Sviridov është ende e panjohur.”

Ai komandoi Ushtrinë e 6-të të Forcave Ajrore Ruse dhe Mbrojtjes Ajrore nga viti 2005 deri në 2009, si dhe është vizituar personalisht nga Putin.

Ai ishte një pilot shumë i nderuar pasi iu dha Urdhri i Yllit të Kuq dhe një tufë medaljesh.

Sviridov e la rolin e komandantit të tij në moshën 54-vjeçare pas një sërë komentesh të ashpra për forcat e armatosura ruse.

Ai paralajmëroi në një intervistë: “Një pilot duhet të ketë rreth 100 orë kohë fluturimi në vit për gatishmëri të plotë luftarake. Megjithatë, ky nuk është ende rasti ynë. Koha mesatare e fluturimit në ushtri është aktualisht 25-30 orë.”

Në një tjetër shpërthim, ai u ankua: “Ne jemi të detyruar të emërojmë oficerë jo plotësisht të trajnuar sepse nuk ka më të mirë. Për të njëjtën arsye ne po dërgojmë në akademitë ushtarake pilotë të rangut të tretë. Kjo nuk ka ndodhur në të kaluarën.”

Ai ishte mërzitur se si pagat e ulëta dhe sigurimi i dobët i strehimit po i detyronin oficerët me përvojë të largoheshin nga ushtria.

“Një në dy oficerë tanë, për fat të keq, nuk ka strehim”, tha ai.

“Deri në 10 për qind e oficerëve të rinj po bëjnë gjithçka që është e mundur për të dalë në pension para kohe.”

Ai i kërkoi Putinit “të krijojë kushte normale jetese për oficerët e rinj, si dhe për të gjithë ushtarakët, në mënyrë që ata të mund të kryejnë siç duhet detyrat e tyre të shërbimit”.

Rusia është përfolur për një varg vdekjesh të dyshimta që nga fillimi i luftës së Putinit kundër Ukrainës, me shumë të lidhura me sektorin e energjisë.

Muajin e kaluar, vdiq një ekzekutiv i lartë në kompaninë e dytë më të madhe të naftës në Rusi, duke shënuar vdekjen e fundit në një seri të profilit të lartë të manjatëve rusë të naftës.

Vladimir Nekrasov, 66 vjeç, kryetar i bordit të drejtorëve të Lukoil, thuhet se vdiq “papritmas” në shtëpinë e tij në Moskë.

Vdekja e Nekrasov pason atë të manjatit  Ravil Maganov, 67 vjeç, i cili ra nga dritarja e Spitalit  Klinik Qendror të Moskës  në shtator të vitit të kaluar.

Dhe miliarderi Alexander Subbotin, 43 vjeç, i lidhur gjithashtu me gjigantin energjetik Lukoil ku ai ishte një menaxher i lartë, u gjet i vdekur në maj.

Ndërsa lufta e përgjakshme e Putinit po kalon në muajin e saj të 21-të, vlerësimet e reja nga Ministria e Mbrojtjes e Mbretërisë së Bashkuar nxjerrin në pah dështimet e mëdha të Rusisë për të thyer vijën e frontit të ngrirë lindor të Ukrainës. Dhe statistikat nuk përfshijnë mijëra armë të tjera me qira që u shkatërruan duke luftuar për grupet mercenare të mbështetur nga Kremlini si Ëagner.

Rusia thuhet se ka pësuar humbjet e saj më të mëdha të vitit në betejën me mulli mishi për Avdiivka, ku forcat e saj nisën një përpjekje të kushtueshme dhe të pasuksesshme për të pushtuar qytetin strategjik.

Mijëra tanke ruse, automjete të blinduara dhe trupa të trajnuar dobët dhe të pajisur keq janë derdhur në fushat e vdekjes që rrethojnë Avdiivkën.

Në më pak se një muaj, Ukraina pretendon se Rusia ka pësuar 7000 viktima dhe ka humbur mbi 100 tanke dhe 250 automjete të blinduara për të përparuar më pak se një milje.

The post Gjenerali rus dhe gruaja e tij vdesin në mënyrë misterioze, një javë pasi kritikoi Putinin appeared first on Albeu.com.

“Është e qartë se këta njerëz po ndihmohen dhe janë duke u transportuar në kufi nga garda kufitare”, ka thënë Orpo në një konferencë për media.

Zyrtarët finlandezë kanë thënë se migrantët po shkojnë në Finlandë me makinë, para se të çiklojnë përgjatë kufirit, në grupe të vogla, për të kërkuar azil.

