Një start pozitiv për Mirlind Dakun në prag të sezonit të ri. Sulmuesi 28-vjeçar i Kombëtares la menjëherë shenjë në testin miqësor që Rubin Kazan zhvilloi ndaj Orenburg.

Ndeshja e luajtur në kuadër të përgatitjeve për sezonin e ri u mbyll me suksesin 1-2 të Orenburg, edhe pse ekipi i Dakut ishte ai që kaloi i pari në avantazh.

Futbollisti shqiptar realizoi në minutën e 24-t të pjesës së parë, pasi finalizoi një aksion të bukur të ndërtuar me asistin e Shaban Haxhaj. Më pas, miqtë kthyen gjithçka në favorin e tyre me golat e Bolotov dhe Golybin.

Kjo paraqitje përbën një sinjal shumë të mirë për Dakun, i cili gjatë këtij sezoni të ri do të synojë të fitojë edhe besimin e trajnerit Rolando Maran për ndeshjet e ardhshme të Shqipërisë në muajin shtator.

GOLI I MIRLIND DAKUT

The post VIDEO/ Mirlind Daku e hap me gol sezonin e ri, sulmuesi i Kombëtares jep sinjale të forta për Rolando Maran appeared first on Albeu.com.

Deri para pak javësh u raportua se klubi moskovit kishte hezitime për të hyrë në garë për afrimin e sulmuesit kuqezi, por zhvillimet më të fundit tregojnë një situatë tjetër.

Sipas raportimeve të gazetarit rus Aleksander Dai Udarit, Lokomotiva e Moskës e ka vendosur “pykën” e Shqipërisë si objektivin kryesor të kësaj vere.

Po ashtu, bëhet e ditur se skuadra nga kryeqyteti rus është e gatshme të hapë “thesin” për 28-vjeçarin. Ndërkohë, sipas “Transfermarkt”, kartoni i gjilanasit vlerësohet deri në 9 milionë euro.

Kontrata e Mirlind Dakut me Rubin Kazan është e vlefshme deri në verën e vitit 2029.

The post Lokomotiva e Moskës shton interesin për Mirlind Dakun, kryeqytetasit gati të investojnë për sulmuesin shqiptar appeared first on Albeu.com.