Festivali vjen me një format modern, por duke ruajtur ADN-në që e bëri një nga ngjarjet më të rëndësishme artistike në vend. Në garë do të ngjiten 20 artistë me këngë origjinale, të cilët do të interpretojnë 100% live, të shoqëruar nga Orkestra Simfonike e RTSH-së dhe bendi muzikor, duke rikthyer standardin e interpretimit të drejtpërdrejtë në muzikën shqiptare.
Interesi i publikut ka qenë i jashtëzakonshëm që në ditët e para. Këngët konkurruese të publikuara në kanalin zyrtar të RTSH-së në YouTube kanë grumbulluar mijëra klikime dhe reagime pozitive, duke e kthyer Festivalin e Pranverës në një nga ngjarjet më të komentuara kulturore të momentit.

Në skenë do të ngjiten gjithashtu yje të muzikës shqiptare, si: Altin Goci, Irma Libohova, Bashkim Alibali, Jonida Maliqi, Rovena Dilo, Aleksandër Gjoka, Eneda Tarifa, Frederik Ndoci, Ledina Çelo, Renis Gjoka, Kamela Islamaj, Dashnor Diko, që kanë shkruar historinë e festivaleve ndër vite, duke krijuar një urë mes brezave dhe një spektakël të papërsëritshëm nostalgjie dhe risie.

Drejtuesit e festivalit kanë konfirmuar se publiku do të shohë një skenografi moderne, teknologji bashkëkohore, performanca live dhe surpriza të shumta artistike, ndërsa organizimi është në fazën finale të përgatitjeve. Një tjetër element që ka tërhequr vëmendjen është prezantimi i festivalit nga dy figura të njohura të artit shqiptar: këngëtarja Bleona Qereti dhe aktori Nik Xhelilaj, të cilët do të udhëheqin dy netët festive në TKOB. Përzgjedhja e fituesit do të bëhet përmes një formule të re votimi, ku 60% e vlerësimit do të vijë nga Juria Profesionale dhe 40% nga Juria “Pranvera Digjitale”, duke kombinuar ekspertizën artistike me perceptimin e brezit të ri dhe botës digjitale.

Vlerësimi i artistëve në këtë festival do të bëhet përmes dy paneleve paralele:
Juria Profesionale, e përbërë nga emra mjaft të njohur në fushën e artit:
Ledina Çelo
Kejsi Tola
Kamela Islamaj
Markelian Kapidani
Eriona Rushiti

Krahas saj, do të funksionojë edhe Juria e “Pranverës Digjitale”, e cila përfshin figura nga bota e artit, marketingut, biznesit dhe moderimit:
Sarah Berisha – Influencer/Sipërmarrëse
Amos Zaharia – Aktor
Krista Merkoçi – Menaxhere Marketing & Shitje
Arjon Muça – Moderator
Rizarta Hoxha – Moderatore/Influencer
Me rikthimin e Festivalit të Pranverës, RTSH synon jo vetëm të rikthejë një traditë të munguar prej 22 vitesh, por edhe të krijojë një platformë të qëndrueshme për artistët shqiptarë dhe një ngjarje të përvitshme që do të pasurojë jetën kulturore të vendit.
Festivali i Pranverës 2026 do të transmetohet drejtpërdrejt në RTSH 1 HD, RTSH Muzikë dhe Radio Tirana 1, më 6 dhe 7 qershor, duke e kthyer fundjavën në një festë të madhe të muzikës shqiptare./rtsh.al/

The post Rikthehet pas 22 vitesh Festivali i Pranverës, RTSH gati për spektaklin më të madh muzikor të verës appeared first on Albeu.com.

Kantautori mori si shembull festivalet e huaja si ai i Sanremos, ku mosha nuk përbën pengesë për performancën e emrave të mëdhenj. Sipas tij, Shqipëria duhet të ndjekë këto standarde ndërkombëtare duke vlerësuar talentin dhe përvojën mbi kriteret moshore.

Aleksandër Gjoka ironizoi hapur kufizimet e moshës në Festivalin e Pranverës nëpërmjet një komenti në Facebook. “A se harrova, mos harroni dhe kopshtet”, shkruan ai me ironi.

Televizioni publik shqiptar e ka justifikuar këtë rikthim të festivalit, pas dy dekadash si një mision për të promovuar ekskluzivisht talentet e reja dhe brezat e ardhshëm.

