I ftuar në emisionin “Frontline” Meta ka folur edhe në lidhje me ish-kreun e PD-së, Lulzim Basha dhe dyshimet për financimet ruse në PD.

Meta u shpreh se ashtu siç ka deklaruar edhe kreu i PD Sali Berisha, ish ambasadori amerikan ka shkuar në zyrën e tij i shqetësuar në lidhje me këtë çështje, por se ai nuk i ka besuar.

Meta dyshon se që në momentin që zoti Basha ka hyrë në politikë, ka qenë i infiltruar.

Pjesë nga biseda në studio:

Ç’mund të na thoni në lidhje me kërkesën e SPAK që zoti Bardhi të dorëzojë dokumentin me aktpadinë mbi çështjen McGonigal?

Meta: Rama ka takuar një zyrtar shumë të lartë të FBI në prani të biznesmenëve, pa prezencë të Shërbimit Informativ Shtetëror, pa përfaqësi nga SHBA që ndodh zakonisht në këto takime. E qartë që e ka bërë për të shkatërruar pluralizmin politik, baza e ekzistencës së shtetit të së drejtës dhe rendit kushtetues në vend.
Mund të ketë fakte për PD apo PL por ka një rrugë zyrtare. Por rruga tinëzare e ndjekur prej tij duke korruptuar një institucion të tillë, është akt shumë i rëndë i shkeljes së Kushtetutës. Meriton gjithçka e çdo dënim. Këto janë fakte. Çdo ditë ka artikuj në mediat botërore, është një ngjarje e rëndë.

Ta bëjë këtë gjë kryeministri i një vendi anëtar të NATO, është një gjë shumë e rëndë, goditje me thikë në zemër të marrëdhënieve shqiptaro-amerikane, përfshirje e institucioneve amerikane në luftën e brendshme politike në vend.

Është në radhë të parë kryeministri i Rublave, rob i parasë, pushtetit dhe perversitetit. Rilindja, sekti që është kthyer në strehën e imoralitetit në çdo aspekt, politik, moral, shoqëror, familjar.

Rama ka reaguar sot në Tëitter, si e shihni heshtjen e zotit Basha?

Meta: Raporti Rama-Basha më i hershëm se ky zhvillim. E qartë që Rama ka pasur disa të dhëna të caktuara që i ka përdorur përmes personit A që ia ka çuar këtij personi për të krijuar një proces kundër këtij njeriu që nuk e mbajti dot shantazhin dhe presionin sepse qëlloi i dobët.
Ndërkohë që siç e ka thënë edhe Berisha, ish-ambasadori i SHBA i ka vajtur në zyrë pas zgjedhjeve 2017 dhe i ka treguar dosjen e Mother Jones. E njëjta ka ndodhur edhe me mua. Më ka ardhur i shqetësuar ish-ambasadori dhe më ka thënë se ishte i shqetësuar për financime ruse në PD. Më tregoi edhe artikullin e Mother Jones Unë as e kam marrë fare seriozisht këtë çështje, pasi Mother Jones pas asaj bëri një tjetër shkrim për mua që tregon se ishte i paguar.

Procesi si ka ecur më pas tregon se ky ose ka pasur probleme ose është ndjerë në një presion të fortë dhe është dorëzuar. Edhe 17 maji ishte dorëzim tek Edi Rama.

Pakt mes Bashës e Ramës për bashkëqeverisje?

Meta: Mendoj se Basha ka ardhur në politikën shqiptare si i inflirtruar. A ishte që në fillim apo më pas i lidhur me Ramën kjo është gjë tjetër.

Bashën e kam njohur shumë mirë që në 2005, kemi pasur marrëdhënie shumë të mira deri në 2009, në bashkëqeverisjen me Berishën, shihja që kishte disa probleme të mëdha qendrueshmërie e personaliteti dhe më pas e kisha të qartë se nuk ishte ai që paraqitej./Albeu.com/

The post “Rama, kryeministër i rublave, Meta: Basha ka hyrë në politikë si i infiltruar! appeared first on Albeu.com.

