Federata belge e futbollit po shqyrton emrin e Mark Van Bommel si pasardhësin e mundshëm të Rudi Garcias në krye të ekipit kombëtar. Ish-mbrojtësi i njohur holandez, që ka luajtur për klube si Barcelona dhe Bayern Munich, shihet si kandidati kryesor për marrjen e detyrës.

Trajneri francez Garcia e mori drejtimin e skuadrës në fillim të vitit 2025 dhe gjatë qëndrimit të tij në pankinë, Belgjika zhvilloi 20 ndeshje, duke fituar 12 prej tyre, barazuar në gjashtë raste dhe pësuar vetëm dy disfata. Pavarësisht këtij bilanci pozitiv, 62-vjeçari ka vendosur të largohet sapo përfundoi Botërori.

Në atë turne, rruga e belgëve u ndal në çerekfinale, ku ata u mundën nga Spanja, e cila më pas triumfoi në kompeticion duke u shpallur kampione bote. Lajmin për kandidaturën e Van Bommel e ka konfirmuar gazetari i specializuar i transferimeve, Fabrizio Romano.

Tekniku holandez 49-vjeçar ka mbetur pa punë që prej fundit të sezonit të kaluar, konkretisht që nga qershori i vitit 2024, kur u nda me Royal Antwerp. Gjatë më shumë se dy vjetësh në krye të kësaj skuadre, ai arriti t’i dhurojë asaj kampionatin belg dhe dy Kupa të Belgjikës, një periudhë e shënuar nga suksese të rëndësishme.

Që nga largimi nga Antwerp, Van Bommel nuk ka marrë asnjë drejtim të ri, megjithëse spekulimet e kanë lidhur vazhdimisht me shumë ekipe në Belgjikë dhe në liga të tjera evropiane.

The post Mark Van Bommel, favorit për të pasuar Rudi Garcian në stolin e Belgjikës appeared first on Albeu.com.

Zlatan Ibrahimovic reagoi ashpër në Fox Sports pas eliminimit surprizë të Belgjikës nga Kupa e Botës 2026.

Ish-sulmuesi suedez, që tani mban rolin e analistit te transmetuesi amerikan, e drejtoi gishtin nga përzgjedhësi Rudi Garcia, të cilin e konsideroi përgjegjësin kryesor për humbjen në çerekfinale kundër Spanjës.

Sipas tij, gjithçka lidhej me zgjedhjen e bërë në portë. Pas dëmtimit të Thibaut Courtois, tekniku belg vendosi të aktivizonte Senne Lammens, i cili më pas kreu një gabim vendimtar që ndikoi në largimin e Belgjikës.

Vendimi i Garcias mori edhe më shumë kritika pas komenteve të mëvonshme të portierit të Real Madridit, i cili bëri të ditur se ishte i gatshëm të qëndronte në fushë pavarësisht shqetësimit fizik.

“Kjo humbje është faji i trajnerit. Ishte vendimi i tij që i kushtoi Belgjikës ndeshjen. Pse e futi Lammensin kur në stol ishte Penders?”

“Vetëm sepse njëri luan për Manchester Unitedin dhe tjetri për Strasbourgun? Nuk mund ta zgjedhësh kështu portierin e një kombëtareje”, u shpreh Ibrahimovic.

Më tej, ai vijoi me vlerësime më të larta për portierin tjetër belg.

“Penders është shumë më i mirë. Lammens është i mbivlerësuar në këtë nivel. Të gjithë e panë këtë. Është turp. Trajneri kryesor dhe trajneri i portierëve duhet të kenë turp”, përfundoi ai.

Belgjika u eliminua nga Spanja pas humbjes 2-1 në çerekfinale, ndërsa goli vendimtar u shënua nga Mikel Merino në minutat e fundit të takimit.//

The post Ibrahimovic pas daljes së Belgjikës: Trajneri duhet të turpërohet, ai futbollist nuk e meritonte aktivizimin appeared first on Albeu.com.

Rudi Garcia ka shpërthyer kundër FIFA-s, pasi institucioni vendosi t’i japë mundësi Folarin Balogun të aktivizohet në ndeshjen e 1/8 së finales së Kupës së Botës përballë Belgjikës, edhe pse sulmuesi i SHBA-së ishte ndëshkuar me karton të kuq në takimin paraardhës.

Balogun u nxor me të kuq në triumfin 2-0 të Shteteve të Bashkuara të Amerikës ndaj Bosnjës dhe Hercegovinës, pasi arbitri, pas verifikimit me VAR, vendosi ta ndëshkonte direkt për një ndërhyrje ndaj Tarik Muharemovic. Në rrethana normale, rregullorja parashikon që lojtari të mungojë automatikisht në ndeshjen pasuese.

Por FIFA zgjodhi të zbatojë Nenin 27 të Kodit të saj Disiplinor, duke e pezulluar me kusht dënimin për një afat njëvjeçar. Kjo nënkupton se Balogun mund të luajë kundër Belgjikës, ndërsa pezullimi do të zbatohet vetëm në rast se ai përsërit një shkelje të ngjashme gjatë kësaj periudhe.