The post “Mos harroni edhe kopshtet”/ Aleksandër Gjoka kundër kufirit të moshës në festivalin e RTSH appeared first on Albeu.com.

Në përfundim të procesit gjyqësor, RTSH u shpall përgjegjës për shkeljet e konstatuara ndaj moderatorit dhe u detyrua të shlyejë plotësisht detyrimin financiar të përcaktuar nga gjykata.

Ky vendim vjen pas një periudhe të gjatë përplasjesh dhe procedurash ligjore, duke e kthyer çështjen në një precedent të rëndësishëm për marrëdhëniet kontraktuale në sektorin mediatik shqiptar. Florian Agalliu, e cilësoi vendimin si një konfirmim të rëndësisë së mbrojtjes së të drejtave të profesionistëve të medias.

Radiotelevizioni Shqiptar po përballet me akuza të forta për keqmenaxhim fondesh, teksa gazetarë dhe moderatorë denoncojnë vonesa mujore në pagesa. Pas reagimeve publike nga Kozeta Kurti dhe Florian Agalliu, dokumentet tregojnë shpenzime luksi për garderobë, me kostume deri në 1 mijë euro dhe këmisha 250 euro, pa kontrata të rregullta justifikuese. Kontrasti mes këtyre shpenzimeve dhe mungesës së pagesave ka shkaktuar indinjatë, ndërsa drejtoresha Eni Vasili deklaron se menaxhmenti i ri ka trashëguar një situatë të rëndë borxhesh nga e kaluara.

The post Pas shkarkimit të padrejtë nga puna, Florian Agalliu fiton gjyqin ndaj RTSH-së appeared first on Albeu.com.

Në reagimin e tij, Rama shprehet se po krijohet një model shqetësues i “përtacisë intelektuale” në këtë epokë të re, ku njerëzit nuk dëgjojnë me kujdes atë që thuhet realisht, por nxitojnë të nxjerrin përfundime të gabuara. Sipas tij, deklarata që i është atribuar pasqyron një keqkuptim të thellë të pozicionit të tij mbi transmetuesin publik.

Kryeministri u bën thirrje autorëve të këtij interpretimi që të rilexojnë ose të dëgjojnë me vëmendje fjalimin e tij dhe të përpiqen sinqerisht të kuptojnë thelbin e mesazhit.

“Deklaratat e mia nuk kanë absolutisht asnjë lidhje me ‘kushtëzimin e financimit apo të ekzistencës së RTSH-së me miratimin politik’. Çdo interpretim i tillë është thjesht i pasaktë dhe mashtrues”, thekson Rama.

Në përfundim të reagimit, kryeministri nënvizon se mbrojtja e informacionit nis pikërisht nga mosshpërndarja e dezinformimit, duke e përsëritur këtë mesazh si një thirrje të qartë për përgjegjësi publike.

Reagimi i Ramës në X:

Po bëhet një model për të ardhur keq i kësaj epoke të re, e karakterizuar nga një përhapje e shfrenuar e përtacisë intelektuale, ku njerëzit nuk dëgjojnë më se çfarë thonë realisht të tjerët, por përballen me deklarata si ajo e bashkëngjitur, të cilat pasqyrojnë një kuptim thellësisht të shtrembëruar të qëndrimit tim lidhur me transmetuesin publik shqiptar.

I ftoj autorët e kësaj deklarate mashtruese që ta lexojnë ose ta dëgjojnë me kujdes fjalimin tim dhe të bëjnë një përpjekje të sinqertë për të kuptuar thelbin. Vërejtjet e mia nuk kanë absolutisht asnjë lidhje me “lidhjen e financimit apo të ekzistencës së RTSH-së me miratimin politik”. Çdo interpretim i tillë është thjesht i pasaktë dhe mashtrues.

Mbrojtja e informacionit fillon duke mos përhapur dezinformim.

Mbrojtja e informacionit fillon duke mos përhapur dezinformim.

The post Qendrimi i SafeJournalists, reagon Rama: Keqinterpretim i qëndrimit tim për RTSH-në, mos përhapni dezinformim! appeared first on Albeu.com.

Deklarata e Asociacioni i Gazetarëve të Shqipërisë

Asociacioni i Gazetarëve të Shqipërisë shpreh shqetësim të thellë lidhur me deklaratat e Kryeministrit Edi Rama mbi Radio Televizioni Shqiptar (RTSH), të bëra më 16 janar, ku televizioni publik u cilësua si “dështim” dhe u hodhën në tavolinë opsione ekstreme si mbyllja, privatizimi apo partneriteti.