Apple (AAPL), ExxonMobil (XOM), Ford (F), Boeing (BA) dhe Airbus (EADSF) iu bashkuan listës së kompanive që mbyllën ose pezulluan aktivitetin e tyre në Rusi në përgjigje të pushtimit të Ukrainës, përcjell Gazeta Express.

Rubla u dobësua sërish. “Ekonomia e Rusisë po përjeton goditje serioze”, tha zëdhënësi i Kremlinit Dmitry Peskov në një telefonatë me gazetarët e huaj.
“Por ka një kufi sigurie, ka potencial, ka disa plane, po punohet”, tha Peskov duke iu përgjigjej një pyetjeje në lidhje deklaratën e presidentit amerikan Joe Biden në fjalimin e tij se ekonomia ruse po goditet rëndë.

Sberbank (SBRCY), huadhënësi më i madh i Rusisë, tha të mërkurën se do të largohej nga Europa, me përjashtim të Zvicrës, pasi rregullatorët bankarë në Austri detyruan mbylljen e degës së saj të BE-së me bazë në Vjenë. Banka Qendrore Evropiane ka paralajmëruar në fillim të kësaj jave se Sberbank Europe ka të ngjarë të dështojë pasi depozituesit nxituan t’i tërhiqnin paratë e tyre pas vendosjes së sanksioneve perëndimore ndaj huadhënësit dhe pjesës më të madhe të sistemit financiar të Rusisë.

Sberbank tha se filialet e saj janë përballur me “një rrjedhje të jashtëzakonshme fondesh dhe një sërë shqetësimesh sigurie në lidhje me punonjësit dhe zyrat e saj”, thanë në një deklaratë.

Sanksionet bankare janë pjesë e një pakete më të gjerë masash që Perëndimi i ka marrë, në shkallë të paprecedentë kundër një ekonomie me rëndësi të Rusisë.

Franca vlerëson se 1 trilion dollarë asete ruse janë ngrirë, duke përfshirë rreth gjysmën e rezervave të luftës të qeverisë ruse.

Moska është përgjigjur me një sërë masash emergjente që synojnë parandalimin e krizës financiare, ndalimin e rrjedhës së parave jashtë vendit dhe ruajtjen e rezervave të saj valutore.

Tregu rus i aksioneve u mbyll të hënën dhe nuk është rihapur që atëherë. Banka qendrore tha se do të qëndrojë e mbyllur të mërkurën. Qeveria ka urdhëruar eksportuesit të shkëmbejnë 80% të të ardhurave të tyre në valutë të huaj për rubla dhe i ka ndaluar rezidentët rusë të bëjnë transfere bankare jashtë vendit.

The post Rubla ka “shkrirë”, Rusia e pranon: Sanksionet po na rrënojnë appeared first on Albeu.com.

“Sanksionet perëndimore ndaj Rusisë janë të vështira, por vendi ynë ka potencialin e nevojshëm për të kompensuar dëmin”, tha Peskov, raporton BBC.

Ai shtoi se sot Putin do të punojë për çështjet ekonomike dhe do të takohet me ministrat kryesorë, duke përfshirë ministrin e financave dhe guvernatorin e bankës qendrore.

Ky vendim vjen pasi Mbretëria e Bashkuar, së bashku me SHBA-në dhe BE-në, ndërprenë bankat ruse nga tregjet financiare në Perëndim, duke ndaluar marrëdhëniet me bankën qendrore, fondet shtetërore të investimeve dhe ministrinë e financave.

Si rezultat, banka qendrore e Rusisë ka më shumë se dyfishuar normën bazë të interesit në 20% nga 9.5%.

Ajo shënon një përpjekje për të ndalur rënien e shpejtë të vlerës së monedhës ruse rubla kundrejt dollarit amerikan, e cila kërcënon të zhdukë fuqinë e saj blerëse dhe të shkatërrojë kursimet e rusëve të zakonshëm.

The post Zhvlerësimi i rublës, Kremlini: Rusia do të “shfuqizojë” sanksionet e Perëndimit appeared first on Albeu.com.