Ata besohet se janë duke e shfrytëzuar një marrëveshje që mund të çiklohet në zonën kufitare.

Mirëpo Finlanda, e ka ndaluar një praktikë të tillë javën e kaluar.

Finlanda e ndan një kufi 1.340 kilometra me Rusinë, njëherësh kufiri më i gjatë mes dy vendeve në Evropë.

Numri i kalimeve ka qenë i vogël, mirëpo është raportuar për rritje këtë javë.

Garda kufitare ka thënë se i ka regjistruar 89 kalime në territorin finlandez brenda dy ditëve.

Matti Pitkaniitty, kolonel në Gardën kufitare finlandeze, ka thënë për transmetuesin britanik BBC se migrantët, përfshirë qytetarë të Irakut, Jemenit dhe Sirisë, kanë arritur legalisht në Rusi, por nuk kanë qenë të autorizuar të kalojnë në Finlandë, vend anëtar i Bashkimi Evropian.

“Tradicionalisht, garda ruse nuk i ka lejuar njerëzit që të arrijnë në kufirin finlandez pa dokumentet e duhura”, ka thënë ai.

Mirëpo, sipas tij, politika e autoriteteve ruse ka ndryshuar në muajt e fundit.

Më 2021, mijëra migrantë prej Lindjes së Mesme dhe shteteve afrikane e kanë kaluar kufirin me vendet e BE-së, Poloni dhe Lituani, përmes Bjellorusisë, vend aleat i Rusisë.

BE-ja, atëbotë, e ka akuzuar liderin bjellorus, Alexander Lukashenka, se e ka përdorur migrimin si armë për “luftë hibride”, me qëllim të destabilizimit të bllokut evropian.

The post Finlanda akuzon Rusinë se po e ndihmon migrimin ilegal appeared first on Albeu.com.

Aleksandr Avdonin, komisar ushtarak i Jakutias, tha në një takim me dyer të mbyllura me zyrtarët lokalë në shtator se ky rajon ishte i fundit në renditjet e rajoneve që rekrutojnë trupa.

Jakutia e kishte përmbushur vetëm një të tretën e planit të rekrutimit, Avdonin kishte thënë, sipas grupit për të drejtat e njeriut Fondacioni për Jakutian e Lirë, i cili e siguroi një audio incizim të takimit.

Ky ishte vendi me shkallën më të ulët të rekrutimeve në rajonet lindore të Rusisë, tha ai.Ai u bëri thirrje zyrtarët t’i dërgojnë nga 15 banorë prej çdo rrethinë çdo javë deri në përfundim të vitit. Jakutia, njëra prej rajoneve më të varfra në Rusi, i ka 36 rrethina, që do të nënkuptonte dërgimin e 540 burrave çdo javë në luftën në Ukrainë.

Jakutët, një popull që flet gjuhën turkike, është grupi më i madh etnik në Jakutia, i ndjekur nga rusët.

Kremlini është përpjekur ta arsyetojnë luftën agresive kundër Ukrainës në shumë mënyrë të rrejshme, përfshirë për nevojën për t’i mbrojtur rusët në lindje të Ukrainës.

Grupet për të drejtat e njeriut kanë thënë se pakicat po e bartin një barrë më të rëndë të luftës se sa vetë rusët. Rajonet etnike të Rusisë janë në mesin e më të varfrave dhe burrat mund të joshën nga pagat e larta që u ofrohen për të luftuar në Ukrainë.

Jakutia është rreth 5.000 kilometra larg frontit ukrainas./REL

The post Zyrtari rus: Do të çojmë 500 banorë në javë në luftë, do i marrim në Siberi appeared first on Albeu.com.

Komedianët kanë kontaktuar me këshilltarin diplomatik të Melonit, dhe njëri prej tyre është prezantuar si president i Komisionit të Bashkimit Afrikan dhe ka kërkuar të flasë me të në telefon.

Gjatë bisedës, duke menduar se po fliste me zyrtarët në fjalë, kryeministrja ndër të tjera vuri në dukje se “ka shumë lodhje nga të gjitha anët” për konfliktin në Ukrainë dhe “po afron koha kur të gjithë do të kuptojnë se na duhet një rrugëdalje”.

“Kam disa ide se si ta trajtoj këtë situatë”, shtoi Meloni, “por jam duke pritur momentin e duhur për t’i vënë ato në tryezë”.

Këshilltari diplomatik i Melonit shprehu keqardhjen e tij për incidentin, ndërsa anëtarët e partisë së saj, Adelphia d’Italia, komentuan se “kjo është thjesht propagandë e dëshpëruar ruse”.