Ky zhvillim ka sjellë pakënaqësi të madhe te Belgjika. Gjatë konferencës për shtyp në Seattle, Garcia e komentoi vendimin me ironi: “Nuk e dija që ishte 1 prilli dita e gënjeshtrave më 5 korrik në Kupën e Botës”, tha Garcia me ironi.

Ai sqaroi se kundërshtimi i federatës belge nuk ka të bëjë thjesht me interesin sportiv të përfaqësueses së tij, por me vetë bazat mbi të cilat duhet të mbështetet futbolli.

“Ne nuk po mbrojmë ekipin kombëtar apo federatën. Ne po mbrojmë futbollin, integritetin dhe etikën e tij”, deklaroi ai.

Sipas Garcias, bëhet fjalë për një rast të paprecedentë në historinë e Kampionatit Botëror. Në të njëjtën linjë reagoi edhe Federata Belge e Futbollit, e cila në një komunikatë u shpreh e “habititur” nga veprimi i FIFA-s dhe solli në vëmendje Nenin 66.4 të Kodit Disiplinor, ku përcaktohet se një karton i kuq direkt sjell pezullim automatik për ndeshjen e ardhshme.

“Mendoj se kjo është hera e parë në historinë e Kupës së Botës që merret një vendim i tillë”, tha Garcia.

Ndërkohë, Belgjika ka bërë të ditur se po shqyrton të gjitha alternativat e mundshme për të mbrojtur të drejtat e ekipeve kombëtare dhe parimin e lojës së ndershme, teksa çështja Balogun pritet të vazhdojë të ndezë debat para përballjes mes Belgjikës dhe SHBA-së.

The post Rudi Garcia kritikon FIFA-n: Vendimi për Balogun krijon një precedent të rrezikshëm në futboll appeared first on Albeu.com.

“Jam i befasuar nga numri i njerëzve në sallën e shtypit, zakonisht pas ndeshjeve janë vetëm 3-4 gazetarë…

Cristiano është një nga lojtarët më të mirë në historinë e futbollit, ai është një legjendë dhe është një nder i madh për të gjithë ne që ta presim këtu. Jam i sigurt se ky është një moment fantastik për kampionatin dhe për Mbretërinë e Arabisë Saudite.

Kam mësuar në jetën time se lojtarët si ai janë më të lehtë për t’u trajnuar. Mund të mësoj prej tij, të dy duam të fitojmë”,- tha Rudi Garcia në prezantimin e Ronaldos. /albeu.com

The post Trajneri i Al-Nassr, Rudi Garcia: Cristiano është një nga lojtarët më të mirë në historinë e futbollit appeared first on Albeu.com.

“Së pari doja të sillja Messin nga Doha”,- tha trajneri me shaka. Ditët e fundit, pas nënshkrimit të Ronaldos, doli në pah se një klub saudit miliarder ka ambicien për të hedhur yje të mëdhenj në skenën botërore dhe mbiemri që do të lidhet është ai i Sergio Ramos.

Pas njoftimit për nënshkrimin e Cristiano Ronaldos në ditën e fundit të vitit, klubi saudit e ka bindur portugezin me një kontratë astronomike që sipas mediave të ndryshme arrin në 200 milionë euro për dy sezone e gjysmë, deri në vitin 2025.

Por trajneri i tij është shfaqur edhe si një tifoz i pakushtëzuar i Leo Messit deri në atë pikë sa të sigurojë, në një, se ai vetë do të kishte shkuar në Katar për të kërkuar futbollistin argjentinas.

“Unë u përpoqa ta sjell Messin direkt nga Doha”,- u përgjigj ai në një konferencë për shtyp kur u mor në pyetje për mundësinë e nënshkrimit të Cristiano Ronaldos për sauditët. /albeu.com

The post Trajneri i Al Nassr “trondit” gjatë konferencës për shtyp: Cristiano? Doja të sillja Messin të parin appeared first on Albeu.com.

Rudi Garcia (ish-trajner i Lyon), bashkon karakteristikat që ata kërkojnë.

Sipas Tuttomercatoweb, shanset e Shevchenkos për të vazhduar janë të vogla, edhe pse ai ka qenë në ekip vetëm për dy muajt e fundit, por ai ka vetëm një fitore, tre barazime dhe gjashtë humbje. Shkarkimi do të bëhet në ditët në vijim

Për vendin e tij, objektivi tashmë do të përzgjidhet dhe është Rudi Garcia, i cili është i lirë pas periudhës së tij në Lyon dhe që e njeh mirë Serinë A, pasi ka drejtuar Romën (2013-2016). /albeu.com/

The post Shevcenko pranë shkarkimit, ky është super trajneri që pritet të ulet në stolin e Genoa appeared first on Albeu.com.

Garcia deklaroi se i vjen shumë keq dhe ndihet i zhgënjyer, pasi po largohet nga ekipi pa arritur objektivin për kualifikimin e skuadrës në Champions League për sezonin e ardhshëm. Ai theksoi se nuk mund të vazhdojë të punojë me kushte dhe se aventura e tij me klubin francez mbyllet këtu dhe se nuk ka kthim pas.

The post Nuk arriti objektivin “Champions”, Rudi Garcia jep dorëheqjen nga Lyon appeared first on Albeu.com.