AGSH vlerëson se retorika politike që stigmatizon median publike dhe sugjeron zgjidhje drastike, pa një analizë të thelluar dhe pa garanci për pavarësinë editoriale, cenon parimet themelore të shërbimit publik mediatik dhe standardet evropiane për lirinë e medias.

Televizioni publik nuk është thjesht një ndërmarrje financiare, por një institucion i interesit publik që duhet të garantojë informim të paanshëm, kulturë, edukim dhe akses të barabartë për qytetarët.

Është e papranueshme që përgjegjësia për dështimet strukturore të RTSH-së t’i faturohet vetëm institucionit, duke anashkaluar faktin se për vite me radhë ndërhyrjet politike, emërimet e kontestuara, mungesa e transparencës dhe paqëndrueshmëria financiare edhe përmes abuzimit të të emëruarve politikë kanë ndikuar drejtpërdrejt në funksionimin e tij.

Refuzimi i financimit publik si mjet presioni politik përbën një rrezik serioz për pavarësinë e medias publike.

AGSH thekson se çdo reformë e RTSH-së duhet të ndërtohet mbi dialog të gjerë me gazetarët, shoqërinë civile dhe ekspertët e medias, duke respektuar praktikat më të mira evropiane dhe rekomandimet e organizatave ndërkombëtare.

Opsionet si mbyllja apo privatizimi i një transmetuesi publik janë masa ekstreme që do të dëmtonin rëndë pluralizmin mediatik dhe të drejtën e publikut për informim.

Asociacioni I Gazetarëve të Shqipërisë për vite me radhë ka bërë thirrje për reforma të thella në RTSH, që lidhen kryesisht me zgjedhjen e anëtarëve të Këshillit Drejtues e më pas me Drejtorin e Përgjithshëm, si dhe një reformë e brendshme strukturore.

The post Rama propozon mbylljen e RTSH-së, AGSH kundër: Është e papranueshme që dështimi t’i faturohet vetëm institucionit… appeared first on Albeu.com.

Gjatë fjalës së tij në mbledhjen e Grupit Parlamentar të Partisë Socialiste, Rama kërkoi mbylljen totale të Televizionit Shqiptar për një afat të papërcaktuar, deri sa të arrihet sipas tij një reformim total.

Sipas Ramës të gjitha opsionet janë në tavolinë për RTSH-në, nga mbyllja te partneriteti publik dhe privatizimi.

” E vërteta historike është se kemi tentuar të krijojmë kushtet që televizioni publik të reformohet, por kemi dështuar. Deri tani bilanci i tij është një “dështim i suksesshëm”, dmth nga borxhi në borxh, në mosperfillje. Nuk e kemi një televizion publik në Shqipëri; hera e fundit kur e kam parë ka qenë në vitin 1990, para përmbysjes së sistemit. Kam shkuar i ftuar, por nuk kam parë as veten, janë të vetmet intervista dhe nuk kam marrë asnjë mesazh. U kam thënë: mbylleni. S’kemi për të dhënë asnjë lek nga taksat e shqiptarëve, deri kur t’i meritojë. Çdo opsion duhet të jetë në tryezë, edhe mbyllja përfundimtare, edhe privatizimi, edhe partneriteti, edhe çdo gjë përveç kësaj që është”,- ka deklaruar Rama.

The post “Dështim i madh” – Rama godet RTSH-në: Duhet të mbyllet! appeared first on Albeu.com.

Prezantuesit e këtij edicioni, Salsano Rrapi dhe Arilena Ara, njoftuan se televotimi është hapur zyrtarisht për 23 këngëtarët finalistë që do të garojnë në natën finale të së shtunës.

23 këngëtarët finalistë, kanë të bashkëshoqëruar edhe kodin përkatës përmes së cilit shqiptarët mund të votojnë nga Shqipëria dhe Kosova.

Publiku shqiptar do të ketë mundësi që të votojë me SMS nga Shqipëria dhe Kosova, deri në pesë herë nga i njëjti numër telefoni.

Nga Shqipëria mund të votoni në numrin 56789 ku një mesazh kushton 60 lekë, ndërsa nga Kosova votoni në numrin 55789 ku një mesazh kushton 1 euro.

