Rui Patricio Archives - Albeu.com

ZYRTARE/ Rui Patricio nënshkruan me Romën

E S — Tue, 13 Jul 2021 20:44:01 +0000

Epoka portugeze ka filluar te skuadra e Romës.

Jose Mourinho ka nënshkruar me bashkombasin e tij, portierin e Wolvesit, Riu Patricio.

Skuadra nga kryeqyteti italian do të paguaj 10 milionë funta te skuadra e Premierligës për shërbimet e portierit portugez.

33 vjeçari më parë ka qenë pjesë e Sportingut të Lisbonës derisa ka fituar Kupën e Evropës dhe Ligën e Kombeve me Portugalinë.

? Benvenuto all'#ASRoma, Rui Patricio! ?@NBFootball pic.twitter.com/y46pw0u2ZY

— AS Roma (@OfficialASRoma) July 13, 2021

The post ZYRTARE/ Rui Patricio nënshkruan me Romën appeared first on Albeu.com.

Rui Patricio zbarkon në Romë, blerja e parë e Mourinhos

E S — Tue, 13 Jul 2021 14:21:15 +0000

Rui Patricio ka zbarkuar në Romë me një fluturim nga Lisbona dhe do të jetë blerja e parë e epokës “Mourinho&Tiago Pinto” në merkaton verore të verdhekuqve.

Portieri portugez, ish-futbollist i Wolverhamptonit, transferohet te Roma për afërsisht 11 milionë euro plus bonuset. Ai do të kryejë ekzaminimet mjekësore dhe më pas do të nënshkruajë kontratë trevjeçare me pagë 3 milionë euro në sezon.

Marrëveshja me Wolverhamptonin parashikon që klubi roman do të nisë shlyerjen e shumës duke nisur nga viti 2022, kur të ketë mbledhur paratë nga shitja e Pau Lopez te Marseille.

Rui Patricio nuk do të bashkohet menjëherë me pjesën tjetër të grupit, por do të qëndrojë disa ditë pushim pasi ka qenë i angazhuar me Portugalinë në Euro 2020.

The post Rui Patricio zbarkon në Romë, blerja e parë e Mourinhos appeared first on Albeu.com.

Roma bëhet me portier të ri, Rui Patricio kryen nesër vizitat mjekësore

E S — Sun, 11 Jul 2021 13:20:16 +0000

Roma gjen portierin për sezonin e ri. Jose Mourinho ka përzgjedhur patriotin e tij, Rui Patricio, për mbrojtjen e katërkëndëshit dhe drejtuesit e klubit janë gati t’i plotësojnë dëshirën, pasi kanë mbyllur marrëveshjen e transferimit të portugezit në Romë.

Sipas mediave italiane, gardiani 33-vjeçar pritet të mbërrijë në kryeqytetin italian ditën e hënë dhe pasi të kryejë vizitat mjekësore rutinore, do të hedhë firmën mbi kontratë dhe do të nisë menjëherë përgatitjet nën urdhrat e Mourinhos.

Nga ana tjetër verdhekuqtë do të paguajnë rreth 10 milionë euro në arkat e klubit anglez të Wolverhampton, që ka në pronësi kartonin e portierit portugez. Për t’i bërë vend Rui Patricios, Roma largoi në huazim te Marseille spanjollin Pau Lopez, teksa drejt largimit është edhe suedezi Robin Olsen.

The post Roma bëhet me portier të ri, Rui Patricio kryen nesër vizitat mjekësore appeared first on Albeu.com.