Pas shakasë qëndrojnë Vovan & Lexus, dy komedianë të njohur rusë, të cilët konsiderohen të afërt me shërbimet sekrete të Kremlinit.

Të dy kanë goditur gjithashtu liderë të tjerë ndërkombëtarë në të kaluarën, duke përfshirë kryeministrin spanjoll Pedro Sanchez, ministrin e jashtëm danez Lars Lokke Rasmussen dhe ish-sekretarin e shtetit të SHBA-së Henry Kissinger.

Emrat e tyre të vërtetë janë Vladimir Kuznetsov dhe Aleksej Stolyarov.

The post “Jemi lodhur nga Ukraina”, Meloni bie në kurthin e dy komedianëve rus appeared first on Albeu.com.

Policia mbërriti në aeroport pas trazirave, ndërsa zyra e Ministrisë së Brendshme në këtë qytet tha se përforcimet, përfshirë njësitë e Gardës Kombëtare, po dërgoheshin për të “garantuar sigurinë” e pasagjerëve që arritën, sipas kanalit Baza në Telegram.

Protestat kundër hebrenjve kanë shpërthyer në disa qytete të Dagestanit, pasi ka nisur lufta mes Izraelit kundër grupit militant palestinez, Hamas, që udhëheq me Rripin e Gazës.

Konflikti në Lindjen e Mesme shpërtheu pasi militantët e Hamasit sulmuan Izraelin më 7 tetor, duke vrarë mbi 1.400 persona dhe duke marrë peng më shumë se 200 të tjerrë. Izraeli është hakmarrë duke nisur një fushatë ushtarake kundër Gazës, që deri më tani ka lënë të vdekur mbi 8.000 persona në këtë enklavë dhe ka shkaktuar shkatërrim të madh në këtë territor.

Ministria e Jashtme izraelite më 29 tetor kërkoi që Rusia të mbronte izraelitët dhe hebrenjtë dhe të arrestonte këdo që i kërcënon ata.

“Izraeli pret që autoritetet ruse të mbrojnë të gjithë qytetarët izraelitë dhe të gjithë hebrenjtë dhe të veprojnë me vendosmëri kundër rebelëve dhe kundër nxitjes së dhunës kundër hebrenjve dhe izraelitëve”, thuhet në një deklaratë.

Më 29 tetor, videot dhe fotot nga vendi i ngjarjes të publikuara nga Realitetet e Kaukazit të Radios Evropa e Lirë shfaqën protestuesit duke hyrë në pistën e aeroportit dhe duke tentuar të hynin në avionin që aterroi nga Tel Avivi.

Autoritetet thanë se aeroporti është mbyllur për fluturimet, ndërsa policia thuhet se ka bllokuar komunikimet në zonën e aeportit për të parandaluar turmën që të koordinohet për veprime të mëtejme.

Një kanal Telegram i lajmeve lokale raportoi se protestuesit po përpiqeshin të kontrollonin identitetin e pasagjerëve që vinin, duke u përpjekur të parandalonin hebrenjtë të largoheshin nga aeroporti, duke përfshirë edhe duke kontrolluar automjetet policore.

Zyrtarët në Dagestan akuzuan “armiqtë e Rusisë” për nxitjen e ndjenjave antisemitiste pasi Qendra e Koordinimit të Myslimanëve të Kaukazit të Veriut u bëri thirrje autoriteteve të ndalojnë refugjatët nga Izraeli të hyjnë në këtë rajon, raportoi Caucasian Knot.

Ministria e Punëve të Brendshme tha se “sa i përket ngjarjes në Makaçkala, do të përcaktohet identiteti i të gjithë atyre që morën pjesë në trazira, pasi aeroporti vëzhgohet nga kamerat”.

Tubimet antisemitike u mbajtën gjatë fundjavës në qytete të tjera të Kaukazit të Veriut dhe protestuesit kundërshtuan fushatën ushtarake të Izraelit.

Më 28 tetor, u mbajt një tubim në Cherkessk, kryeqyteti i Republikës Karachayevo-Cherkessia, duke kërkuar që banorët e Izraelit të mos lejohen të hyjnë në republikë.

Natën e 29 tetorit, banorët e Derbentit në Dagestan protestuan pas raportimeve të rreme për vendosjen e refugjatëve nga Izraeli në hotelet lokale./ REL

The post Tension në aeroportin rus, protestuesit por-palestinezë bllokojnë pistën ku do ulej avioni me izraelitë appeared first on Albeu.com.