Fituesi i Festivalit të Këngës do të shpallet përmes një bashkimi votash, 50 për qind vlerësimi i jurisë dhe 50 për qind vota e publikut përmes SMS-ve, duke fituar kështu të drejtën për të përfaqësuar Shqipërinë në Eurovision.

Tre netët e Festivalit të Këngës në RTSH, përcollën te spektatorët dhe teleshikuesit, emocione të mëdha, mes këngëve, performancave artistike dhe natës së nostalgjisë, me hitet e famshme muzikore të interpretuara ndër vite në skenën e këtij kompeticioni të rëndësishëm artistik.

The post Festivali i Këngës në RTSH, njihuni me 23 këngëtarët që garojnë në natën finale (LISTA) appeared first on Albeu.com.

Për mbi dy orë e gjysmë, publiku u argëtua me një spektakël të kuruar në detaje, ku muzika, performanca dhe skenografia u bashkuan në një mbrëmje të veçantë.

Nata e parë u moderua nga Arilena Ara dhe Salsano Rrapi, ndërsa në skenë u ngjitën 14 këngëtarët e parë me këngë që varionin nga baladat emocionale deri te ato ritmike.

Spektakli u karakterizua nga eleganca, kostumografia dhe mizanskenat e menduara në çdo detaj.

Performancat u vlerësuan nga juria e Fest 64, e përbërë nga Bleona Qereti, Ramë Lahaj, Olen Çezari, Belinda Budini, Valentin Veizi, Anila Basha dhe Zef Çoba.
Fituesi do të përcaktohet nga një kombinim i votave të jurisë dhe publikut në raport 50 për qind me 50 për qind.

Fest 64 do të zhvillohet përgjatë katër netëve, në përfundim të të cilave do të përzgjidhet këngëtari që do ta përfaqësojë Shqipërinë në Eurovision 2026.

The post Mbyllet nata e parë – spektakël dhe emocione të forta në Fest 64 appeared first on Albeu.com.

Stafi organizator ka zbuluar tashmë disa detaje nga edicioni i këtij viti, duke konfirmuar edhe një të ftuar special.

Është bërë e ditur se në skenën e Festivalit të Këngës do të ngjitet Tommy Cash, përfaqësuesi i Estonisë në edicionin e sivjetmë të Eurovisionit.
Krijuesi i hitit “Espresso Macchiato” do të performojë në natën finale të festivalit, ku pritet të sjellë një spektakël të veçantë.

Tommy Cash ka qenë një nga sensacionet e këtij edicioni të Eurovisionit, me këngën e tij që u kthye në hit ndërkombëtar.

“Tashmë është zyrtare. Tommy Cash është i ftuari special në natën finale të Fest 64 në RTSH në 20 Dhjetor 2025. Këngëtari i hitit ‘Espresso Macchiato’ pritet të ndezë skenën mbrëmjene finales së Festivalit të Këngës”, ka shkruar stafi i FiK.

The post Krijuesi i hitit “Espresso Macchiato”, Tommy Cash do të performojë në Festivalin e Këngës në RTSH appeared first on Albeu.com.

Sonte në mbrëmje Radio Televizioni Shqiptar do të publikojë zyrtarisht këngët e 28 artistëve pjesëmarrës në edicionin e 64-të të Festivalit të Këngës. Emrat e rikthyer, surprizat, debutimet dhe prurjet e reja do të zbulohen njëherësh, duke ndezur atmosferën dhe emocionin drejt 4 netëve të Festivalit të fundvitit i cili do të mbahet nga data 17 deri në datën 20 dhjetor.

Nata e parë dhe nata e dytë do të jenë dy netët konkurruese, në natën e tretë do vijojë të ruhet tradita e nostalgjisë, ndërsa nata e katërt është dhe nata finale ku njëri prej artistëve konkurues do të shpallet fitues si edhe do të ketë mundesinë që të përfaqësojë këtë vit Shqipërinë në Eurovizion 2026 i cili do të mbahet në Vjenë të Austrisë.

Publikimi i këngëve shënon kështu nisjen zyrtare të garës muzikore më të rëndësishme të vitit, e cila këtë dhjetor pritet të sjellë emocione, energji dhe performanca të jashtëzakonshme nga artistët pjesëmarrës. Të gjithë sytë janë nga RTSH, ku në orët e mbrëmjes publiku do të njihet me krijimet që do të garojnë për trofeun e madh.

The post Kush do prekë Eurovizionin? Sonte publikohen 28 këngët e Festivalit të 64-t të Këngës në RTSH appeared first on Albeu.com.