Rudolf Turkaj mund ta vijojë karrierën edhe një herë në Kosovë, por kësaj here në kategorinë e dytë të futbollit vendas. Sipas burimeve të “Newsport.al”, 31-vjeçari ka arritur një akord paraprak me KTrepçën e Mitrovicës.

Gjithsesi, burimet në fjalë bëjnë me dije se marrëveshja mes palëve nuk është mbyllur ende plotësisht. Deri tani ekziston vetëm dakordësia në parim, ndërsa negociatat pritet të vijojnë deri në finalizimin e mundshëm.

Së fundmi, Turkaj ka qenë pjesë e FC Ferizaj. Më herët ai ka veshur edhe fanellën e Laçit në Superiore, ku regjistroi 94 ndeshje dhe realizoi 4 gola. Qendërmbrojtësi ka luajtur gjithashtu edhe me Kombëtaren shqiptare, duke u aktivizuar në vetëm 2 takime.

The post Ish-mbrojtësi i Laçit dhe i Kombëtares shqiptare, Rudolf Turkaj pranë marrëveshjes me klubin e ri appeared first on Albeu.com.